လံာ်လီၣ်ဖျါ 11:13 - Sgaw Karen Common Bible

¹³ တကတီၢ်ဃီဖဲန့ၣ်ဟီၣ်ခိၣ်ဟူးဝးဝဲဒၣ်ဆူၣ်ဆူၣ်ကလဲာ်, ဝ့ၢ်အဆံဆဲၣ်ပူဘၣ်တၢ်မၤဟးဂီၤကွံာ်အီၤ, ဒီးပှၤအဂၤနွံကထိ သံကွံာ်ဝဲဒၣ်လီၤ. ပှၤအိၣ်လီၤတဲာ်တ့ၢ်တဖၣ်အသူၣ်ပျံၤသးဖုး ဒီးစံးထီၣ်ပတြၢၤကစၢ်ယွၤလၢမူခိၣ်တဂၤအတၢ်ဒိၣ်တၢ်မုၢ် န့ၣ်လီၤ.

လံာ်လီၣ်ဖျါ 11:13 Iomraidhean Croise

လံာ်တၢ်ကဲထီၣ်အခီၣ်ထံး 6:4

လၢမုၢ်နံၤတဖၣ်အပူၤန့ၣ်ဒီးဆူညါဒၣ်လဲာ်န့ၣ်, ပှၤနီၢ်ဒိၣ်ဖိတဖၣ်အိၣ်ထီၣ်လၢဟီၣ်ခိၣ်ချၢ, ပှၤလၢအဟဲလီၤစၢၤလၢပှၤကညီပိာ်မုၣ်ဒီးကစၢ်ယွၤအဖိခွါတဖၣ် န့ၣ်လီၤ. အဝဲသ့ၣ်မ့ၢ်ပှၤဒူပှၤဃိၤဖးဒိၣ်တဖၣ်ဒီးပှၤမံၤဟူသၣ်ဖျါလၢ ပျၢၤလံၤလံၤတဖၣ်န့ၣ်လီၤ.

လံာ်ယၡါယၤ 29:6

အဝဲကဆှၢလီၤကလံၤမုၢ်တွၤတဖၣ်ဒီးမ့ၣ်အူလၣ်လၢအကအီၣ် ကွံာ်တၢ်လီၤ.

လံာ်ယံးရမံယၤ 13:16

တချုးဒံးဘၣ်လၢအဝဲဟဲစိာ်တၢ်ခံးတၢ်နၤဒီးသုခီၣ်ဘၣ်တိၢ်ဘၣ်ထံး လၢကစၢၢ်တဖၣ်အဖီခိၣ်, တချုးဒံးဘၣ်လၢအဝဲဒုးကဲထီၣ်အီၤတၢ်ကပီၤလၢ သုမုၢ်လၢ်န့ၣ်အီၤဆူတၢ်ခံးယိာ်ဒံးဘၣ်ဒီး, မၤလၤကပီၤယွၤ, သုကစၢ်ယွၤတက့ၢ်.

လံာ်မၤလကံ 2:2

သုကဘၣ်ယူးယီၣ်ယၤခီဖျိတၢ်လၢသုမၤလီၤ. သုမ့ၢ်တဒိကနၣ်တၢ်လၢယစံးဘၣ်ဒီး, ယကဟဲစိာ်တၢ်ဆိၣ်အၢလၢသုဖီခိၣ်လီၤ. ယကပာ်တၢ်ဆိၣ်အၢလၢတၢ်လၢသုဒိးန့ၢ်လၢသုဂီၢ်န့ၣ်လီၤ. မ့ၢ်မးယပာ်လီၤတ့ၢ်လံတၢ်ဆိၣ်အၢလၢတၢ်သ့ၣ်တဖၣ်န့ၣ်အဖီခိၣ်, မ့ၢ်လၢသုတတိၢ်န့ၢ်ယတၢ်မၤလိာ်အဃိလီၤ.

လံာ်ယိၤဟၣ် 9:24

ပှၤယူဒၤဖိအခိၣ်အနၢ်တဖၣ်ကိးကဒါက့ၤပှၤလၢအမဲာ်ထံၣ်ထီၣ် က့ၤတၢ်တဂၤန့ၣ်ခံဘျီတဘျီဒီးစံးဘၣ်အီၤ, “အၢၣ်လီၤနသးလၢကစၢ်ယွၤအမဲာ်ညါလၢနကတဲတၢ်မ့ၢ် တၢ်တီန့ၣ်တက့ၢ်. ပသ့ၣ်ညါလၢပှၤလၢအမၤဘျါနၤအံၤ မ့ၢ်ပှၤတၢ်ဒဲးဘးဖိတဂၤန့ၣ်လီၤ.”

