စံးထီၣ်ပတြၢၤ 99:3 - Sgaw Karen Common Bible

³ မ်ပှၤကိးဂၤစံးထီၣ်ပတြၢၤအမံၤလၢအမ့ၢ်တၢ်အဒိၣ် ဒီးတၢ်လီၤပျံၤန့ၣ်တက့ၢ်. အဝဲဒၣ်န့ၣ်စီဆှံဝဲလီၤ.

စံးထီၣ်ပတြၢၤ 99:3 Iomraidhean Croise

လံာ်စီၤနဃ့မယၤ 1:5

ဒီးယစံး, ယွၤ, မူခိၣ်အကစၢ်ယွၤဧၢ, နဒိၣ်ဝဲနီၢ်မးလီၤ. ဒီးပဆၢထၢၣ်လၢတၢ်ပျံၤတၢ်ဖုးအပူၤလၢနခီၣ်ထံးမဲာ်ညါလီၤ. နဟံးဃာ်ဂၢၢ်ကျၢၤနတၢ်အၢၣ်ဒီးလၢပှၤလၢအအဲၣ်နၤဒီးပှၤလၢအလူၤ ထွဲနတၢ်မၤလိာ်န့ၣ်လီၤ.

လံာ်စီၤနဃ့မယၤ 4:14

ဒီးယထံၣ်လၢပှၤဂီၢ်မုၢ်တဖၣ်ဘၣ်ယိၣ်ဘၣ်ဘှီတၢ်န့ၣ်လီၤ. လၢတၢ်န့ၣ်အဃိယစံးဘၣ်အဝဲသ့ၣ်, အခိၣ်အနၢ်တဖၣ်ဒီးအပဒိၣ်တဖၣ်, “ပျံၤပဒုၣ်ပဒါတဂ့ၤ. သ့ၣ်နီၣ်ထီၣ်လၢယွၤန့ၣ်ဒိၣ်ဝဲဒီးလီၤပျံၤထဲလဲၣ်န့ၣ်တက့ၢ်. ဒီးဒုးတၢ်လၢသုထံဖိကီၢ်ဖိသ့ၣ်တဖၣ်, သုဖိသုလံၤသ့ၣ်တဖၣ်, သုမါတဖၣ်ဒီးသုဟံၣ်တဖၣ်အဂီၢ်န့ၣ်တက့ၢ်.”

လံာ်စီၤနဃ့မယၤ 9:32

အိယွၤ, ပကစၢ်ယွၤဧၢ, နဒိၣ်ဝဲထီဝဲဆံးဒိၣ်လဲၣ်. နလီၤပျံၤဒီးနစိကမီၤဒိၣ်ဝဲဆံးဒိၣ်လဲၣ်. နဟံးဃာ်ဂၢၢ်ကျၢၤနတၢ်အၢၣ်လီၤလၢတၢ်သးတီ အပူၤလီၤ. စးထီၣ်လၢကီၢ်အၤၡူၢ်အစီၤပၤတဖၣ် မၤနးမၤဖှီၣ်ပှၤဒီး တုၤခဲကနံၣ်အံၤဒၣ်လဲာ်ပတူၢ်ဘၣ်ခီၣ်ဘၣ်တၢ်ထဲလဲၣ်. ပစီၤပၤတဖၣ်, ပခိၣ်ပနၢ်တဖၣ်, ပပှၤလုၢ်တၢ်အခိၣ်တဖၣ်, ပဝံတဖၣ်, ပမိၢ်ပၢ်ဖံဖုလၢပျၢၤတဖၣ်ဒီးပပှၤဂီၢ်မုၢ်တဖၣ်တူၢ်ဘၣ်တ့ၢ်လံ တၢ်န့ၣ်လီၤ. သ့ၣ်နီၣ်ထီၣ်ပတူၢ်ဘၣ်တ့ၢ်တၢ်ထဲလဲၣ်န့ၣ်တက့ၢ်.

လံာ်စီၤနဃ့မယၤ 9:5

ဒီးပှၤလ့ၤဝံဖိ, စီၤယ့ၤၡူ, စီၤကးမံၤအ့လး, စီၤၡကၤနယၤ, စီၤဘၤနံ, စီၤဃၡၤဘံယၤ, စီၤၡ့ရ့ဘယၤ, စီၤဟိၤဒံယၤ, စီၤၡဘၤနယၤ, စီၤပသၤဃယၤတဖၣ်စံးဝဲဒၣ် “ဂဲၤဆၢထၢၣ်ဒီးစံးထီၣ်ပတြၢၤယွၤသုကစၢ်ယွၤတက့ၢ်. စံးထီၣ်ပတြၢၤအီၤလီၤစိၤလီၤထီတက့ၢ်. မ်ပှၤကိးဂၤဒဲးစံးထီၣ်ပတြၢၤအတၢ်လၤကပီၤအမံၤတက့ၢ်. မ်အဘၣ်တၢ်စံးထီၣ်ပတြၢၤအီၤလၢတၢ်ခဲလၢာ်အဖီခိၣ်တက့ၢ်.”

