စံးထီၣ်ပတြၢၤ 96:13 - Sgaw Karen Common Bible

¹³ အဝဲသ့ၣ်ကသးဝံၣ်တၢ်လၢ ယွၤအမဲာ်ညါ လၢအဝဲဟဲဝဲအဃိ, အဝဲဟဲဝဲဒ်သိးကစံၣ်ညီၣ်ဟီၣ်ခိၣ်လီၤ. အဝဲကစံၣ်ညီၣ်ဟီၣ်ခိၣ်လၢတၢ်တီတၢ်လိၤအပူၤ ဒီးပှၤဂီၢ်မုၢ်တဖၣ်လၢအဝဲ အတၢ်မ့ၢ်တၢ်တီအပူၤန့ၣ်လီၤ.

စံးထီၣ်ပတြၢၤ 96:13 Iomraidhean Croise

စံးထီၣ်ပတြၢၤ 50:3

ပကစၢ်ယွၤဟဲ, ဘၣ်ဆၣ်တမ့ၢ်လၢတၢ်ဘှ့ၣ်တၢ်ဘှီၣ်အပူၤဘၣ်. မ့ၣ်အူအီၣ်တၢ်လၢအမဲာ်ညါဒီး ကလံၤမုၢ်တွၤဆူၣ်ဆူၣ်ကလဲာ်အိၣ်ဝးတရံးအီၤလီၤ.

စံးထီၣ်ပတြၢၤ 67:4

မ်ပှၤကလုာ်တဖၣ်သူၣ်ခုသးခု, ဒီးသးဝံၣ်တၢ်လၢတၢ်သူၣ်ဖှံသးညီန့ၣ်တက့ၢ်. အဂ့ၢ်ဒ်အံၤ, နစံၣ်ညီၣ်ပှၤဂီၢ်မုၢ်လၢတၢ်တီတၢ်လိၤ, ဒီးဆှၢပှၤကလုာ်ခဲလၢာ်လၢဟီၣ်ခိၣ်ချၢလီၤ. စ့လၤ

စံးထီၣ်ပတြၢၤ 7:9

ကစၢ်ယွၤလၢအတီအလိၤ ဒီးမၤကွၢ် ပှၤကညီအသးအတၢ်ဆိကမိၣ်နၤဧၢ, ဒုးကတၢၢ်ကွံာ်ပှၤတတီတလိၤအတၢ်အၢတၢ်သီ, ဘၣ်ဆၣ်ပှၤတီပှၤလိၤန့ၣ် ဒုးအိၣ်ဂၢၢ်ဆိးကျၢၤအီၤတက့ၢ်.

စံးထီၣ်ပတြၢၤ 96:10

စံးဘၣ်ပှၤကလုာ်ခဲလၢာ် “ယွၤမ့ၢ်စီၤပၤလီၤ. ဟီၣ်ခိၣ်ဘၣ်တၢ်ပာ်လီၤဂၢၢ်ကျၢၤအီၤလၢ အလီၢ်ဒၣ်ဝဲအပူၤ ဒီးတၢ်မၤဟူးဝးအီၤတသ့ဘၣ်. အဝဲကစံၣ်ညီၣ်ပှၤဂီၢ်မုၢ်လၢတၢ်စံၣ်ညီၣ်တီလီၤ.”

စံးထီၣ်ပတြၢၤ 98:9

အဂ့ၢ်ဒ်အံၤ, အဝဲဟဲဒ်သိးကပၢဟီၣ်ခိၣ်န့ၣ်လီၤ. အဝဲကပၢပှၤဂီၢ်မုၢ်လၢဟီၣ်ခိၣ်ချၢလၢ တၢ်စံၣ်ညီၣ်တီဒီး တၢ်တီတၢ်လိၤအပူၤန့ၣ်လီၤ.

လံာ်ယၡါယၤ 2:4

အဝဲကမၤလိၤမၤဘၣ်တၢ်ဂ့ၢ်လိာ် ဘှီလိာ်လၢပှၤကလုာ်ဖးဒိၣ်တဖၣ်အကျါလီၤ. အဝဲသ့ၣ်ကပိာ်က့ၤအနးတဖၣ်ဆူထဲၣ်အကနၣ် ဒီးအဘီတဖၣ်ဆူဒီပဲာ်ဃိတၢ်တဖၣ်လီၤ. ပှၤကလုာ်တဖၣ်တလဲၤဒုးတၢ်ယၤတၢ်လၢၤဘၣ်, တကတဲာ်ကတီၤကဒီးအသးလၢတၢ်ဒုးသုးအဂီၢ်နီတစုလၢၤဘၣ်.

