စံးထီၣ်ပတြၢၤ 96:4 - Sgaw Karen Common Bible

⁴ အဂ့ၢ်ဒ်အံၤ, ယွၤန့ၣ်ဒိၣ်ဝဲ ဒီးကဘၣ်တၢ်စံးထီၣ်ပတြၢၤအီၤဒိၣ်ဒိၣ်အါအါန့ၣ်လီၤ. အဝဲကဘၣ်တၢ်ပျံၤအီၤဒိၣ်န့ၢ်ဒံး ကစၢ်ခဲလၢာ်တက့ၢ်န့ၣ်လီၤ.

စံးထီၣ်ပတြၢၤ 96:4 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 2:4

ယသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်မၤလၤကပီၤယွၤ, ကစၢ်ယွၤအဂီၢ်န့ၣ်လီၤ. တၢ်န့ၣ်ကမ့ၢ်တၢ်အလီၢ်စီဆှံတတီၤ, လၢယပှၤဂီၢ်မုၢ်ဒီးယၤ, ကဘူၣ်ထီၣ်ဘါထီၣ်အီၤခီဖျိ တၢ်ဆူးကဲၤတၢ်လုၢ်နၢမူတဖၣ်, ဖဲပကလုၢ်ထီၣ်ကိၣ်စီဆှံ အတၢ်လုၢ်တဖၣ်လၢအဂီၢ်တဘိယူာ်ဃီ, ဒီးဖဲပကလုၢ်ထီၣ်တၢ်လုၢ်မ့ၣ် အူတဖၣ်ကိးမုၢ်ဂီၤဒီးကိးမုၢ်ဟါ, ဒီးဒ်န့ၣ်အသိးလၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်ဒီးမုၢ်နံၤစီဆှံအဂၤတဖၣ်လၢတၢ်မၤလၤကပီၤယွၤ, ပကစၢ်ယွၤအဂီၢ်န့ၣ်လီၤ. အဝဲအံၤမ့ၢ်တၢ်အလုၢ်အလၢ်စီဆှံလၢ အံၣ်စရ့လးကဘၣ်မၤဝဲလီၤစိၤလီၤထီန့ၣ်လီၤ.

လံာ်စီၤနဃ့မယၤ 9:5

ဒီးပှၤလ့ၤဝံဖိ, စီၤယ့ၤၡူ, စီၤကးမံၤအ့လး, စီၤၡကၤနယၤ, စီၤဘၤနံ, စီၤဃၡၤဘံယၤ, စီၤၡ့ရ့ဘယၤ, စီၤဟိၤဒံယၤ, စီၤၡဘၤနယၤ, စီၤပသၤဃယၤတဖၣ်စံးဝဲဒၣ် “ဂဲၤဆၢထၢၣ်ဒီးစံးထီၣ်ပတြၢၤယွၤသုကစၢ်ယွၤတက့ၢ်. စံးထီၣ်ပတြၢၤအီၤလီၤစိၤလီၤထီတက့ၢ်. မ်ပှၤကိးဂၤဒဲးစံးထီၣ်ပတြၢၤအတၢ်လၤကပီၤအမံၤတက့ၢ်. မ်အဘၣ်တၢ်စံးထီၣ်ပတြၢၤအီၤလၢတၢ်ခဲလၢာ်အဖီခိၣ်တက့ၢ်.”

စံးထီၣ်ပတြၢၤ 145:3

ယွၤန့ၣ်ဒိၣ်ဝဲ, ဒီးကဘၣ်တၢ်စံးထီၣ်ပတြၢၤအီၤ အါအါကလဲာ်လီၤ. ဒီးမ့ၢ်အဒိၣ်ဝဲဆံးဒိၣ်လဲၣ်န့ၣ်ပနၢ်ပၢၢ်တတုာ်ဘၣ်.

စံးထီၣ်ပတြၢၤ 150:2

စံးထီၣ်ပတြၢၤအီၤလၢတၢ်မၤဖးဒိၣ်တဖၣ်လၢ အမၤတ့ၢ်ဝဲအဃိန့ၣ်တက့ၢ်. စံးထီၣ်ပတြၢၤအတၢ်ဒိၣ်တၢ်ထီကတၢၢ် န့ၣ်တက့ၢ်.

