လံာ်လီၣ်ဖျါ 11:18 - Sgaw Karen Common Bible

¹⁸ ပှၤကလုာ်ဂၤတဖၣ်သူၣ်ဒိၣ်သးဖျိးဝဲ, အဂ့ၢ်မ့ၢ်လၢနတၢ်သးထီၣ် အဆၢကတီၢ်ဟဲတုၤဝဲလံ, ဆၢကတီၢ်လၢပှၤသံ ကဘၣ်တၢ်စံၣ်ညီၣ်အီၤန့ၣ်လီၤ. ဆၢကတီၢ်တုၤအိၣ်ဝဲလၢတၢ်ကဟ့ၣ်ခိၣ်ဖး ဆူနခ့နပှၤတဖၣ်, ဝံတဖၣ်, ဒီးနပှၤဂီၢ်မုၢ်ခဲလၢာ်, ပှၤကိးဂၤဒဲးလၢအအိၣ်ဒီး တၢ်ယူးယီၣ်ပာ်ကဲနၤတဖၣ်, ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤန့ၣ်လီၤ. ဆၢကတီၢ်တုၤအိၣ်ဝဲလၢတၢ်ကမၤဟးဂီၤကွံာ် ပှၤတဖၣ်လၢအမၤဟးဂီၤဟီၣ်ခိၣ်န့ၣ်လီၤ.”

လံာ်လီၣ်ဖျါ 11:18 Iomraidhean Croise

စံးထီၣ်ပတြၢၤ 103:11

အဂ့ၢ်ဒ်အံၤ, ဒ်မူခိၣ်ကစီၤထီၣ်ဝဲလၢ ဟီၣ်ခိၣ်အဖီခိၣ်အသိးန့ၣ် အတၢ်အဲၣ်ဂၢၢ်ကျၢၤဒိၣ်ဝဲအါဝဲလၢ ပှၤလၢအပျံၤအီၤအဂီၢ်ဒ်န့ၣ်အသိးလီၤ.

စံးထီၣ်ပတြၢၤ 110:5

ယွၤအိၣ်လၢနစုထွဲတခီလီၤ. လၢအသးထီၣ်အမုၢ်နံၤန့ၣ်အဝဲကမၤဟးဂီၤကွံာ် စီၤပၤတဖၣ်န့ၣ်လီၤ.

စံးထီၣ်ပတြၢၤ 147:11

မ့မ့ၢ်ယွၤမုာ်လၤဝဲလၢပှၤလၢအပျံၤအီၤ, ပှၤလၢအမုၢ်လၢ်တၢ်လၢ အတၢ်အဲၣ်ဂၢၢ်ကျၢၤအပူၤန့ၣ်လီၤ.

စံးထီၣ်ပတြၢၤ 2:5

တုၤနုၤတစု, ယွၤကတိၤတၢ်ဒီးအဝဲသ့ၣ်လၢ တၢ်သးထီၣ် ဒီးမၤပျံၤမၤဖုးအဝဲသ့ၣ်လၢအတၢ်သးဒိၣ်န့ၣ်လီၤ.

စံးထီၣ်ပတြၢၤ 85:9

မ့ၢ်မးအတၢ်အုၣ်က့ၤခီၣ်က့ၤန့ၣ် အိၣ်ဘူးဒီးပှၤလၢအပျံၤအီၤ, ဒ်သိးတၢ်လၤတၢ်ကပီၤကအိၣ်ကဆိးလၢ ပကီၢ်အပူၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 12:13

တၢ်ခဲလၢာ်ဝံၤအလီၢ်ခံန့ၣ်, တၢ်အိၣ်တီၢ်ဒၣ်ထဲတမံၤလၢတၢ်က စံးကတိၤအီၤအဂီၢ်လီၤ. အိၣ်ဒီးတၢ်ယူးယီၣ်ကစၢ်ယွၤတက့ၢ်. ဒီးစူၢ်အတၢ်မၤလိာ်တဖၣ်တက့ၢ်. အဂ့ၢ်ဒ်အံၤ, တၢ်တ့လီၤပှၤကညီလၢတၢ်အံၤအဂီၢ်လီၤ.

