လံာ်လီၣ်ဖျါ 11:9 - Sgaw Karen Common Bible

⁹ လၢသၢသီဒီးနံၤတဝာ်အတီၢ်ပူၤ, ပှၤကလုာ်လၢကိးထံကိးကီၢ်, ကိးဒူၣ်ကိးထၢ, အိၣ်ဒီးတၢ်ကတိၤအကျိာ်အါကျိာ်, ဒီးပှၤကလုာ်ကိးကလုာ်ဒဲးကကွၢ်အဝဲသ့ၣ်အစိၣ်, ဒီးတပျဲတၢ်ကခူၣ်လီၤအီၤဘၣ်လီၤ.

လံာ်လီၣ်ဖျါ 11:9 Iomraidhean Croise

လံာ်စီၤပၤအခီၣ်ထံးတဘ့ၣ် 13:22

အခိၣ်တလိာ်, နက့ၤကဒါက့ၤဒီးအီၣ်တၢ်အီၣ်တဘျီလၢတၢ်လီၢ်လၢ အဝဲမၤလိာ်တ့ၢ်နၤလၢနသုတအီၣ်တၢ်တဂ့ၤန့ၣ်လီၤ. လၢတၢ်အံၤအဃိ, နကဘၣ်တၢ်မၤသံနၤ, ဒီးနစိၣ်တဘၣ်တၢ်ခူၣ်လီၤ ကွံာ်အီၤလၢနဒူၣ်ဖိထၢဖိအတၢ်သွၣ်ခိၣ်အပူၤဘၣ်န့ၣ်လီၤ.”

လံာ်ပှၤစံၣ်တဲၤတဲလီၤတၢ် 6:3

ပှၤတဂၤကအိၣ်ဒီးအဖိတကယၤဂၤဒီးအိၣ်မူအါနံၣ်အါလါ, ဘၣ်ဆၣ်အဝဲအိၣ်မူယံာ်ထဲလဲၣ်နာ်က့, မ့ၢ်တန့ၢ်ဘၣ်တၢ်သူၣ်ဖှံသးညီလၢအဂီၢ်ဒၣ်ဝဲဒီးမ့ၢ်တန့ၢ်ဘၣ် တၢ်ခူၣ်လီၤဘျၢအီၤဂ့ၤဂ့ၤဘၣ်ဘၣ်ဒီး, ယစံးယဲလၢဖိသၣ်တဂၤ အိၣ်ဖျဲၣ်ထီၣ်လၢအသံန့ၣ်ဂ့ၤဒိၣ်တက့ၢ်လီၤ.

လံာ်ယၡါယၤ 33:1

ပဒုၣ်ပဒါတဖၣ်ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဂုာ်ဆူၣ်ပျီဆူၣ်တ့ၢ်တၢ်ဒီးဆါလီၤကွံာ်တၢ်ဖဲပှၤ တဂုာ်ဆူၣ်ပျီဆူၣ်တ့ၢ်အဝဲသ့ၣ်မ့ၢ်ဂ့ၤပှၤတဆါ လီၤကွံာ်အဝဲသ့ၣ်မ့ၢ်ဂ့ၤနီတဂၤဘၣ်အဆၢကတီၢ်န့ၣ်လီၤ. ဘၣ်ဆၣ်ဒီးအဝဲသ့ၣ်အတၢ်ဂုာ်ဆူၣ် ပျီဆူၣ်တၢ်ဒီးတၢ်ဆါလီၤကွံာ်တၢ်အ ဆၢကတီၢ်န့ၣ်ကတၢၢ်ဝဲဒီးအဝဲသ့ၣ်အကစၢ်ဒၣ် ဝဲကကဲထီၣ်ပှၤလၢတၢ်မၤနၢၤအီၤလၢ အဘၣ်တၢ်ဂုာ်ဆူၣ်ပျီဆူၣ်ဒီးလီန့ၢ်အီၤတဖၣ်န့ၣ်လီၤ.

လံာ်ယံးရမံယၤ 7:33

တၢ်စိၣ်တဖၣ်ကကဲထီၣ်တၢ်အီၣ်လၢထိၣ်တဖၣ်ဒီးဆၣ်ဖိကီၢ်ဖိအမံၤ တဖၣ်အဂီၢ်, ဒီးပှၤလၢကဃါပျံၤဃါဖုးကွံာ်အီၤတအိၣ်နီတဂၤဘၣ်.

