လံာ်လီၣ်ဖျါ 1:4 - Sgaw Karen Common Bible

⁴ လၢစီၤယိၤဟၣ်, ဆူတၢ်အိၣ်ဖှိၣ်နွံဖုလၢကီၢ်အၤစံအပူၤ. မ်သုကဒိးန့ၢ်ဘၣ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးလၢ ကစၢ်ယွၤအအိၣ်, ယွၤလၢအအိၣ်ဝဲ, အိၣ်တ့ၢ်လံဝဲ, ဒီးအကဟဲဝဲတဂၤ, ဒီးလၢသးနွံဖျၢၣ်လၢအဝဲဒၣ်အလီၢ်ပစိာ်အမဲာ်ညါန့ၣ်အအိၣ်,

လံာ်လီၣ်ဖျါ 1:4 Iomraidhean Croise

စံးထီၣ်ပတြၢၤ 90:2

တချုးလၢကစၢၢ်ကလိအိၣ်ထီၣ်ဒံးဘၣ်, မ့တမ့ၢ်တချုးလၢနဒုးအိၣ်ထီၣ်ဟီၣ်ခိၣ်ဒံးဘၣ်န့ၣ်, နမ့ၢ်ကစၢ်ယွၤအစိၤစိၤအဃၣ်ဃၣ်ဒီး နကမ့ၢ်ဒံးနဲလီၤစိၤထီလီၤ.

လံာ်တၢ်ဟးထီၣ်ကွံာ် 3:14

ဒီးကစၢ်ယွၤစံးဘၣ်စီၤမိၤၡ့, “ယမ့ၢ်တၢ်လၢယမ့ၢ်လီၤ. နကဘၣ်တဲဘၣ်အဝဲသ့ၣ်, ပှၤတဂၤလၢအကိးလီၤအသးလၢ ‘ယမ့ၢ်’ န့ၣ်ဆှၢလီၤယၤဆူသုအိၣ်န့ၣ်လီၤ.

လံာ်ယၡါယၤ 11:2

ယွၤအသးကဟ့ၣ်အီၤတၢ်ကူၣ်သ့, ဒီးတၢ်သ့ၣ်ညါဒီးတၢ်သ့တၢ်ဘၣ်လၢကပၢအပှၤဂီၢ်မုၢ်အဂီၢ်လီၤ. အဝဲကသ့ၣ်ညါယွၤအတၢ်ဘၣ် အသးဒီးကအိၣ်ဒီးတၢ်ယူးယီၣ်ပျံၤအီၤ,

လံာ်ယၡါယၤ 41:4

ပှၤလၢအဒုးကဲထီၣ်တၢ်အံၤမ့ၢ်မတၤတဂၤလဲၣ်. တၢ်စံၣ်စိၤတဲစိၤအကျိၤအကျဲန့ၣ်မ့ၢ်မတၤတဂၤနီၤဖးစံၣ်ညီၣ် တဲာ်အီၤလဲၣ်. ယၤ, ယွၤအံၤ, တၢ်မၤအသးအခီၣ်ထံးန့ၣ်ယ အိၣ်ဖဲန့ၣ် ဒီးယၤ, ယွၤအံၤ, လၢတၢ်မၤအသးအကတၢၢ်န့ၣ်ယကအိၣ်ဖဲန့ၣ်လီၤ.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်စကၤရယၤ 3:9

ယပာ်လီၤလၢၢ်တဖျၢၣ်လၢအအိၣ်ဒီးအမဲာ်သၣ်နွံကပၤလၢစီၤယိၤၡူ အမဲာ်ညါလီၤ. ယကစိးပျၤတၢ်ကွဲးတမံၤလၢအလိၤ, ဒီးလၢတနံၤဃီအတီၢ်ပူၤန့ၣ်ယကစိာ် ကွံာ်ကီၢ်အံၤအတၢ်ဒဲးဘးန့ၣ်လီၤ.

