လံာ်လီၣ်ဖျါ 10:3 - Sgaw Karen Common Bible

³ ဒီးကိးထီၣ်လၢအကလုၢ်ဖးဒိၣ်လၢအသီၣ်လီၤဂာ်ဒီးခ့ယုၢ် တဖၣ်အတၢ်ကညီၤအသီၣ်န့ၣ်လီၤ. ဖဲအဝဲဒၣ်ကိးထီၣ်ဝံၤန့ၣ်, ဘၣ်တၢ်စံးဆၢအီၤလၢလီသီၣ်နွံဘီလီၤ.

လံာ်လီၣ်ဖျါ 10:3 Iomraidhean Croise

စံးထီၣ်ပတြၢၤ 29:3

ယွၤအကလုၢ်ဘၣ်တၢ်နၢ်ဟူအီၤလၢပီၣ်လဲၣ်အဖီခိၣ်, တၢ်လၤကပီၤအကစၢ်မၤသီၣ်ထီၣ်အကလုၢ်ဒ် လီသီၣ်အသိး ဒီးအကလုၢ်သီၣ်ကဒါက့ၤလၢ ပီၣ်လဲၣ်မိၢ်ပှၢ်အဖီခိၣ်န့ၣ်လီၤ.

တၢ်ကတိၤဒိ. 19:12

စီၤပၤအတၢ်သးထီၣ်န့ၣ်လီၤဂာ်ဒ်ခ့ယုၢ်တဒုအကညီၤတၢ်အသိးလီၤ. မ့မ့ၢ်အတၢ်ဘၣ်အသးန့ၣ်မၤအသးဒ်ပစီၤထံလၢအလီၤဘၣ်လၢကပံာ် အဖီခိၣ်အသိးန့ၣ်လီၤ.

လံာ်ယၡါယၤ 31:4

ယွၤစံးဘၣ်ယၤ, “ပှၤကွၢ်သိတဖၣ်မ့ၢ်ကိးပသူကိးပသီထီၣ် နာ်က့, အဝဲသ့ၣ်မၤပျံၤမၤဖုးကွံာ်ခ့ ယုၢ်တဒုလၢဆၣ်ဖိကီၢ်ဖိတဒုလၢအမၤသံတ့ၢ်ဝဲအအိၣ်န့ၣ် တသ့ဘၣ်. ဒ်န့ၣ်အသိး, ယွၤသ့တၢ်လၢာ်လၢအတၢ်ဒီဒၣ် အိၣ်ပှိၤကစၢၢ်စံယိၣ်န့ၣ်, တၢ်တြီအီၤသ့တအိၣ်နီတမံၤဘၣ်.

လံာ်ယၡါယၤ 42:13

ယွၤလဲၤထီၣ်လၢအကဒုးတၢ်ဒ်ပှၤသုးဖိတဂၤအသိးလီၤ. အဝဲအိၣ်ကတဲာ်ကတီၤအသးဒီးသူၣ်ဆူၣ်သးဂဲၤလၢတၢ်ဒုးတၢ်ယၤ အဂီၢ်လီၤ. အဝဲကိးထီၣ်တၢ်ဒုးတၢ်ယၤအသီၣ်ဒီးတၢ်ထီ ဒုၣ်ထီဒါအတၢ်ကိးသတြီထီၣ်န့ၣ်လီၤ. အဝဲဒုးနဲၣ်အစိအကမီၤလၢအဒုၣ်အဒါတဖၣ် အဖီခီၣ်လီၤ.

လံာ်ယၡါယၤ 5:29

သုးဖိတဖၣ်ကညီၤထီၣ်ဝဲဒ်ခ့ယုၢ်တဖၣ်အသိး, လၢအမၤသံ ဆၣ်ဖိကီၢ်ဖိဒီးစိာ်ကွံာ်အီၤဆူတၢ်လီၢ်လၢပှၤဟံးန့ၢ်က့ၤအီၤ လၢအအိၣ်တသ့နီတဂၤဘၣ်န့ၣ်လီၤ.