လံာ်ပှၤစံၣ်တဲၤတဲလီၤတၢ် 8:12

ပှၤဒဲးဘးဖိတဂၤမ့ၢ်မၤတၢ်ထီဒါတၢ်သိၣ်တၢ်သီအဘျီတက ယၤနာ်က့အိၣ်မူဒံးဝဲလီၤ. အိ, မ့ၢ်, ယသ့ၣ်ညါတၢ်လၢအဝဲသ့ၣ် စံးဝဲ, “နမ့ၢ်စူၢ်ကစၢ်ယွၤဒီး, တၢ်ခဲလၢာ်ကဘၣ်ဘျီးဘၣ်ဒါဝဲလီၤ.”

လံာ်ဒၤနံးယ့လး 11:44

ဘၣ်ဆၣ်ဒီးတၢ်ကစီၣ်တဖၣ်လၢအဟဲလၢမုၢ်ထီၣ်ဒီးလၢကလံၤ စိးန့ၣ်ကမၤပျံၤမၤဖုးအီၤဒီးကဒုးတၢ်လၢတၢ်သးကဲၤထီၣ်အပူၤ ဒီးမၤသံကွံာ်ပှၤဂီၢ်မုၢ်ဂီၢ်ပၤလီၤ.

လံာ်ဒၤနံးယ့လး 7:26

အန့ၣ်ဝံၤဒီးမူခိၣ်အကွီၢ်ဘျီၣ်ကအိၣ်ထီၣ်ဝဲလၢစံၣ်ညီၣ်တၢ်အဂီၢ်, ဒီးဟံးထီၣ်ကွံာ်အစိကမီၤဒီးမၤဟးဂီၤကွံာ်အီၤလၢာ်လၢာ် ဆ့ဆ့န့ၣ်လီၤ.

လံာ်ဒၤနံးယ့လး 8:25

မ့ၢ်ပှၤလၢအသးက့ၣ်ကူသတးဒီးကမၤနၢၤတၢ်လၢအတၢ်ကူၣ် လီကူၣ်ဝ့ၤအပူၤန့ၣ်လီၤ. ကပာ်ထီၣ်ထီအသးလၢအကစၢ်ဒၣ်ဝဲ အဃိဒီးမၤဟးဂီၤပှၤအါဂၤလၢအသွံၣ်ခုၣ်ခုၣ်အပူၤန့ၣ်လီၤ. အဝဲကတၤဒၣ်လဲာ်စီၤပၤအဒိၣ်ကတၢၢ်လၢစီၤပၤခဲလၢာ် အဖီခိၣ်န့ၣ်ဘၣ်ဆၣ်ဒီးတၢ်စိကမီၤလၢအတသူဘၣ်ပှၤ ကညီအစုဘၣ်န့ၣ်ကမၤဟးဂီၤကွံာ်အီၤန့ၣ်လီၤ.

လံာ်မးသဲ 5:12

သူၣ်ခုသးခုဒီး သူၣ်ဖှံသးညီတက့ၢ်. အဂ့ၢ်ဒ်အံၤ, ယွၤကတီၤပာ်စၢၤတၢ်အဘူးအလဲအဒိၣ်အမုၢ်လၢမူခိၣ်လၢသုဂီၢ်လီၤ. ဝံလၢညါသ့ၣ်တဖၣ်စ့ၢ်ကီးဘၣ်တၢ်မၤအၢမၤနးတ့ၢ်အီၤဒ်န့ၣ် အသိးလီၤ.