လံာ်စကၤရယၤ 4:10

အဝဲသ့ၣ်အသးဟးဂီၤဝဲမ့ၢ်လၢတၢ်လဲၤထီၣ်လဲၤထီမၤအသးထဲ တဆံးတက့ၢ်အဃိန့ၣ်လီၤ. ဘၣ်ဆၣ်ဒီးအဝဲသ့ၣ်ကထံၣ်ဘၣ်စီၤစရူၤဘၤ ဘ့လးဘှီထီၣ်ဒံးတၢ်လုၢ်ဟံၣ်န့ၣ်, ဒီးအဝဲသ့ၣ်ကသူၣ်ဖှံသးညီ ဝဲလီၤ. ကလူးန့ၣ်စံးဘၣ်ယၤ, “မ့ၣ်အူဒၢနွံဖျၢၣ်န့ၣ်မ့ၢ်ယွၤအမဲာ်ချံ နွံဖျၢၣ်လၢအထံၣ်တၢ်လၢဟီၣ်ခိၣ်ဒီဘ့ၣ်ညါန့ၣ်လီၤ.”

လံာ်စကၤရယၤ 6:5

အဝဲစံးဆၢယၤ, “တၢ်တဖၣ်အံၤမ့ၢ်ကလံၤလွံၢ်ကျိၤလၢအဟဲဝဲဒၣ် လၢဟီၣ်ခိၣ်ဒီဘ့ၣ်အယွၤအအိၣ်လီၤ.”

လံာ်ယိၤဟၣ် 1:1

လၢထံးလၢသီန့ၣ်, တၢ်ကလုၢ်အိၣ်တ့ၢ်ဝဲ, တၢ်ကလုၢ်န့ၣ်အိၣ်ဝဲဒီးကစၢ်ယွၤဒီးတၢ်ကလုၢ်န့ၣ် မ့ၢ်တၢ်တမံၤဃီဒီးကစၢ်ယွၤန့ၣ်လီၤ.

မၤတၢ် 19:10

အဝဲမၤဒ်အံၤလၢခံနံၣ်အတီၢ်ပူၤ, တုၤဒၣ်လဲာ်ပှၤအိၣ်လၢကီၢ်အၤစံ အပူၤခဲလၢာ်, ပှၤယူဒၤဖိမ့ၢ်ဂ့ၤ, ပှၤကလုာ်ဂၤမ့ၢ်ဂ့ၤ, နၢ်ဟူဘၣ်ကစၢ်အကလုၢ်ကထါန့ၣ်လီၤ.

မၤတၢ် 2:9

ပဝဲသ့ၣ်တဖၣ်ပမ့ၢ်ပှၤပၢ်သ့ၤဖိ, ပှၤမၤဒဲဖိ, ပှၤဧ့ၤလၣ်ဖိ, ပှၤမ့းစပတၤမံဖိ, ပှၤယူဒၤဖိ, ပှၤကပၤဒကံဖိ, ပှၤပီၣ်တူးဖိ, ပှၤအၤစံဖိ,

ရိမ့ၤ 1:7

လၢတၢ်န့ၣ်အဃိယကွဲးတၢ်ဆူသုဝဲခဲလၢာ်လၢအအိၣ် လၢဝ့ၢ်ရိမ့ၤအပူၤ, ပှၤလၢကစၢ်ယွၤအဲၣ်ဘၣ်အီၤဒီးကိးထီၣ်အီၤလၢ အကမ့ၢ်အပှၤဂီၢ်မုၢ်ဒၣ်ဝဲတဖၣ်အဂီၢ်အအိၣ်န့ၣ်လီၤ. ပပၢ်ကစၢ်ယွၤပပၢ်ဒီးကစၢ်ယ့ၣ်ၡူးခရံာ်ဟ့ၣ်သုတၢ်ဘျုး တၢ်ဖှိၣ်ဒီးတၢ်ဃူတၢ်ဖိးတက့ၢ်.