လံာ်ယံးရမံယၤ 25:30

နဲဒၣ်, စီၤယံးရမံယၤဧၢ, နကဘၣ်တဲဖျါတၢ်ကိးမံၤဒဲးလၢ ယစံးတ့ၢ်ယဲလီၤ. နဘၣ်တဲဘၣ်ပှၤဂီၢ်မုၢ်တဖၣ်အံၤလၢ, “ယွၤကထုထီၣ်အကလုၢ်လၢမူခိၣ် ဒီးအကလုၢ်ကသီၣ်ထီၣ်ဝဲ ဒ်လီသီၣ်အသိးလၢမူခိၣ် အလီၢ်ထီၣ်ထီတဖၣ်န့ၣ်လီၤ. အဝဲကထုထီၣ်အကလုၢ်ထီဒါ အပှၤဂီၢ်မုၢ်, အဝဲကကိးပသူထီၣ်ဝဲ ဒ်ပှၤတဂၤလၢ အယီၢ်စပံးသၣ်အသိးန့ၣ်လီၤ. ပှၤကိးဂၤဒဲးလၢ ဟီၣ်ခိၣ်ချၢကနၢ်ဟူအီၤ,

လံာ်ယဃ့းစက့လး 10:5

တၢ်အသီၣ်လၢအဟဲထီၣ်လၢတၢ်ဘၣ်တ့တဖၣ်အံၤအဒံးဆ့တဖၣ်န့ၣ်, ဘၣ်တၢ်နၢ်ဟူအီၤလၢယွၤအတၢ်လုၢ်ဟံၣ်အဂၢၤအချၢဒၣ်လဲာ်သ့ဝဲ လီၤ. အတၢ်သီၣ်လီၤဂာ်ဒီးကစၢ်ယွၤသ့တၢ်လၢာ်အကလုၢ်န့ၣ်လီၤ.

လံာ်ဟိၤၡ့ 11:10

ယပှၤဂီၢ်မုၢ်ကပိာ်ထွဲယခံဖဲယကညီၤအဝဲသ့ၣ် အဒုၣ်အဒါတဖၣ်ဒ်ခ့ယုၢ်တဒုအသိးအခါန့ၣ်လီၤ. အဝဲသ့ၣ်ကဟဲဆူယအိၣ်ချ့ချ့လၢမုၢ်နုာ်တကပၤ.

လံာ်ယိၤအ့လး 3:16

ယွၤထုထီၣ်အကလုၢ်လၢကစၢၢ်စံယိၣ်အလိၤ, အကလုၢ်သီၣ်ဒ်လီသီၣ်, သီၣ်ထီၣ်ဝဲလၢဝ့ၢ်ယရူၤၡလ့ၣ်, ဟီၣ်ခိၣ်ဒီးမူကပိာ်လိၤန့ၣ်ဟူးဝးဆှဲးဆှိးဝဲလီၤ. ဘၣ်ဆၣ်, အဝဲကဒီသဒၢအပှၤဂီၢ်မုၢ်န့ၣ်လီၤ.

လံာ်ဧၤမိၣ် 1:2

ဒီးစီၤဧၤမိၣ်စံးဝဲဒၣ်, “ယွၤကိးသတြီထီၣ်လၢကစၢၢ်စံယိၣ်, ထုထီၣ်အကလုၢ်လၢဝ့ၢ်ယရူၤၡလ့ၣ်လီၤ. တၢ်အီၣ်ဆၣ်အလီၢ်တဖၣ်ဃ့ထီကွံာ်ဝဲ ဒီးတပံၢ်တမါလၢကစၢၢ်ကၢ်မ့ၤလးအဒီခိၣ်ဃ့ထီကွံာ်ဝဲလီၤ.”

လံာ်ဧၤမိၣ် 3:8

ဖဲခ့ယုၢ်ကညီၤထီၣ်န့ၣ်မတၤတပျံၤဘၣ်တၢ်တဂၤလဲၣ်. ဖဲတၢ်စိတၢ်ကမီၤခဲလၢာ်အကစၢ်ယွၤကတိၤတၢ်ဒီးမ့ၢ်မတၤတလီၣ် ဖျါထီၣ်ဘၣ်အတၢ်ကစီၣ်ဘၣ်ဒီးအိၣ်ဝဲကသ့တဂၤလဲၣ်.