လံာ်မးသဲ 7:2

အဂ့ၢ်ဒ်အံၤ, ကစၢ်ယွၤကစံၣ်ညီၣ်သုလၢတၢ်စံၣ်ညီၣ်တမံၤဃီလၢသုစံၣ်ညီၣ် ပှၤဂၤဒီး အဝဲကဃီၣ်ဟ့ၣ်သုတၢ်လၢနီၣ်ဃီၣ်တခါဃီလၢသုဃီၣ်ဟ့ၣ်တၢ်န့ၣ် လီၤ.

လံာ်လီၣ်ဖျါ 10:11

အန့ၣ်ဝံၤအလီၢ်ခံ ယဘၣ်တၢ်စံးဘၣ်ယၤ, “မၤကဒီးတစုနကဘၣ်ကတိၤကဒီးတၢ်လၢဝံ အကျိာ်ဘၣ်ဃးကီၢ်အါဘ့ၣ်, ပှၤကလုာ်အါကလုာ်, ကျိာ်အါကျိာ်ဒီးစီၤလိၣ်စီၤပၤအါဂၤအဂ့ၢ်လီၤ.”

လံာ်လီၣ်ဖျါ 11:11

ဖဲသၢသီဒီးနံၤတဝာ်ပူၤကွံာ်န့ၣ်, တၢ်သါလၢအဟ့ၣ်တၢ်မူ, ဟဲလၢကစၢ်ယွၤအအိၣ်ဒီးနုာ်လီၤဆူအဝဲသ့ၣ်အပူၤ, ဒီးအဝဲသ့ၣ် ဂဲၤဆၢထၢၣ်, ဒီးပှၤကိးဂၤဒဲးလၢအထံၣ်ဘၣ်အဝဲသ့ၣ်တဖၣ်န့ၣ် အသူၣ်ပျံၤသးဖုးဝဲန့ၣ်လီၤ.

လံာ်လီၣ်ဖျါ 13:7

တၢ်ဟ့ၣ်အီၤအခွဲးလၢအကဒုးတၢ်ထီဒါကစၢ်ယွၤ အပှၤဂီၢ်မုၢ်, ဒီးမၤနၢၤကွံာ်အဝဲသ့ၣ်, ဒီးတၢ်ဟ့ၣ်အီၤတၢ်စိတၢ်ကမီၤလၢကယဲၢ်ဒူၣ် ထၢ, ထံကီၢ်, ပှၤကတိၤကျိာ်တကျိာ်လၢ်လၢ်ဒီးပှၤကလုာ် တကလုာ်လၢ်လၢ်, အဖီခိၣ်န့ၣ်လီၤ.

လံာ်လီၣ်ဖျါ 17:15

ကလူးန့ၣ်စံးဘၣ်စ့ၢ်ကီးယၤ, “ထံကျိအါဘိလၢနထံၣ်ဘၣ်အီၤ, လၢဃဲသဲမုၣ်ဆ့ၣ်နီၤဝဲလၢအဖီခိၣ်တဖၣ်န့ၣ်မ့ၢ်ဝဲထံကီၢ်တဖၣ်, ပှၤဟီၣ်ခိၣ်ဖိတဖၣ်, ပှၤကလုာ်တဖၣ်, ဒီးကျိာ်လၢအဘၣ်တၢ်ကတိၤအီၤတဖၣ်လီၤ.

လံာ်လီၣ်ဖျါ 5:8

ဖဲအမၤဝဲဒ်န့ၣ်န့ၣ်, တၢ်အသးသမူအိၣ်လွံၢ်ဒုဒီးပှၤသူၣ်က့သး ပှၢ်ခံဆံလွံၢ်ဂၤထိၣ်လီၤပှီၤအသးလၢသိဖိအမဲာ်ညါလီၤ. အဝဲသ့ၣ်တဒုဘၣ်တဒု, တဂၤဘၣ်တဂၤအိၣ်ဒီးတနၢ်တဆိဒီးသလၢထူတဖၣ်လၢ အပှဲၤဒီးတၢ်နၢမူနၢဆှီ, လၢအမ့ၢ်ကစၢ်ယွၤအပှၤဂီၢ်မုၢ်အတၢ်ထုကဖၣ်တဖၣ်န့ၣ်လီၤ.

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.