စံးထီၣ်ပတြၢၤ 18:3

ယကိးထီၣ်ယွၤ ဒီးအဝဲဒၣ်မၤပူၤဖျဲးယၤလၢ ယဒုၣ်ယဒါတဖၣ်န့ၣ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 48:1

ယွၤန့ၣ်ဒိၣ်ဝဲ, ဒီးကဘၣ်တၢ်စံးထီၣ်ပတြၢၤအီၤအဒိၣ်အအါ လၢပကစၢ်ယွၤအဝ့ၢ်ပူၤ, လၢအကစၢၢ်စီဆှံအလိၤန့ၣ်လီၤ.

စံးထီၣ်ပတြၢၤ 66:3

စံးဘၣ်ကစၢ်ယွၤ, “နမၤတၢ်တဖၣ်န့ၣ် မ့ၢ်တၢ်ပျံၤအလီၢ်ဆံးဒိၣ်လဲၣ်. လၢနစိဒိၣ်ကမီၤထီအဃိန့ၣ်, နဒုၣ်နဒါတဖၣ်ဆီၣ်လီၤအသးလၢ နခီၣ်ထံးမဲာ်ညါလီၤ.

စံးထီၣ်ပတြၢၤ 66:5

ဟဲဒီးကွၢ်တၢ်လၢကစၢ်ယွၤမၤတ့ၢ်န့ၣ်တက့ၢ်. အဝဲမ့ၢ်တၢ်ပျံၤအလီၢ်လၢ အတၢ်မၤတဖၣ်လၢပှၤကညီအကျါန့ၣ်လီၤ.

စံးထီၣ်ပတြၢၤ 76:7

မ့မ့ၢ်, နဲဒၣ်ယွၤဧၢ, နဘၣ်တၢ်ပျံၤနၤလၢပှၤခဲလၢာ်လီၤ. တုၤနသးထီၣ်န့ၣ်ဒီး, ပှၤဆၢထၢၣ်လၢနမဲာ်ညါတသ့ဝဲနီတဂၤဘၣ်.

စံးထီၣ်ပတြၢၤ 86:10

အဂ့ၢ်ဒ်အံၤ, နမ့ၢ်တၢ်အဒိၣ်, ဒီးမၤတၢ်လီၤလးတဖၣ်လီၤ. ထဲနၤတဂၤဧိၤန့ၣ် မ့ၢ်ကစၢ်ယွၤလီၤ.

စံးထီၣ်ပတြၢၤ 89:7

ယွၤမ့ၢ်တၢ်ပျံၤအလီၢ်လၢပှၤစီဆှံအတၢ်အိၣ်ဖှိၣ်အပူၤ, ဒီးအဝဲသ့ၣ်ခဲလၢာ် ကဆၢထၢၣ်လၢတၢ်ယူးယီၣ် ဒီးတၢ်ပျံၤတၢ်ဖုးအပူၤလီၤ.

စံးထီၣ်ပတြၢၤ 95:3

အဂ့ၢ်ဒ်အံၤ, ယွၤမ့ၢ်ကစၢ်ယွၤဖးဒိၣ်တဂၤ, ဒီးစီၤပၤဖးဒိၣ်တဂၤလၢကယဲၢ်ကစၢ် ခဲလၢာ်အဖီခိၣ်န့ၣ်လီၤ.

လံာ်တၢ်ဟးထီၣ်ကွံာ် 18:11

ခဲကနံၣ်အံၤ, ယသ့ၣ်ညါလၢယွၤန့ၣ်ဒိၣ်န့ၢ်ဒံးကစၢ်အဂၤခဲလၢာ် လီၤ. အဂ့ၢ်ဒ်အံၤအဝဲမၤတၢ်အံၤဖဲပှၤအဲၤကူပတူးဖိတဖၣ်မၤတ့ၢ်ပှၤ အံၣ်စရ့လးဖိတဖၣ်လၢတၢ်ပာ်ထီၣ်ထီသးအပူၤဒ်သိးအံၤအခါန့ၣ်လီၤ.”