၂ သ့းစၤလနံ 1:10

တၢ်သ့ၣ်တဖၣ်အံၤခဲလၢာ်ကမၤအသးဖဲနံၤအဝဲန့ၣ် ဖဲအဝဲဒၣ်ဟဲဝဲဒ်သိးအကဒိးန့ၢ်တၢ်လၤကပီၤလၢအပှၤ ဂီၢ်မုၢ်ခဲလၢာ်အအိၣ်, ဒီးတၢ်မၤလၤမၤကပီၤလၢပှၤလၢအစူၢ်က့ၤနာ်က့ၤအီၤခဲလၢာ် အအိၣ်န့ၣ်လီၤ. သုဝဲသ့ၣ်စ့ၢ်ကီးသုကအိၣ်လၢအဝဲသ့ၣ်အသိး အကျါအဂ့ၢ်မ့ၢ်လၢသုနာ်တၢ်ကစီၣ်လၢပစံးဘၣ်တဲဘၣ်သု အဃိန့ၣ်လီၤ.

၂ တံၤမသ့း 4:8

ဒီးခဲကနံၣ်အံၤ, တၢ်မၤနၢၤအခိၣ်ဖးလၢအမ့ၢ်တၢ်မၤဘၣ်လိာ်က့ၤယၤဒီးကစၢ်ယွၤ န့ၣ် အိၣ်ခိးပာ်စၢၤယၤလံ. မ့ၢ်ခိၣ်ဖးလၢကစၢ်, ပှၤစံၣ်ညီၣ်တီတၢ်တဂၤကဟ့ၣ်လီၤယၤလၢမုၢ်နံၤအဝဲန့ၣ်, ဒီးထဲယၤတဂၤဧိၤတမ့ၢ်ဘၣ်, မ့ၢ်ကယဲၢ်ပှၤခဲလၢာ်လၢအအိၣ်ခိးကွၢ်လၢ် အဝဲကအိၣ်ဖျါထီၣ်အဂီၢ်စ့ၢ်ကီးန့ၣ်လီၤ.

တံတူး 2:13

ဖဲပအိၣ်ခိးမုၢ်နံၤဘၣ်ဆိၣ်ဂ့ၤလၢပမုၢ်လၢ်တ့ၢ်, ဖဲပကစၢ်ယွၤလၢအဒိၣ်ဝဲ ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အလၤကပီၤ ကအိၣ်ဖျါထီၣ်ဝဲန့ၣ်လီၤ.

လံာ်လီၣ်ဖျါ 11:18

ပှၤကလုာ်ဂၤတဖၣ်သူၣ်ဒိၣ်သးဖျိးဝဲ, အဂ့ၢ်မ့ၢ်လၢနတၢ်သးထီၣ် အဆၢကတီၢ်ဟဲတုၤဝဲလံ, ဆၢကတီၢ်လၢပှၤသံ ကဘၣ်တၢ်စံၣ်ညီၣ်အီၤန့ၣ်လီၤ. ဆၢကတီၢ်တုၤအိၣ်ဝဲလၢတၢ်ကဟ့ၣ်ခိၣ်ဖး ဆူနခ့နပှၤတဖၣ်, ဝံတဖၣ်, ဒီးနပှၤဂီၢ်မုၢ်ခဲလၢာ်, ပှၤကိးဂၤဒဲးလၢအအိၣ်ဒီး တၢ်ယူးယီၣ်ပာ်ကဲနၤတဖၣ်, ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤန့ၣ်လီၤ. ဆၢကတီၢ်တုၤအိၣ်ဝဲလၢတၢ်ကမၤဟးဂီၤကွံာ် ပှၤတဖၣ်လၢအမၤဟးဂီၤဟီၣ်ခိၣ်န့ၣ်လီၤ.”

လံာ်လီၣ်ဖျါ 19:11

တုၤနုၤတစုယထံၣ်မူခိၣ်အိးထီၣ်အသး, ဒီးဖဲန့ၣ်ကသ့ၣ်ဖါဝါအိၣ်ဝဲဒၣ် တဒုလီၤ. ပှၤဒိးကသ့ၣ်တဂၤအံၤဘၣ်တၢ်ကိးအီၤလၢ ကလုၢ်တီဒီးတီလိၤန့ၣ်လီၤ. အဝဲဒၣ်စံၣ်ညီၣ်ဒီးဒုးအတၢ်ဒုးသုးတဖၣ်လၢတၢ်တီတၢ်လိၤ အပူၤလီၤ.

လံာ်လီၣ်ဖျါ 22:10

ဒီးအဝဲဒၣ်စံးဘၣ်ယၤ, “တၢ်ကတိၤတဖၣ်လၢအဘၣ်တၢ်ကတိၤဆိပာ်စၢၤအီၤလၢ လံာ်တဘ့ၣ်အံၤအပူၤန့ၣ်တဘၣ်ပာ်ခူသူၣ်အီၤတဂ့ၤ. အဂ့ၢ်ဒ်အံၤ, တၢ်ခဲလၢာ်ခဲဆ့အံၤကမၤအသးအဂီၢ်န့ၣ်ဆၢကတီၢ်ဘူးထီၣ်ဝဲလံ.