လံာ်လီၣ်ဖျါ 1:5 - Sgaw Karen Common Bible

⁵ ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,

လံာ်လီၣ်ဖျါ 1:5 Iomraidhean Croise

စံးထီၣ်ပတြၢၤ 51:2

သ့စီယၤလၢယတၢ်အၢစီစီ, ဒီးမၤကဆှီယၤလၢယတၢ်ဒဲးဘးတက့ၢ်.

စံးထီၣ်ပတြၢၤ 72:11

မ်စီၤပၤခဲလၢာ်ကဘါထီၣ်အီၤ ဒီးပှၤကလုာ်ခဲလၢာ်ကမၤအတၢ်တက့ၢ်.

စံးထီၣ်ပတြၢၤ 89:27

ဒီးယကပာ်အီၤလၢယဖိခွါဝဲၢ်ကိ, ပှၤအဒိၣ်ကတၢၢ်လၢ စီၤပၤခဲလၢာ်အကျါန့ၣ်လီၤ.

တၢ်ကတိၤဒိ. 14:5

ပှၤအုၣ်အသးလၢတၢ်နာ်န့ၢ်အီၤသ့တဲတၢ်မ့ၢ်တၢ်တီထီဘိလီၤ. မ့မ့ၢ်, ပှၤလၢတၢ်နာ်န့ၢ်အီၤတသ့ဘၣ်တဂၤတဲဒၣ်ထဲတၢ်လီတၢ်ဝ့ၤ တဖၣ်ဧိၤလီၤ.

လံာ်ယၡါယၤ 55:4

ယဒုးကဲထီၣ်အီၤလၢခိၣ်နၢ်တဂၤဒီးပှၤကလုာ်တဖၣ်အသုးခိၣ်ဖးဒိၣ်, ဒီးခီဖျိအီၤန့ၣ်ယဒုးနဲၣ်အဝဲသ့ၣ်လၢ ယတၢ်စိတၢ်ကမီၤလီၤ.

လံာ်ဒၤနံးယ့လး 2:2

ဒီးစီၤပၤမၢပှၤကိးန့ၢ်အီၤပှၤဖးတၢ်ဟဲဝံဟဲစိာ်, ပှၤသ့အူတၢ်သမူတၢ်, ပှၤမၤကဒါမဲာ်ဒီးပှၤသ့သမူပယၢ်တၢ်တဖၣ်လၢအကဟဲ ဖးန့ၢ်အတၢ်မံမီၢ်န့ၣ်လီၤ. ဖဲအဝဲသ့ၣ်ဟဲတုၤ ဒီးဆၢထၢၣ်တ့ၢ်ဝဲလၢစီၤပၤအမဲာ်ညါန့ၣ်,

လံာ်ဒၤနံးယ့လး 7:14

အဝဲဘၣ်တၢ်ဟ့ၣ်လီၤအီၤလၢပှၤပၢတၢ်အစိကမီၤ, တၢ်လၤကပီၤ, ဒီးစီၤလိၣ်စီၤပၤအစိကမီၤ, ဒ်သိးကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤကျိာ်အကလုာ်ကလုာ်တဖၣ်ကမၤ အခ့အပှၤအတၢ်မၤန့ၣ်လီၤ. အစိအကမီၤကအိၣ်လီၤထူလီၤယိာ်, ဒီးအဘီအမုၢ်န့ၣ်အကတၢၢ်တအိၣ်ဘၣ်.

လံာ်တၢ်ဘူၣ်ထီၣ်ဘါထီၣ် 13:58

ဒီးဖဲအဆှုၣ်ကွံာ်တၢ်တမံၤန့ၣ်ဒီး, တၢ်ဆါအၢအကဝီၤဟးမၢ်ကွံာ်န့ၣ်, အဝဲကဘၣ်ဆှုၣ်ကဒီးဝဲတဘျီဒီးကကဆှီဝဲဒၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်စကၤရယၤ 13:1

ဒီးသ့တၢ်လၢာ်အယွၤစံးဝဲဒၣ်, “ဖဲအဆၢကတီၢ်အဝဲန့ၣ်ဟဲ တုၤဃီၤန့ၣ်, ထံမူထီၣ်ပၢၢ်တပူၤကဘၣ်တၢ်အိးထီၣ်အီၤလၢကမၤ ကဆှီစီၤဒၤဝံးအစၢၤအသွဲၣ်တဖၣ်ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢအတၢ်ဒဲးဘးဒီးအတၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်မးသဲ 20:28