လံာ်ယံးရမံယၤ 5:22

ယမ့ၢ်ယွၤလီၤ. သုတပျံၤယၤဘၣ်မနုၤအဃိလဲၣ်. ဘၣ်မနုၤအဃိသုကကနိးကစုာ်လၢယမဲာ်ညါန့ၣ်လဲၣ်. ယပာ်လီၤတ့ၢ်မဲးဧိၤဟီၣ်ဧိၤဒ်ပီၣ်လဲၣ်အဆၢအသိး, တၢ်အဆၢအဂၢၢ်အကျၢၤလၢတၢ်ခီဂာ်အီၤတသ့ဘၣ်လီၤ. ပီၣ်လဲၣ်မ့ၢ်စံၣ်ပီပုဘၣ်ဆၣ်, လဲၤပျံကွံာ်အီၤတသ့ဘၣ်. လပီတဖၣ်မ့ၢ်သီၣ်ထီၣ်ရူၢ်ရူၢ်ဘၣ်ဆၣ်, လဲၤခီပတာ်အီၤတသ့ဘၣ်.

လံာ်ဒၤနံးယ့လး 2:47

စီၤပၤစံးဘၣ်စီၤဒၤနံးယ့လး, “မ့ၢ်မးနကစၢ်ယွၤန့ၣ်မ့ၢ် ဝဲကစၢ်တဖၣ်အကစၢ်ယွၤဒီးစီၤပၤတဖၣ်အယွၤ, ဒီးမ့ၢ်ပှၤလၢအမၤဖျါ ထီၣ်တၢ်ခူသူၣ်အဒိၣ်အယိာ်တဖၣ်လီၤ. ယသ့ၣ်ညါတၢ်အံၤ မ့ၢ်လၢနမၤဖျါထီၣ်တၢ်ခူသူၣ်အဒိၣ်အယိာ်အံၤသ့ဝဲဒၣ်အဃိ န့ၣ်လီၤ.”

လံာ်လူၤကၣ် 12:5

ယကဒုးနဲၣ်သုပှၤလၢသုကဘၣ်ပျံၤအီၤန့ၣ်လီၤ. ပျံၤကစၢ်ယွၤလၢအမၤသံပှၤဝံၤအလီၢ်ခံအိၣ်ဒီးတၢ်စိတၢ် ကမီၤလၢအကတ့ၢ်လီၤပှၤဆူလရာ်အပူၤတဂၤန့ၣ်တက့ၢ်. မ့ၢ်လီၤ. ယစံးဘၣ်တဲဘၣ်သု, ပျံၤအဝဲဒၣ်န့ၣ်တက့ၢ်.

လံာ်လီၣ်ဖျါ 15:4

မတၤကအိၣ်ဝဲတဂၤလၢအတပျံၤ ဒီးတယူးယီၣ်နၤန့ၣ်လဲၣ်, ကစၢ်ယွၤဧၢ. မတၤတဂၤကဂ့ၢ်လိာ်လၢအကဘိးဘၣ်သ့ၣ်ညါ ဒီးတဲဖျါထီၣ်နတၢ်ဒိၣ်တၢ်မုၢ်အဂ့ၢ်န့ၣ်လဲၣ်. ထဲနၤတဂၤဧိၤ နစီဝဲဆှံဝဲလီၤ. ကယဲၢ်ထံဧိၤကီၢ်ဧိၤတဖၣ် ကဟဲဝဲဒီးဘူၣ်ထီၣ်ဘါထီၣ်နၤ, အဂ့ၢ်မ့ၢ်လၢနတၢ်ဖံးတၢ်မၤအတီအလိၤတဖၣ်ဘၣ်တၢ်ထံၣ် အီၤလၢပှၤကိးဂၤဒဲးအဃိန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 4:8

အဝဲသ့ၣ်မ့ၢ်ကစၢ်တဖၣ်လၢအမၤသံတ့ၢ်ပှၤအဲၤကူပတူးဖိတဖၣ်လၢ မဲးမုၢ်ခိၣ်န့ၣ်လီၤ.