1 ကရံၣ်သူး 1:3

မ်ပပၢ်ကစၢ်ယွၤဒီးကစၢ်ယ့ၣ်ၡူးခရံာ်ဟ့ၣ်သုတၢ်ဘျုးတၢ်ဖှိၣ်, ဒီးတၢ်ဃူတၢ်ဖိးတက့ၢ်.

၂ ကရံၣ်သူး 1:2

မ်ကစၢ်ယွၤ, ပပၢ်ဒီးကစၢ်ယ့ၣ်ၡူးခရံာ်ဟ့ၣ်သုတၢ်ဘျုးတၢ်ဖှိၣ် ဒီးတၢ်ဃူတၢ်ဖိးတက့ၢ်.

ဧ့ၤဘြံၤ 13:8

မဟါဒီးမဆါအံၤဒီးအစိၤစိၤအဃၣ်ဃၣ်န့ၣ်, ယ့ၣ်ၡူးခရံာ်မ့ၢ်တၢ်ဒ် လီၢ်လီၢ်လီၤ.

ယၤကိာ် 1:17

တၢ်ဟ့ၣ်အဂ့ၤဒီးတၢ်ဟ့ၣ်အလၢအပှဲၤကိးမံၤဒဲးန့ၣ်ဟဲလၢမူခိၣ်, လၢကစၢ်ယွၤလၢအတ့လီၤမူခိၣ်အတၢ်ကပီၤတဖၣ်အအိၣ် န့ၣ်လီၤ. ကစၢ်ယွၤတကဒံကဒါဒီးတဒုးအိၣ်ထီၣ်ဘၣ်တၢ်ခံး တၢ်နၤခီဖျိအဃၣ်ဒူချၢအသးန့ၣ်ဘၣ်.

လံာ်လီၣ်ဖျါ 1:1

လံာ်တဘ့ၣ်အံၤမ့ၢ်ဝဲဒၣ်တၢ်ကွဲးနီၣ်ဘၣ်ဃးတၢ်ဂ့ၢ်တၢ်ကျိၤ လၢယ့ၣ်ၡူးခရံာ်လီၣ်ဖျါထီၣ်ဝဲတဖၣ်လီၤ. ကစၢ်ယွၤဟ့ၣ်အီၤတၢ်လီၣ်ဖျါအဝဲအံၤဒ်သိးအကဒုးနဲၣ်အခ့အပှၤ တဖၣ်လၢတၢ်လၢအကဘၣ်မၤအသးဘူးတ့ၢ်မးလံ တဖၣ်န့ၣ်လီၤ. ခရံာ်ဒုးသ့ၣ်ညါအခ့အပှၤစီၤယိၤဟၣ်လၢ တၢ်ဂ့ၢ်သ့ၣ်တဖၣ်အံၤခီဖျိအဆှၢလီၤအမူခိၣ်ကလူး ဆူအဝဲဒၣ်အအိၣ်,

လံာ်လီၣ်ဖျါ 1:11

တၢ်အကလုၢ်န့ၣ်စံးဝဲ, “ကွဲးလီၤတၢ်လၢနထံၣ်ဘၣ်နဲ, လၢလံာ်တဘ့ၣ်အပူၤ, ဒီးဆှၢလီၤလံာ်အဝဲန့ၣ်ဆူတၢ်အိၣ်ဖှိၣ် တဖၣ်လၢဝ့ၢ်နွံဖျၢၣ်အံၤ, ဝ့ၢ်အ့းဖ့းစူး, ဝ့ၢ်စမူရနၤ, ဝ့ၢ်ပ့ၢ်ကမူး, ဝ့ၢ်သူၤအတံရၤ, ဝ့ၢ်စၢ်ဒံ, ဝ့ၢ်ဖံၤလဒ့းလဖံ, ဒီးဝ့ၢ်လီၤဒံၤကံ, အပူၤန့ၣ်တက့ၢ်.”

