လံာ်လီၣ်ဖျါ 10:7 - Sgaw Karen Common Bible

⁷ မ့မ့ၢ်ဖဲကလူးနွံဂၤတဂၤအူထီၣ်ကွဲၤန့ၣ်, ကစၢ်ယွၤကမၤလၢထီၣ်ပှဲၤထီၣ်အတၢ်ကူၣ်ထီၣ်ဖးလီၤခူသူၣ်, ဒ်အဝဲဒၣ်ဘိးဘၣ်သ့ၣ်ညါတ့ၢ်ဝဲအခ့အပှၤဝံတဖၣ် အသိး န့ၣ်လီၤ.”

လံာ်လီၣ်ဖျါ 10:7 Iomraidhean Croise

လံာ်ဧၤမိၣ် 3:7

ယွၤမ့ၢ်တလီၣ်ဖျါထီၣ်အတၢ်ကူၣ်တၢ်ကျဲၤလၢအခ့ အပှၤဝံတဖၣ်ဘၣ်ဒီးမ့ၢ်မးတၢ်စိတၢ်ကမီၤခဲလၢာ်အကစၢ်တမၤ ဘၣ်တၢ်ဘၣ်.

မၤတၢ် 3:21

အဝဲဒၣ်ကဘၣ်အိၣ်ဝဲလၢမူခိၣ်တုၤလီၤလၢအကတီၢ်ဖဲယွၤမၤ က့ၤတၢ်အသီခဲလၢာ်တစု, ဒ်ကစၢ်ယွၤဘိးဘၣ်သ့ၣ်ညါဆိပာ်စၢၤခီဖျိဝံစီဆှံလၢပျၢၤ တဖၣ်န့ၣ်လီၤ.

ရိမ့ၤ 11:25

ယဒီပုၢ်ဝဲၢ်သးဘိသ့ၣ်ဧၢ, တၢ်မ့ၢ်တၢ်တီခူသူၣ်အိၣ်တမံၤလၢယသးအိၣ်ဒုးသ့ၣ်ညါသုဒ် သိးသုသုတဆိကမိၣ်လီၤသုသး လၢသုကူၣ်ဘၣ်ကူၣ်သ့ တဂ့ၤအဂီၢ်လီၤ. တၢ်န့ၣ်မ့ၢ်တၢ်အံၤလီၤ. ပှၤအံၣ်စရ့လးဖိတဖၣ်အတၢ်သူၣ်ကိၤသးကိၤတမ့ၢ်တၢ်လီၤထူလီၤ ယိာ်ဘၣ်. ကယံာ်ဒၣ်တုၤဖဲပှၤကလုာ်ဂၤတဖၣ်ဟဲက့ၤဆူကစၢ် ယွၤအအိၣ်အနီၣ်ဂံၢ်ပှဲၤထီၣ်ဝဲအဆၢကတီၢ်န့ၣ်လီၤ.

ရိမ့ၤ 16:25

မ်ပဟ့ၣ်ကစၢ်ယွၤတၢ်လၤကပီၤတက့ၢ်. အဝဲဒၣ်ဒုးဆၢထၢၣ်ဂၢၢ်ကျၢၤသုလၢသုတၢ်စူၢ်တၢ်နာ်အပူၤ သ့ဝဲ, ဒ်တၢ်သးခုကစီၣ်လၢယစံၣ်တဲၤတဲလီၤန့ၢ်သုအသိး, တၢ်သးခုကစီၣ်ဘၣ်ဃးဒီးယ့ၣ်ၡူးဒီးဒ်တၢ်မ့ၢ်တၢ်တီခူသူၣ်လၢ အအိၣ်ဘံၣ်အိၣ်ဘၢဝဲအစိၤစိၤအဃၣ်ဃၣ်လၢပျၢၤအတၢ်လီၣ်ဖျါထီၣ် အသးအသိးန့ၣ်လီၤ.

လံာ်လီၣ်ဖျါ 14:6

အန့ၣ်ဝံၤဒီး, ယထံၣ်ကလူးအဂၤတဂၤယူၤဝဲဒၣ်ထီထီကလဲာ်လၢ ကလံၤကျါအိၣ်ဒီးတၢ်ကစီၣ်အထူအယိာ်ဘၣ်ဃးတၢ်သးခု ကစီၣ်လၢအကဘိးဘၣ်သ့ၣ်ညါဝဲဆူပှၤအိၣ်လၢဟီၣ်ခိၣ်ချၢ တဖၣ်, ဆူပှၤကိးကလုာ်ဒဲး, ပှၤကိးဒူၣ်ကိးထၢဒဲး, ပှၤကတိၤ ကျိာ်တကျိာ်လၢ်လၢ်, ဒီးထံကီၢ်ကိးကီၢ်ဒဲးအအိၣ်န့ၣ်လီၤ.

လံာ်လီၣ်ဖျါ 17:17

အဂ့ၢ်ဒ်အံၤ, ကစၢ်ယွၤပာ်လံတၢ်သးဆူၣ်မၤလၢမၤပှဲၤအဝဲဒၣ်အတၢ်တိာ်ပာ်ခီဖျိအမၤ သကိးတၢ်တပူၤဃီလၢအဝဲသ့ၣ်အသးပူၤ, ဒီးဟ့ၣ်တၢ်ဒူတၢ်ဃိၤတဒုန့ၣ်အဝဲသ့ၣ် အစိကမီၤလၢအကပၢတၢ်တုၤလီၤလၢကစၢ်ယွၤကလုၢ်ကထါ ဟဲလၢထီၣ်ပှဲၤထီၣ်တစုလီၤ.