စံးထီၣ်ပတြၢၤ 100:4

ဟဲနုာ်လၢအပဲတြီဒီးတၢ်သးဝံၣ်, အဂၢၤတဖၣ်ဒီးတၢ်စံးထီၣ်ပတြၢၤန့ၣ်တက့ၢ်. စံးဘျုးအီၤဒီးစံးထီၣ်ပတြၢၤအီၤတက့ၢ်.

စံးထီၣ်ပတြၢၤ 103:1

ယသးဧၢ, စံးထီၣ်ပတြၢၤယွၤတက့ၢ်. ဒီးကယဲၢ်တၢ်အိၣ်လၢယပူၤခဲလၢာ်သ့ၣ်ဧၢ, စံးထီၣ်ပတြၢၤအမံၤစီဆှံန့ၣ်တက့ၢ်.

စံးထီၣ်ပတြၢၤ 111:9

အဝဲမၤထူၣ်ဖျဲးအပှၤဂီၢ်မုၢ်, ဒီးမၤတၢ်အၢၣ်လီၤအီလီၤအထူအယိာ်တမံၤဒီး အဝဲသ့ၣ်န့ၣ်လီၤ. အမံၤန့ၣ်မ့ၢ်ဝဲတၢ်စီဆှံ ဒီးတၢ်လီၤပျံၤအလီၢ်န့ၣ်လီၤ.

စံးထီၣ်ပတြၢၤ 145:17

ယွၤန့ၣ်တီဝဲလိၤဝဲလၢအတၢ်မၤခဲလၢာ်အပူၤ ဒီးအိၣ်ဒီးတၢ်သးကညီၤလၢ အတၢ်မၤခဲလၢာ်အပူၤလီၤ.

စံးထီၣ်ပတြၢၤ 66:3

စံးဘၣ်ကစၢ်ယွၤ, “နမၤတၢ်တဖၣ်န့ၣ် မ့ၢ်တၢ်ပျံၤအလီၢ်ဆံးဒိၣ်လဲၣ်. လၢနစိဒိၣ်ကမီၤထီအဃိန့ၣ်, နဒုၣ်နဒါတဖၣ်ဆီၣ်လီၤအသးလၢ နခီၣ်ထံးမဲာ်ညါလီၤ.

စံးထီၣ်ပတြၢၤ 76:1

ကစၢ်ယွၤဘၣ်တၢ်သ့ၣ်ညါအီၤလၢယူဒၤအပူၤ, ဒီးအမံၤဘၣ်တၢ်မၤလၤကပီၤအီၤလၢ အံၣ်စရ့လးအပူၤန့ၣ်လီၤ.

စံးထီၣ်ပတြၢၤ 76:12

အဝဲဆီၣ်လီၤပဒိၣ်တဖၣ်လၢအပာ်ထီၣ်ထီအသး ဒီးမၤပျံၤစီၤပၤဖးဒိၣ်တဖၣ်လီၤ.

လံာ်ယၡါယၤ 6:3

အဝဲသ့ၣ်ကိးထီၣ်ဝဲတဂၤဆူတဂၤအအိၣ်, “စီဆှံ, စီဆှံ, စီဆှံ, ယွၤသ့တၢ်လၢာ်ကစၢ်အံၤစီဆှံဝဲလီၤ. အလၤကပီၤပှဲၤလၢဟီၣ်ခိၣ်ဒီဘ့ၣ်ညါလီၤ.”

လံာ်ယံးရမံယၤ 20:11

ဘၣ်ဆၣ်ဒီးနဲဒၣ်ယွၤဧၢ, နအိၣ်လၢယအိၣ်တခီ, ဂံၢ်ဆူၣ်ဘါဆူၣ် ဒီးစိဒိၣ်ကမီၤထီ, ဒီးပှၤလၢအမၤအၢမၤနးယၤတဖၣ်ကဃၣ်ကွံာ် ဝဲန့ၣ်လီၤ. အဝဲသ့ၣ်ကဘၣ်တၢ်မၤမဲာ်ဆှးအီၤလီၤထူလီၤယိာ်, မ့ၢ်လၢအဝဲသ့ၣ်မၤန့ၢ်မၤနၢၤတၢ်တသ့ဘၣ်အဃိန့ၣ်လီၤ.