လံာ်လီၣ်ဖျါ 1:17

ဖဲယထံၣ်အီၤန့ၣ်, ယလီၤဃံၤယဲဖဲအခီၣ်ထံးဒ်ပှၤသံတဂၤ အသိးလီၤ. အဝဲဒၣ်ပာ်ထီၣ်အစုထွဲလၢယလိၤဒီးစံးဝဲ, “ပျံၤတၢ်တဂ့ၤ, ယမ့ၢ်တၢ်အခီၣ်ထံးဒီးတၢ်အကတၢၢ်လီၤ.”

လံာ်လီၣ်ဖျါ 1:20

အဝဲအံၤမ့ၢ်တၢ်အခီပညီခူသူၣ်ဘၣ်ဃးဒီးဆၣ်နွံဖျၢၣ်လၢ နထံၣ်ဘၣ်နဲလၢယစုထွဲပူၤ, ဒီးမ့ၣ်အူဒၢထူနွံဖျၢၣ်န့ၣ်လီၤ. ဆၣ်နွံဖျၢၣ်န့ၣ်မ့ၢ်ဝဲတၢ်အိၣ်ဖှိၣ်နွံဖုအကလူးတဖၣ်, ဒီးမ့ၣ်အူဒၢနွံဖျၢၣ်န့ၣ် မ့ၢ်တၢ်အိၣ်ဖှိၣ်နွံဖုန့ၣ်လီၤ.

လံာ်လီၣ်ဖျါ 1:8

ကစၢ်ယွၤလၢအသ့တၢ်လၢာ်တဂၤ, လၢအအိၣ်ဝဲ, ဒီးအိၣ်တ့ၢ်လံဝဲ, ဒီးအကဟဲဝဲတဂၤန့ၣ်စံးဝဲဒၣ်, “ယမ့ၢ် က ဒီး ဧ, တၢ်အခီၣ်ထံးဒီးတၢ်အကတၢၢ်လီၤ.”

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.

လံာ်လီၣ်ဖျါ 16:5

ယနၢ်ဟူကလူးလၢအကွၢ်ထွဲထံတဂၤန့ၣ်စံးဝဲ, “တၢ်စံၣ်ညီၣ်လၢနဟ့ၣ်တ့ၢ်နဲတဖၣ်အံၤတီဝဲလိၤဝဲကြၢးဝဲဘၣ် ဝဲန့ၣ်လီၤ. အိ, ပှၤလၢအစီဝဲဆှံဝဲ, ပှၤလၢအအိၣ်, ဒီးအိၣ်တ့ၢ်လံဝဲလၢအပူၤကွံာ်တဂၤဧၢ,

လံာ်လီၣ်ဖျါ 2:12

ဆူဝ့ၢ်ပ့ၢ်ကမူးတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအအိၣ်ဒီးနးလၢ အကနၣ်အိၣ်ခံကပၤန့ၣ်အအိၣ်လီၤ.

လံာ်လီၣ်ဖျါ 2:18

ဆူဝ့ၢ်သူၤအတံရၤတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ “အဝဲအံၤမ့ၢ်တၢ်ကစီၣ်ဟဲလၢကစၢ်ယွၤအဖိခွါ, လၢအမဲာ်ချံတဖၣ်ကဲၤကပီၤဝဲဒ်မ့ၣ်အူအသိး, လၢအခီၣ်လၣ်တဖၣ်ကပြုၢ်ကပြီၤဝဲဒ်တိၢ်ဘီလၢအဘၣ် တၢ်ထူးဘျ့ကတြ့ၣ်အီၤအသိးအအိၣ်န့ၣ်လီၤ.

လံာ်လီၣ်ဖျါ 2:8

ဆူဝ့ၢ်စမူရနၤတၢ်အိၣ်ဖှိၣ်အကလူးအအိၣ်န့ၣ် ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအမ့ၢ်တၢ်အခီၣ်ထံး ဒီးတၢ်အကတၢၢ်အအိၣ်, ပှၤတဂၤလၢအသံတ့ၢ်, ဒီးဂဲၤဆၢထၢၣ်သမူထီၣ်က့ၤတဂၤန့ၣ်လီၤ.