ဒ်ပှၤကညီဖိခွါအသိး, လၢအဟဲဝဲတမ့ၢ်ဘၣ်လၢပှၤကမၤန့ၢ်တၢ်အခ့အပှၤ အတၢ်မၤလၢအဂီၢ်ဘၣ်. မ့ၢ်ဒ်သိးကမၤတၢ်အခ့အပှၤအတၢ်မၤလၢပှၤဂၤ အဂီၢ်, ဒီးကဟ့ၣ်လီၤအသးသမူလၢကအုၣ်က့ၤခီၣ်က့ၤပှၤအါဂၤအသးသမူ အဂီၢ်လီၤ.”

လံာ်မးသဲ 28:18

ယ့ၣ်ၡူးလဲၤဘူးထီၣ်ဒီးအဝဲသ့ၣ်ဒီးစံး, “ယဘၣ်တၢ်ဟ့ၣ်လီၤလံယၤလၢတၢ်စိတၢ်ကမီၤလၢမူခိၣ်ဒီးလၢ ဟီၣ်ခိၣ်ချၢခဲလၢာ်လံ.

လံာ်ယိၤဟၣ် 13:1

ဖဲဘူၣ်လဲၤကပာ်တချုးဘၣ်တနံၤန့ၣ်, ယ့ၣ်ၡူးသ့ၣ်ညါဝဲလၢ တၢ်ဆၢကတီၢ်နၣ်ရံၣ်တုၤအိၣ်အီၤလၢအဝဲကဘၣ်ဟးထီၣ် ကွံာ်လၢဟီၣ်ခိၣ်အံၤဒီးက့ၤဆူပၢ်အအိၣ်န့ၣ်လီၤ. အဝဲအဲၣ်ဘၣ်ပှၤတဖၣ်လၢဟီၣ်ခိၣ်အံၤလၢအမ့ၢ်အတၢ် ဒၣ်ဝဲ, ဒီးအဲၣ်အီၤတုၤအကတၢၢ်န့ၣ်လီၤ.

လံာ်ယိၤဟၣ် 13:34

ဒီးခဲကနံၣ်အံၤယဟ့ၣ်သုတၢ်မၤလိာ်အသီတထံၣ်, အဲၣ်လိာ်ကွံလိာ်သုသးတဂၤဒီးတဂၤတက့ၢ်. ဒ်ယအဲၣ်တ့ၢ်သု အသိးန့ၣ်, သုကဘၣ်အဲၣ်လိာ်ကွံလိာ်သုသးတဂၤဒီး တဂၤဒ်န့ၣ်အသိးလီၤ.

လံာ်ယိၤဟၣ် 15:9

ယအဲၣ်သုဒ်ပၢ်အဲၣ်ယၤအသိးလီၤ. အိၣ်ဆိးလၢယတၢ်အဲၣ် အပူၤတက့ၢ်.

လံာ်ယိၤဟၣ် 18:37

လၢတၢ်န့ၣ်အဃိ, စီၤပံၤလးသံကွၢ်အီၤ, “မ့မ့ၢ်ဒ်န့ၣ်ဒီး, နမ့ၢ်စီၤပၤတဂၤဧါ.” ယ့ၣ်ၡူးစံးဆၢတၢ်ဒီးစံးဝဲ, “နစံးလၢယမ့ၢ်စီၤပၤတဂၤလီၤ. ယအိၣ်ဖျဲၣ်ထီၣ်ဒီးဟဲဆူဟီၣ်ခိၣ်ချၢအံၤလၢတၢ်တိာ်ထဲတမံၤဧိၤ အဂီၢ်လၢအမ့ၢ်တၢ်ကတိၤတၢ်မ့ၢ်တၢ်တီန့ၣ်လီၤ. ပှၤတဂၤလၢ်လၢ်လၢအဘၣ်ဃးဒီးတၢ်မ့ၢ်တၢ်တီန့ၣ်, ဒိကနၣ်ယကလုၢ်လီၤ.”

