စံးထီၣ်ပတြၢၤ 94:16 - Sgaw Karen Common Bible

¹⁶ မ့ၢ်မတၤကဆၢထၢၣ်လၢယဂီၢ်ထီဒါ ပှၤတတီတလိၤန့ၣ်လဲၣ်. မ့ၢ်မတၤကမၤစၢၤယၤ ထီဒါပှၤမၤတၢ်အၢတဖၣ်န့ၣ်လဲၣ်

စံးထီၣ်ပတြၢၤ 94:16 Iomraidhean Croise

လံာ်စီၤပၤခံဘ့ၣ်တဘ့ၣ် 10:15

စီၤယ့ၤဟူစးထီၣ်လဲၤကဒီးတၢ်, ဒီးလၢကျဲန့ၣ်အဝဲဘၣ်တၢ်ဟဲ သဂၢၢ်အီၤလၢစီၤရ့ကာ်အဖိခွါစီၤယိၤနဒာ်န့ၣ်လီၤ. စီၤယ့ၤဟူဆၢဂ့ၤဆၢဝါအီၤဒီးစံးဘၣ်ဝဲ, “နၤဒီးယၤပဆိကမိၣ်တၢ်ဒ်သိးသိးလီၤ. မ့ၢ်နကဆီၣ်ထွဲ မၤစၢၤယၤဧါ.” စီၤယိၤနဒာ်စံးဆၢအီၤ, “မ့ၢ်, ယကမၤလီၤ.” စီၤယ့ၤဟူစံးဆၢဝဲ, “မ့မ့ၢ်ဒ်န့ၣ်ဒီး, ဟ့ၣ်ယၤနစုတက့ၢ်. အဝဲသ့ၣ်စှီၤတံၢ်လိာ်အစု, ဒီးစီၤယ့ၤဟူမၤစၢၤအီၤလၢကထီၣ်ဆူလ့ၣ်ကဟၣ်အပူၤ,

လံာ်စီၤပၤခံဘ့ၣ်တဘ့ၣ် 9:32

စီၤယ့ၤဟူကွၢ်ထီၣ်တၢ်ဒီးကိးထီၣ်ဝဲ, “မ့ၢ်မတၤအိၣ်လၢယအိၣ် တခီလဲၣ်.” ပှၤဒ့ဒံၣ်ဖိခံဂၤမ့တမ့ၢ်သၢဂၤကွၢ်လီၤအီၤလၢပဲတြီဖိ တဘ့ၣ်အပူၤ,

လံာ်စီၤနဃ့မယၤ 5:7

ဒီးယပာ်လီၤယသးလၢယကမၤတၢ်န့ၣ်လီၤ. ယသိၣ်ဃီၣ်ပှၤခိၣ်ပှၤနၢ်တဖၣ်ဒီးပှၤကလုာ်အပဒိၣ်တဖၣ်ဒီးတဲဘၣ် အဝဲသ့ၣ်, “သုဆီၣ်ဘံၣ်ဆီၣ်ဘၢသုဒီပုၢ်ဝဲၢ်တဖၣ်န့ၣ်လီၤ.” ယကိးဖှိၣ်ပှၤဂီၢ်မုၢ်လၢတၢ်ဂ့ၢ်အံၤအဂီၢ်လီၤ.

စံးထီၣ်ပတြၢၤ 118:6

ယွၤအိၣ်ဒီးယၤဒီးယတပျံၤဘၣ်တၢ်ဘၣ်. ပှၤကညီမၤယၤကသ့မနုၤလဲၣ်.

စံးထီၣ်ပတြၢၤ 17:13

ဂဲၤထၢၣ်, ယွၤဧၢ, ကွၢ်ဆၢၣ်မဲာ်ယဒုၣ်ယဒါတဖၣ်ဒီး, မၤနၢၤအဝဲသ့ၣ်န့ၣ်တက့ၢ်. မၤပူၤမၤဖျဲးယၤလၢပှၤတတီတလိၤသ့ၣ်တဖၣ်န့ၣ် လၢနနးန့ၣ်တက့ၢ်.

စံးထီၣ်ပတြၢၤ 59:2

မၤပူၤဖျဲးယၤလၢပှၤလၢအမၤတၢ်အၢတဖၣ်, ဒီးအုၣ်က့ၤခီၣ်က့ၤယၤလၢပှၤလၢ အမၤသံတၢ်တဖၣ်အစုပူၤန့ၣ်တက့ၢ်.

လံာ်ယၡါယၤ 59:16

အဝဲကမၢကမၣ်လၢတထံၣ်န့ၢ်ဘၣ်ပှၤနီတဂၤလၢကမၤစၢၤ ပှၤလၢအဘၣ်တၢ်မၤအၢမၤနးအီၤတဖၣ်ဘၣ်အဃိလီၤ. သတးဒီးအဝဲကသူအတၢ်စိကမီၤဒၣ်ဝဲလၢကမၤထူၣ်ဖျဲး အဝဲသ့ၣ်ဒ်သိးကမၤနၢၤတၢ်အဂီၢ်လီၤ.

