စံးထီၣ်ပတြၢၤ 95:9 - Sgaw Karen Common Bible

⁹ ဖဲန့ၣ်အဝဲသ့ၣ်တဖၣ်လ့ပစီယၤဒီးမၤကွၢ်ယၤ, ဖဲလၢအဝဲသ့ၣ်ထံၣ်ဘၣ်တၢ်လၢယမၤတ့ၢ်လၢ အဝဲသ့ၣ်အဂီၢ်ဒၣ်လဲာ်န့ၣ်လီၤ.

စံးထီၣ်ပတြၢၤ 95:9 Iomraidhean Croise

စံးထီၣ်ပတြၢၤ 78:56

နာ်သက့အဝဲသ့ၣ်လ့ပစီ ဒီးပူထီၣ်တၢ်ထီကတၢၢ်ကစၢ်ယွၤ, ဒီးတတိၢ်န့ၢ်အတၢ်မၤလိာ်ဘၣ်.

လံာ်တၢ်ဂံၢ် 14:22

ပှၤဂီၢ်မုၢ်အံၤတလဲၤနုာ်ဘၣ်ဆူကီၢ်တဘ့ၣ်န့ၣ်အပူၤနီ တဂၤဘၣ်. အဝဲသ့ၣ်ထံၣ်ဘၣ်တ့ၢ်ယတၢ်အိၣ်ယဲအတၢ်ကပြုၢ်ကပြီၤဒီး တၢ်လီၤလးတဖၣ်လၢယမၤတ့ၢ်ယဲလၢကီၢ်အဲၤကူပတူးအပူၤဒီးလၢ ပှၢ်မုၢ်ကနၢအပူၤ, ဘၣ်ဆၣ်ဒီးအဝဲသ့ၣ်မၤကွၢ်တ့ၢ်ယတၢ်သးစူၤ တဘျီဝံၤတဘျီဒီးဂ့ၢ်လိာ်ဝဲလၢကစူၢ်ယၤအဂီၢ်န့ၣ်လီၤ.

လံာ်ယိၤဟၣ် 15:24

တၢ်မၤတဖၣ်လၢပှၤဂၤတမၤနီတဂၤဘၣ်န့ၣ်, ယမ့ၢ်တမၤဘၣ်လၢအဝဲသ့ၣ်အကျါဘၣ်ဒီး, တမ့ၢ်လၢအဝဲသ့ၣ်အတၢ်ဒဲးဘးကအိၣ်ဘၣ်. မ့မ့ၢ်ခဲအံၤ, အဝဲသ့ၣ်ထံၣ်တၢ်လၢယမၤတ့ၢ်ဒီး အဝဲသ့ၣ်သးဟ့ယၤဒီးယပၢ်, ခံဂၤလၢာ်န့ၣ်လီၤ.

1 ကရံၣ်သူး 10:9

ပတဘၣ်လ့ပစီကစၢ် ဒ်အဝဲသ့ၣ်တနီၤမၤဝဲအသိးန့ၣ် ဘၣ်. ဒီးအဝဲသ့ၣ်ဘၣ်တၢ်မၤသံအီၤလၢဂုၢ်သ့ၣ်လီၤ.

လံာ်သိၣ်လီၤသီလီၤတၢ် 6:16

သုတလ့ပစီယွၤ, သုကစၢ်ယွၤဒ်သုမၤတ့ၢ်အီၤလၢဝ့ၢ်မးစၤအပူၤ အသိးန့ၣ်တဂ့ၤ.