လံာ်လီၣ်ဖျါ 1:15 - Sgaw Karen Common Bible

¹⁵ အခီၣ်လၣ်တဖၣ်ကပီၤဝဲဒ်တိၢ်ဘီလၢအဘၣ်တၢ်ပှံၢ်အီၤလၢမ့ၣ် အူ, ဒ်သိးအကဆှံထီၣ်ဂ့ၤထီၣ်အဂီၢ်, ဒီးအကလုၢ်သီၣ်ဝဲဒ်ထံလီၤဆူဖးဒိၣ်သီၣ်ဝဲအသိးန့ၣ်လီၤ.

လံာ်လီၣ်ဖျါ 1:15 Iomraidhean Croise

စံးထီၣ်ပတြၢၤ 93:4

ယွၤပၢတၢ်အိၣ်ဒီးအစိဒိၣ်ကမီၤထီလၢမူခိၣ်, ဒိၣ်န့ၣ်ဒံးပီၣ်လဲၣ်မိၢ်ပှၢ်အတၢ်သီၣ်, ဒီးအသဟီၣ်ဆူၣ်န့ၢ်ဒံးပီၣ်လဲၣ်အလပီတဖၣ်တက့ၢ်န့ၣ်လီၤ.

လံာ်ယၡါယၤ 17:13

ပှၤကလုာ်တဖၣ်လဲၤထီၣ်ဝဲဒ်လပီတဖၣ်သဖှိထီၣ်ဝဲအသိး, ဘၣ်ဆၣ်ကစၢ်ယွၤသိၣ်ဆါအဝဲသ့ၣ်သတးဒီးအဝဲသ့ၣ်ဂုၤက့ၤ ဆူအလီၢ်ခံလီၤ. ဒီးဘၣ်တၢ်နီၣ်ထီၣ်ဟီထီၣ်ကွံာ်အီၤဒ် ဖၣ်ကမူၣ်လၢကစၢၢ်ကပၤအသိးဒီးဒ်ဘုလီၢ်လၢကလံၤ သဝံးအပူၤအသိးန့ၣ်လီၤ.

လံာ်ယဃ့းစက့လး 1:24

ယနၢ်ဟူအဝဲသ့ၣ်အဒံးတဖၣ်အတၢ်သီၣ်လၢ အသီၣ်လီၤဂာ်ဒ်ပီၣ်လဲၣ်အသီၣ်ရုၢ်ရုၢ်အသိး, လီၤဂာ်ဒီးသုးမုၢ်ဖးဒိၣ်တဖုအတၢ်သီၣ်, လီၤဂာ်ဒီးကစၢ်ယွၤသ့ တၢ်လၢာ်အကလုၢ်န့ၣ်လီၤ. ဖဲအဝဲသ့ၣ်ဆိကတီၢ်ယူၤဝဲဒီး, အဝဲသ့ၣ်ကချံးလီၤအဒံးတဖၣ်,

လံာ်ယဃ့းစက့လး 1:7

အခိၣ်တဖၣ်ဘျၢဝဲ, ဒီးအဝဲသ့ၣ်အိၣ်ဒီးခီၣ်မ့ၣ်တဖၣ်ဒ်ကျီၢ်ဖါတ ဒုအသိးဒီးကပြုၢ်ကပြီၤထီၣ်ဝဲဒ်တိၢ်ဘီလၢအဘၣ်တၢ်ထူးဘျ့ တ့ၢ်အီၤအသိးန့ၣ်လီၤ.

လံာ်ယဃ့းစက့လး 40:3

အဝဲစိာ်ဃီၤယၤဘူးထီၣ်, ဒီးယထံၣ်ဘၣ်ပှၤတဂၤလၢအကပီၤဝဲဒ်တိၢ်ဘီအသိးန့ၣ်လီၤ. အဝဲဖီၣ်ဃးနီၣ်ထိၣ်ပျံၤလုၣ်တဘိဒီးနီၣ်ထိၣ်ဘိတဘိဒီး ဆၢထၢၣ်ဝဲဖဲကျဲစၢၤတပူၤအကပၤန့ၣ်လီၤ.

