လံာ်လီၣ်ဖျါ 10:1 - Sgaw Karen Common Bible

¹ တၢ်န့ၣ်ဝံၤအလီၢ်ခံ, ယထံၣ်ဘၣ်ကလူးလၢအဂံၢ်ဆူၣ်ဘါဆူၣ်အဂၤတဂၤဟဲလီၤ လၢမူခိၣ်န့ၣ်လီၤ. အဝဲဒၣ်ဘၣ်တၢ်ကးဘၢဃာ်အီၤလၢတၢ်အၢၣ် တလိၣ်, ဒီးအိၣ်ဝဲဒီးတၢၢ်ကွဲၤတဘိလၢအအိၣ်ဝးတရံးအဝဲဒၣ် အခိၣ်န့ၣ်လီၤ. အဝဲအမဲာ်သၣ်လီၤဂာ်လၢမုၢ်, ဒီးအခီၣ်လီၤဂာ်လၢမ့ၣ်အူအထူၣ်တဖၣ်လီၤ.

လံာ်လီၣ်ဖျါ 10:1 Iomraidhean Croise

စံးထီၣ်ပတြၢၤ 104:3

ဒီးနသူၣ်ထီၣ်နဟံၣ်လၢ ထံဖီခိၣ်လီၤ နသူတၢ်အၢၣ်တဖၣ်ဒ် နလ့ၣ်ကဟၣ်အသိး ဒီးလဲၤတၢ်လၢကလံၤအဒံးဆ့အဖီခိၣ်လီၤ.

စံးထီၣ်ပတြၢၤ 97:2

တၢ်အၢၣ်တဖၣ်ဒီးတၢ်ခံးတၢ်နၤအိၣ်ဝးတရံးအီၤ, အဝဲပၢတၢ်လၢတၢ်တီတၢ်လိၤဒီး တၢ်စံၣ်ညီၣ်တီန့ၣ်လီၤ.

လံာ်တၢ်ဟးထီၣ်ကွံာ် 16:10

တုၤစီၤအၤဟရိၣ်ကတိၤတၢ်ဆူပှၤဒီဒူၣ်ဒီထၢန့ၣ်, အဝဲသ့ၣ်ဃၣ်ဃီၤအသးဆူပှၢ်မုၢ်ကနၢလီၤ. ဒီးသတူၢ်ကလာ်န့ၣ်ယွၤအတၢ်ကပီၤကပြုၢ်ကပြီၤအိၣ်ဖျါဝဲလၢတၢ်အၢၣ်အလိၤန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:15

အကံၣ်ဒုၣ်တဖၣ်မၤအသးဒ်လၢၢ်ဝါအထူၣ်တဖၣ်, လၢတၢ်ပာ်လီၤအီၤလၢထူအပူၤတဖၣ်အသိးန့ၣ်လီၤ. အဝဲလီၤကဟုကညီၢ်, ဒ်လဘၤနိၣ်အကစၢၢ်တဖၣ်, လၢအပှဲၤဒီးသ့ၣ်ဆှိးအ့ရ့းဖးထီတဖၣ်အသိးန့ၣ်လီၤ.

လံာ်ယၡါယၤ 19:1

အအံၤမ့ၢ်တၢ်ကစီၣ်ဘၣ်ဃးကီၢ်အဲၤကူပတူးအဂ့ၢ်န့ၣ်လီၤ. ယွၤဟဲဆူကီၢ်အဲၤကူပတူး, ဒိးတၢ်ချ့မးလၢတၢ်အၢၣ်တလိၣ် အလိၤလီၤ. ကီၢ်အဲၤကူပတူးအတၢ်ဂီၤတၢ်ဖီၣ်တဖၣ်ကနိး ကစုာ်လၢအမဲာ်ညါ, ဒီးပှၤအဲၤကူပတူးဖိတဖၣ် အသးပှံၢ်လီၤဝဲဒၣ်လီၤ.

လံာ်ယၡါယၤ 54:9

“လၢစီၤနိအၤအစိၤအဆၢကတီၢ်န့ၣ်, ယအၢၣ်လီၤတ့ၢ်လၢယတဒုးလုၣ်ဘၢဟီၣ်ခိၣ်လၢထံနီတဘျီလၢၤဘၣ်. ခဲအံၤယအၢၣ်လီၤလၢယတသူၣ်ဒိၣ်သးဖျိး ကဒီးသုလၢၤဘၣ်. ယတသိၣ်ဃီၣ်သုမ့ၢ်ဂ့ၤ, စံၣ်ညီၣ်သုမ့ၢ်ဂ့ၤလၢၤဘၣ်.

လံာ်သးသယုၢ်တၢ် 3:44

လၢတၢ်သးကဲၤထီၣ်အတၢ်အၢၣ်ဖးတီၣ်တလိၣ်အဃိန့ၣ် ပတၢ်ထုကဖၣ်တဖၣ်အကျဲတဖျိဘၣ်.

