စံးထီၣ်ပတြၢၤ 96:9 - Sgaw Karen Common Bible

⁹ တုၤမ့ၢ်တၢ်စီဆှံတဂၤအိၣ်ဖျါထီၣ်ဒီး တီၤလီၤလၢအမဲာ်ညါတက့ၢ်. ပှၤဟီၣ်ခိၣ်ဖိခဲလၢာ်သ့ၣ်ဧၢ, ကနိးကစုာ်လၢအမဲာ်ညါတက့ၢ်.

စံးထီၣ်ပတြၢၤ 96:9 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 29:28

ကယဲၢ်ပှၤခဲလၢာ်လၢအအိၣ်ဖဲန့ၣ်, ဘူၣ်ထီၣ်ဘါထီၣ်သကိးတၢ်, ဒီးတၢ်သူၣ်ဝံၣ်သးဆၢဒီးတၢ်ဒ့တၢ်အူအဂၤတဖၣ်သီၣ်ထွဲဝဲ တုၤလၢကယဲၢ်တၢ်လုၢ်တၢ်ပာ်ခဲလၢာ်ဘၣ်တၢ်ဆူးကဲၤအီၤဝံၤန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:29

အန့ၣ်ဒီးစီၤပၤဃံးစကံယၤဒီးကယဲၢ်ပှၤဂီၢ်မုၢ်ခဲလၢာ်တီၤ လီၤကဒွံကျိာ်ဒီးဘူၣ်ထီၣ်ဘါထီၣ်ကစၢ်ယွၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:30

စီၤပၤဒီးပှၤကလုာ်အခိၣ်အနၢ်တဖၣ်တဲဘၣ်ပှၤလ့ၤဝံဖိတဖၣ်လၢ ကသးဝံၣ်စံးထီၣ်ပတြၢၤယွၤလၢတၢ်သးဝံၣ်စံးထီၣ်ပတြၢၤလၢ အဘၣ်တၢ်ကွဲးအီၤလၢစီၤဒၤဝံးဒီးဝံအၤစာ်န့ၣ်လီၤ. လၢတၢ်န့ၣ်အဃိပှၤကိးဂၤဒဲးသးဝံၣ်ထီၣ်တၢ်လၢတၢ်သးခု ဖးဒိၣ်အပူၤဖဲအဝဲသ့ၣ်တီၤလီၤကဒွံကျိာ်ဒီးဘူၣ်ထီၣ်ဘါထီၣ် ကစၢ်ယွၤအခါန့ၣ်လီၤ.

လံာ်စီၤဧ့စြၤ 7:27

စီၤဧ့စြၤစံးဝဲ, “စံးထီၣ်ပတြၢၤယွၤ, ပမိၢ်ပၢ်ဖံဖုလၢပျၢၤအကစၢ်ယွၤန့ၣ်တက့ၢ်. အဝဲထိၣ်ဂဲၤလံစီၤပၤဖးဒိၣ်အသး, လၢကျဲဒ်အံၤဒ်သိးကမၤလၤကပီၤယွၤအတၢ်လုၢ်ဟံၣ်လၢဝ့ၢ်ယရူၤၡလ့ၣ် အပူၤလံ.

စံးထီၣ်ပတြၢၤ 110:3

မုၢ်တနံၤလၢနဒုးနဒုၣ်နဒါတဖၣ်န့ၣ်, နပှၤဂီၢ်မုၢ်ကဟ့ၣ်လီၤအသးလၢ တၢ်သးအိၣ်အပူၤလီၤ. ဒ်မုၢ်ဂီၤအပစီၤထံအသိး နပှၤသးစၢ်တဖၣ်ကဟဲဆူနအိၣ်လၢ ကစၢၢ်စီဆှံတဖၣ်အလိၤလီၤ.

