စံးထီၣ်ပတြၢၤ 94:10 - Sgaw Karen Common Bible

¹⁰ ပှၤလၢအသိၣ်က့ၤသီက့ၤပှၤကလုာ်တဖၣ်န့ၣ်, မ့ၢ်တစံၣ်ညီၣ်အဝဲသ့ၣ်ဘၣ်ဧါ. ပှၤလၢအသိၣ်လိပှၤကညီတဂၤ, န့ၣ်အတၢ်သ့ၣ်ညါတအိၣ်နီတမံၤဘၣ်ဧါ.

စံးထီၣ်ပတြၢၤ 94:10 Iomraidhean Croise

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

လံာ်စီၤယိၤဘး 34:29

တုၤမ့ၢ်ကစၢ်ယွၤပာ်လီၤအသးလၢကအိၣ်ဘှ့ၣ်အိၣ်ဘှီၣ်ဒီး မတၤပာ်တၢ်ကမၣ်လၢအလိၤသ့တဂၤလဲၣ်. တုၤအပာ် သဒၢအမဲာ်ဒီးမတၤထံၣ်အီၤကသ့တဂၤလဲၣ်.

လံာ်စီၤယိၤဘး 35:11

အဝဲသ့ၣ်တဃၣ်က့ၤအသးဆူကစၢ်ယွၤလၢအဒုးကူၣ်ဘၣ်ကူၣ် သ့ပှၤဒိၣ်န့ၢ်ဒံးဆၣ်ဖိကီၢ်ဖိမ့ၢ်ဂ့ၤထိၣ်ဧိၤလံာ်ဧိၤမ့ၢ်ဂ့ၤ, အအိၣ်န့ၣ်ဘၣ်.

စံးထီၣ်ပတြၢၤ 10:16

ယွၤမ့ၢ်စီၤပၤအစိၤစိၤအဃၣ်ဃၣ်လီၤ. ပှၤလၢအဘူၣ်ထီၣ်ဘါထီၣ် ကစၢ်အဂၤတဖၣ်န့ၣ် ကလီၤမၢ်ကွံာ်လၢအကီၢ်ပူၤလီၤ.

စံးထီၣ်ပတြၢၤ 119:66

ဟ့ၣ်လီၤယၤလၢတၢ်ကူၣ်သ့အဂ့ၤ, ဒီးတၢ်သ့ၣ်ညါန့ၣ်တက့ၢ်. အဂ့ၢ်ဒ်အံၤ, ယသန့ၤယသးလၢ နတၢ်မၤလိာ်တဖၣ်န့ၣ်လီၤ.

စံးထီၣ်ပတြၢၤ 149:7

ဒ်သိးကမၤနၢၤကွံာ်ပှၤကလုာ်တဖၣ် ဒီးကစံၣ်ညီၣ်ပှၤဂီၢ်မုၢ်တဖၣ်,

စံးထီၣ်ပတြၢၤ 44:2

လၢနစုဒၣ်နဲနနီၣ်ဟးထီၣ်ကွံာ်ပှၤတဘူၣ် ထီၣ်ဘါထီၣ်နၤသ့ၣ်တဖၣ်, ဒီးပာ်လီၤနပှၤဂီၢ်မုၢ်လၢ အဝဲသ့ၣ်အကီၢ်ပူၤဒ်လဲၣ်, နစံၣ်ညီၣ်ဃၣ်ပှၤကလုာ်ဂၤတဖၣ် ဒီးဒုးဘီၣ်ထီၣ်ညီထီၣ်နပှၤဂီၢ်မုၢ်ဒၣ်နဲဒ်လဲၣ်န့ၣ်လီၤ.

စံးထီၣ်ပတြၢၤ 9:5

နသိၣ်ဃီၣ်ပှၤလၢတဘူၣ်ထီၣ်ဘါထီၣ်နၤတဖၣ်, နမၤဟးဂီၤပှၤတတီတလိၤလံ. နတြူာ်ကွံာ်အမံၤလီၤစိၤလီၤထီလံ.