လံာ်ယဃ့းစက့လး 43:2

ဒီးဖဲန့ၣ်, ယထံၣ်ဘၣ်အံၣ်စရ့လးအကစၢ်ယွၤအတၢ်အိၣ်ဝဲဆိးဝဲ အတၢ်ကပီၤကပြုၢ်ကပြီၤဟဲဝဲလၢမုၢ်ထီၣ်တခီန့ၣ်လီၤ. ကစၢ်ယွၤ အကလုၢ်န့ၣ်သီၣ်ထီၣ်ဝဲလီၤဂာ်ဒ်ပီၣ်လဲၣ်သီၣ်ထီၣ်ရုၢ်ရုၢ်အသိးဒီး ဟီၣ်ခိၣ်ကပီၤထီၣ်ဝဲဒီးတၢ်ကပီၤကပြုၢ်ကပြီၤန့ၣ်လီၤ.

လံာ်ဒၤနံးယ့လး 10:6

အနီၢ်ခိကပီၤဒ်တၢ်မျၢ်အသိးလီၤ. အမဲာ်သၣ်ကပြုၢ်ကပြီၤ ဝဲဒ်လီဝၢ်ဒံးတခါအသိး, ဒီးအမဲာ်ချံတဖၣ်ကဲၤက ပျီၤဒ်မ့ၣ်အူအသိးလီၤ. အစုဒုၣ်တဖၣ်ဒီးအခီၣ် တဖၣ်ကပီၤဝဲဒ်တိၢ်ဘီထူးကပီၤသးအသိး, ဒီးအကလုၢ်သီၣ်ဒ်ပှၤ ဂီၢ်မုၢ်ဖးဒိၣ်သီၣ်တထြုးထီၣ်အသိးန့ၣ်လီၤ.

လံာ်လီၣ်ဖျါ 10:1

တၢ်န့ၣ်ဝံၤအလီၢ်ခံ, ယထံၣ်ဘၣ်ကလူးလၢအဂံၢ်ဆူၣ်ဘါဆူၣ်အဂၤတဂၤဟဲလီၤ လၢမူခိၣ်န့ၣ်လီၤ. အဝဲဒၣ်ဘၣ်တၢ်ကးဘၢဃာ်အီၤလၢတၢ်အၢၣ် တလိၣ်, ဒီးအိၣ်ဝဲဒီးတၢၢ်ကွဲၤတဘိလၢအအိၣ်ဝးတရံးအဝဲဒၣ် အခိၣ်န့ၣ်လီၤ. အဝဲအမဲာ်သၣ်လီၤဂာ်လၢမုၢ်, ဒီးအခီၣ်လီၤဂာ်လၢမ့ၣ်အူအထူၣ်တဖၣ်လီၤ.

လံာ်လီၣ်ဖျါ 14:2

ဒီးယနၢ်ဟူတၢ်ကလုၢ်လၢမူခိၣ်လၢအသီၣ်လီၤဂာ်ဒ်ထံ လီၤဆူသီၣ်ရူၢ်ရူၢ်, ဒ်လီသီၣ်ဖးဒိၣ်န့ၣ်လီၤ. အသီၣ်လီၤဂာ်ဒ်ပှၤဒ့တနၢ်ဖိတဖၣ်ဒ့တနၢ်အသီၣ်အသိး န့ၣ်လီၤ.

လံာ်လီၣ်ဖျါ 19:6

တုၤနုၤတစုယနၢ်ဟူတၢ်လၢအသီၣ်လီၤဂာ်ဒ်ပှၤဂီၢ်မုၢ်အကလုၢ်, ဒ်ထံလီၤဆူသီၣ်ရုၢ်ရုၢ်အသိး, ဒ်လီသီၣ်သထြူးအသိးန့ၣ်လီၤ. ယနၢ်ဟူအဝဲသ့ၣ်စံးဝဲ, “စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, ကစၢ်, ပကစၢ်ယွၤလၢအသ့တၢ်လၢာ်န့ၣ်မ့ၢ်ဝဲစီၤပၤလီၤ.

လံာ်လီၣ်ဖျါ 2:18

ဆူဝ့ၢ်သူၤအတံရၤတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ “အဝဲအံၤမ့ၢ်တၢ်ကစီၣ်ဟဲလၢကစၢ်ယွၤအဖိခွါ, လၢအမဲာ်ချံတဖၣ်ကဲၤကပီၤဝဲဒ်မ့ၣ်အူအသိး, လၢအခီၣ်လၣ်တဖၣ်ကပြုၢ်ကပြီၤဝဲဒ်တိၢ်ဘီလၢအဘၣ် တၢ်ထူးဘျ့ကတြ့ၣ်အီၤအသိးအအိၣ်န့ၣ်လီၤ.