စံးထီၣ်ပတြၢၤ 96:2 - Sgaw Karen Common Bible

² သးဝံၣ်ထီၣ်ယွၤ, စံးထီၣ်ပတြၢၤအမံၤ, စံၣ်တဲၤတဲလီၤအတၢ်အုၣ်က့ၤခီၣ်က့ၤအကစီၣ်, ကိးနံၤဒဲးတက့ၢ်.

စံးထီၣ်ပတြၢၤ 96:2 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:20

အန့ၣ်ဝံၤဒီး, စီၤဒၤဝံးမၤလိာ်လီၤပှၤဂီၢ်မုၢ်, “စံးထီၣ်ပတြၢၤယွၤသုကစၢ်ယွၤန့ၣ်တက့ၢ်.” ဒီးပှၤဂီၢ်မုၢ်လၢအဟဲအိၣ်ဖှိၣ်ရိဖှိၣ်ခဲလၢာ်စံးထီၣ်ပတြၢၤယွၤ, အမိၢ်ပၢ်ဖံဖုလၢပျၢၤသ့ၣ်တဖၣ်အကစၢ်ယွၤ, ဒီးအဝဲသ့ၣ်သကူးလီၤအသးဒီးဟ့ၣ်တၢ်ယူးယီၣ်ဆူယွၤဒီးဆူ စီၤပၤစ့ၢ်ကီးန့ၣ်လီၤ.

စံးထီၣ်ပတြၢၤ 103:20

အကလူးလၢအဂံၢ်ဆူၣ်ဘါဆူၣ်, ဒီးမၤအတၢ်, ဒီးကနၣ်အတၢ်ကတိၤအသီၣ်သ့ၣ်ဧၢ, စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 145:1

ယကစၢ်ယွၤဒီးယစီၤပၤဧၢ, ယကပာ်ထီၣ်ထီနၤဒီးစံးထီၣ်ပတြၢၤနမံၤ လီၤစိၤလီၤထီန့ၣ်လီၤ.

စံးထီၣ်ပတြၢၤ 145:10

ယွၤဧၢ, နတၢ်မၤခဲလၢာ်ကစံးထီၣ်ပတြၢၤနၤ, ဒီးနပှၤစီဆှံခဲလၢာ်ကစံးထီၣ်ပတြၢၤနၤလီၤ.

စံးထီၣ်ပတြၢၤ 145:2

ယကစံးထီၣ်ပတြၢၤနၤကိးမုၢ်နံၤ ဒီးစံးထီၣ်ပတြၢၤနမံၤလီၤစိၤလီၤထီန့ၣ်လီၤ.

စံးထီၣ်ပတြၢၤ 40:10

ယတပာ်ခူသူၣ်နတၢ်မၤပူၤဖျဲးအဂ့ၢ်လၢ ယသးပူၤန့ၣ်ဘၣ်. ယစံးဘၣ်တဲဘၣ်လံယဲနတၢ်သူၣ်တီသးလိၤဒီး နတၢ်မၤပူၤမၤဖျဲးအဂ့ၢ်န့ၣ်လံ. ယတပာ်ခူသူၣ်နတၢ်အဲၣ်ဂၢၢ်ကျၢၤဒီး နတၢ်သူၣ်တီသးလိၤအဂ့ၢ် လၢပှၤဂီၢ်မုၢ်အတၢ်အိၣ်ဖှိၣ်ရိဖှိၣ်န့ၣ်ဘၣ်.

စံးထီၣ်ပတြၢၤ 71:15

ယထးခိၣ်ကတဲဖျါထီၣ်နတၢ်တီတၢ်လိၤ အတၢ်ဖံးတၢ်မၤတဖၣ်, နတၢ်အုၣ်က့ၤခီၣ်က့ၤသ့သ့တနံၤလီၤ. အဂ့ၢ်ဒ်အံၤ, ယတသ့ၣ်ညါဘၣ် အတၢ်ဂံၢ်တဖၣ်ဘၣ်.