လံာ်ယိၤဟၣ် 3:11

ယတဲဘၣ်နၤတီတီလိၤလိၤ, ပကတိၤတၢ်လၢပသ့ၣ်ညါ ဒီး ပပာ်ဖျါတၢ်လၢပထံၣ်, အန့ၣ်ဒၣ်လဲာ် သုဝဲလၢအသးအိၣ်တူၢ်လိာ်ပတၢ်ကစီၣ်တအိၣ်နီတဂၤဘၣ်.

လံာ်ယိၤဟၣ် 3:16

အဂ့ၢ်ဒ်အံၤ, ကစၢ်ယွၤအဲၣ်ပှၤဟီၣ်ခိၣ်ဖိ တုၤအဟ့ၣ်လီၤကွံာ်အဖိခွါအိၣ်တဂၤဃီ, ဒ်သိးကယဲၢ်ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်, အသုတဟးဂီၤတဂ့ၤဒီးကန့ၢ်ဘၣ်တၢ်မူ အထူအယိာ်န့ၣ်လီၤ.

လံာ်ယိၤဟၣ် 3:32

တၢ်လၢအဝဲထံၣ်ဒီးနၢ်ဟူဝဲန့ၣ်စံးကတိၤဝဲ, သနာ်က့ပှၤတတူၢ်လိာ်အတၢ်ကစီၣ်နီတဂၤဘၣ်.

မၤတၢ် 20:28

အံးထွဲကွၢ်ထွဲလီၤသုသးဒၣ်ဝဲ, ဒီးအံးထွဲကွၢ်ထွဲသိခဲလၢာ်လၢသးစီဆှံပာ်လီၤတ့ၢ်ဝဲလၢသု တၢ်အံးတၢ်ကွၢ်အပူၤန့ၣ်တက့ၢ်. ကဲထီၣ်ပှၤကွၢ်သိတဖၣ် လၢကစၢ်ယွၤအတၢ်အိၣ်ဖှိၣ်အဂီၢ်, တၢ်အိၣ်ဖှိၣ်လၢအဝဲဒုးကဲထီၣ်အီၤဆူ အတၢ်ဒၣ်ဝဲခီဖျိအဖိခွါအတၢ်သံန့ၣ်တက့ၢ်.

မၤတၢ် 26:23

လၢခရံာ်ကဘၣ်တူၢ်တၢ်ဒီးကဲထီၣ်ပှၤအဆိကတၢၢ်တဂၤလၢ အကဂဲၤဆၢထၢၣ်သမူထီၣ်က့ၤ, ပှၤလၢအကဘိးဘၣ်သ့ၣ်ညါပှၤယူဒၤဖိဒီးပှၤကလုာ်ဂၤ တဖၣ်လၢတၢ်ကပီၤဘၣ်ဃးဒီးတၢ်အုၣ်က့ၤခီၣ်က့ၤအဂ့ၢ်န့ၣ်လီၤ.”

ရိမ့ၤ 3:25

ကစၢ်ယွၤဟ့ၣ်လီၤယ့ၣ်ၡူးခရံာ်ဒ်သိးခီဖျိအတၢ်သံန့ၣ်, အဝဲကကဲထီၣ်ကျဲလၢပှၤဟီၣ်ခိၣ်ဖိတဖၣ်အတၢ်ဒဲးဘး ကဘၣ်တၢ်ပျၢ်အီၤအဂီၢ်လၢအဝဲသ့ၣ်အတၢ်နာ်အီၤအဃိန့ၣ်လီၤ. ကစၢ်ယွၤမၤတ့ၢ်တၢ်အံၤဒ်သိးအကဒုးနဲၣ်အတၢ်တီတၢ်လိၤ အဂီၢ်န့ၣ်လီၤ. လၢအပူၤကွံာ်န့ၣ်, ကစၢ်ယွၤဝံသးစူၤတၢ်ဒီးကွၢ်ကပာ်ကွံာ်ပှၤဟီၣ်ခိၣ်ဖိ တဖၣ်အတၢ်ဒဲးဘးန့ၣ်လီၤ.

ရိမ့ၤ 8:37

မ့မ့ၢ်လၢတၢ်န့ၣ်တဖၣ်ခဲလၢာ်အပူၤပမ့ၢ်ပှၤလၢအမၤ နၢၤတၢ်လၢလၢပှဲၤပှဲၤခီဖျိပှၤလၢအအဲၣ်ပှၤအဃိလီၤ.