လံာ်လူၤကၣ် 1:50

အဝဲဒၣ်ဒုးနဲၣ်တၢ်သးကညီၤလၢ ပှၤမၤလၤကပီၤအီၤသ့ၣ်တဖၣ်အဖီခိၣ် လၢပှၤတစိၤဘၣ်တစိၤန့ၣ်လီၤ.

ဧ့ၤဘြံၤ 9:27

ဒ်ပှၤကိးဂၤဒဲးဘၣ်သံဝဲတဘျီဒီးလၢခံက့ၤဘၣ်တၢ်စံၣ်ညီၣ် အီၤလၢကစၢ်ယွၤအသိး,

လံာ်လီၣ်ဖျါ 10:7

မ့မ့ၢ်ဖဲကလူးနွံဂၤတဂၤအူထီၣ်ကွဲၤန့ၣ်, ကစၢ်ယွၤကမၤလၢထီၣ်ပှဲၤထီၣ်အတၢ်ကူၣ်ထီၣ်ဖးလီၤခူသူၣ်, ဒ်အဝဲဒၣ်ဘိးဘၣ်သ့ၣ်ညါတ့ၢ်ဝဲအခ့အပှၤဝံတဖၣ် အသိး န့ၣ်လီၤ.”

လံာ်လီၣ်ဖျါ 11:2

မ့မ့ၢ်ဂၢၤလၢအချၢတကပၤန့ၣ်, တဘၣ်ထိၣ်ကွၢ်အီၤတဂ့ၤ, အဂ့ၢ်ဒ်အံၤ, အဝဲသ့ၣ်ဘၣ်တၢ်ဟ့ၣ်လီၤတ့ၢ်အီၤဆူပှၤကလုာ်ဂၤ တဖၣ်လၢအကယီၢ်တံၢ်ဝ့ၢ်စီဆှံတဖျၢၣ်န့ၣ်လၢလွံၢ်ဆံခံလါ အတီၢ်ပူၤလီၤ.

လံာ်လီၣ်ဖျါ 13:10

ပှၤတဂၤလၢ်လၢ်လၢတၢ်တိာ်ပာ်လၢတၢ်ကဘၣ်ဖီၣ်န့ၢ်အီၤန့ၣ် ကဘၣ်တၢ်ဖီၣ်န့ၢ်အီၤသပှၢ်ကတၢၢ်, ပှၤတဂၤလၢ်လၢ်လၢတၢ်တိာ်ပာ်လၢအကဘၣ်တၢ်မၤသံ အီၤလၢနးန့ၣ်, ကဘၣ်တၢ်မၤသံအီၤလၢနးသပှၢ်ကတၢၢ် လီၤ. အဝဲအံၤန့ၣ်အလီၢ်အိၣ်လၢကစၢ်ယွၤအပှၤဂီၢ်မုၢ်တဖၣ် ကဝံသးစူၤတူၢ်တၢ်ဒီးကစူၢ်တၢ်နာ်တၢ်လီၤ.

လံာ်လီၣ်ဖျါ 13:16

တၢ်ဒူတၢ်ဃိၤခံဒုတဒုန့ၣ်, မၢဆူၣ်ကယဲၢ်ပှၤဟီၣ်ခိၣ်ဖိတဖၣ်, ဒိၣ်ဂ့ၤဆံးဂ့ၤ, ထူးတီၤမ့ၢ်ဂ့ၤ, ဖှီၣ်မ့ၢ်ဂ့ၤ, ကုၢ်မ့ၢ်ဂ့ၤ, ပှၤသဘျ့မ့ၢ်ဂ့ၤ, ဒ်သိးအကအိၣ်ဒီးတၢ်ပနီၣ်တမံၤလၢအဘၣ်တၢ်ပာ်ထီၣ်အီၤလၢ အစုထွဲလိၤ, မ့တမ့ၢ်လၢအခိၣ်တိသၣ်အလိၤန့ၣ်လီၤ.