လံာ်ယၡါယၤ 40:9

ဝ့ၢ်ယရူၤၡလ့ၣ်ဧၢ, လဲၤထီၣ်ဆူကစၢၢ်ထီၣ်ထီတဖျၢၣ်အလိၤ ဒီးတဲဖျါတၢ်သးခုကစီၣ်တက့ၢ်. ကိးထီၣ်လၢနကလုၢ်ဖးဒိၣ်တက့ၢ်. စံယိၣ်ဧၢ, ဘိးဘၣ်သ့ၣ်ညါတၢ်သးခုကစီၣ်တက့ၢ်. ကတိၤထီၣ်တၢ်ဒီးပျံၤတၢ်တဂ့ၤ. တဲဘၣ်ကီၢ်ယူဒၤအဝ့ၢ်တဖၣ် လၢအဝဲသ့ၣ်အကစၢ်ယွၤဟဲဝဲလံ.

လံာ်မၢ်ကူး 16:15

အဝဲဒၣ်စံးဘၣ်အဝဲသ့ၣ်, “လဲၤသုဝဲလၢဟီၣ်ခိၣ်ဒီဘ့ၣ်ညါဒီးစံၣ်တဲၤတဲလီၤတၢ်သးခု အကစီၣ်လၢပှၤကညီခဲလၢာ်န့ၣ်တက့ၢ်.

မၤတၢ် 13:26

ယဒီပုၢ်ဒီဝဲၢ်, ပှၤအံၣ်စရ့လးဖိလၢအမ့ၢ်စီၤအၤဘြၤဟၣ်အစၢၤအသွဲၣ်, ဒီးပှၤကလုာ်ဂၤဖဲအံၤခဲလၢာ်လၢအဘူၣ်ထီၣ်ဘါထီၣ်ကစၢ်ယွၤသ့ၣ် သုဧၢ, တၢ်အုၣ်က့ၤခီၣ်က့ၤအကစီၣ်အဝဲအံၤန့ၣ်, ဘၣ်တၢ်ဆှၢလီၤတ့ၢ်အီၤလၢပဂီၢ်လီၤ.

အ့းဖ့းစူး 1:3

မ်ပစံးထီၣ်ပတြၢၤကစၢ်ယွၤပကစၢ်ယ့ၣ်ၡူးခရံာ်အပၢ်တက့ၢ်. အဂ့ၢ်ဒ်အံၤ, လၢခရံာ်အပူၤန့ၣ်အဝဲဒၣ်ဟ့ၣ်လီၤပှၤလၢတၢ်ဆိၣ်ဂ့ၤဘၣ်ဃးဒီး သူၣ်ဒီးသးတဖၣ်လၢအအိၣ်ဝဲလၢမူခိၣ်န့ၣ်လီၤ.

လံာ်လီၣ်ဖျါ 5:13

ဒီးယနၢ်ဟူ, ကယဲၢ်တၢ်ဘၣ်တ့လၢမူခိၣ်ဟီၣ်ခိၣ်ဒီးလၢဟီၣ်ခိၣ် အဖီလာ်တဖၣ်ဒီးပီၣ်လဲၣ်ဒီဘ့ၣ်ညါတၢ်အိၣ်လၢအပူၤခဲလၢာ် သးဝံၣ်တၢ်ဒ်အံၤ, “မ်ပှၤလၢအဆ့ၣ်နီၤလၢလီၢ်ပစိာ်အလိၤ, ဒီးသိဖိတဒုန့ၣ်, ဒိးန့ၢ်ဘၣ်တၢ်စံးထီၣ်ပတြၢၤ, တၢ်မံၤလၤသၣ်ကပီၤ, တၢ်ယူးယီၣ်ဒီး တၢ်ဂံၢ်တၢ်ဘါ အစိၤစိၤဃၣ်ဃၣ်န့ၣ်တက့ၢ်.”