လံာ်လီၣ်ဖျါ 22:16

“ယၤ, ယ့ၣ်ၡူး, ယဆှၢလီၤယဲယကလူးဒ်သိးအကဘိးဘၣ်သ့ၣ်ညါ သုဘၣ်ဃးတၢ်သ့ၣ်တဖၣ်အံၤလၢတၢ်အိၣ်ဖှိၣ်တဖၣ်အပူၤလီၤ. ယဟဲလီၤစၢၤယဲဒၣ်လၢစီၤဒၤဝံးအဒူၣ်အထၢ, ယမ့ၢ်ဆၣ်တူၢ်ဂီၤလၢအကပြုၢ်ကပြီၤတဖျၢၣ်န့ၣ်လီၤ.”

လံာ်လီၣ်ဖျါ 22:8

ယၤ, စီၤယိၤဟၣ်, ယနၢ်ဟူဒီးထံၣ်ဘၣ်တ့ၢ်ယဲတၢ်သ့ၣ်တဖၣ် အံၤခဲလၢာ်လီၤ. ဒီးဖဲယနၢ်ဟူဒီးထံၣ်ယဲဝံၤန့ၣ်, ယထိၣ်လီၤပှီၤယသးလၢကလူးလၢအဒုးနဲၣ်တ့ၢ်ယၤတၢ်သ့ၣ် တဖၣ်အံၤတဂၤအခီၣ်ထံးလၢယကဘူၣ်ထီၣ်ဘါထီၣ်အီၤ အဂီၢ်န့ၣ်လီၤ.

လံာ်လီၣ်ဖျါ 3:1

ဆူဝ့ၢ်စၢ်ဒံတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤ မ့ၢ်တၢ်ကစီၣ်ဟဲလၢပှၤတဂၤလၢအအိၣ်ဒီးကစၢ်ယွၤ အသးနွံဖျၢၣ်, ဒီးဆၣ်နွံဖျၢၣ်အအိၣ်န့ၣ်လီၤ. နမၤတၢ်မနုၤလဲၣ်န့ၣ် ယသ့ၣ်ညါယဲလီၤ. ယသ့ၣ်ညါလၢနအိၣ်ဒီးနမံၤနသၣ်လၢ နအိၣ်မူအိၣ်ဂဲၤ, အနီၢ်နီၢ်တခီ, နသံနဲန့ၣ်လီၤ.

လံာ်လီၣ်ဖျါ 3:14

ဆူဝ့ၢ်လီၤဒံၤကံတၢ်အိၣ်ဖှိၣ်အကလူးအအိၣ်န့ၣ်ကွဲးတၢ်ဒ်အံၤ တက့ၢ်. “အဝဲအံၤမ့ၢ်တၢ်ကစီၣ်ဟဲလၢတၢ်အၤမ့ၣ်, ပှၤလၢအသးတီဒီးအုၣ်အသးတီတီလိၤလိၤတဂၤ, ပှၤလၢအမ့ၢ်ကယဲၢ်ကစၢ်ယွၤအတၢ်ဘၣ်တ့ခဲလၢာ် အခီၣ်ထံးခီၣ်ဘိအအိၣ်န့ၣ်လီၤ.

