လံာ်လီၣ်ဖျါ 1:16 - Sgaw Karen Common Bible

¹⁶ အဝဲဒၣ်ဟံးဃာ်ဆၣ်နွံဖျၢၣ်လၢအစုထွဲပူၤ, ဒီးနးလၢအကနၣ် အိၣ်ခံကပၤ, ဟဲဖျိးထီၣ်လၢအကိာ်ပူၤလီၤ. အဝဲဒၣ်အမဲာ်သၣ် ကပြုၢ်ကပြီၤဝဲဒ်မုၢ်ကပီၤဖဲမုၢ်ထူၣ်ခါအဆၢကတီၢ်အသိးန့ၣ်လီၤ.

လံာ်လီၣ်ဖျါ 1:16 Iomraidhean Croise

လံာ်စီၤယိၤဘး 38:7

လၢမုၢ်နံၤအဝဲန့ၣ်ဖဲမုၢ်ဆ့ၣ်ထီၣ်ဂီၤဂီၤ, တၢ်ခံးဒံးဝဲအကတီၢ်န့ၣ် ဆၣ်တဖၣ်သးဝံၣ်သကိးတၢ်ဒီးယွၤကလူးတဖၣ်ကိးသတြီ ထီၣ်လၢတၢ်သးခုလီၤ.

စံးထီၣ်ပတြၢၤ 45:3

စီၤပၤလၢအစိကမီၤဒိၣ်ဧၢ, သိးထီၣ်နနး, နမ့ၢ်ပှၤလၢအအိၣ်ဒီးနတၢ်လၤတၢ်ကပီၤ ဒီးနတၢ်ကဟုကညီၢ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 6:10

ပှၤလၢအကွၢ်တကျ့တၢ်လီၤဂာ်ဒ်မုၢ်ဆ့ၣ်ထီၣ်သီအသိးတဂၤမ့ၢ်မတၤ လဲၣ်. အဝဲဃံလၤဒီးကပြုၢ်ကပြီၤ, ဆှုၣ်မဲာ်ဆှုၣ်နါဒ်မုၢ်မ့တမ့ၢ်လါအသိးန့ၣ်လီၤ. လီၤပျံၤဝဲဒ်သုးမုၢ်တဖုလၢအအိၣ်ဒီးနီၣ်တယၢ်တဖၣ်အသိးန့ၣ် လီၤ.

လံာ်ယၡါယၤ 11:4

အဝဲကစံၣ်ညီၣ်ပှၤဖှီၣ်ဖိယာ်ဖိတဖၣ်တီတီလိၤလိၤ ဒီးဒီဒၣ်ခီၣ်ဆၢန့ၢ်ပှၤလၢအမၤစၢၤလီၤအသးတသ့တဖၣ် အတၢ်ခွဲးတၢ်ယာ်န့ၣ်လီၤ. လၢအတၢ်စိတၢ်ကမီၤအကလုၢ်န့ၣ်, ပှၤဂီၢ်မုၢ်ကဘၣ်တၢ်စံၣ်ညီၣ် အီၤ ဒီးပှၤအၢပှၤသီတဖၣ်ကသံဝဲလီၤ.

လံာ်ယၡါယၤ 24:23

လါကခံးသူဝဲဒီးမုၢ်တဟ့ၣ်ထီၣ်အတၢ်ကပီၤလၢၤဘၣ်. အဂ့ၢ်ဒ်အံၤ, ယွၤသ့တၢ်လၢာ်ကမ့ၢ်စီၤပၤလီၤ. အဝဲကပၢတၢ်လၢဝ့ၢ်ယရူၤၡလ့ၣ်လၢ ကစၢၢ်စံယိၣ်အလိၤ, ဒီးပှၤဂီၢ်မုၢ်အခိၣ်အနၢ် တဖၣ်ကထံၣ်ဘၣ်အလၤကပီၤန့ၣ်လီၤ.