တၢ်ကတိၤဒိ. 2:6

ယွၤမ့ၢ်ဝဲပှၤလၢအဟ့ၣ်တၢ်ကူၣ်သ့, ဒီးတၢ်သ့ၣ်ညါဒီး တၢ်သူၣ်ဆးသးဆးဟဲလၢအအိၣ်လီၤ.

လံာ်ယၡါယၤ 10:12

ဒီးယွၤစံးဝဲဒၣ်, “ဖဲယမၤတၢ်လၢယကမၤအီၤလၢ ကစၢၢ်စံယိၣ်ဒီးလၢဝ့ၢ်ယရူၤရှလ့ၣ်အပူၤဝံၤလံန့ၣ်, ယကစံၣ်ညီၣ်ကီၢ်အၤၡူၢ်အစီၤပၤဖးဒိၣ်လၢအတၢ်ကတိၤဒိၣ်ကတိၤသွါ တၢ်ဒီးလၢအတၢ်ပာ်ထီၣ်ထီသးအဃိလီၤ.”

လံာ်ယၡါယၤ 2:3

ဒီးအပှၤဂီၢ်မုၢ်တဖၣ်ကစံးဝဲ, “မ်ပလဲၤထီၣ်သကိးဆူယွၤအကစၢၢ်, ဆူအံၣ်စရ့လးအကစၢ်ယွၤအတၢ်လုၢ်ဟံၣ်န့ၣ်တက့ၢ်. အဝဲကသိၣ်လိပှၤတၢ်လၢအဝဲသးအိၣ်လၢပကမၤအီၤ ဒီးပကလဲၤတၢ်လၢကျဲတဖၣ်လၢအဝဲဃုထၢတ့ၢ်ဝဲလီၤ. အဂ့ၢ်ဒ်အံၤ, ယွၤအတၢ်သိၣ်လိသီလိဟဲလၢ ဝ့ၢ်ယရူၤရှလ့ၣ် ဒီးလၢကစၢၢ်စံယိၣ်န့ၣ်အဝဲကတိၤတၢ်ဒီး အပှၤဂီၢ်မုၢ်လီၤ.”

လံာ်ယၡါယၤ 28:26

ကဘၣ်မၤအတၢ်မၤဒ်လဲၣ်န့ၣ်အဝဲသ့ၣ်ညါဝဲ, မ့ၢ်လၢကစၢ်ယွၤ သိၣ်လိတ့ၢ်အီၤအဃိလီၤ.

လံာ်ယၡါယၤ 37:36

ယွၤအကလူးတဂၤလဲၤဆူပှၤအၤၡူၢ်ဖိတဖၣ်သူၣ်ဒဲအလီၢ်ဒီးမၤသံ သုးဖိတကလီၢ်ဃိးကလးယဲၢ်ကထိဂၤန့ၣ်လီၤ. လၢခံတနံၤဂီၤဂီၤန့ၣ်, အဝဲသ့ၣ်အိၣ်စူၣ်လီၤအသးဖဲန့ၣ်ဒီးသံဝဲခဲလၢာ်န့ၣ်လီၤ.

လံာ်ယၡါယၤ 54:13

ယကစၢ်ဒၣ်ယဲ, ယကသိၣ်လိနပှၤဂီၢ်မုၢ် ဒီးဟ့ၣ်အဝဲသ့ၣ်လၢတၢ်အီၣ်ကုးအီပှဲၤဒီး တၢ်ဃူတၢ်ဖိးလီၤ.