လံာ်လီၣ်ဖျါ 3:7

ဆူဝ့ၢ်ဖံၤလဒ့းလဖံတၢ်အိၣ်ဖှိၣ်အကလူးအအိၣ်န့ၣ်, ကွဲးတၢ်ဒ်အံၤတက့ၢ်. “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအစီဝဲဆှံဝဲ, ဒီးတီဝဲလိၤဝဲအအိၣ်န့ၣ်လီၤ. အဝဲဒၣ်အိၣ်ဒီးနီၣ်ဝံာ်လၢ အမ့ၢ်စီၤဒၤဝံးအတၢ်, ဒီးဖဲအဝဲဒၣ်အိးထီၣ်တြဲၤတဘ့ၣ်န့ၣ်, ပှၤကးတံာ်အီၤတန့ၢ်နီတဂၤဘၣ်, ဒီးဖဲအကးတံာ်ဝဲန့ၣ်ပှၤအိးထီၣ်အီၤတန့ၢ်နီတဂၤဘၣ်.

လံာ်လီၣ်ဖျါ 4:5

လၢလီၢ်ပစိာ်တဖျၢၣ်န့ၣ်အပူၤ, လီဝၢ်ဒံး, ဒီးတၢ်အကလုၢ်သီၣ်ရုၢ်ရုၢ်ဒီးလီသီၣ်လီသဲအကလုၢ်တဖၣ် ဟဲထီၣ်ဝဲန့ၣ်လီၤ. ဖဲလီၢ်ပစိာ်အမဲာ်ညါန့ၣ်ဆှီနွံဘိဘၣ် တၢ်မၤကဲၤကပီၤထီၣ်အီၤ, လၢအမ့ၢ်ဝဲယွၤအသးနွံဖျၢၣ်န့ၣ်လီၤ.

လံာ်လီၣ်ဖျါ 4:8

တၢ်အိၣ်ဒီးအသးသမူလွံၢ်ဒုအံၤ, တဒုဒီးတဒုအိၣ်ဒီးအဒံး ဆ့ဃုဘ့ၣ်, ဒီးအဝဲသ့ၣ်အိၣ်ပှဲၤဒီးမဲာ်ချံတဖၣ်လၢအအိပူၤဒီး လၢအချၢတကပၤန့ၣ်လီၤ. ဒီနံၤဒီနၤ, အဝဲသ့ၣ်တဆိကတီၢ် ဘၣ်ဒီးသးဝံၣ်ဝဲဒ်အံၤ, “ကစၢ်ယွၤလၢအသ့တၢ်လၢာ်, လၢအအိၣ်တ့ၢ်လံလၢပျၢၤလံၤလံၤ, အိၣ်ဝဲခဲကနံၣ်အံၤ, ဒီးအကဟဲဝဲတဂၤန့ၣ်, စီဆှံ, စီဆှံ, စီဆှံဝဲလီၤ.”

လံာ်လီၣ်ဖျါ 5:6

တုၤနုၤတစုယထံၣ်သိဖိတဒုဆၢထၢၣ်လၢလီၢ်ပစိာ်အခၢၣ်သး, ဘၣ်တၢ်ကဝီၤဃာ်အီၤလၢတၢ်အသးသမူအိၣ်လွံၢ်ဒုဒီးပှၤ သူၣ်က့သးပှၢ်တဖၣ်န့ၣ်လီၤ. အိၣ်ဖျါလၢသိဖိတဒုန့ၣ်ဘၣ် တၢ်မၤသံအီၤလီၤ. အဝဲအိၣ်ဒီးအနၢၤနွံဘိဒီးအမဲာ်ချံနွံတိၣ်, လၢအမ့ၢ်ဝဲကစၢ်ယွၤအသးနွံဖျၢၣ်, လၢအဘၣ်တၢ်ဆှၢလီၤတ့ၢ်အီၤသကုၤဟီၣ်ခိၣ်ဒီဘ့ၣ်ညါန့ၣ်လီၤ.

လံာ်လီၣ်ဖျါ 8:2

တုၤနုၤတစု, ယထံၣ်ကလူးနွံဂၤလၢအအိၣ်ဆၢထၢၣ်လၢ ကစၢ်ယွၤအမဲာ်ညါ, ဒီးအဝဲသ့ၣ်ဘၣ်တၢ်ဟ့ၣ်အီၤလၢကွဲၤနွံ ဖျၢၣ်လီၤ.