လံာ်လီၣ်ဖျါ 11:16 - Sgaw Karen Common Bible

¹⁶ တုၤနုၤတစု, ပှၤသူၣ်က့သးပှၢ်ခံဆံလွံၢ်ဂၤလၢအဆ့ၣ်နီၤလၢ အလီၢ်ပစိာ်လိၤ, လၢကစၢ်ယွၤအမဲာ်ညါန့ၣ်ထိၣ်လီၤပှီၤအသး, ဒီးဘူၣ်ထီၣ်ဘါထီၣ်ကစၢ်ယွၤဒီးစံးဝဲ,

လံာ်လီၣ်ဖျါ 11:16 Iomraidhean Croise

လံာ်မးသဲ 19:28

ယ့ၣ်ၡူးစံးဘၣ်အဝဲသ့ၣ်, “နာ်ယၤတက့ၢ်. လၢစိၤအသီအပူၤ, ဖဲပှၤကညီဖိခွါကဆ့ၣ်နီၤလၢအလီၢ်ပစိာ်လၢအအိၣ်ဒီး အလၤကပီၤအဖီခိၣ်န့ၣ်, သုဝဲလၢအပိာ်တ့ၢ်ယခံတဖၣ်, သုကဆ့ၣ်နီၤလၢလီၢ်ပစိာ်တဆံခံဖျၢၣ်အဖီခိၣ်, ဒီးပၢဘၣ်ပှၤအံၣ်စရ့လးဖိတဆံခံဒူၣ်န့ၣ်လီၤ.

လံာ်လီၣ်ဖျါ 19:4

ပှၤသူၣ်က့သးပှၢ်ခံဆံလွံၢ်ဂၤဒီးတၢ်အသးသမူအိၣ်လွံၢ်ဒုန့ၣ် ထိၣ်လီၤပှီၤအသးဒီးဘူၣ်ထီၣ်ဘါထီၣ်ကစၢ်ယွၤလၢ အဆ့ၣ်နီၤအိၣ်လၢလီၢ်ပစိာ်အဖီခိၣ်န့ၣ်လီၤ. အဝဲသ့ၣ်စံးဝဲ, “အၤမ့ၣ်. စံးထီၣ်ပတြၢၤကစၢ်ယွၤတက့ၢ်.”

လံာ်လီၣ်ဖျါ 4:10

ပှၤသူၣ်က့သးပှၢ်ခံဆံလွံၢ်ဂၤန့ၣ်, ထိၣ်လီၤပှီၤအသးလၢပှၤဆ့ၣ်နီၤလၢလီၢ်ပစိာ်အလိၤ တဂၤန့ၣ်အမဲာ်ညါ, ဒီးဘါထီၣ်ပှၤလၢအမူဝဲလီၤစိၤလီၤဃၣ် တဂၤန့ၣ်လီၤ. အဝဲသ့ၣ်ကွံာ်လီၤအခိၣ်သလုးတဖၣ်လၢလီၢ် ပစိာ်န့ၣ်အမဲာ်ညါဒီးသးဝံၣ်ထီၣ်ဝဲ,

လံာ်လီၣ်ဖျါ 4:4

ဝးတရံးလီၢ်ပစိာ်န့ၣ်, လီၢ်ပစိာ်အဂၤခံဆံလွံၢ်ဖျၢၣ်အိၣ်ကဝီၤ ဃာ်အီၤဝးကဝီၤကျီၤ, ဒီးလၢအဝဲသ့ၣ်အလိၤန့ၣ်, ပှၤသူၣ်က့သးပှၢ်အိၣ်ဆ့ၣ်နီၤဝဲဒၣ်ခံဆံလွံၢ်ဂၤလၢ အကူဝဲသိးဝဲလၢတၢ်ဝါဒီးကုာ်ဃာ်ခိၣ်သလုးထူတဖၣ် န့ၣ်လီၤ.

လံာ်လီၣ်ဖျါ 5:14

ဒီးတၢ်အသးသမူအိၣ်လွံၢ်ဒုန့ၣ်စံးဆၢဝဲ, “အၤမ့ၣ်” ဒီးပှၤသူၣ်က့သးပှၢ်တဖၣ်ထိၣ်လီၤပှီၤအသးဒီးဘူၣ်ထီၣ် ဘါထီၣ်တၢ်လီၤ.

လံာ်လီၣ်ဖျါ 7:11

ကလူးခဲလၢာ်ခဲဆ့ဆၢထၢၣ်ဝးတရံးလီၢ်ပစိာ်, ပှၤသူၣ်က့သးပှၢ် တဖၣ်, ဒီးတၢ်သးသမူအိၣ်လွံၢ်ဒုန့ၣ်လီၤ. တုၤနုၤတစုအဝဲသ့ၣ်ထိၣ်လီၤပှီၤအသးလၢလီၢ်ပစိာ် အမဲာ်ညါဒီးဘူၣ်ထီၣ်ဘါထီၣ်ကစၢ်ယွၤ