စံးထီၣ်ပတြၢၤ 94:7 - Sgaw Karen Common Bible

⁷ အဝဲသ့ၣ်စံးဝဲ “ယွၤတထံၣ်ပှၤဘၣ်, အံၣ်စရ့လးအကစၢ်ယွၤတပာ်သူၣ်ပာ်သး လၢပှၤဘၣ်.”

စံးထီၣ်ပတြၢၤ 94:7 Iomraidhean Croise

စံးထီၣ်ပတြၢၤ 59:7

ကနၣ်အတၢ်ကတိၤတရီတပါဒီး အတၢ်မၤပျံၤမၤဖုးတဖၣ်တက့ၢ်. အပျ့ၤတဖၣ်လီၤဂာ်ဒီး နးဧိၤဘီဧိၤအိၣ်လၢ အကိာ်ပူၤဒီး ဆိကမိၣ်ဝဲလၢ ပှၤတနၢ်ဟူအီၤနီတဂၤဘၣ်လီၤ.

လံာ်ယၡါယၤ 29:15

ပှၤတဖၣ်လၢအကျဲးစၢးပာ်ခူသူၣ်အတၢ်တိာ်ကျဲၤတဖၣ်လၢ ယွၤန့ၣ်, ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်မၤထွဲအတၢ်ကူၣ်တဖၣ် လၢတၢ်ခူသူၣ်အပူၤဒီးဆိကမိၣ်ဝဲလၢပှၤတထံၣ်ဒီးတသ့ၣ်ညါတၢ် လၢအဝဲသ့ၣ်မၤန့ၣ်နီတဂၤဘၣ်န့ၣ်လီၤ.

လံာ်ယၡါယၤ 47:10

နနာ်န့ၢ်လီၤနသးလၢနတၢ်အၢတၢ်သီတဖၣ်အပူၤ ဒီးနဆိကမိၣ်တ့ၢ်လၢပှၤထံၣ်နၤတသ့ နီတဂၤဘၣ်န့ၣ်လီၤ. နတၢ်ကူၣ်သ့ဒီးနတၢ်သ့ၣ်ညါဆှၢကမၣ်နကျဲ, ဒီးနစံးလီၤနသး, ယမ့ၢ်ကစၢ်ယွၤဒီးပှၤဒ်သိးယၤ အဂၤတအိၣ်နီတဂၤဘၣ် န့ၣ်လီၤ.

လံာ်ယဃ့းစက့လး 8:12

ကစၢ်ယွၤသံကွၢ်ယၤ, “ပှၤကညီလၢအသံသ့ဧၢ, မ့ၢ်နထံၣ်ဘၣ်တၢ်လၢ ပှၤအံၣ်စရ့လးဖိအခိၣ်အနၢ်တဖၣ်မၤဝဲလၢတၢ်ခူသူၣ်အပူၤန့ၣ်လံ ဧါ. အဝဲသ့ၣ်ခဲလၢာ်ဘူၣ်ထီၣ်ဘါထီၣ်တၢ်လၢဒၢးတဖျၢၣ်လၢအပှဲၤ ဒီးတၢ်ဂီၤတၢ်ဖီၣ်တဖၣ်အပူၤန့ၣ်လီၤ. အဝဲသ့ၣ်ကတိၤပူၤဖျဲး အသးစံးဝဲလၢ, ယွၤတထံၣ်ပှၤဘၣ်. အဝဲပာ်လီၤတဲာ်ကွံာ်ထံကီၢ်လံ.”

လံာ်ယဃ့းစက့လး 9:9

ကစၢ်ယွၤစံးဆၢတၢ်ဒီးစံးဝဲ, “ကီၢ်အံၣ်စရ့လးဒီးကီၢ်ယူဒၤ အပှၤဂီၢ်မုၢ်တဖၣ်မၤတၢ်ဒဲးဘးတဖၣ်လၢအလီၤပျံၤလီၤဖုးန့ၣ်လီၤ. အဝဲသ့ၣ်မၤသံတ့ၢ်တၢ်လၢထံကီၢ်ဒီဘ့ၣ်ညါဒီးမၤပှဲၤဝ့ၢ် ယရူၤၡလ့ၣ်ဒီးတၢ်မၤကမၣ်တၢ်သိၣ်တၢ်သီန့ၣ်လီၤ. အဝဲသ့ၣ်စံးဝဲလၢယၤ, ယွၤအံၤ, ပာ်လီၤတဲာ်ကွံာ်အဝဲသ့ၣ်အထံ အကီၢ်ဒီးလၢယတထံၣ်အဝဲသ့ၣ်ဘၣ်န့ၣ်လီၤ.

လံာ်စဖါနယၤ 1:12

အကတီၢ်ဖဲန့ၣ်ယကစိာ်မ့ၣ်အူဒၢတဖျၢၣ်ဒီးကဃုတၢ်လၢဝ့ၢ် ယရူၤၡလ့ၣ်အပူၤလီၤ. ယကစံၣ်ညီၣ်ပှၤလၢအသးမံလီၤဒၣ်အသးဒီးနာ်န့ၢ်လီၤအသးလၢ အစံးလီၤအသးလၢ ‘တၢ်အဂ့ၤမ့ၢ်ဂ့ၤ, တၢ်အအၢမ့ၢ်ဂ့ၤယွၤတမၤဘၣ်ပှၤဘၣ်’ သ့ၣ်တဖၣ်န့ၣ်လီၤ.