လံာ်လီၣ်ဖျါ 1:6 - Sgaw Karen Common Bible

⁶ ဒီးဒုးကဲပှၤလၢပှၤလုၢ်တၢ်အခိၣ်တဖၣ်အဘီအမုၢ်တဘ့ၣ်ဒ်သိး ပကမၤအဝဲအကစၢ်ယွၤ, ဒီးအပၢ်အတၢ်ဖံးတၢ်မၤအဂီၢ်န့ၣ်လီၤ. မ်တၢ်လၤကပီၤဒီးတၢ်စိတၢ်ကမီၤအိၣ်ဒီးအီၤအစိၤစိၤအဃၣ်ဃၣ်တက့ၢ်. အၤမ့ၣ်.

လံာ်လီၣ်ဖျါ 1:6 Iomraidhean Croise

လံာ်တၢ်ဟးထီၣ်ကွံာ် 19:6

ပှၤဂီၢ်မုၢ်တဖုလၢတၢ်ပာ်စီဆှံအီၤထဲဒၣ်ဆူယၤတဂၤဧိၤအအိၣ်, ဒီးသုကမၤတၢ်ခ့တၢ်ပှၤအတၢ်မၤလၢယဂီၢ်ဒ်ပှၤလုၢ်တၢ်အခိၣ်တဖၣ် အသိးန့ၣ်လီၤ.”

လံာ်ယၡါယၤ 61:6

ဒီးသုကဘၣ်တၢ်သ့ၣ်ညါသုဒ် ယွၤအပှၤလုၢ်တၢ်အခိၣ်တဖၣ်, ပကစၢ်ယွၤအခ့အပှၤတဖၣ်အသိးန့ၣ်လီၤ. သုကမုာ်လၤသးခုဘၣ်လၢပှၤကလုာ်တဖၣ် အတၢ်ထူးတၢ်တီၤအပူၤ ဒီးပာ်ကဖၢလၢသုသးလၢတၢ်အံၤမ့ၢ်သုတၢ်အဃိလီၤ.

လံာ်ဒၤနံးယ့လး 4:34

“တုၤနွံနံၣ်ပူၤကွံာ်ဝဲဒီး, ယၤ, စီၤနဘူၤကးန့စၢ်ကွၢ်ထီၣ်တၢ်ဆူ မူခိၣ်ဒီးယအိၣ်က့ၤဒီးယတၢ်သူၣ်ထံသးဆးလီၤ. ယစံးထီၣ်ပ တြၢၤတၢ်ထီကတၢၢ်ကစၢ်ယွၤဒီးဟ့ၣ်တၢ်ယူးယီၣ်ဒီးတၢ်လၤ ကပီၤဆူပှၤလၢအမူဝဲအထူအယိာ်တဂၤအအိၣ်န့ၣ်လီၤ. “အဂ့ၢ်ဒ်အံၤ, အတၢ်ပၢတၢ်ပြးန့ၣ်မ့ၢ်တၢ်ပၢတၢ်ပြး အထူအယိာ်, ဒီးအဘီအမုၢ်အိၣ်ဂၢၢ်အိၣ်ကျၢၤ အစိၤစိၤအဃၣ်ဃၣ်လီၤ.

လံာ်ဒၤနံးယ့လး 7:14

အဝဲဘၣ်တၢ်ဟ့ၣ်လီၤအီၤလၢပှၤပၢတၢ်အစိကမီၤ, တၢ်လၤကပီၤ, ဒီးစီၤလိၣ်စီၤပၤအစိကမီၤ, ဒ်သိးကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤကျိာ်အကလုာ်ကလုာ်တဖၣ်ကမၤ အခ့အပှၤအတၢ်မၤန့ၣ်လီၤ. အစိအကမီၤကအိၣ်လီၤထူလီၤယိာ်, ဒီးအဘီအမုၢ်န့ၣ်အကတၢၢ်တအိၣ်ဘၣ်.

