လံာ်လီၣ်ဖျါ 1:18 - Sgaw Karen Common Bible

¹⁸ ယမ့ၢ်ပှၤလၢအမူဝဲတဂၤလီၤ. ယသံတ့ၢ်ယဲ, ဘၣ်ဆၣ်ဒီးခဲကနံၣ်အံၤ, ယမူယဲအစိၤစိၤအဃၣ်ဃၣ်လီၤ. ယအိၣ်ဒီးတၢ်စိတၢ်ကမီၤလၢတၢ်သံ, ဒီးပျုၤပူၤအဖီခိၣ်လီၤ.

လံာ်လီၣ်ဖျါ 1:18 Iomraidhean Croise

လံာ်စီၤယိၤဘး 19:25

အဂ့ၢ်ဒ်အံၤ, ယသ့ၣ်ညါလၢယပှၤပှ့ၤက့ၤယၤတဂၤမူဝဲ, ဒီးလၢခံကတၢၢ်န့ၣ်ကဂဲၤဆၢထၢၣ်အုၣ်အသးလၢယဂီၢ်လၢ ဟီၣ်ခိၣ်အံၤန့ၣ်လီၤ.

လံာ်စီၤယိၤဘး 38:17

တၢ်သံအတြဲၤတဖၣ်ဘၣ်တၢ်လီၣ်ဖျါထီၣ်အီၤလၢနၤမ့ တမ့ၢ်နထံၣ်ဘၣ်တ့ၢ်တၢ်ခံးယိာ်အတြဲၤတဖၣ်စ့ၢ်ကီးဧါ.

စံးထီၣ်ပတြၢၤ 18:46

ယွၤမူဝဲ, မ်ယလၢၢ်ဘၣ်တၢ်စံးထီၣ်ပတြၢၤအီၤတက့ၢ်. ဒီးယတၢ်အုၣ်က့ၤခီၣ်က့ၤအကစၢ်ယွၤန့ၣ် မ်အဘၣ်တၢ်ပာ်ထီၣ်ထီအီၤတက့ၢ်.

စံးထီၣ်ပတြၢၤ 68:20

ပကစၢ်ယွၤန့ၣ်မ့ၢ်ကစၢ်ယွၤလၢ အအုၣ်က့ၤခီၣ်က့ၤတၢ်လီၤ. အဝဲမ့ၢ်ယွၤ, ပယွၤ ပှၤလၢအအုၣ်က့ၤခီၣ်က့ၤပှၤလၢတၢ်သံန့ၣ်လီၤ.

လံာ်ယၡါယၤ 22:22

ယကဟ့ၣ်လီၤအီၤတၢ်စိကမီၤလၢာ်လၢာ်ဆ့ဆ့လၢစီၤပၤ တဂၤလၢအဟဲလီၤစၢၤလၢစီၤပၤစီၤဒၤဝံး အဖီလာ်န့ၣ်လီၤ. အဝဲကအိၣ်ဒီးမူဒါလီၢ်လၤအနီၣ်ဝံာ်ခံတဖၣ်လီၤ. တၢ်လၢအအိးထီၣ်ဝဲန့ၣ်, ပှၤတကးတံၢ်နီတဂၤဘၣ်. ဒီးတၢ်လၢအကးတံၢ်ဝဲန့ၣ်, ပှၤတအိးထီၣ်နီတဂၤဘၣ်.

လံာ်မးသဲ 11:23

နဲဒၣ်ဝ့ၢ်ကပ့းရနီၣ်ဧၢ, နအဲၣ်ဒိးဘၣ်တၢ်ပာ်ဒိၣ်ပာ်ထီနၤတုၤ လၢမူခိၣ်န့ၣ်ဧါ. ယွၤကတ့ၢ်လီၤကွံာ်နၤဆူလရာ်အပူၤလီၤ. တၢ်လီၤလးတဖၣ်လၢအဘၣ်တၢ်မၤအီၤလၢနပူၤန့ၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်စဒိၣ်အပူၤဒီး, ဝ့ၢ်အံၤကအိၣ်ဒံးတုၤမုၢ်မဆါတနံၤအံၤလီၤ.