လံာ်ယံးရမံယၤ 10:25

ဃၣ်ဃီၤနတၢ်သးကဲၤထီၣ်ဆူပှၤကလုာ် တဖၣ်လၢတဘူၣ်ထီၣ်ဘါထီၣ်နၤအဖီခိၣ် ဒီးဆူပှၤဂီၢ်မုၢ်တဖၣ်လၢအညိကွံာ်နၤအဖီခိၣ်တက့ၢ်. အဝဲသ့ၣ်မၤသံကွံာ်နပှၤဂီၢ်မုၢ်န့ၣ်လီၤ. အဝဲသ့ၣ်မၤဟးဂီၤကွံာ်ပှၤလၢာ်လၢာ်ဆ့ဆ့ ဒီးပာ်လီၤတဲာ်တ့ၢ်ပထံပကီၢ်လၢတၢ်ဟးဂီၤအပူၤလီၤ.

လံာ်ယဃ့းစက့လး 39:21

ယွၤစံးဝဲဒၣ်, “ယကပျဲပှၤကလုာ်တဖၣ်ထံၣ်ဘၣ်ယလၤကပီၤဒီးယကဒုးနဲၣ် အဝဲသ့ၣ်လၢယသူယစိကမီၤဒ်လဲၣ်, လၢယကမၤထွဲယတၢ်ပာ်လီၤသး အတီအလိၤတဖၣ်အဂီၢ်န့ၣ်လီၤ.

လံာ်ဧၤမိၣ် 3:2

“လၢပှၤကလုာ်ခဲလၢာ်လၢဟီၣ်ခိၣ်ချၢအကျါန့ၣ်, သုမ့ၢ်ပှၤထဲတကလုာ်ဧိၤလၢယသ့ၣ်ညါတ့ၢ်ယဲဒီးအံးထွဲကွၢ်ထွဲ တ့ၢ်န့ၣ်လီၤ. တၢ်န့ၣ်မ့ၢ်တၢ်လၢအဒုးကဲထီၣ်သုတၢ်ကမၣ်လၢတၢ် လီၤပျံၤလီၤဖုးဖးဒိၣ်ဒီးလၢတၢ်န့ၣ်အဃိယဘၣ်စံၣ်ညီၣ်သုလၢ တၢ်န့ၣ်တဖၣ်အဂ့ၢ်လီၤ.”

လံာ်ဃဘးကူာ် 1:12

ယွၤဧၢ, လၢထံးလၢမကိာ်လံၤလံၤန့ၣ်နမ့ၢ်ကစၢ်ယွၤလီၤ. နမ့ၢ်ကစၢ်ယွၤ, တၢ်စီတၢ်ဆှံဒီးတၢ်လီၤထူလီၤယိာ်လီၤ. ယွၤ, ယကစၢ်ယွၤဒီးပှၤလၢအကဟုဘံၣ်ကယာ်ဘၢယၤဧၢ, နဃုထၢတ့ၢ်ပှၤဘၤဘူၤလိၣ်ဖိတဖၣ်ဒီးဒုးမၤထီၣ်အ ဂံၢ်အဘါဒ်သိးစံၣ်ညီၣ်ပှၤကသ့အဂီၢ်လီၤ.

လံာ်ဃဘးကူာ် 3:12

နလဲၤထီၣ်ကြူၤကြူၤခီဂာ်ဟီၣ်ခိၣ်လၢတၢ်သးဒိၣ်အပူၤ ဒီးလၢတၢ်သးကဲၤထီၣ်အပူၤန့ၣ် နယီၢ်တံၢ်လီၤပှၤကလုာ်တဖၣ်လီၤ.

လံာ်ယိၤဟၣ် 6:45

ဝံတဖၣ်ကွဲးတ့ၢ်ဝဲ, ‘ပှၤခဲလၢာ်ကဘၣ်တၢ်သိၣ်လိအီၤလၢ ကစၢ်ယွၤလီၤ’ (ၡါ. ၅၄:၁၃). ကယဲၢ်ပှၤတဂၤလၢ်လၢ်လၢ အနၢ်ဟူပၢ်အတၢ်သိၣ်လိသီလိအီၤဒီးမၤလိတၢ်လၢ အီၤန့ၣ်, ဟဲဆူယအိၣ်လီၤ.