လံာ်ယဃ့းစက့လး 1:28

အိၣ်ဒီးတၢၢ်ကွဲၤအလွဲၢ်တဖၣ်ခဲလၢာ်လၢအပူၤန့ၣ်လီၤ. အဝဲအံၤမ့ၢ်တၢ်ကပီၤလၢအဆဲးကပြုၢ်ကပြီၤလၢအဒုးနဲၣ်ယွၤ အတၢ်အိၣ်ဝဲန့ၣ်လီၤ.

လံာ်ဒၤနံးယ့လး 10:6

အနီၢ်ခိကပီၤဒ်တၢ်မျၢ်အသိးလီၤ. အမဲာ်သၣ်ကပြုၢ်ကပြီၤ ဝဲဒ်လီဝၢ်ဒံးတခါအသိး, ဒီးအမဲာ်ချံတဖၣ်ကဲၤက ပျီၤဒ်မ့ၣ်အူအသိးလီၤ. အစုဒုၣ်တဖၣ်ဒီးအခီၣ် တဖၣ်ကပီၤဝဲဒ်တိၢ်ဘီထူးကပီၤသးအသိး, ဒီးအကလုၢ်သီၣ်ဒ်ပှၤ ဂီၢ်မုၢ်ဖးဒိၣ်သီၣ်တထြုးထီၣ်အသိးန့ၣ်လီၤ.

လံာ်ဒၤနံးယ့လး 7:13

အကတီၢ်လၢတၢ်ထံၣ်လၢညါခီအံၤလၢမုၢ်နၤန့ၣ်ယထံၣ်ဘၣ်တ့ၢ် တၢ်လီၤဂာ်ဒီးပှၤကညီဖိခွါတဂၤလီၤ. ဘၣ်တၢ်ကဝီၤဃးအီၤ လၢတၢ်အၢၣ်ဒီးသုးဘူးအသးဆူယအိၣ်ဒီးလဲၤဝဲဒၣ်ဆူပှၤ တဂၤလၢအအိၣ်မူတ့ၢ်ဝဲဒၣ်အထူအယိာ်အအိၣ်ဒီးဘၣ် တၢ်ဆှၢထီၣ်အီၤဆူအမဲာ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:2

ဒီးယွၤစံးဘၣ်စီၤမိၤၡ့, “စံးဘၣ်နဒီပုၢ်ဝဲၢ်စီၤအၤဟရိၣ်လၢအသုတလဲၤနုာ်ဆူတၢ်လီၢ် စီဆှံကတၢၢ်လၢယၣ်ဘျးသဒၢသးအချၢကိးဆၢကိးကတီၢ်ဒဲးတဂ့ၤ. အဂ့ၢ်ဒ်အံၤ, တၢ်လီၢ်ဝဲန့ၣ်မ့ၢ်ယလီၣ်ဖျါထီၣ်ယသးခီဖျိတၢ်အၢၣ်, လၢတၢ်အၢၣ်လီၤအီလီၤအတလါစီဆှံအဖီခိၣ်န့ၣ်လီၤ. မ့ၢ်တဒိကနၣ်ဝဲဘၣ်ဒီးကဘၣ်တၢ်မၤသံအီၤန့ၣ်လီၤ.

လံာ်မးသဲ 17:2

ဒီးအက့ၢ်အဂီၤလဲလိာ်အသးလၢအဝဲသ့ၣ်အမဲာ်ညါ, ဒီးအမဲာ်သၣ်ကပီၤဝဲဒ်မုၢ်အသိး, ဒီးအဆ့ကၤဝါဝဲဒ်တၢ်ကပီၤအသိးလီၤ.

လံာ်လူၤကၣ် 21:27

တုၤနုၤတစု, ပှၤကညီဖိခွါကဟဲအိၣ်ဖျါထီၣ်လၢတၢ်အၢၣ်အပူၤ, အိၣ်ဒီးတၢ်စိတၢ်ကမီၤဒီးတၢ်လၤတၢ်ကပီၤအဒိၣ်အမုၢ်လီၤ.

မၤတၢ် 26:13

လၢကျဲဖဲမုၢ်ထူၣ်အကတီၢ်န့ၣ်, ကစၢ်စီၤပၤဧၢ, ယထံၣ်တၢ်ကပီၤလၢအကပီၤဒိၣ်န့ၢ်မုၢ်တဖျၢၣ်ဟဲကပီၤလီၤလၢမူခိၣ် ဝးတရံးယၤဒီးပှၤလၢအလဲၤတၢ်ဒီးယၤတဖၣ်လီၤ.