လံာ်မးသဲ 16:19

ယကဟ့ၣ်နၤလၢမူခိၣ်ဘီမုၢ်အနီၣ်ဝံာ်ခံတဖၣ်လီၤ. ဖဲဒၣ်တၢ်လၢနတြီဃာ်တမံၤမံၤလၢပှၤသုတမၤလၢဟီၣ်ခိၣ်ချၢ တဂ့ၤန့ၣ်, ကဘၣ်တၢ်တြီဃာ်အီၤလၢမူခိၣ်, ဒီးဖဲဒၣ်တၢ်လၢနပျဲတမံၤမံၤလၢပှၤကမၤလၢဟီၣ်ခိၣ်ချၢအံၤ န့ၣ်, ကဘၣ်တၢ်ပျဲမၤအီၤလၢမူခိၣ်လီၤ.”

လံာ်လူၤကၣ် 24:5

ပိာ်မုၣ်တဖၣ်အံၤပှဲၤဒီးတၢ်ပျံၤတၢ်ဖုးဒီးဆုးလီၤအခိၣ်, ဖဲပှၤခံဂၤန့ၣ်စံးဘၣ်အီၤ, “ဘၣ်မနုၤအဃိသုဃုပှၤမူတဂၤလၢပှၤသံတဖၣ်အကျါလဲၣ်.

လံာ်ယိၤဟၣ် 11:25

ယ့ၣ်ၡူးစံးဘၣ်အီၤ, “ယဲဒၣ်အံၤ ယမ့ၢ်တၢ်ဂဲၤဆၢထၢၣ်သမူထီၣ်က့ၤ ဒီးတၢ်မူန့ၣ်လီၤ. ပှၤလၢအစူၢ်က့ၤနာ်က့ၤယၤတဂၤလၢ်လၢ်န့ၣ်, မ့ၢ်သံဘၣ်ဆၣ်ဒီးကမူဝဲလီၤ.

လံာ်ယိၤဟၣ် 14:19

တစိၢ်ဖိဒီးဟီၣ်ခိၣ်တထံၣ်လၢၤဘၣ်ယၤဘၣ်. ဘၣ်ဆၣ်သု ကထံၣ်ယၤလီၤ. မ့ၢ်ယမူယဲအဃိဒီး, သုကမူစ့ၢ်ကီးလီၤ.

ရိမ့ၤ 6:9

အဂ့ၢ်ဒ်လဲၣ်န့ၣ်, ပသ့ၣ်ညါလၢခရံာ်ဘၣ်တၢ်ဒုးဂဲၤဆၢထၢၣ်က့ၤ အီၤလၢတၢ်သံဒီးအဝဲတသံလၢၤနီတဘျီဘၣ်, ဒီးတၢ်သံအစိကမီၤတအိၣ်လၢၤလၢအဖီခိၣ်ဘၣ်.

၂ ကရံၣ်သူး 13:4

အဂ့ၢ်ဒ်အံၤ, အဝဲမ့ၢ်ဘၣ်တၢ်မၤသံအီၤလၢထူၣ်စုညါအလိၤလၢ အတၢ်ဂံၢ်စၢ်ဘါစၢ်အပူၤသနာ်က့, အဝဲဒၣ်အိၣ်မူဝဲလၢကစၢ်ယွၤ အစိကမီၤလီၤ. လၢတၢ်ပာ်ဖှိၣ်ထီၣ်ပသးတပူၤဃီဒီးအီၤ အပူၤန့ၣ်, ပဂံၢ်စၢ်ဘါစၢ်စ့ၢ်ကီး, မ့မ့ၢ်လၢပတၢ်ဘၣ်ထွဲဒီးသုအပူၤန့ၣ်ပကအိၣ်မူပဝဲဒီးအီၤ လၢကစၢ်ယွၤအစိကမီၤလီၤ.

ကလၤတံ 2:20

လၢတၢ်န့ၣ်အဃိ, ပှၤလၢအမူဝဲခဲအံၤန့ၣ်, တမ့ၢ်လၢၤယၤဘၣ်, မ့မ့ၢ်ခရံာ်မ့ၢ်ပှၤလၢအမူဝဲလၢယပူၤလီၤ. တၢ်အိၣ်မူလၢယအိၣ်မူ ခဲကနံၣ်အံၤ, မ့ၢ်ယမူလၢတၢ်နာ်ဘၣ်ဃးဒီးကစၢ်ယွၤအဖိခွါလၢ အအဲၣ်ယၤဒီးဟ့ၣ်လီၤကွံာ်အသးသမူလၢယဂီၢ်တဂၤန့ၣ်အပူၤလီၤ.

