စံးထီၣ်ပတြၢၤ 97:11 - Sgaw Karen Common Bible

¹¹ တၢ်ကပီၤကပီၤထီၣ်ဝဲလၢပှၤတီပှၤလိၤအဂီၢ်, ဒီးတၢ်သူၣ်ခုသးခုလၢ ပှၤလၢအသူၣ်တီသးလိၤအဂီၢ်န့ၣ်လီၤ.

စံးထီၣ်ပတြၢၤ 97:11 Iomraidhean Croise

လံာ်နီၢ်အ့ၤစတၢ် 8:16

လၢပှၤယူဒၤဖိတဖၣ်အဂီၢ်န့ၣ်မ့ၢ်တၢ်သူၣ်ခုသးခု, တၢ်ထူၣ်ဖျဲး, တၢ်သူၣ်ဖှံသးညီဒီးတၢ်လၤကပီၤတကလုာ်န့ၣ်လီၤ.

လံာ်စီၤယိၤဘး 11:17

ဒီးနသးသမူကကပီၤန့ၢ်ဒံးမုၢ်ထူၣ်အတၢ်ကပီၤ ဒီးတၢ်အိၣ်မူအတၢ်ခံးတၢ်နၤအဆၢကတီၢ်တဖၣ်ကပီၤထီၣ် ဒ်မုၢ်ဂီၤထီၣ်အသိးန့ၣ်လီၤ.

လံာ်စီၤယိၤဘး 22:28

နမၤတၢ်ခဲလၢာ်န့ၣ်ကကဲထီၣ်လိၣ်ထီၣ်ဝဲဒီးတၢ်ကပီၤကကပီၤ လီၤဘၣ်နကျဲန့ၣ်လီၤ.

စံးထီၣ်ပတြၢၤ 112:4

တၢ်ကပီၤကပီၤထီၣ်လၢ တၢ်ခံးကျါ လၢပှၤအဂ့ၤတဖၣ်အဂီၢ် လၢပှၤတဖၣ်လၢ အသူၣ်ကညီၤသးကညီၤတၢ် သးအိၣ်တၢ်ဒီး တီဝဲလိၤဝဲအဂီၢ်န့ၣ်လီၤ.

စံးထီၣ်ပတြၢၤ 18:28

မ့ၢ်လီၤ. နမၤကပီၤထီၣ်ယမ့ၣ်အူဒၢ, ယွၤယကစၢ်မၤကပီၤထီၣ်ယတၢ်ခံးန့ၣ်လီၤ.

စံးထီၣ်ပတြၢၤ 68:4

သးဝံၣ်ထီၣ်ကစၢ်ယွၤ, သးဝံၣ်စံးထီၣ်ပတြၢၤအမံၤန့ၣ်တက့ၢ်. ကတဲာ်ကတီၤကျဲတဘိလၢပှၤလၢလဲၤခီဂာ်တၢ်လၢ ပှၢ်မုၢ်ကနၢတဂၤအဂီၢ်န့ၣ်တက့ၢ်. အမံၤမ့ၢ်ယွၤလီၤ. သူၣ်ဖှံသးညီလၢအမဲာ်ညါတက့ၢ်.

တၢ်ကတိၤဒိ. 4:18

ကျဲလၢပှၤတီပှၤလိၤပိာ်ဝဲန့ၣ်လီၤဂာ်ဒ်မုၢ်ဟဲထီၣ်ဒီးကပီၤ ဒံးယံာ်ဒံးဂ့ၤထီၣ်တုၤလၢမုၢ်ထူၣ်အသိးန့ၣ်လီၤ.

လံာ်ယၡါယၤ 58:8

အန့ၣ်ဒီး, ယတၢ်ကွၢ်မဲာ်ကကပီၤထီၣ်လၢသုဖီခိၣ်ဒ်မုၢ်ဂီၤ အတၢ်ကပီၤအသိး, ဒီးသုပူၤလီၢ်ပူၤကျဲတဖၣ်ကဘၣ်တၢ် မၤဘျါက့ၤအီၤချ့သဒံးလီၤ. ယကအိၣ်ဒီးသုထီဘိလၢ တၢ်အုၣ်က့ၤခီၣ်က့ၤအဂီၢ်, ဒီးယမဲာ်ကဒီဒၣ်အိၣ်ပှိၤသုလၢတၢ် ကိးကပၤဒဲးလီၤ.