လံာ်လီၣ်ဖျါ 1:7

ကွၢ်ကွၢ်အဝဲဒၣ်ဟဲဝဲလၢတၢ်အၢၣ်တဖၣ်အဖီခိၣ်လီၤ. ပှၤကိးဂၤဒဲးဃုာ်ဒီးပှၤလၢအဆဲးဖျိဒီးမၤသံအီၤ တဖၣ်ကထံၣ်ဘၣ်အီၤလီၤ. ပှၤလၢဟီၣ်ခိၣ်ချၢကိးကလုာ်ဒဲး ကဟီၣ်ကယၢၤလၢအဝဲဒၣ်အဃိန့ၣ်လီၤ. မ်တၢ်ကမၤဒၣ်ဝဲအသးဒ်န့ၣ်အသိးတက့ၢ်.

လံာ်လီၣ်ဖျါ 18:1

တၢ်န့ၣ်ဝံၤအလီၢ်ခံ, ယထံၣ်ကလူးအဂၤတဂၤဟဲလီၤလၢမူ ခိၣ်လီၤ. အဝဲဒၣ်အိၣ်ဒီးတၢ်စိဒိၣ်ကမီၤထီ, ဒီးဟီၣ်ခိၣ်ကပြုၢ်ကပြီၤထီၣ်ဝဲဒီဘ့ၣ်ညါ, လၢအတၢ်ကပြုၢ် ကပြီၤအဃိလီၤ.

လံာ်လီၣ်ဖျါ 18:21

တုၤနုၤတစုကလူးလၢအဂံၢ်ဆူၣ်ဘါဆူၣ်တဂၤဟံးထီၣ်လၢၢ်လၢ အဒိၣ်ထဲသိးဆၢၣ်ဂူာ်လၢၢ်တဖျၢၣ်, ဒီးကွံာ်လီၤအီၤဆူပီၣ်လဲၣ် အပူၤ, ဒီးစံးဝဲ, “လၢကျဲဒ်အံၤအပူၤ, ဝ့ၢ်ဖးဒိၣ်ဘၤဘူၤလိၣ် ကဘၣ်တၢ်တ့ၢ်လီၤအီၤဆူၣ်ဆူၣ်ကလဲာ်, ဒီးတၢ်တထံၣ်န့ၢ်အီၤနီတစုလၢၤဘၣ်လီၤ.

လံာ်လီၣ်ဖျါ 20:1

တုၤနုၤတစု, ယထံၣ်ကလူးတဂၤဟဲလီၤလၢမူခိၣ်, ဟံးဃာ်တၢ်ပူၤယိာ်အနီၣ်ဝံာ်ဒီးထးသွဲဖးဒိၣ်တဘိလၢ အစုပူၤလီၤ.

လံာ်လီၣ်ဖျါ 4:3

အဝဲဒၣ်အမဲာ်ကပီၤဝဲဒ်လၢၢ်လုၢ်ဒိၣ်ပှ့ၤဒိၣ်လၢအမ့ၢ်ဝဲတၢ်မျၢ် နကၤသွဲးဒီးတၢ်မျၢ်ဆီသွံၣ်တဖၣ်, ဒီးဖဲလီၢ်ပစိာ်အကပၤဝးဝးန့ၣ်, တၢၢ်ကွဲၤအိၣ်ဝဲဒၣ်တဘိလၢအလွဲၢ်မၤအသးဒ်တၢ်မျၢ်ဟ့မၠး အသိးန့ၣ်လီၤ.

လံာ်လီၣ်ဖျါ 5:2

ဒီးယထံၣ်မူခိၣ်ကလူးအဂံၢ်ဆူၣ်ဘါဆူၣ်တဂၤ, လၢအဘိးဘၣ်သ့ၣ်ညါတၢ်လၢအကလုၢ်ဖးဒိၣ်, “မ့ၢ်မတၤကြၢးဝဲဘၣ်ဝဲလၢအကမၤသ့ၣ်ဖးတၢ်စဲပနီၣ်ဃာ် တဖၣ်, ဒီးအိးထီၣ်လံာ်ထူန့ၣ်တဂၤလဲၣ်.”

လံာ်လီၣ်ဖျါ 8:13

တုၤနုၤတစုယကွၢ်တၢ်, ဒီးယနၢ်ဟူလံာ်ကြီကြာ်တဘ့ၣ်လၢအယူၤဝဲလၢကလံၤ ကျါဖးထီန့ၣ်, စံးဝဲလၢအကလုၢ်ဖးဒိၣ် “ဖဲကွဲၤအကလုၢ် သီၣ်ထီၣ်ဝဲ, လၢကလူးအဂၤသၢဂၤကဘၣ်အူသီၣ်ထီၣ်န့ၣ်, ကယဲၢ်ပှၤအိၣ်လၢဟီၣ်ခိၣ်ချၢတဖၣ်အဂီၢ်ကမ့ၢ်တၢ်အဖှီၣ်, တၢ်အဖှီၣ်, တၢ်အဖှီၣ်န့ၣ်လီၤ.”