လံာ်လီၣ်ဖျါ 14:10

အဝဲအနီၢ်ကစၢ်ဒၣ်ဝဲကအီကစၢ်ယွၤအစပံးထံလၢ အတဃါဃုာ်အသးလၢတၢ်နီတမံၤ, စပံးထံဘၣ်ဃးကစၢ်ယွၤအတၢ်သးထီၣ်လၢကစၢ်ယွၤ လူလီၤဝဲဆူလီခီဘၣ်ဃးဒီးအတၢ်သးထီၣ်န့ၣ်လီၤ. ကယဲၢ်ပှၤလၢအမၤတၢ်တမံၤအံၤန့ၣ်, ကဘၣ်တၢ်မၤဆါအီၤနးနးကလဲာ်လၢမ့ၣ်အူဒီးကးအပူၤလၢ ကလူးစီဆှံတဖၣ်ဒီးသိဖိအမဲာ်ညါန့ၣ်လီၤ.

လံာ်လီၣ်ဖျါ 15:1

အန့ၣ်ဝံၤအလီၢ်ခံ, ယထံၣ်ဘၣ်တၢ်လီၤတိၢ်လီၤဆီလၢ ပှၤနၢ်ပၢၢ်အဂ့ၢ်တသ့ဘၣ်အဂၤတမံၤလၢမူကပိာ်လိၤ, လၢအဒိၣ်ဝဲသွါဝဲဒီးလီၤကတုၤသးမးတမံၤန့ၣ်လီၤ. ကလူးအိၣ်ဝဲဒၣ်နွံဂၤ, လၢအအိၣ်ဒီးတၢ်နးတၢ်ဖှီၣ်နွံမံၤ, ဒီးမ့ၢ်ဝဲတၢ်နးတၢ်ဖှီၣ်လၢခံကတၢၢ်တဖၣ်, အဂ့ၢ်ဒ်အံၤ, မ့ၢ်ဝဲတၢ်ပာ်ဖျါထီၣ်ကစၢ်ယွၤအတၢ်သးထီၣ်, လၢခံကတၢၢ်န့ၣ်လီၤ.

လံာ်လီၣ်ဖျါ 15:7

တုၤနုၤတစုတၢ်လၢအသးသမူအိၣ်လွံၢ်ဒုအကျါတဒုန့ၣ်, ဟ့ၣ်ကလူးနွံဂၤလၢသလၢထူနွံဖျၢၣ်လၢအပှဲၤဝဲဒီးကစၢ်ယွၤ လၢအမူဝဲလီၤစိၤလီၤထီတဂၤန့ၣ်အတၢ်သးထီၣ်လီၤ.

လံာ်လီၣ်ဖျါ 18:6

မၤအီၤလၢတၢ်တမံၤဃီဒ်အဝဲမၤသုအသိးတက့ၢ်. ကယဲၢ်တၢ်လၢအမၤတ့ၢ်ဝဲတဖၣ်န့ၣ်, ဟ့ၣ်ကၣ်က့ၤအီၤခံစးတက့ၢ်. မၤပှဲၤအဝဲဒၣ်အလီခီလၢတၢ်အီလၢအဆူၣ်ဝဲဒၣ် ပှဲၤသိးတၢ်အီလၢအကတဲာ်ကတီၤပာ်ဝဲ လၢသုဂီၢ်န့ၣ်ခံစးတက့ၢ်.

လံာ်လီၣ်ဖျါ 19:15

လၢအဝဲဒၣ်အကိာ်ပူၤန့ၣ် နးလၢအကနၣ်အ့ၣ်တဘ့ၣ် ဟဲဖျိးထီၣ်, ဒီးလၢနးအဝဲအံၤန့ၣ်အဝဲကမၤနၢၤထံဧိၤကီၢ် ဧိၤတဖၣ်လီၤ. အဝဲဒၣ်ကပၢအဝဲသ့ၣ်လၢနီၣ်တီၢ်ထး, ဒီးအဝဲကယီၢ်ထီၣ်စပံးထံလၢနီၣ်စံၢ်စပံးသၣ်အကျိးဘၣ် ဃးဒီးသ့တၢ်လၢာ်ကစၢ်ယွၤအတၢ်သးထီၣ်, အပူၤလီၤ.

