လံာ်လီၣ်ဖျါ 10:11 - Sgaw Karen Common Bible

¹¹ အန့ၣ်ဝံၤအလီၢ်ခံ ယဘၣ်တၢ်စံးဘၣ်ယၤ, “မၤကဒီးတစုနကဘၣ်ကတိၤကဒီးတၢ်လၢဝံ အကျိာ်ဘၣ်ဃးကီၢ်အါဘ့ၣ်, ပှၤကလုာ်အါကလုာ်, ကျိာ်အါကျိာ်ဒီးစီၤလိၣ်စီၤပၤအါဂၤအဂ့ၢ်လီၤ.”

လံာ်လီၣ်ဖျါ 10:11 Iomraidhean Croise

လံာ်ယံးရမံယၤ 25:13

ယကစံၣ်ညီၣ်ကီၢ်ဘၤဘူၤလိၣ်လၢ တၢ်တတၢးတနါတဖၣ်လၢ ယကတိၤပျံၤကတိၤဖုးတ့ၢ်လၢ ယသါကဒုးလီၤဘၣ်အီၤလၢ ပှၤကလုာ်တဖၣ်အဖီခိၣ်ဖဲ ယစံးတ့ၢ်ယဲခီဖျိစီၤယံးရမံယၤ, ကယဲၢ်တၢ်တတၢးတနါခဲလၢာ်လၢတၢ်ကွဲးနီၣ်ကွဲးဃါအီၤလၢ လံာ်အံၤအပူၤန့ၣ်လီၤ.

လံာ်ယဃ့းစက့လး 37:4

အဝဲစံးဝဲဒၣ်, “ကတိၤတၢ်လၢဝံအကျိာ်ဒီးတၢ်ဃံတၢ်ကွဲတဖၣ်အံၤတက့ၢ်. တဲဘၣ်တၢ်ဃံတၢ်ကွဲအဃ့ထီတဖၣ်အံၤလၢကကနၣ် ယွၤအကလုၢ်န့ၣ်တက့ၢ်.

လံာ်ယဃ့းစက့လး 37:9

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, ကတိၤတၢ်လၢ ဝံအကျိာ်ဆူကလံၤအအိၣ်တက့ၢ်. တဲဘၣ်ကလံၤလၢယွၤပၢဘၣ် တၢ်ခဲလၢာ်ကစၢ်, ဟ့ၣ်လီၤအကလုၢ်လၢအကဘၣ်ဟဲလၢ တၢ်လီၢ်ကိးကပၤဒဲး, ဒ်သိးကအူသဖှိနုာ်တၢ်သါဆူနီၢ်ခိတဖၣ် လၢအသံအံၤအပူၤ, ဒီးကဒုးမူထီၣ်ကဒါက့ၤအဝဲသ့ၣ်န့ၣ်တက့ၢ်.”

လံာ်လီၣ်ဖျါ 10:10

ယဟံးန့ၢ်လံာ်ထူဖိဝဲန့ၣ်လၢအစုပူၤ, ဒီးအီၣ်အီၤ, ဒီးဆၢဝဲဒ်ကနဲစီအသိးလၢယကိာ်ပူၤလီၤ. ဘၣ်ဆၣ်ဒီးဖဲယယူၢ်လီၤအီၤဝံၤန့ၣ်, ဆံၣ်ထီၣ်ဝဲဒၣ်လၢ ယဟၢဖၢပူၤလီၤ.

လံာ်လီၣ်ဖျါ 11:1

တုၤနုၤတစုတၢ်ဟ့ၣ်ယၤနီၣ်ထိးဘိတဘိလၢအလီၤဂာ်ဒီးနီၣ်ထိၣ်, ဒီးယဘၣ်တၢ်စံးဘၣ်ယၤ, “လဲၤဒီးထိၣ်ကွၢ်ကစၢ်ယွၤအတၢ်လုၢ်ဟံၣ်ဒီးတၢ်လုၢ်လီၢ်, ဒီးဂံၢ်ကွၢ်ပှၤတဖၣ်လၢအဘူၣ်ထီၣ်ဘါထီၣ်တၢ်ဖဲတၢ်လုၢ်ဟံၣ် အပူၤန့ၣ်တက့ၢ်.