လံာ်ယၡါယၤ 49:2

အဝဲဒုးကဲထီၣ်ယတၢ်ကတိၤတဖၣ်ဒ်နးတဘ့ၣ်လၢအကနၣ်အ့ၣ်ဝဲအသိး, ဒီးလၢအစုဒၣ်ဝဲန့ၣ်ဒီဒၣ်အိၣ်ပှိၤယၤလီၤ. အဝဲဒုးကဲထီၣ်ယၤဒ်ပျၢ်တဘိအသိး, အခိၣ်စူဂ့ၤမးဒီးအိၣ်ကတဲာ်ကတီၤအသးလၢတၢ်ကသူအီၤအဂီၢ်လီၤ.

လံာ်ဒၤနံးယ့လး 12:3

ပှၤခိၣ်ပှၤနၢ်လၢအကူၣ်သ့ကူၣ်ဘၣ်တဖၣ်ကကပီၤထီၣ်ဒ်မူခိၣ်အတၢ် ကပီၤကပြုၢ်ကပြီၤထီၣ်န့ၣ်လီၤ. ဒီးပှၤလၢအဒုးဃၣ်က့ၤပှၤ အါဂၤဆူတၢ်တီတၢ်လိၤတဖၣ်ကကပီၤထီၣ်ဒ်ဆၣ်တဖၣ်လီၤစိၤ လီၤထီန့ၣ်လီၤ.

လံာ်ဒၤနံးယ့လး 8:10

ဒိၣ်ထီၣ်ဆူၣ်ထီၣ်ဝဲထီၣ်ဘးတုၤအထီဒါမူခိၣ်အသုးမုၢ်, ဆၣ်ဧိၤဖီဧိၤတဖၣ်, ဒီးတ့ၢ်လီၤကွံာ်အီၤဆူဟီၣ်ခိၣ်တနီၤဒီးယီၢ်တံၢ်အီၤန့ၣ်လီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်မးသဲ 17:2

ဒီးအက့ၢ်အဂီၤလဲလိာ်အသးလၢအဝဲသ့ၣ်အမဲာ်ညါ, ဒီးအမဲာ်သၣ်ကပီၤဝဲဒ်မုၢ်အသိး, ဒီးအဆ့ကၤဝါဝဲဒ်တၢ်ကပီၤအသိးလီၤ.

မၤတၢ် 26:13

လၢကျဲဖဲမုၢ်ထူၣ်အကတီၢ်န့ၣ်, ကစၢ်စီၤပၤဧၢ, ယထံၣ်တၢ်ကပီၤလၢအကပီၤဒိၣ်န့ၢ်မုၢ်တဖျၢၣ်ဟဲကပီၤလီၤလၢမူခိၣ် ဝးတရံးယၤဒီးပှၤလၢအလဲၤတၢ်ဒီးယၤတဖၣ်လီၤ.

အ့းဖ့းစူး 6:17

ကုာ်ထီၣ်တၢ်အုၣ်က့ၤခီၣ်က့ၤဒ်ခိၣ်သလုးတဖျၢၣ်အသိးဒီးဟံးထီၣ်ယွၤ အကလုၢ်ကထါဒ်နးလၢကစၢ်ယွၤအသးဟ့ၣ်နၤတဘ့ၣ်အသိးန့ၣ် တက့ၢ်.

ဧ့ၤဘြံၤ 4:12

အဂ့ၢ်ဒ်အံၤယွၤအကလုၢ်ကထါန့ၣ်မူဝဲဒီးမၤတၢ်သ့ဒီး အကနၣ်အ့ၣ်န့ၢ်ဒံးနးလၢအကနၣ်အိၣ်ခံကပၤလၢာ်တက့ၢ် လီၤ. အဝဲဆဲးဖျိတၢ်ပၢၢ်တုၤတၢ်အကံၢ်အလဲဒီးနီၤဖးသး သမူဒီးနီၢ်သး, တၢ်အဆၢဒီးတၢ်အနူာ်ကံၢ်န့ၣ်လီၤ. အဝဲစံၣ်ညီၣ်ပဲာ်ဖးနီၤဖးပှၤကညီအသးအတၢ်ဆိကမိၣ်ဒီး အတၢ်ဆၢမိၣ်န့ၢ်သးလီတဖၣ်န့ၣ်လီၤ.