လံာ်လီၣ်ဖျါ 19:18

ဟဲဒီးအီၣ်စီၤပၤတဖၣ်, သုးခိၣ်ဖးဒိၣ်တဖၣ်, ဒီးသုးဖိတဖၣ် အဖံးအညၣ်, ကသ့ၣ်တဖၣ်ဒီးပှၤလၢအဒိးအီၤတဖၣ်အဖံး အညၣ်, ပှၤခဲလၢာ်, ကုၢ်မ့ၢ်ဂ့ၤပှၤသဘျ့မ့ၢ်ဂ့ၤ, အဒိၣ်မ့ၢ်ဂ့ၤအဆံးမ့ၢ်ဂ့ၤအဖံးအညၣ်န့ၣ်တက့ၢ်.”

လံာ်လီၣ်ဖျါ 19:5

တုၤနုၤတစုတၢ်ကလုၢ်သီၣ်ထီၣ်လၢလီၢ်ပစိာ်အဖီခိၣ်ဒီးစံးဝဲ, “စံးထီၣ်ပတြၢၤပကစၢ်ယွၤတက့ၢ်, အဝဲဒၣ်အခ့အပှၤဒီးပှၤဂီၢ်မုၢ်, ဒိၣ်မ့ၢ်ဂ့ၤ, ဆံးမ့ၢ်ဂ့ၤ, လၢအယူးယီၣ်ဒီးပျံၤအီၤခဲလၢာ်သ့ၣ်သုဧၢ,”

လံာ်လီၣ်ဖျါ 20:12

ဒီးယထံၣ်ဘၣ်ပှၤသံတဖၣ်, အဒိၣ်ဒီးအဆံးစ့ၢ်ကီး, အိၣ်ဆၢထၢၣ်လၢလီၢ်ပစိာ်အမဲာ်ညါန့ၣ်လီၤ. လံာ်တဖၣ် ဘၣ်တၢ်အိးထီၣ်အီၤ, ဒီးအန့ၣ်ဝံၤအလီၢ်ခံလံာ်အဂၤ တဘ့ၣ်ဘၣ်တၢ်အိးထီၣ်အီၤ, လၢအမ့ၢ်လံာ်မူတဘ့ၣ်န့ၣ်လီၤ. ပှၤသံတဖၣ်ဘၣ်တၢ်စံၣ်ညီၣ်အီၤဒ်တၢ်လၢအဝဲသ့ၣ် မၤတ့ၢ်ဝဲ, ဒ်အဘၣ်တၢ်ကွဲးနီၣ်တ့ၢ်အီၤလၢလံာ်တဖၣ် အပူၤအသိးန့ၣ်လီၤ.

လံာ်လီၣ်ဖျါ 20:15

ပှၤတဂၤလၢ်လၢ်လၢအမံၤတအိၣ်ကွဲးအသးလၢလံာ်မူ အပူၤန့ၣ်, ဘၣ်တၢ်တ့ၢ်လီၤကွံာ်အီၤဆူနိၣ်မ့ၣ်အူအပူၤလီၤ.

လံာ်လီၣ်ဖျါ 22:12

ယ့ၣ်ၡူးစံးဝဲဒၣ်, “ဒိကနၣ်တက့ၢ်. လၢတစိၢ်ဖိအတီၢ်ပူၤ ယကဟဲယဲလီၤ. ယကဟဲစိာ်ဃုာ်ဒီးယခိၣ်ဖးတဖၣ်ဒ်သိးယကဟ့ၣ် ပှၤတဂၤဘၣ်တဂၤ, ဒ်အဝဲဒၣ်မၤတ့ၢ်လံတၢ်အသိးန့ၣ်လီၤ.