မၤတၢ် 1:15

လၢခံစှၤသီန့ၣ်စီၤပ့းတရူးဂဲၤဆၢထၢၣ်ကတိၤတၢ်လၢပှၤ စူၢ်က့ၤနာ်က့ၤယ့ၣ်ၡူးတဖၣ်အမဲာ်ညါ, ပှၤခဲလၢာ်လၢအပာ်ဖှိၣ်ထီၣ်အသးကအိၣ်အဂၤတကယၤခံဆံ, ဒီးစံးဝဲ,

လံာ်စီၤယိၤၡူ 7:19

စီၤယိၤၡူစံးဘၣ်အီၤ, “ယဖိခွါဧၢ, တဲတၢ်မ့ၢ်တၢ်တီလၢယွၤအံၣ်စရ့လးကစၢ်ယွၤ အမဲာ်ညါဒီးအၢၣ်လီၤနသးတက့ၢ်. တၢ်လၢနမၤန့ၣ်တဲဘၣ်ယၤခဲအံၤတက့ၢ်. တဘၣ်ပာ်ခူသူၣ်တၢ်လၢယၤတဂ့ၤ.”

လံာ်လီၣ်ဖျါ 11:11

ဖဲသၢသီဒီးနံၤတဝာ်ပူၤကွံာ်န့ၣ်, တၢ်သါလၢအဟ့ၣ်တၢ်မူ, ဟဲလၢကစၢ်ယွၤအအိၣ်ဒီးနုာ်လီၤဆူအဝဲသ့ၣ်အပူၤ, ဒီးအဝဲသ့ၣ် ဂဲၤဆၢထၢၣ်, ဒီးပှၤကိးဂၤဒဲးလၢအထံၣ်ဘၣ်အဝဲသ့ၣ်တဖၣ်န့ၣ် အသူၣ်ပျံၤသးဖုးဝဲန့ၣ်လီၤ.

လံာ်လီၣ်ဖျါ 11:19

တုၤနုၤတစုကစၢ်ယွၤအတၢ်လုၢ်ဟံၣ်လၢမူခိၣ်အိးထီၣ်အသး, ဒီးတၢ်အၢၣ်လီၤအီလီၤအတလါဘၣ်တၢ်ထံၣ်အီၤဖဲန့ၣ်လီၤ. အန့ၣ်ဝံၤဒီးလီဝၢ်အဒံး, တၢ်သီၣ်ထီၣ်ဝဲဒၣ်ရုၢ်ရုၢ်, လီသီၣ်လီသဲ, ဟီၣ်ခိၣ်ဟူးဝးဒီးသူၣ်အဖျၢၣ်တဖၣ်ဟဲလီၤဝဲဒ် တၢ်စူၤဖးဒိၣ်အသိးန့ၣ်လီၤ.

လံာ်လီၣ်ဖျါ 14:7

အဝဲကတိၤတၢ်လၢအကလုၢ်ဖးဒိၣ်, “ပျံၤကစၢ်ယွၤ ဒီးမၤလၤကပီၤအီၤဒီးစံးထီၣ်ပတြၢၤအတၢ်ဒိၣ်တၢ်မုၢ် တက့ၢ်. အဂ့ၢ်ဒ်အံၤ, တၢ်ဆၢကတီၢ်ဟဲတုၤလံဝဲလၢ အဝဲဒၣ်ကဘၣ်စံၣ်ညီၣ်ပှၤဟီၣ်ခိၣ်ဖိလံ. ဘူၣ်ထီၣ်ဘါထီၣ်အဝဲလၢအတ့လီၤမူခိၣ်, ဟီၣ်ခိၣ်, ပီၣ်လဲၣ်, ဒီးထံမူထီၣ်ပၢၢ်တဖၣ်န့ၣ်တက့ၢ်.”