ကလီးစဲ 3:3

အဂ့ၢ်ဒ်အံၤ, သုသံတ့ၢ်ဃုာ်ဒီးခရံာ်, ဒီးသုတၢ်မူနီၢ်နီၢ်အိၣ်ခူသူၣ်ဃုာ်ဒီးခရံာ်လၢကစၢ်ယွၤ အပူၤလီၤ.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.

ဧ့ၤဘြံၤ 7:16

အဝဲကဲထီၣ်ပှၤလုၢ်တၢ်အခိၣ်တမ့ၢ်ဘၣ်ဒ်တၢ်သိၣ်တၢ်သီဘၣ် ဃးဒီးနီၢ်ခိနီၢ်ခီအတၢ်ဟဲလီၤစၢၤလီၤသွဲၣ်အသိးန့ၣ်ဘၣ်. မ့မ့ၢ်ကဲထီၣ်ဝဲခီဖျိ သးသမူလၢအဟးဂီၤတသ့ဘၣ်အစိ အကမီၤန့ၣ်လီၤ.

ဧ့ၤဘြံၤ 7:25

လၢတၢ်န့ၣ်အဃိ, အဝဲအုၣ်က့ၤခီၣ်က့ၤပှၤလၢအဟဲဆူ ကစၢ်ယွၤအအိၣ်ခီဖျိအီၤတဖၣ်န့ၣ်သ့ဝဲထီဘိဒ်အဝဲမူဝဲ လီၤစိၤလီၤထီလၢအကဃ့န့ၢ်တၢ်လၢအဝဲသ့ၣ်အဂီၢ်အသိး န့ၣ်လီၤ.

လံာ်လီၣ်ဖျါ 10:6

ဒီးဆိၣ်လီၤအသးလၢကစၢ်ယွၤအမံၤ, ကစၢ်ယွၤလၢအမူဝဲ လီၤထူလီၤယိာ်, လၢအတ့လီၤမူခိၣ်ဟီၣ်ခိၣ်, ဒီးပီၣ်လဲၣ်ဒီးတၢ်ခဲလၢာ်ခဲဆ့လၢအအိၣ်လၢအပူၤန့ၣ်လီၤ. ကလူးန့ၣ်စံးဝဲ, “တၢ်တမၤယံာ်မၤနီၢ်တၢ်လၢၤဘၣ်.

လံာ်လီၣ်ဖျါ 15:7

တုၤနုၤတစုတၢ်လၢအသးသမူအိၣ်လွံၢ်ဒုအကျါတဒုန့ၣ်, ဟ့ၣ်ကလူးနွံဂၤလၢသလၢထူနွံဖျၢၣ်လၢအပှဲၤဝဲဒီးကစၢ်ယွၤ လၢအမူဝဲလီၤစိၤလီၤထီတဂၤန့ၣ်အတၢ်သးထီၣ်လီၤ.

လံာ်လီၣ်ဖျါ 2:8

ဆူဝ့ၢ်စမူရနၤတၢ်အိၣ်ဖှိၣ်အကလူးအအိၣ်န့ၣ် ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအမ့ၢ်တၢ်အခီၣ်ထံး ဒီးတၢ်အကတၢၢ်အအိၣ်, ပှၤတဂၤလၢအသံတ့ၢ်, ဒီးဂဲၤဆၢထၢၣ်သမူထီၣ်က့ၤတဂၤန့ၣ်လီၤ.

လံာ်လီၣ်ဖျါ 20:13

အန့ၣ်ဝံၤဒီး, ပီၣ်လဲၣ်ဟ့ၣ်ထီၣ်အပှၤသံတဖၣ်လီၤ. တၢ်သံဒီးပျုၤပူၤစ့ၢ်ကီးဟ့ၣ်ထီၣ်ပှၤသံလၢအဝဲသ့ၣ် ဟံးဃာ်တ့ၢ်ဝဲတဖၣ်လီၤ. ဒီးပှၤကိးဂၤဒဲးဘၣ်တၢ်စံၣ်ညီၣ်အီၤဒ်တၢ်လၢအဝဲသ့ၣ် မၤတ့ၢ်ဝဲအသိးန့ၣ်လီၤ.

လံာ်လီၣ်ဖျါ 20:14

တၢ်န့ၣ်ဝံၤအလီၢ်ခံ, တၢ်သံဒီးပျုၤပူၤဘၣ်တၢ်တ့ၢ်လီၤကွံာ် အီၤဆူနိၣ်မ့ၣ်အူအပူၤလီၤ. (နိၣ်မ့ၣ်အူအံၤမ့ၢ်ဝဲတၢ်သံခံစု တစုလီၤ.)