လံာ်မးသဲ 6:13

သုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ဖျဲးကွံာ်ပှၤလၢတၢ်အၢတၢ်သီအပူၤတက့ၢ်. (အဂ့ၢ်ဒ်အံၤ, ဘီမုၢ်, တၢ်စိတၢ်ကမီၤဒီး တၢ်လၤကပီၤန့ၣ်မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်)’

လံာ်ယိၤဟၣ် 5:23

ဒ်သိးပှၤခဲလၢာ်ကယူးယီၣ်ဖိခွါဒ်အယူးယီၣ်ပၢ်အသိး န့ၣ်လီၤ. ပှၤလၢတယူးယီၣ်ဘၣ်ဖိခွါန့ၣ်, တယူးယီၣ်ဘၣ်ပၢ်လၢအမၢလီၤအီၤတဂၤန့ၣ်ဘၣ်.

ရိမ့ၤ 11:36

အဂ့ၢ်ဒ်လဲၣ်န့ၣ်, တၢ်ခဲလၢာ်ဘၣ်တၢ်တ့လီၤလၢအီၤ, ဒီးတၢ်ခဲလၢာ်အိၣ်ထီၣ်ခီဖျိအီၤဒီးလၢအဂီၢ်န့ၣ်လီၤ. မ်တၢ်လၤကပီၤဘၣ်ကစၢ်ယွၤလီၤစိၤလီၤထီတက့ၢ်. အၤမ့ၣ်.

ရိမ့ၤ 15:6

ဒ်သိးသုဝဲခဲလၢာ်, သုကစံးထီၣ်ပတြၢၤကစၢ်ယွၤဒီးပကစၢ် ယ့ၣ်ၡူးခရံာ်အပၢ်, လၢသုသးတဖျၢၣ်ဃီအပူၤအဂီၢ်န့ၣ်တက့ၢ်.

ဖံလံးပံၤ 2:11

ဒီးပှၤခဲလၢာ်ကစံးဘၣ်တဲဘၣ်ပှၤကိးဂၤလၢ ယ့ၣ်ၡူးခရံာ်မ့ၢ်ကစၢ်, လၢပၢ်ကစၢ်ယွၤအလၤကပီၤအဂီၢ်လီၤ.

၁ တံၤမသ့း 6:16

အဝဲမ့ၢ်ပှၤထဲတဂၤဧိၤလၢအသံတသ့ဘၣ်, အိၣ်မူဝဲဒၣ်လၢတၢ်ကပီၤလၢပှၤသုးဘူးအသးဆူအအိၣ်တသ့နီ တဂၤဘၣ်အပူၤလီၤ. ပှၤတထံၣ်ဘၣ်တ့ၢ်အီၤနီတဂၤဘၣ်, ဒီးပှၤထံၣ်အီၤတသ့နီတဂၤဘၣ်. မ်တၢ်လၤကပီၤဒီးတၢ်စိကမီၤအထူအယိာ်အိၣ်ဒီးအီၤတက့ၢ်. အၤမ့ၣ်.

ဧ့ၤဘြံၤ 13:21

မ်တၢ်ဃူတၢ်ဖိးအကစၢ်ယွၤမၤလၢမၤပှဲၤသုလၢတၢ် အဂ့ၤခဲလၢာ်လၢသုလိၣ်ဘၣ်အီၤ, ဒ်သိးသုကမၤအတၢ်ဘၣ် အသး, ဒီးခီဖျိယ့ၣ်ၡူးခရံာ်န့ၣ်, မ်အဝဲမၤအတၢ်ဘၣ်အသး လၢပပူၤန့ၣ်တက့ၢ်. မ်ခရံာ်ဒိးဘၣ်တၢ်လၤကပီၤအစိၤစိၤ အဃၣ်ဃၣ်တက့ၢ်. အၤမ့ၣ်.

