စံးထီၣ်ပတြၢၤ 92:7 - Sgaw Karen Common Bible

⁷ ပှၤတတီတလိၤမဲထီၣ်ဒ်နီၣ်ဧိၤမံၤဧိၤအသိး, ပှၤမၤတၢ်အၢဖိတဖၣ်ဘီၣ်ထီၣ်ညီထီၣ်, ဘၣ်ဆၣ်အဝဲသ့ၣ်ကတုၤလၢတၢ်ဟးဂီၤ လီၤစိၤလီၤထီလီၤ.

စံးထီၣ်ပတြၢၤ 92:7 Iomraidhean Croise

လံာ်စီၤယိၤဘး 12:6

ဘၣ်ဆၣ်တၢ်ဟုၣ်တၢ်ဘျၣ်တဖၣ်ဒီးပှၤလၢအယွၤတအိၣ်ဘၣ်တဖၣ်, အယွၤ မ့မ့ၢ်ဒၣ်ထဲအဂံၢ်အဘါဧိၤဒၣ်လဲာ်အိၣ်မူဝဲလၢတၢ်မုာ်တၢ်ပၢၤအပူၤန့ၣ်လီၤ.

စံးထီၣ်ပတြၢၤ 37:38

ဘၣ်ဆၣ်ပှၤမၤကမၣ်တၢ်တဖၣ်န့ၣ်, ကဘၣ်တၢ်မၤဟးဂီၤအီၤလၢာ်လၢာ်ဆ့ဆ့လီၤ. ဒီးပှၤအၢပှၤသီအတၢ်လီၤစၢၤန့ၣ် ကဘၣ်တၢ်ဒီၣ်တဲာ်ကွံာ်အီၤလီၤ.

စံးထီၣ်ပတြၢၤ 73:12

တၢ်န့ၣ်မ့ၢ်တၢ်လၢပှၤတတီတလိၤ ဘၣ်သူၣ်ဘၣ်သးဝဲန့ၣ်လီၤ. အဝဲသ့ၣ်အိၣ်ဒီးတၢ်လၢတၢ်ပှဲၤဒီး ဒိးန့ၢ်အါထီၣ်ဘၣ်တၢ်ထီဘိန့ၣ်လီၤ.

စံးထီၣ်ပတြၢၤ 73:22

ယမ့ၢ်ပှၤလၢအသးတပှဲၤဒီး တၢ်သ့ၣ်ညါနၢ်ပၢၢ်တအိၣ်, ယလီၤဂာ်ဒီးဆၣ်ဖိကီၢ်ဖိလၢနမဲာ်ညါလီၤ.

စံးထီၣ်ပတြၢၤ 94:4

ပှၤမၤကမၣ်တၢ်တဖၣ်အံၤ ကပာ်ထီၣ်ထီအသးဒီး ပာ်ကဖၢလၢအသးလၢ အတၢ်မၤကမၣ်တဖၣ်အဃိန့ၣ်ဆံးယံာ်ဒံးလဲၣ်.

တၢ်ကတိၤဒိ. 1:32

ပှၤလၢအတၢ်လဲၤခီဖျိစှၤတဖၣ်သံဝဲလီၤ. အဂ့ၢ်ဒ်အံၤ, အဝဲသ့ၣ်ဂ့ၢ်လိာ်တၢ်ကူၣ်သ့အဃိန့ၣ်လီၤ. ပှၤအသးတဆးတဖၣ်ဘၣ်တၢ်မၤဟးဂီၤအီၤလၢအတၢ်သးအိၣ် သးစဲတအိၣ်ဒၣ်ဝဲအဃိလီၤ.

လံာ်ယၡါယၤ 37:27

ပှၤအိၣ်တ့ၢ်ဖဲန့ၣ်အစိကမီၤတအိၣ်လၢၤဘၣ်. တၢ်ပျံၤတၢ်ဖုးဒီးတၢ်သးလီၤကတုၤလီၤဘၣ်အဝဲသ့ၣ်လီၤ. အဝဲသ့ၣ်လီၤဂာ်ဒ်တပံၢ်လၢပျီတဘ့ၣ်အပူၤ, မ့တမ့ၢ်, ဒ်နီၣ်ဧိၤမံၤဧိၤမဲထီၣ်လၢဟံၣ်တဖျၢၣ်အခိၣ်ဒုးအလိၤအသိးဖဲ မုၢ်ထီၣ်ကလံၤကိၢ်အူသဖှိဘၣ်အီၤအခါန့ၣ်လီၤ.

လံာ်မၤလကံ 3:15

ဒ်ပထံၣ်တ့ၢ်လံအသိးန့ၣ်, ပှၤလၢအပာ်ထီၣ်ထီအသးတဖၣ်န့ၣ်မ့ၢ်ပှၤ လၢအဘၣ်ဆိၣ်ဂ့ၤန့ၣ်လီၤ. ပှၤတတီတလိၤတဖၣ်တမ့ၢ်ထဲအဘီၣ် ထီၣ်ညီထီၣ်ဘၣ်. မ့မ့ၢ်, အဝဲသ့ၣ်မၤကွၢ်ကစၢ်ယွၤအတၢ်သးစူၤလၢအတၢ်မၤအအၢ အသီတဖၣ်ဒီးလူၤပိာ်ထွဲဝဲအခံန့ၣ်လီၤ.”

လံာ်မၤလကံ 4:1

ယွၤသ့တၢ်လၢာ်စံးဝဲ, “မုၢ်တနံၤန့ၣ်ဟဲတုၤဝဲဖဲကယဲၢ်ပှၤလၢအပာ်ထီၣ်ထီအသးဒီးမၤ တၢ်အၢခဲလၢာ်ကဘၣ်တၢ်ဆူးထီၣ်ကွံာ်အီၤဒ်လီၢ်ဧိၤဒံးဧိၤအသိး န့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ်ကဘၣ်တၢ်ဆူးထီၣ်ကွံာ်အီၤ, ဒီးတၢ်တပာ်လီၤတဲာ်ဘၣ်တၢ်နီတမံၤဘၣ်ဃးဒီးအဝဲသ့ၣ်ဘၣ်.

၁ ပ့းတရူး 1:24

ဒ်တၢ်ကွဲးအသးစံးဝဲအသိး, “ပှၤဟီၣ်ခိၣ်ဖိခဲလၢာ်မၤအသးဒ် နီၣ်ဧိၤမံၤဧိၤအသိး, ဒီးအလၤကပီၤခဲလၢာ်လီၤဂာ်ဒီး နီၣ်ဧိၤမံၤဧိၤအဖီတဖၣ်လီၤ. နီၣ်ဧိၤမံၤဧိၤဃ့ထီကွံာ်ဝဲ, ဒီးအဖီတဖၣ်လီၤဆှုကွံာ်ဝဲလီၤ.