စံးထီၣ်ပတြၢၤ 96:7 - Sgaw Karen Common Bible

⁷ ပှၤဂီၢ်မုၢ်လၢဟီၣ်ခိၣ်ချၢခဲလၢာ်သ့ၣ်ဧၢ, စံးထီၣ်ပတြၢၤယွၤတက့ၢ်. စံးထီၣ်ပတြၢၤအလၤကပီၤ ဒီးအတၢ်စိတၢ်ကမီၤန့ၣ်တက့ၢ်.

စံးထီၣ်ပတြၢၤ 96:7 Iomraidhean Croise

စံးထီၣ်ပတြၢၤ 22:27

ပှၤကိးကလုာ်ဒဲးကသ့ၣ်နီၣ်ထီၣ်ယွၤလီၤ. ပှၤလၢအအိၣ်လၢဟီၣ်ခိၣ်ချၢခဲလၢာ် ကဃၣ်က့ၤအသးဆူအအိၣ်လီၤ. ဒူၣ်ထၢခဲလၢာ်ကဘူၣ်ထီၣ်ဘါထီၣ်အီၤလီၤ.

လံာ်မးသဲ 6:13

သုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ဖျဲးကွံာ်ပှၤလၢတၢ်အၢတၢ်သီအပူၤတက့ၢ်. (အဂ့ၢ်ဒ်အံၤ, ဘီမုၢ်, တၢ်စိတၢ်ကမီၤဒီး တၢ်လၤကပီၤန့ၣ်မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်)’

လံာ်လူၤကၣ် 2:14

“တၢ်လၤကပီၤမ်အဘၣ်ကစၢ်ယွၤလၢ တၢ်လီၢ်အထီကတၢၢ်, လၢမူခိၣ်န့ၣ်တက့ၢ်. ဒီးမ်တၢ်ဃူတၢ်ဖိးအိၣ်ထီၣ်လၢဟီၣ်ခိၣ်ချၢ လၢပှၤလၢအဝဲဒၣ်ဘၣ်အသးတဖၣ် အသိးအကျါတက့ၢ်.”

၁ ပ့းတရူး 5:11

မ်တၢ်စိတၢ်ကမီၤအိၣ်ဒီးအီၤလီၤစိၤလီၤထီတက့ၢ်. အၤမ့ၣ်.

လံာ်လီၣ်ဖျါ 14:7

အဝဲကတိၤတၢ်လၢအကလုၢ်ဖးဒိၣ်, “ပျံၤကစၢ်ယွၤ ဒီးမၤလၤကပီၤအီၤဒီးစံးထီၣ်ပတြၢၤအတၢ်ဒိၣ်တၢ်မုၢ် တက့ၢ်. အဂ့ၢ်ဒ်အံၤ, တၢ်ဆၢကတီၢ်ဟဲတုၤလံဝဲလၢ အဝဲဒၣ်ကဘၣ်စံၣ်ညီၣ်ပှၤဟီၣ်ခိၣ်ဖိလံ. ဘူၣ်ထီၣ်ဘါထီၣ်အဝဲလၢအတ့လီၤမူခိၣ်, ဟီၣ်ခိၣ်, ပီၣ်လဲၣ်, ဒီးထံမူထီၣ်ပၢၢ်တဖၣ်န့ၣ်တက့ၢ်.”

လံာ်လီၣ်ဖျါ 19:1

တၢ်အံၤဝံၤအလီၢ်ခံ, ယနၢ်ဟူတၢ်လၢအသီၣ်လီၤဂာ်ပှၤဂီၢ်မုၢ်အကလုၢ်ဖးဒိၣ်လၢမူခိၣ် စံးဝဲ, “စံးထီၣ်ပတြၢၤယွၤတက့ၢ်. တၢ်အုၣ်က့ၤခီၣ်က့ၤ, တၢ်လၤ ကပီၤ, ဒီးတၢ်စိတၢ်ကမီၤမ့ၢ်ပကစၢ်ယွၤအတၢ်လီၤ.

လံာ်လီၣ်ဖျါ 19:6

တုၤနုၤတစုယနၢ်ဟူတၢ်လၢအသီၣ်လီၤဂာ်ဒ်ပှၤဂီၢ်မုၢ်အကလုၢ်, ဒ်ထံလီၤဆူသီၣ်ရုၢ်ရုၢ်အသိး, ဒ်လီသီၣ်သထြူးအသိးန့ၣ်လီၤ. ယနၢ်ဟူအဝဲသ့ၣ်စံးဝဲ, “စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, ကစၢ်, ပကစၢ်ယွၤလၢအသ့တၢ်လၢာ်န့ၣ်မ့ၢ်ဝဲစီၤပၤလီၤ.

လံာ်လီၣ်ဖျါ 5:13

ဒီးယနၢ်ဟူ, ကယဲၢ်တၢ်ဘၣ်တ့လၢမူခိၣ်ဟီၣ်ခိၣ်ဒီးလၢဟီၣ်ခိၣ် အဖီလာ်တဖၣ်ဒီးပီၣ်လဲၣ်ဒီဘ့ၣ်ညါတၢ်အိၣ်လၢအပူၤခဲလၢာ် သးဝံၣ်တၢ်ဒ်အံၤ, “မ်ပှၤလၢအဆ့ၣ်နီၤလၢလီၢ်ပစိာ်အလိၤ, ဒီးသိဖိတဒုန့ၣ်, ဒိးန့ၢ်ဘၣ်တၢ်စံးထီၣ်ပတြၢၤ, တၢ်မံၤလၤသၣ်ကပီၤ, တၢ်ယူးယီၣ်ဒီး တၢ်ဂံၢ်တၢ်ဘါ အစိၤစိၤဃၣ်ဃၣ်န့ၣ်တက့ၢ်.”

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.

လံာ်လီၣ်ဖျါ 7:12

ဒီးစံးဝဲ, “အၤမ့ၣ်. တၢ်စံးထီၣ်ပတြၢၤတၢ်လၤကပီၤ, တၢ်ကူၣ်ဘၣ်ကူၣ်သ့, တၢ်စံးဘျုးစံးဖှိၣ်, တၢ်ယူးယီၣ်, တၢ်စိကမီၤ, ဒီးတၢ်ဂံၢ်တၢ်ဘါန့ၣ် မ့ၢ်ပကစၢ်ယွၤအတၢ် အစိၤစိၤအဃၣ်ဃၣ်လီၤ. အၤမ့ၣ်.”