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

ကလၤတံ 2:20

လၢတၢ်န့ၣ်အဃိ, ပှၤလၢအမူဝဲခဲအံၤန့ၣ်, တမ့ၢ်လၢၤယၤဘၣ်, မ့မ့ၢ်ခရံာ်မ့ၢ်ပှၤလၢအမူဝဲလၢယပူၤလီၤ. တၢ်အိၣ်မူလၢယအိၣ်မူ ခဲကနံၣ်အံၤ, မ့ၢ်ယမူလၢတၢ်နာ်ဘၣ်ဃးဒီးကစၢ်ယွၤအဖိခွါလၢ အအဲၣ်ယၤဒီးဟ့ၣ်လီၤကွံာ်အသးသမူလၢယဂီၢ်တဂၤန့ၣ်အပူၤလီၤ.

အ့းဖ့းစူး 2:4

ဘၣ်ဆၣ်ဒီးယွၤလၢအထူးဝဲတီၤဝဲဒီးတၢ်သးကညီၤန့ၣ်, လၢတၢ်အဲၣ်ဘၣ်ပှၤအဒိၣ်အအါအပူၤ,

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

လံာ်သိၣ်လီၤသီလီၤတၢ် 18:2

အဝဲသ့ၣ်တဘၣ်အိၣ်ဒီးအဟီၣ်ခိၣ်ကဝီၤလၢအဂီၢ်ဒၣ်ဝဲ, ဒ်ဒူၣ်အဂၤတဖၣ်အိၣ်ဝဲအသိးန့ၣ်ဘၣ်. အဝဲသ့ၣ်အတၢ်ဟ့ၣ်နီၤန့ၣ်, ကဘၣ်မ့ၢ်ဒၣ်တၢ်အိၣ်ဒီးတၢ်ခွဲးတၢ်ယာ်လၢတၢ်ကဲဘၣ်ယွၤအပှၤလုၢ် တၢ်အခိၣ်တဖၣ်ဒ်ယွၤအၢၣ်လီၤတ့ၢ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 23:5

ဘၣ်ဆၣ်ဒီးယွၤသုကစၢ်ယွၤတဒိကနၣ်ဘၣ်စီၤဘံးလၣ်ဘၣ်. အခိၣ်တလိာ်အဝဲလဲလိာ်ကွံာ်တၢ်ဆိၣ်အၢတမံၤဆူတၢ်ဆိၣ်ဂ့ၤတမံၤ မ့ၢ်လၢအဝဲအဲၣ်သုအဃိန့ၣ်လီၤ.

လံာ်သိၣ်လီၤသီလီၤတၢ် 7:8

မ့မ့ၢ်ယွၤအဲၣ်သုဒီးသးအိၣ်ဟံးဃာ်တၢ်အၢၣ်လီၤအီလီၤလၢအဝဲ မၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. လၢတၢ်န့ၣ်အဃိအဝဲအုၣ်က့ၤခီၣ်က့ၤသုခီဖျိအတၢ်ဒိၣ်တၢ်မုၢ် ဒီးမၤထူၣ်ဖျဲးသုလၢကုၢ်အလီၢ်လၢကီၢ်အဲၤကူပတူးအစီၤပၤ အစုပူၤန့ၣ်လီၤ.

ကလီးစဲ 1:18

ခရံာ်မ့ၢ်တၢ်အိၣ်ဖှိၣ်အခိၣ်ဒီးတၢ်အိၣ်ဖှိၣ်မ့ၢ်ခရံာ်အနီၢ်ခိလီၤ. အဝဲမ့ၢ်နီၢ်ခိအံၤအတၢ်မူအခီၣ်ထံးခီၣ်ဘိလီၤ. ခရံာ်မ့ၢ်ယွၤ အဖိဝဲၢ်ကိလၢအဘၣ်တၢ်ဒုးဂဲၤဆၢထၢၣ်က့ၤအီၤလၢတၢ်သံ အဆိကတၢၢ်, ဒ်သိးဒီးအဝဲကဒိၣ်စိလၢတၢ်ခဲလၢာ်အဖီခိၣ် အဂီၢ်န့ၣ်လီၤ.