လံာ်ယိၤဟၣ် 17:11

ဒီးခဲအံၤယကက့ၤဆူနအိၣ်လီၤ. တယံာ်ဘၣ်ဒီးယတအိၣ်လၢဟီၣ်ခိၣ်ချၢအံၤလၢၤဘၣ်. ဘၣ်ဆၣ်ဒီးအဝဲသ့ၣ်အိၣ်ဒံးလၢဟီၣ်ခိၣ်ချၢန့ၣ်လီၤ. ပၢ်စီဆှံဧၢ, ပှၤလၢနဟ့ၣ်လီၤယၤတဖၣ်န့ၣ်, ဒ်သိးအကမ့ၢ်တၢ်တမံၤ ဃီဒ်နၤဒီးယၤပမ့ၢ်တၢ်တမံၤဃီအသိးန့ၣ်ဒီး, အံးကွၢ်ကဟု ကယာ်က့ၤအီၤလၢနမံၤ, မံၤလၢနဟ့ၣ်ယၤအစိကမီၤ အပူၤန့ၣ်တက့ၢ်.

လံာ်သိၣ်လီၤသီလီၤတၢ် 28:58

သုမ့ၢ်တစူၢ်ဘၣ်ကယဲၢ်ကစၢ်ယွၤအတၢ်သိၣ်လိတဖၣ်လၢအအိၣ်ကွဲးလီၤ အသးလၢလံာ်အံၤအပူၤလၢတၢ်သးတီ, ဒီးသုမ့ၢ်တယူးယီၣ်ပာ်ကဲဘၣ်ယွၤ, သုကစၢ်ယွၤအမံၤလၢအလီၤ လိၢ်လီၤလးဒီးလီၤပျံၤလီၤပာ်ကဲဘၣ်န့ၣ်,

လံာ်သိၣ်လီၤသီလီၤတၢ် 7:21

လၢတၢ်န့ၣ်အဃိ, ပျံၤဘၣ်ပှၤဂီၢ်မုၢ်တဖၣ်အံၤတဂ့ၤ. ယွၤ, သုကစၢ်ယွၤအိၣ်ဒီးသုလီၤ. အဝဲမ့ၢ်ကစၢ်ယွၤတဂၤလၢအဒိၣ် နီၢ်မး, ဒီးပှၤတဂၤလၢကြၢးဘၣ်တၢ်ပျံၤအီၤန့ၣ်လီၤ.

လံာ်စီၤယိၤၡူ 24:19

ဘၣ်ဆၣ်စီၤယိၤၡူစံးဘၣ်ပှၤဂီၢ်မုၢ်, “သုမၤယွၤအတၢ်တသ့ဘၣ်. အဂ့ၢ်ဒ်အံၤ, အဝဲမ့ၢ်ကစၢ်ယွၤလၢအစီဆှံဒီးတပျၢ်သုတၢ်ဒဲးဘးတဖၣ်န့ၣ်ဘၣ်. အဝဲမ့ၢ်ယွၤလၢအသးက့ၣ်,

လံာ်လီၣ်ဖျါ 4:8

တၢ်အိၣ်ဒီးအသးသမူလွံၢ်ဒုအံၤ, တဒုဒီးတဒုအိၣ်ဒီးအဒံး ဆ့ဃုဘ့ၣ်, ဒီးအဝဲသ့ၣ်အိၣ်ပှဲၤဒီးမဲာ်ချံတဖၣ်လၢအအိပူၤဒီး လၢအချၢတကပၤန့ၣ်လီၤ. ဒီနံၤဒီနၤ, အဝဲသ့ၣ်တဆိကတီၢ် ဘၣ်ဒီးသးဝံၣ်ဝဲဒ်အံၤ, “ကစၢ်ယွၤလၢအသ့တၢ်လၢာ်, လၢအအိၣ်တ့ၢ်လံလၢပျၢၤလံၤလံၤ, အိၣ်ဝဲခဲကနံၣ်အံၤ, ဒီးအကဟဲဝဲတဂၤန့ၣ်, စီဆှံ, စီဆှံ, စီဆှံဝဲလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 2:2

ပှၤစီဆှံဒ်ယွၤတအိၣ်ဝဲနီတဂၤဘၣ်. ပှၤလီၤဂာ်ဒီးအီၤတအိၣ်နီတဂၤဘၣ်. ပှၤဒီဒၣ်အိၣ်ပှိၤပှၤဒ်ပကစၢ်ယွၤတအိၣ်ဘၣ်.