စံးထီၣ်ပတြၢၤ 114:7

ဟီၣ်ခိၣ်ဧၢ, ကနိးကစုာ် လၢယွၤအမဲာ်ညါဖဲအဝဲဟဲ လၢစီၤယၤကိာ်အကစၢ်ယွၤမဲာ်ညါ,

စံးထီၣ်ပတြၢၤ 29:2

ဟ့ၣ်ယွၤလၢတၢ်လၤတၢ်ကပီၤကြၢးဒီးအမံၤ, ဘါထီၣ်ယွၤလၢတၢ်စီဆှံအဃံအလၤန့ၣ်တက့ၢ်.

စံးထီၣ်ပတြၢၤ 33:8

ကယဲၢ်တၢ်အိၣ်လၢ ဟီၣ်ခိၣ်ချၢခဲလၢာ်သ့ၣ်ဧၢ, ဘူၣ်ထီၣ်ဘါထီၣ်ယွၤ, ပှၤဟီၣ်ခိၣ်ဖိခဲလၢာ်သ့ၣ်ဧၢ, ယူးယီၣ်ယွၤတက့ၢ်.

စံးထီၣ်ပတြၢၤ 76:11

ဟ့ၣ်ယွၤသုကစၢ်ယွၤလၢတၢ်လၢသုအၢၣ်လီၤတ့ၢ်အီၤ, ပှၤကိးကလုာ်လၢအအိၣ်ဘူးဒီးအီၤသ့ၣ်ဧၢ, ဟဲစိာ်တၢ်ဟ့ၣ်တဖၣ်ဆူယွၤတဂၤ လၢအမ့ၢ်တၢ်ပျံၤအလီၢ်အအိၣ်န့ၣ်တက့ၢ်.

စံးထီၣ်ပတြၢၤ 76:7

မ့မ့ၢ်, နဲဒၣ်ယွၤဧၢ, နဘၣ်တၢ်ပျံၤနၤလၢပှၤခဲလၢာ်လီၤ. တုၤနသးထီၣ်န့ၣ်ဒီး, ပှၤဆၢထၢၣ်လၢနမဲာ်ညါတသ့ဝဲနီတဂၤဘၣ်.

စံးထီၣ်ပတြၢၤ 99:1

ယွၤပၢတၢ်, မ်ပှၤကလုာ်တဖၣ်ကနိးကစုာ်တက့ၢ်. အဝဲဆ့ၣ်နီၤပၢတၢ်လၢခ့ရူာ်တဖၣ်အဖီခိၣ်, မ်ဟီၣ်ခိၣ်ဟူးဝးတက့ၢ်.

လံာ်ယဃ့းစက့လး 7:20

တဘျီန့ၣ်အဝဲသ့ၣ်ပာ်ကဖၢလၢအသးလၢအတၢ်မျၢ်ပလဲအဃံ အလၤတဖၣ်အဃိ, ဘၣ်ဆၣ်အဝဲသ့ၣ်သူတၢ်တဖၣ်န့ၣ်လၢတၢ်တ့ထီၣ် တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ. လၢတၢ်န့ၣ်အဃိ, ယွၤဒုးကဲထီၣ်အဝဲသ့ၣ်အတၢ်ထူးတၢ်တီၤဆူတၢ်လီၤသးဟ့လၢ အဝဲသ့ၣ်အဂီၢ်န့ၣ်လီၤ.

လံာ်ဒၤနံးယ့လး 11:45

ဒီးကသူၣ်ထီၣ်ဒၣ်လဲာ်စီၤလိၣ်စီၤပၤအဒဲဖးဒိၣ်တဖၣ်လၢပီၣ်လဲၣ် ဒီးကစၢၢ်အဘၢၣ်စၢၤ, ကစၢၢ်လၢတၢ်လုၢ်ဟံၣ်အိၣ်လၢအလိၤန့ၣ်လီၤ. ဘၣ်ဆၣ်ဒီးကသံဝဲဒီးပှၤမၤစၢၤအီၤဖဲန့ၣ်တအိၣ်ဘၣ်နီတဂၤဘၣ်.”