၁ တံၤမသ့း 6:13

လၢကစၢ်ယွၤလၢအဒုးမူတၢ်ခဲလၢာ်တဂၤအမဲာ်ညါ, ဒီးပှၤလၢအအၢၣ်လီၤဒီးမၤဂၢၢ်မၤကျၢၤအတၢ်စူၢ်တၢ်နာ်လၢ စီၤပီၢ်တံၤပံၤလးအမဲာ်ညါ, လၢအမ့ၢ်ယ့ၣ်ၡူးခရံာ်တဂၤန့ၣ် အမဲာ်ညါ, ယမၤလိာ်နၤ,

၁ တံၤမသ့း 6:15

အတၢ်ဟဲအံၤကဘၣ်တၢ်ဒုးအိၣ်ဖျါထီၣ်အီၤဘၣ်ဆၢဘၣ် ကတီၢ်လၢကစၢ်ယွၤ, လၢအဘၣ်ဆိၣ်ဂ့ၤဒီးပၢတၢ်ထဲတဂၤဧိၤ, စီၤပၤတဖၣ်အစီၤပၤဒီးကစၢ်တဖၣ်အကစၢ်န့ၣ်လီၤ.

ဧ့ၤဘြံၤ 10:29

မ့မ့ၢ်ဒ်န့ၣ်ဒီးပှၤလၢအကွၢ်တလီၤကစၢ်ယွၤအဖိခွါ, ဒီးတပာ်လုၢ်ပာ်ပှ့ၤဘၣ်ကစၢ်ယွၤအတၢ်အၢၣ်လီၤအီလီၤလၢ အမ့ၢ်ယ့ၣ်ၡူးခရံာ်အသွံၣ်လၢအမၤကဆှီထီၣ်အီၤလၢအတၢ် ဒဲးဘး, ဒီးကတိၤဒုၣ်ဒွဲၣ်ယွၤအသးလၢအလၢပှဲၤဒီးတၢ်ဘျုး တၢ်ဖှိၣ်တဂၤန့ၣ်, ကြၢးဒိးဘၣ်တၢ်စံၣ်ညီၣ်ဃၣ်အီၤနးန့ၢ်အန့ၣ် တက့ၢ်ဆံးဒိၣ်လဲၣ်.

ဧ့ၤဘြံၤ 9:14

တၢ်အံၤမ့ၢ်တၢ်လၢအမ့ၢ်ဝဲတီဝဲအဃိခရံာ်အသွံၣ်ကမၤန့ၢ်တၢ်လၢ ပဂီၢ်ဒိၣ်န့ၢ်အါန့ၢ်အန့ၣ်တက့ၢ်ဆံးဒိၣ်လဲၣ်. ခီဖျိယွၤအသးလၢအမူဝဲလီၤထူလီၤယိာ်န့ၣ်အဝဲလုၢ် ထီၣ်ပာ်ထီၣ်အသးဒၣ်ဝဲဒ်တၢ်လုၢ်အလၢအပှဲၤအသိးလၢ ယွၤန့ၣ်လီၤ. အသွံၣ်ကမၤကဆှီထီၣ်ပသးလၢအသ့ၣ်ညါ ဒၣ်တၢ်, လၢလုၢ်လၢ်အတၢ်ဖံးတၢ်မၤလၢအတဂိာ်တသီၣ်ဘၣ် တဖၣ်ဒ်သိးပကမၤဘၣ်ကစၢ်ယွၤလၢအမူဝဲတဂၤအတၢ်မၤန့ၣ်လီၤ.

၁ ပ့းတရူး 1:19

မ့မ့ၢ်, မ့ၢ်တၢ်လုၢ်ထီၣ်ခရံာ်ဒ်အမ့ၢ်တၢ်လုၢ်ဒိၣ်ပှ့ၤဒိၣ်လၢအလီၤ ဂာ်ဒီးသိဖိတဒုလၢအတသံၣ်သူမီၢ်ကျာ်ဒီးအတၢ်မဲၣ်သူမဲၣ်ဂီၤ တအိၣ်ဘၣ်အသိးန့ၣ်လီၤ.

၁ ယိၤဟၣ် 1:7

ဘၣ်ဆၣ်ပမ့ၢ်အိၣ်မူလၢတၢ်ကပီၤအပူၤ, ဒ်အဝဲဒၣ်အိၣ်လၢတၢ်ကပီၤအပူၤအသိးန့ၣ်ဒီး, မ့ၢ်ပရ့လိာ်မုာ်လိာ်ပသးတဂၤဒီးတဂၤဒီးကစၢ်ယွၤ အဖိခွါယ့ၣ်ၡူးခရံာ်အသွံၣ်သ့စီကွံာ်ပှၤလၢပတၢ် ဒဲးဘးခဲလၢာ်န့ၣ်လီၤ.