လံာ်လီၣ်ဖျါ 1:20

အဝဲအံၤမ့ၢ်တၢ်အခီပညီခူသူၣ်ဘၣ်ဃးဒီးဆၣ်နွံဖျၢၣ်လၢ နထံၣ်ဘၣ်နဲလၢယစုထွဲပူၤ, ဒီးမ့ၣ်အူဒၢထူနွံဖျၢၣ်န့ၣ်လီၤ. ဆၣ်နွံဖျၢၣ်န့ၣ်မ့ၢ်ဝဲတၢ်အိၣ်ဖှိၣ်နွံဖုအကလူးတဖၣ်, ဒီးမ့ၣ်အူဒၢနွံဖျၢၣ်န့ၣ် မ့ၢ်တၢ်အိၣ်ဖှိၣ်နွံဖုန့ၣ်လီၤ.

လံာ်လီၣ်ဖျါ 10:1

တၢ်န့ၣ်ဝံၤအလီၢ်ခံ, ယထံၣ်ဘၣ်ကလူးလၢအဂံၢ်ဆူၣ်ဘါဆူၣ်အဂၤတဂၤဟဲလီၤ လၢမူခိၣ်န့ၣ်လီၤ. အဝဲဒၣ်ဘၣ်တၢ်ကးဘၢဃာ်အီၤလၢတၢ်အၢၣ် တလိၣ်, ဒီးအိၣ်ဝဲဒီးတၢၢ်ကွဲၤတဘိလၢအအိၣ်ဝးတရံးအဝဲဒၣ် အခိၣ်န့ၣ်လီၤ. အဝဲအမဲာ်သၣ်လီၤဂာ်လၢမုၢ်, ဒီးအခီၣ်လီၤဂာ်လၢမ့ၣ်အူအထူၣ်တဖၣ်လီၤ.

လံာ်လီၣ်ဖျါ 12:1

တုၤနုၤတစု, တၢ်လၢအလီၤတိၢ်လီၤဆီဒိၣ်ဝဲသွါဝဲ, ဒီးတၢ်နၢ်ပၢၢ်လၢအဂ့ၢ်တသ့ဘၣ်တမံၤအိၣ်ဖျါထီၣ်ဝဲဒၣ် လၢမူကပိာ်လိၤလီၤ. ပိာ်မုၣ်အိၣ်ဝဲဒၣ်တဂၤလၢအတၢ်ကူ တၢ်သိးမ့ၢ်မုၢ်, ဒီးအိၣ်ဒီးလါလၢအခီၣ်အဖီလာ်ဒီးခိၣ်သလုး အိၣ်ဒီးဆၣ်တဆံခံဖျၢၣ်လၢအခိၣ်လိၤန့ၣ်လီၤ.

လံာ်လီၣ်ဖျါ 19:15

လၢအဝဲဒၣ်အကိာ်ပူၤန့ၣ် နးလၢအကနၣ်အ့ၣ်တဘ့ၣ် ဟဲဖျိးထီၣ်, ဒီးလၢနးအဝဲအံၤန့ၣ်အဝဲကမၤနၢၤထံဧိၤကီၢ် ဧိၤတဖၣ်လီၤ. အဝဲဒၣ်ကပၢအဝဲသ့ၣ်လၢနီၣ်တီၢ်ထး, ဒီးအဝဲကယီၢ်ထီၣ်စပံးထံလၢနီၣ်စံၢ်စပံးသၣ်အကျိးဘၣ် ဃးဒီးသ့တၢ်လၢာ်ကစၢ်ယွၤအတၢ်သးထီၣ်, အပူၤလီၤ.