လံာ်လီၣ်ဖျါ 3:7

ဆူဝ့ၢ်ဖံၤလဒ့းလဖံတၢ်အိၣ်ဖှိၣ်အကလူးအအိၣ်န့ၣ်, ကွဲးတၢ်ဒ်အံၤတက့ၢ်. “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအစီဝဲဆှံဝဲ, ဒီးတီဝဲလိၤဝဲအအိၣ်န့ၣ်လီၤ. အဝဲဒၣ်အိၣ်ဒီးနီၣ်ဝံာ်လၢ အမ့ၢ်စီၤဒၤဝံးအတၢ်, ဒီးဖဲအဝဲဒၣ်အိးထီၣ်တြဲၤတဘ့ၣ်န့ၣ်, ပှၤကးတံာ်အီၤတန့ၢ်နီတဂၤဘၣ်, ဒီးဖဲအကးတံာ်ဝဲန့ၣ်ပှၤအိးထီၣ်အီၤတန့ၢ်နီတဂၤဘၣ်.

လံာ်လီၣ်ဖျါ 4:9

တၢ်အိၣ်ဒီးအသးသမူလွံၢ်ဒုအံၤသးဝံၣ်တၢ်သးဝံၣ်မၤလၤကပီၤ, တၢ်ယူးယီၣ်ဒီးတၢ်စံးထီၣ်ပတြၢၤဆူပှၤတဂၤလၢ အဆ့ၣ်နီၤဝဲလၢလီၢ်ပစိာ်အဖီခိၣ်အအိၣ်, လၢအမူဝဲလီၤစိၤလီၤထီန့ၣ်လီၤ. ဖဲအဝဲသ့ၣ်သးဝံၣ်တၢ်ဒ်အံၤအဆၢကတီၢ်န့ၣ်,

လံာ်လီၣ်ဖျါ 5:14

ဒီးတၢ်အသးသမူအိၣ်လွံၢ်ဒုန့ၣ်စံးဆၢဝဲ, “အၤမ့ၣ်” ဒီးပှၤသူၣ်က့သးပှၢ်တဖၣ်ထိၣ်လီၤပှီၤအသးဒီးဘူၣ်ထီၣ် ဘါထီၣ်တၢ်လီၤ.

လံာ်လီၣ်ဖျါ 6:8

ယကွၢ်တၢ်ဒီးကသ့ၣ်အလွဲၢ်လီၤဝါတဒုအိၣ်ဝဲလီၤ. ပှၤလၢအဒိးအီၤတဂၤဘၣ်တၢ်ယုၢ်အမံၤလၢတၢ်သံ, ဒီးပျုၤပူၤပိာ်ထီၣ်အခံဘူးဘူးတံၢ်တံၢ်လီၤ. အဝဲသ့ၣ်ဘၣ်တၢ်ဟ့ၣ်အီၤတၢ်စိတၢ်ကမီၤလၢဟီၣ်ခိၣ်ချၢ လွံၢ်ပူတပူအဖီခိၣ်, လၢအကမၤသံတၢ်ခီဖျိတၢ်ဒုးတၢ်ယၤ, တၢ်သၣ်ဝံၤလီၤဒိ, တၢ်ဆူးတၢ်ဆါ, ဒီးဆၣ်ဖိကီၢ်ဖိအမံၤတဖၣ်လီၤ.

လံာ်လီၣ်ဖျါ 9:1

တၢ်န့ၣ်ဝံၤအလီၢ်ခံ, ကလူးယဲၢ်ဂၤတဂၤအူထီၣ်အကွဲၤ လီၤ. ယထံၣ်ဆၣ်တဖျၢၣ်လၢအဟဲလီၤတဲာ်ဆူဟီၣ်ခိၣ်, ဒီးဘၣ်တၢ်ဟ့ၣ်အီၤတၢ်ပူၤယိာ်အနီၣ်ဝံာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:6

ယွၤမၤသံတၢ်ဒီးဟ့ၣ်ဒုးမူက့ၤတၢ်လီၤ. အဝဲဆှၢလီၤပှၤဂီၢ်မုၢ်ဆူပှၤသံတဖၣ်အကီၢ်ပူၤ, ဒီးကိးက့ၤအဝဲသ့ၣ်လီၤ.