လံာ်ယၡါယၤ 62:1

ယကကတိၤထီၣ်ဖျဲးတၢ်လၢတၢ်ဟ့ၣ်ဂံၢ်ဟ့ၣ်ဘါဝ့ၢ် ယရူၤၡလ့ၣ်အဂီၢ်, တုၤလၢအဝဲဘၣ်တၢ်အုၣ်က့ၤခီၣ်က့ၤအီၤတစုန့ၣ်, ယတအိၣ်ဘှီၣ်ကလာ်ဘၣ်, ဒီးအတၢ်မၤနၢၤန့ၣ်ကပီၤထီၣ်ဝဲလီၤဂာ်ဒ်ဆှီတခါ လၢမုၢ်နၤခါအသိးန့ၣ်လီၤ.

လံာ်မံကၤ 7:9

ပမၤတ့ၢ်တၢ်ဒဲးဘးထီဒါယွၤလီၤ. မၤသးဒ်န့ၣ်ဒီးခဲကနံၣ်အံၤပကဘၣ်တူၢ်အတၢ်သးဒိၣ်တစိၢ်တလီၢ် လီၤ. ဘၣ်ဆၣ်လၢခံကတၢၢ်န့ၣ်အဝဲဒၣ်ကလိာ်န့ၢ်ပကွီၢ်ဒီးမၤတၢ် စံၣ်ညီၣ်တီလၢပဂီၢ်လီၤ. အဝဲကဒုးဟဲထီၣ်ပှၤဆူတၢ်ကပီၤအပူၤ, ဒီးပကအိၣ်မူဒ်သိးပကထံၣ်ဘၣ်အတၢ်အုၣ်က့ၤခီၣ်က့ၤပှၤလီၤ.

လံာ်ယိၤဟၣ် 12:46

ယဟဲနုာ်ဆူဟီၣ်ခိၣ်ချၢဒ်တၢ်ကပီၤအသိး, ဒ်သိးပှၤလၢအစူၢ်က့ၤနာ်က့ၤယၤတဂၤလၢ်လၢ်န့ၣ်, အသုတအိၣ်လၢၤလၢတၢ်ခံးကျါတဂ့ၤအဂီၢ်လီၤ.

ကလၤတံ 6:8

အဂ့ၢ်ဒ်အံၤ, အဝဲဒၣ်မ့ၢ်သူၣ်လီၤဖျးလီၤတၢ်လၢအတၢ်သူၣ်လီ သးကွံတဖၣ်အပူၤန့ၣ်, တၢ်လၢအကကူးဘၣ်က့ၤဝဲမ့ၢ်တၢ်သံ န့ၣ်လီၤ. မ့မ့ၢ်အဝဲဒၣ်မ့ၢ်သူၣ်လီၤဖျးလီၤတၢ်လၢယွၤအသး အပူၤဒီး, ယွၤအသးကမၤစၢၤအီၤဒ်သိးအကကူးဘၣ်က့ၤဝဲတၢ်မူ အထူအယိာ်န့ၣ်လီၤ.

လံာ်လီၣ်ဖျါ 21:23

ဝ့ၢ်န့ၣ်တလိၣ်ဘၣ်မုၢ်မ့ၢ်ဂ့ၤ, လါမ့ၢ်ဂ့ၤ, လၢအကကပီၤလီၤလၢ အလိၤအဂီၢ်ဘၣ်. အဂ့ၢ်ဒ်အံၤ, ကစၢ်ယွၤအလၤကပီၤကပီၤလီၤ လၢအလိၤ, ဒီးအမ့ၣ်အူဒၢန့ၣ်မ့ၢ်ဝဲသိဖိတဒုန့ၣ်လီၤ.

လံာ်လီၣ်ဖျါ 22:5

မုၢ်နၤတအိၣ်လၢၤဘၣ်. ဒီးအဝဲသ့ၣ်တလိၣ်ဘၣ်မ့ၣ်အူဒၢမ့ၢ်ဂ့ၤ, မုၢ်အတၢ်ကပီၤမ့ၢ်ဂ့ၤန့ၣ်ဘၣ်. အဂ့ၢ်မ့ၢ်လၢကစၢ်ယွၤကမ့ၢ်အဝဲသ့ၣ် အတၢ်ကပီၤ, ဒီးအဝဲသ့ၣ်ကပၢတၢ်ဒ်စီၤပၤတဖၣ်အသိးလီၤ စိၤလီၤထီလီၤ.