လံာ်လီၣ်ဖျါ 19:21

အဝဲသ့ၣ်အသုးမုၢ်သံၣ်ဘိတဖၣ်ဘၣ်တၢ်မၤသံအီၤလၢနးတဘ့ၣ် လၢအဟဲဖျိးထီၣ်လၢပှၤဒိးကသ့ၣ်တဂၤန့ၣ်အကိာ်ပူၤ, ဒီးထိၣ်ခဲလၢာ်အီၣ်အဝဲသ့ၣ်တဖၣ်အညၣ်လၢအအီၣ်ဝဲကဲခဲလၢာ်လီၤ.

လံာ်လီၣ်ဖျါ 2:1

ဆူအ့းဖ့းစူးတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအဟံးဃာ်ဆၣ်နွံ ဖျၢၣ်လၢအစုထွဲပူၤ, ဒီးဟးဝဲလၢမ့ၣ်အူဒၢထူနွံဖျၢၣ်အသိး အကျါတဂၤအအိၣ်န့ၣ်လီၤ.

လံာ်လီၣ်ဖျါ 2:12

ဆူဝ့ၢ်ပ့ၢ်ကမူးတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအအိၣ်ဒီးနးလၢ အကနၣ်အိၣ်ခံကပၤန့ၣ်အအိၣ်လီၤ.

လံာ်လီၣ်ဖျါ 2:16

ခဲကနံၣ်အံၤ, ဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ် တက့ၢ်. နမ့ၢ်တမၤဒ်န့ၣ်ဘၣ်ဒီး, တယံာ်ဘၣ်န့ၣ်ယကဟဲယဲဆူနအိၣ်ဒီးဒုးတၢ်ထီဒါပှၤသ့ၣ် တဖၣ်န့ၣ်လၢနးလၢအဟဲထီၣ်လၢယကိာ်ပူၤန့ၣ်လီၤ.

လံာ်လီၣ်ဖျါ 3:1

ဆူဝ့ၢ်စၢ်ဒံတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤ မ့ၢ်တၢ်ကစီၣ်ဟဲလၢပှၤတဂၤလၢအအိၣ်ဒီးကစၢ်ယွၤ အသးနွံဖျၢၣ်, ဒီးဆၣ်နွံဖျၢၣ်အအိၣ်န့ၣ်လီၤ. နမၤတၢ်မနုၤလဲၣ်န့ၣ် ယသ့ၣ်ညါယဲလီၤ. ယသ့ၣ်ညါလၢနအိၣ်ဒီးနမံၤနသၣ်လၢ နအိၣ်မူအိၣ်ဂဲၤ, အနီၢ်နီၢ်တခီ, နသံနဲန့ၣ်လီၤ.

လံာ်ပှၤစံၣ်ညီၣ်ကွီၢ် 3:16

စီၤအ့ဟူာ်မၤနးအကနၣ်အ့ၣ်ခံခီလိာ်လၢအထီအိၣ်တပျၢ်တဘ့ၣ်လၢအဂီၢ်လီၤ. အဝဲစၢထီၣ်နးန့ၣ်လၢအကံၣ်ဒုၣ်အထွဲအလိၤလၢ အတၢ်ကူတၢ်သိးအဖီလာ်လီၤ.

လံာ်ပှၤစံၣ်ညီၣ်ကွီၢ် 5:31

မ်နဒုၣ်နဒါခဲလၢာ်သံဝဲဒ်န့ၣ်အသိး, ယွၤဧၢ, ဘၣ်ဆၣ်ဒီးမ်နတံၤသကိးတဖၣ်ကပီၤထီၣ်ဒ်မုၢ်ဟဲထီၣ်အသိးတက့ၢ်. ဒီးတၢ်မုာ်တၢ်ခုၣ်အိၣ်ထီၣ်လၢကီၢ်ပူၤအနံၣ်လွံၢ်ဆံန့ၣ်လီၤ.