၁ ပ့းတရူး 4:11

ပှၤတဂၤဂ့ၤတဂၤဂ့ၤလၢအစံၣ်တဲၤတဲလီၤတၢ်န့ၣ်, ကဘၣ်စံၣ်တဲၤတဲလီၤကစၢ်ယွၤအတၢ်ကစီၣ်တဖၣ်, ဒီးပှၤတဂၤဂ့ၤတဂၤဂ့ၤလၢအမၤတၢ်ခ့တၢ်ပှၤအတၢ်မၤန့ၣ်, ကဘၣ်မၤဝဲလၢတၢ်ဂံၢ်တၢ်ဘါလၢကစၢ်ယွၤဟ့ၣ်လီၤအီၤ အပူၤ, ဒ်သိးလၢတၢ်ခဲလၢာ်အပူၤယွၤကဘၣ်တၢ်စံးထီၣ်ပတြၢၤ အီၤခီဖျိယ့ၣ်ၡူးခရံာ်န့ၣ်လီၤ. တၢ်လၤကပီၤဒီးတၢ်စိတၢ်ကမီၤ န့ၣ်, မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.

၁ ပ့းတရူး 5:11

မ်တၢ်စိတၢ်ကမီၤအိၣ်ဒီးအီၤလီၤစိၤလီၤထီတက့ၢ်. အၤမ့ၣ်.

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.

ယူဒၤ 1:25

ကစၢ်ယွၤတဂၤဃီ, ပပှၤအုၣ်က့ၤခီၣ်က့ၤတၢ်ခီဖျိပကစၢ် ယ့ၣ်ၡူးခရံာ်အံၤ, မ်တၢ်လၤကပီၤ, တၢ်ကဟုကညီၢ်, တၢ်ဂံၢ်ဆူၣ်ဘါဆူၣ်, ဒီးတၢ်စိတၢ်ကမီၤအိၣ်ဒီးအီၤ, လၢစိၤလၢအပူၤကွံာ်ခဲလၢာ်, ဒီးစိၤခဲအံၤ, ဒီးဆူညါအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.

လံာ်လီၣ်ဖျါ 20:6

ပှၤလၢအဂဲၤဆၢထၢၣ်သမူထီၣ်က့ၤအဆိကတၢၢ်တဘျီအံၤ တဖၣ်န့ၣ်, အသူၣ်ခုအသးခုဒီးဘၣ်ဆိၣ်ဂ့ၤဝဲလီၤ. တၢ်သံခံစုတစုအစိကမီၤတအိၣ်လၢအဝဲသ့ၣ် အဖီခိၣ်ဘၣ်. အဝဲသ့ၣ်ကမ့ၢ်ကစၢ်ယွၤဒီးခရံာ်အပှၤလုၢ်တၢ် အခိၣ်တဖၣ်ဒီးကပၢတၢ်ဒီးခရံာ်အနံၣ်တကထိလီၤ.

လံာ်လီၣ်ဖျါ 4:11

“ပကစၢ်ဒီးကစၢ်ယွၤဧၢ, နကြၢးဝဲဘၣ်ဝဲ လၢနကဒိးန့ၢ်ဘၣ်တၢ်လၤကပီၤ, တၢ်ယူးယီၣ်, ဒီးတၢ်စိတၢ်ကမီၤလီၤ. အဂ့ၢ်ဒ်အံၤ, နတ့လီၤပာ်လီၤတၢ်ခဲလၢာ်, ဒီးလၢနတၢ်ဘၣ်နသးအဃိ အဝဲသ့ၣ်ဘၣ်တၢ်ဟ့ၣ်အီၤ တၢ်အိၣ်မူဒီးတၢ်မူန့ၣ်လီၤ.”

လံာ်လီၣ်ဖျါ 5:10

နဒုးကဲထီၣ်အဝဲသ့ၣ်လၢဘီမုၢ်တဘ့ၣ်လၢ အဘၣ်ဃးဒီးပှၤလုၢ်တၢ်အခိၣ်တဖၣ် လၢအကမၤကစၢ်ယွၤအတၢ်ဖံးတၢ်မၤအဂီၢ်န့ၣ်လီၤ. ဒီးအဝဲသ့ၣ်ကပၢတၢ်လၢဟီၣ်ခိၣ်ချၢလီၤ.”