စံးထီၣ်ပတြၢၤ 93:2 - Sgaw Karen Common Bible

² ယွၤဧၢ, နလီၢ်ပစိာ်အိၣ်ဂၢၢ်ဆိးကျၢၤတ့ၢ်လံလၢ အခီၣ်ထံးလံၤလံၤ ဒီးနအိၣ်တ့ၢ်လံနဲလၢပျၢၤလၢကစၢၤ လီၤထူလီၤယိာ်န့ၣ်လီၤ.

စံးထီၣ်ပတြၢၤ 93:2 Iomraidhean Croise

စံးထီၣ်ပတြၢၤ 145:13

နတၢ်ပၢတၢ်ပြးန့ၣ်အိၣ်ဝဲလီၤထူလီၤယိာ် ဒီးနမ့ၢ်စီၤပၤအစိၤစိၤအဃၣ်ဃၣ်န့ၣ်လီၤ. ယွၤန့ၣ်တီဒီးအတၢ်အၢၣ်လီၤတဖၣ်, အဝဲအိၣ်ဒီးတၢ်သးကညီၤလၢ အတၢ်မၤခဲလၢာ်အပူၤလီၤ.

စံးထီၣ်ပတြၢၤ 45:6

ဘီမုၢ်လၢကစၢ်ယွၤဟ့ၣ်တ့ၢ်နၤအံၤ ကအိၣ်ဝဲအစိၤစိၤအဃၣ်ဃၣ်န့ၣ်လီၤ. နပၢနပှၤဂီၢ်မုၢ်လၢတၢ်တီတၢ်လိၤအပူၤ,

စံးထီၣ်ပတြၢၤ 55:20

ယတံၤသကိးယူာ်ထီၣ်အစုထီဒါ အတံၤသကိးသ့ၣ်တဖၣ် ဒီးမၤဟးဂီၤအတၢ်အၢၣ်လီၤအီလီၤတဖၣ်န့ၣ်လီၤ.

စံးထီၣ်ပတြၢၤ 90:2

တချုးလၢကစၢၢ်ကလိအိၣ်ထီၣ်ဒံးဘၣ်, မ့တမ့ၢ်တချုးလၢနဒုးအိၣ်ထီၣ်ဟီၣ်ခိၣ်ဒံးဘၣ်န့ၣ်, နမ့ၢ်ကစၢ်ယွၤအစိၤစိၤအဃၣ်ဃၣ်ဒီး နကမ့ၢ်ဒံးနဲလီၤစိၤထီလီၤ.

လံာ်ဒၤနံးယ့လး 4:34

“တုၤနွံနံၣ်ပူၤကွံာ်ဝဲဒီး, ယၤ, စီၤနဘူၤကးန့စၢ်ကွၢ်ထီၣ်တၢ်ဆူ မူခိၣ်ဒီးယအိၣ်က့ၤဒီးယတၢ်သူၣ်ထံသးဆးလီၤ. ယစံးထီၣ်ပ တြၢၤတၢ်ထီကတၢၢ်ကစၢ်ယွၤဒီးဟ့ၣ်တၢ်ယူးယီၣ်ဒီးတၢ်လၤ ကပီၤဆူပှၤလၢအမူဝဲအထူအယိာ်တဂၤအအိၣ်န့ၣ်လီၤ. “အဂ့ၢ်ဒ်အံၤ, အတၢ်ပၢတၢ်ပြးန့ၣ်မ့ၢ်တၢ်ပၢတၢ်ပြး အထူအယိာ်, ဒီးအဘီအမုၢ်အိၣ်ဂၢၢ်အိၣ်ကျၢၤ အစိၤစိၤအဃၣ်ဃၣ်လီၤ.

လံာ်ဒၤနံးယ့လး 7:9

ဒီးဖဲယကွၢ်တၢ်အဖၢမုၢ်န့ၣ်, လီၢ်ပစိာ်တဖၣ်ဘၣ်တၢ်ကျဲၤလီၤ ပာ်လီၤအီၤန့ၣ်လီၤ. ပှၤတဂၤလၢအအိၣ်မူတ့ၢ်ဝဲဒၣ်အထူအယိာ် န့ၣ်ဆ့ၣ်နီၤဝဲလၢလီၢ်ပစိာ်တဖၣ်အကျါတဖျၢၣ်အလိၤန့ၣ်လီၤ. အဝဲအတၢ်ကူတၢ်သိးတဖၣ်ဝါဝဲဒၣ်ဒ်မူခိၣ်ဖီအသိးဒီးအခိၣ် သူလီၤဂာ်ဒ်သိဆူၣ်လၢအကဆှီမးန့ၣ်လီၤ. အဝဲအလီၢ်ပစိာ်န့ၣ်ဆီလီၤအသးလၢလ့ၣ်ဖံဘၣ်မ့ၣ်အူတဖၣ်အလိၤ, ဒီးကဲၤကပျီၤလၢမ့ၣ်အူလီၤ.

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

ဧ့ၤဘြံၤ 13:8

မဟါဒီးမဆါအံၤဒီးအစိၤစိၤအဃၣ်ဃၣ်န့ၣ်, ယ့ၣ်ၡူးခရံာ်မ့ၢ်တၢ်ဒ် လီၢ်လီၢ်လီၤ.

လံာ်လီၣ်ဖျါ 1:11

တၢ်အကလုၢ်န့ၣ်စံးဝဲ, “ကွဲးလီၤတၢ်လၢနထံၣ်ဘၣ်နဲ, လၢလံာ်တဘ့ၣ်အပူၤ, ဒီးဆှၢလီၤလံာ်အဝဲန့ၣ်ဆူတၢ်အိၣ်ဖှိၣ် တဖၣ်လၢဝ့ၢ်နွံဖျၢၣ်အံၤ, ဝ့ၢ်အ့းဖ့းစူး, ဝ့ၢ်စမူရနၤ, ဝ့ၢ်ပ့ၢ်ကမူး, ဝ့ၢ်သူၤအတံရၤ, ဝ့ၢ်စၢ်ဒံ, ဝ့ၢ်ဖံၤလဒ့းလဖံ, ဒီးဝ့ၢ်လီၤဒံၤကံ, အပူၤန့ၣ်တက့ၢ်.”

လံာ်လီၣ်ဖျါ 1:8

ကစၢ်ယွၤလၢအသ့တၢ်လၢာ်တဂၤ, လၢအအိၣ်ဝဲ, ဒီးအိၣ်တ့ၢ်လံဝဲ, ဒီးအကဟဲဝဲတဂၤန့ၣ်စံးဝဲဒၣ်, “ယမ့ၢ် က ဒီး ဧ, တၢ်အခီၣ်ထံးဒီးတၢ်အကတၢၢ်လီၤ.”

လံာ်လီၣ်ဖျါ 2:8

ဆူဝ့ၢ်စမူရနၤတၢ်အိၣ်ဖှိၣ်အကလူးအအိၣ်န့ၣ် ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအမ့ၢ်တၢ်အခီၣ်ထံး ဒီးတၢ်အကတၢၢ်အအိၣ်, ပှၤတဂၤလၢအသံတ့ၢ်, ဒီးဂဲၤဆၢထၢၣ်သမူထီၣ်က့ၤတဂၤန့ၣ်လီၤ.