လံာ်လီၣ်ဖျါ 14:2

ဒီးယနၢ်ဟူတၢ်ကလုၢ်လၢမူခိၣ်လၢအသီၣ်လီၤဂာ်ဒ်ထံ လီၤဆူသီၣ်ရူၢ်ရူၢ်, ဒ်လီသီၣ်ဖးဒိၣ်န့ၣ်လီၤ. အသီၣ်လီၤဂာ်ဒ်ပှၤဒ့တနၢ်ဖိတဖၣ်ဒ့တနၢ်အသီၣ်အသိး န့ၣ်လီၤ.

လံာ်လီၣ်ဖျါ 15:1

အန့ၣ်ဝံၤအလီၢ်ခံ, ယထံၣ်ဘၣ်တၢ်လီၤတိၢ်လီၤဆီလၢ ပှၤနၢ်ပၢၢ်အဂ့ၢ်တသ့ဘၣ်အဂၤတမံၤလၢမူကပိာ်လိၤ, လၢအဒိၣ်ဝဲသွါဝဲဒီးလီၤကတုၤသးမးတမံၤန့ၣ်လီၤ. ကလူးအိၣ်ဝဲဒၣ်နွံဂၤ, လၢအအိၣ်ဒီးတၢ်နးတၢ်ဖှီၣ်နွံမံၤ, ဒီးမ့ၢ်ဝဲတၢ်နးတၢ်ဖှီၣ်လၢခံကတၢၢ်တဖၣ်, အဂ့ၢ်ဒ်အံၤ, မ့ၢ်ဝဲတၢ်ပာ်ဖျါထီၣ်ကစၢ်ယွၤအတၢ်သးထီၣ်, လၢခံကတၢၢ်န့ၣ်လီၤ.

လံာ်လီၣ်ဖျါ 15:7

တုၤနုၤတစုတၢ်လၢအသးသမူအိၣ်လွံၢ်ဒုအကျါတဒုန့ၣ်, ဟ့ၣ်ကလူးနွံဂၤလၢသလၢထူနွံဖျၢၣ်လၢအပှဲၤဝဲဒီးကစၢ်ယွၤ လၢအမူဝဲလီၤစိၤလီၤထီတဂၤန့ၣ်အတၢ်သးထီၣ်လီၤ.

လံာ်လီၣ်ဖျါ 4:5

လၢလီၢ်ပစိာ်တဖျၢၣ်န့ၣ်အပူၤ, လီဝၢ်ဒံး, ဒီးတၢ်အကလုၢ်သီၣ်ရုၢ်ရုၢ်ဒီးလီသီၣ်လီသဲအကလုၢ်တဖၣ် ဟဲထီၣ်ဝဲန့ၣ်လီၤ. ဖဲလီၢ်ပစိာ်အမဲာ်ညါန့ၣ်ဆှီနွံဘိဘၣ် တၢ်မၤကဲၤကပီၤထီၣ်အီၤ, လၢအမ့ၢ်ဝဲယွၤအသးနွံဖျၢၣ်န့ၣ်လီၤ.

လံာ်လီၣ်ဖျါ 8:5

အန့ၣ်ဝံၤအလီၢ်ခံ, ကလူးအဝဲန့ၣ်ဟံးန့ၢ်တၢ်ဆိၣ်ကဲၤနၢမူ အလီခီ, မၤပှဲၤဝဲလၢမ့ၣ်အူအိၣ်လၢတၢ်လုၢ်လီၢ်အဖီခိၣ်, ဒီးကွံာ်လီၤဝဲလၢဟီၣ်ခိၣ်အဖီခိၣ်လီၤ. တၢ်သီၣ်ထီၣ်ဝဲဒၣ်ရူၢ်ရူၢ်, လီသီၣ်လီသဲ, လီဝၢ်အဒံး, ဒီးဟီၣ်ခိၣ်ဟူးဝးဆှဲးဆှိးဝဲဒၣ်န့ၣ်လီၤ.