၁ ယိၤဟၣ် 4:10

တၢ်အဲၣ်တၢ်ကွံမ့ၢ်တၢ်အံၤလီၤ. တမ့ၢ်တၢ်အဲၣ်လၢပအဲၣ်တ့ၢ် ကစၢ်ယွၤဘၣ်. မ့မ့ၢ်တခီ, မ့ၢ်ကစၢ်ယွၤအတၢ်အဲၣ်ပှၤလၢ အမၢလီၤအဖိခွါဒ်သိးကကဲထီၣ်ကျဲလၢပတၢ်ဒဲးဘးတဖၣ် ကဘၣ်တၢ်ပျၢ်ကွံာ်အီၤအဂီၢ်န့ၣ်လီၤ.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”

လံာ်လီၣ်ဖျါ 11:3

ယကဆှၢလီၤယပှၤအုၣ်အသးခံဂၤလၢအကူသိးထၢၣ်တၢ်ကံးယာ်, ဒီးအဝဲသ့ၣ်ကကတိၤတၢ်လၢဝံအကျိာ်, ဖဲအသီ ၁၂၆၀ တဖၣ်အတီၢ်ပူၤန့ၣ်လီၤ.”

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 19:11

တုၤနုၤတစုယထံၣ်မူခိၣ်အိးထီၣ်အသး, ဒီးဖဲန့ၣ်ကသ့ၣ်ဖါဝါအိၣ်ဝဲဒၣ် တဒုလီၤ. ပှၤဒိးကသ့ၣ်တဂၤအံၤဘၣ်တၢ်ကိးအီၤလၢ ကလုၢ်တီဒီးတီလိၤန့ၣ်လီၤ. အဝဲဒၣ်စံၣ်ညီၣ်ဒီးဒုးအတၢ်ဒုးသုးတဖၣ်လၢတၢ်တီတၢ်လိၤ အပူၤလီၤ.

လံာ်လီၣ်ဖျါ 19:16

လၢအဆ့ကၤဖးထီအလိၤ, ဒီးလၢအကံၣ်ဒုၣ်လိၤန့ၣ်မံၤ တဖျၢၣ်အိၣ်ကွဲးအသး, “စီၤပၤတဖၣ်အစီၤပၤဒီးကစၢ် တဖၣ်အကစၢ်” န့ၣ်လီၤ.

လံာ်လီၣ်ဖျါ 2:13

နအိၣ်နဲဆိးနဲဖဲလဲၣ်ပူၤလဲၣ်န့ၣ်ယသ့ၣ်ညါယဲ, မ့ၢ်ဝဲတၢ်လီၢ်တၢ်ကျဲဖဲမုၣ်ကီၤလံၢ်အလီၢ်ပစိာ်အိၣ်ဝဲန့ၣ်လီၤ. နတီနဲဒီးယၤ, ဒီးဖဲဆၢကတီၢ်လၢယပှၤအုၣ်အသးလၢအသးတီ တဂၤ, စီၤအၣ်တံပၤဘၣ်တၢ်မၤသံအီၤဖဲမုၣ်ကီၤလံၢ်အိၣ်ဆိးဝဲ အလီၢ်အခါဒၣ်လဲာ်န့ၣ်, နတစူးကွံာ်ညိကွံာ်နတၢ်စူၢ်တၢ်နာ်လၢ ယပူၤဘၣ်လီၤ.

လံာ်လီၣ်ဖျါ 3:14

ဆူဝ့ၢ်လီၤဒံၤကံတၢ်အိၣ်ဖှိၣ်အကလူးအအိၣ်န့ၣ်ကွဲးတၢ်ဒ်အံၤ တက့ၢ်. “အဝဲအံၤမ့ၢ်တၢ်ကစီၣ်ဟဲလၢတၢ်အၤမ့ၣ်, ပှၤလၢအသးတီဒီးအုၣ်အသးတီတီလိၤလိၤတဂၤ, ပှၤလၢအမ့ၢ်ကယဲၢ်ကစၢ်ယွၤအတၢ်ဘၣ်တ့ခဲလၢာ် အခီၣ်ထံးခီၣ်ဘိအအိၣ်န့ၣ်လီၤ.

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.