လံာ်လီၣ်ဖျါ 15:4

မတၤကအိၣ်ဝဲတဂၤလၢအတပျံၤ ဒီးတယူးယီၣ်နၤန့ၣ်လဲၣ်, ကစၢ်ယွၤဧၢ. မတၤတဂၤကဂ့ၢ်လိာ်လၢအကဘိးဘၣ်သ့ၣ်ညါ ဒီးတဲဖျါထီၣ်နတၢ်ဒိၣ်တၢ်မုၢ်အဂ့ၢ်န့ၣ်လဲၣ်. ထဲနၤတဂၤဧိၤ နစီဝဲဆှံဝဲလီၤ. ကယဲၢ်ထံဧိၤကီၢ်ဧိၤတဖၣ် ကဟဲဝဲဒီးဘူၣ်ထီၣ်ဘါထီၣ်နၤ, အဂ့ၢ်မ့ၢ်လၢနတၢ်ဖံးတၢ်မၤအတီအလိၤတဖၣ်ဘၣ်တၢ်ထံၣ် အီၤလၢပှၤကိးဂၤဒဲးအဃိန့ၣ်လီၤ.”

လံာ်လီၣ်ဖျါ 19:7

မ်ပကသူၣ်ဖှံသးညီ ဒီးသူၣ်ခုသးခုတက့ၢ်. မ်ပကစံးထီၣ်ပတြၢၤအဝဲအတၢ်ဒိၣ်တၢ်မုၢ်တက့ၢ်. အဂ့ၢ်ဒ်အံၤ, သိဖိအတၢ်တ့တၢ်ဖျီအဆၢကတီၢ်တုၤအိၣ်ဝဲလံ. ဒီးအဝဲဒၣ်အတလးမူးပိာ်မုၣ်အိၣ်ကတဲာ်ကတီၤလံအသးလၢတၢ်န့ၣ် အဂီၢ်လံ.

လံာ်လီၣ်ဖျါ 3:4

ဘၣ်ဆၣ်ဒီး သုဝဲစှၤဂၤဖဲဝ့ၢ်စၢ်ဒံတဖၣ်ပာ်ကဆှီအတၢ်ကူတၢ်သိး တဖၣ်လီၤ. သုကလဲၤတၢ်ဒီးယၤ, အိၣ်ဒီးတၢ်ကူတၢ်သိးအဝါ, အဂ့ၢ်မ့ၢ်လၢသုကြၢးဝဲဘၣ်ဝဲလၢသုကလဲၤသကိးတၢ်ဒီးယၤ အဃိန့ၣ်လီၤ.

လံာ်လီၣ်ဖျါ 6:12

ဒီးယထံၣ်သိဖိမၤသ့ၣ်ဖးဒီးအိးထီၣ်တၢ်စဲပနီၣ်ဃာ်ဃုခါ တခါလီၤ. ဟီၣ်ခိၣ်ဟူးဝးထီၣ်ဝဲဒၣ်ဆူၣ်ဆူၣ်ကလဲာ်, ဒီးမုၢ်ခံးသူထီၣ်ဝဲဒ်ထၢၣ်တၢ်ကံးယာ်လၢအလွဲၢ်သူတဖျၢၣ် အသိး, ဒီးလါထီၣ်ဂီၤဝဲဒီဘ့ၣ်ညါဒ်တၢ်သွံၣ်အသိးလီၤ.

လံာ်လီၣ်ဖျါ 8:5

အန့ၣ်ဝံၤအလီၢ်ခံ, ကလူးအဝဲန့ၣ်ဟံးန့ၢ်တၢ်ဆိၣ်ကဲၤနၢမူ အလီခီ, မၤပှဲၤဝဲလၢမ့ၣ်အူအိၣ်လၢတၢ်လုၢ်လီၢ်အဖီခိၣ်, ဒီးကွံာ်လီၤဝဲလၢဟီၣ်ခိၣ်အဖီခိၣ်လီၤ. တၢ်သီၣ်ထီၣ်ဝဲဒၣ်ရူၢ်ရူၢ်, လီသီၣ်လီသဲ, လီဝၢ်အဒံး, ဒီးဟီၣ်ခိၣ်ဟူးဝးဆှဲးဆှိးဝဲဒၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:5

သုကဘၣ်မၤတၢ်ဂီၤသိအသးတၢ်အချံထီၣ်ဒီးညိးဒီးယုၢ်ဖိ လၢအမၤဟးဂီၤသုကီၢ်ဒီးသုကဘၣ်ဟ့ၣ်တၢ်လၤကပီၤဆူ ကီၢ်အံၣ်စရ့လးအကစၢ်ယွၤအအိၣ်န့ၣ်လီၤ. ဘၣ်သ့ၣ်သ့ၣ်အဝဲကဆိကတီၢ်တၢ်စံၣ်ညီၣ်သု, သုကစၢ်တဖၣ်ဒီးသုကီၢ်လီၤ.