လံာ်လီၣ်ဖျါ 11:9

လၢသၢသီဒီးနံၤတဝာ်အတီၢ်ပူၤ, ပှၤကလုာ်လၢကိးထံကိးကီၢ်, ကိးဒူၣ်ကိးထၢ, အိၣ်ဒီးတၢ်ကတိၤအကျိာ်အါကျိာ်, ဒီးပှၤကလုာ်ကိးကလုာ်ဒဲးကကွၢ်အဝဲသ့ၣ်အစိၣ်, ဒီးတပျဲတၢ်ကခူၣ်လီၤအီၤဘၣ်လီၤ.

လံာ်လီၣ်ဖျါ 14:6

အန့ၣ်ဝံၤဒီး, ယထံၣ်ကလူးအဂၤတဂၤယူၤဝဲဒၣ်ထီထီကလဲာ်လၢ ကလံၤကျါအိၣ်ဒီးတၢ်ကစီၣ်အထူအယိာ်ဘၣ်ဃးတၢ်သးခု ကစီၣ်လၢအကဘိးဘၣ်သ့ၣ်ညါဝဲဆူပှၤအိၣ်လၢဟီၣ်ခိၣ်ချၢ တဖၣ်, ဆူပှၤကိးကလုာ်ဒဲး, ပှၤကိးဒူၣ်ကိးထၢဒဲး, ပှၤကတိၤ ကျိာ်တကျိာ်လၢ်လၢ်, ဒီးထံကီၢ်ကိးကီၢ်ဒဲးအအိၣ်န့ၣ်လီၤ.

လံာ်လီၣ်ဖျါ 17:10

လၢအဝဲသ့ၣ်အကျါယဲၢ်ဂၤန့ၣ်လီၤတဲာ်ကွံာ်လံဝဲလံ. တဂၤ န့ၣ်ပၢဒံးတၢ်, ဒီးအဂၤတဂၤန့ၣ်တဟဲဒံးဘၣ်. ဖဲအဝဲဒၣ်ဟဲန့ၣ်ကဘၣ်ပၢတၢ်ထဲတစိၢ်ဖိဧိၤလီၤ.

လံာ်လီၣ်ဖျါ 17:12

နၢၤအဘိတဆံလၢနထံၣ်တ့ၢ်နဲန့ၣ်မ့ၢ်စီၤပၤအဂၤတဆံ, လၢအတစးထီၣ်ပၢတၢ်ဒံးဘၣ်. ဘၣ်ဆၣ်ဒီးကဘၣ်တၢ်ဟ့ၣ်အီၤတၢ်စိတၢ်ကမီၤလၢအကပၢ တၢ်ဒီးတၢ်ဒူတၢ်ဃိၤအဝဲန့ၣ်, ဒ်စီၤပၤတဖၣ်အသိးလၢတနၣ်ရံၣ် အတီၢ်ပူၤလီၤ.

လံာ်လီၣ်ဖျါ 17:15

ကလူးန့ၣ်စံးဘၣ်စ့ၢ်ကီးယၤ, “ထံကျိအါဘိလၢနထံၣ်ဘၣ်အီၤ, လၢဃဲသဲမုၣ်ဆ့ၣ်နီၤဝဲလၢအဖီခိၣ်တဖၣ်န့ၣ်မ့ၢ်ဝဲထံကီၢ်တဖၣ်, ပှၤဟီၣ်ခိၣ်ဖိတဖၣ်, ပှၤကလုာ်တဖၣ်, ဒီးကျိာ်လၢအဘၣ်တၢ်ကတိၤအီၤတဖၣ်လီၤ.

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.