လံာ်ယၡါယၤ 63:5

ဖဲယကွၢ်တၢ်ဒီးထံၣ်လၢပှၤကမၤစၢၤယၤတအိၣ်နီတဂၤဘၣ်န့ၣ်, ယကမၢကမၣ်တ့ၢ်ယဲလီၤ. ဘၣ်ဆၣ်ဒီးယတၢ်သးထီၣ်မၤဆူၣ် ထီၣ်ယၤ, ဒီးယကစၢ်ဒၣ်ယဲယမၤနၢၤကွံာ်တၢ်န့ၣ်လီၤ.

လံာ်ယံးရမံယၤ 5:1

ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဃ့ၢ်ဝ့ၤဝီၤလၢသုကျဲတဖၣ် အပူၤတက့ၢ်. ကွၢ်တၢ်ဝးတရံးဒီးကွၢ်တၢ်လၢသုကစၢ် ဒၣ်သုဝဲတက့ၢ်. ကွၢ်ဃုတၢ်ဆါတၢ်ပှ့ၤအလီၢ်တဖၣ်တက့ၢ်. ပှၤလၢအမၤတၢ်အဘၣ် ဒီးကျဲးစၢးသးတီဒီးကစၢ်ယွၤန့ၣ်, မ့ၢ်သုထံၣ်န့ၢ်သ့ တဂၤဂၤဧါ. သုထံၣ်န့ၢ်မ့ၢ်သ့ဒီးယွၤကပျၢ်ဝ့ၢ်ယရူၤၡလ့ၣ်န့ၣ်လီၤ.

လံာ်ယဃ့းစက့လး 22:30

ယဃုထံၣ်ပှၤတဂၤလၢကသ့ဘှီထီၣ်တၢ်ဒူၣ်တခါ, ပှၤတဂၤလၢကသ့ဆၢထၢၣ်ဖဲတၢ်လီၢ်တဖၣ်လၢတၢ်အဒူၣ်တဖၣ်လီၤပှီၢ် တ့ၢ်န့ၣ်, ဒီးဒီဒၣ်ကီၢ်ဖဲယတၢ်သးထီၣ်ကမၤဟးဂီၤအီၤအခါန့ၣ်လီၤ. ဘၣ်ဆၣ်ယတထံၣ်န့ၢ်ပှၤနီတဂၤဘၣ်.

လံာ်တၢ်ဂံၢ် 10:35

ဖဲတၢ်အၢၣ်လီၤအီလီၤအတလါစးထီၣ်လဲၤတၢ်တဘျီလၢ်လၢ်န့ၣ်စီၤ မိၤၡ့ကစံးဝဲဒၣ်, “ယွၤဧၢ, ဂဲၤထၢၣ်, မၤလီၤမုၢ်ပြံ ပြါနဒုၣ်နဒါတဖၣ်, ဒုးတၢ်ထီဒါပှၤလၢအသးဟ့နၤတဖၣ်တက့ၢ်” န့ၣ်လီၤ.

လံာ်မးသဲ 12:30

ပှၤတဂၤလၢ်လၢ်လၢအတအိၣ်ဒီးယၤဘၣ်န့ၣ်, မ့ၢ်ပှၤလၢအထီဒါယၤလီၤ. ပှၤလၢအတမၤစၢၤယၤလၢတၢ်ထၢဖှိၣ်က့ၤတၢ်အပူၤန့ၣ်, မ့ၢ်ပှၤလၢအမၤလီၤပြံလီၤပြါတၢ်လီၤ.

၃ ယိၤဟၣ် 1:8

လၢတၢ်န့ၣ်အဃိ, ပဝဲပှၤခရံာ်ဖိတဖၣ်ပကဘၣ်မၤစၢၤပှၤသ့ၣ်တဖၣ်အံၤ, ဒ်သိးပကကဲထီၣ်ပှၤမၤဃုာ်တၢ်ဒီးအဝဲသ့ၣ်လၢ အတၢ်မၤတၢ်လၢတၢ်မ့ၢ်တၢ်တီအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 5:23

ယွၤအကလူးစံးဝဲ, “ပာ်တၢ်ဆိၣ်အၢလၢဝ့ၢ်မ့ရိးအဖီခိၣ်တက့ၢ်. တၢ်ဆိၣ်အၢတမံၤ, တၢ်ဆိၣ်အၢတမံၤလၢပှၤအိၣ်ဖဲန့ၣ်တဖၣ်အလိၤတက့ၢ်. အဝဲသ့ၣ်တဟဲဘၣ်ဝဲလၢကမၤစၢၤယွၤအဂီၢ်ဘၣ်. တဟဲဘၣ်ဝဲဒ်သုးဖိတဖၣ်အသိးလၢကဒုးတၢ်အဂီၢ်ဘၣ်.”