စံးထီၣ်ပတြၢၤ 92:5 - Sgaw Karen Common Bible

⁵ ယွၤဧၢ, နတၢ်မၤတဖၣ်န့ၣ်ဒိၣ်ဆံးဒိၣ်လဲၣ်. နတၢ်ဆိကမိၣ်တဖၣ်န့ၣ်ယိာ်မးလီၤ.

စံးထီၣ်ပတြၢၤ 92:5 Iomraidhean Croise

စံးထီၣ်ပတြၢၤ 104:24

ယွၤဧၢ, နမၤတၢ်အါမံၤလီၤ. နမၤတၢ်ခဲလၢာ်န့ၣ် ပှဲၤမးဒီး တၢ်ကူၣ်သ့မးလဲၣ်. ဟီၣ်ခိၣ်ပှဲၤဝဲဒီး နတၢ်ဘၣ်တ့တဖၣ်လီၤ.

စံးထီၣ်ပတြၢၤ 111:2

တၢ်လၢယွၤမၤတဖၣ်န့ၣ်လီၤလးဆံးဒိၣ်လဲၣ်. ကယဲၢ်ပှၤလၢအဘၣ်သူၣ်ဘၣ်သးလၢ တၢ်သ့ၣ်တဖၣ်န့ၣ်ဆၢနၢ်ပၢၢ်ဝဲဒၣ်န့ၣ်လီၤ.

စံးထီၣ်ပတြၢၤ 139:17

ကစၢ်ယွၤဧၢ, နတၢ်ဆိကမိၣ်တဖၣ်န့ၣ် မ့ၢ်တၢ်လုၢ်ဒိၣ်ပှ့ၤဒိၣ်လၢယဂီၢ်ဆံးဒိၣ်လဲၣ်. မ့ၢ်တၢ်လၢအဒိၣ်ဝဲမုၢ်ဝဲနးမးလဲၣ်.

စံးထီၣ်ပတြၢၤ 36:6

နတၢ်တီတၢ်လိၤန့ၣ်လီၤဂာ်ဒီးကစၢၢ်တဖၣ်လၢအအိၣ်ထီၣ်ထီ နတၢ်စံၣ်ညီၣ်တီတဖၣ်န့ၣ် လီၤဂာ်ဒီးပီၣ်လဲၣ်အတၢ်ပူၤယိာ်န့ၣ်လီၤ. ယွၤဧၢ, ပှၤကညီဒီးဆၣ်ဖိကီၢ်ဖိန့ၣ်နကဟုကယာ်အီၤလီၤ.

စံးထီၣ်ပတြၢၤ 40:5

ယွၤပကစၢ်ယွၤဧၢ, နမၤတ့ၢ်တၢ်လီၤလးအါမးလၢပဂီၢ်လီၤ. ပှၤဒ်သိးဒီးနၤတအိၣ်နီတဂၤဘၣ်. နအိၣ်ဒီးတၢ်ကူၣ်ထီၣ်ဖးလီၤလၢ အလီၤလးအါမးလၢပဂီၢ်န့ၣ်လီၤ. ယစံးလၢအဂ့ၢ်တလၢာ်နီတဘျီဘၣ်. အါန့ၢ်ယဂံၢ်သ့တက့ၢ်လီၤ.

စံးထီၣ်ပတြၢၤ 64:6

အဝဲသ့ၣ်ဒုးကဲထီၣ်တၢ်ကူၣ်အအၢအသီတဖၣ်ဒီးစံးဝဲ, “မ့ၢ်မတၤဃုထံၣ်န့ၢ်ပတၢ်ကမၣ်တဖၣ်ကသ့လဲၣ်.” အဂ့ၢ်ဒ်အံၤ အသးဒီးအတၢ်ဆိကမိၣ်န့ၣ် ပှၤနၢ်ပၢၢ်အီၤတသ့ဘၣ်

စံးထီၣ်ပတြၢၤ 66:3

စံးဘၣ်ကစၢ်ယွၤ, “နမၤတၢ်တဖၣ်န့ၣ် မ့ၢ်တၢ်ပျံၤအလီၢ်ဆံးဒိၣ်လဲၣ်. လၢနစိဒိၣ်ကမီၤထီအဃိန့ၣ်, နဒုၣ်နဒါတဖၣ်ဆီၣ်လီၤအသးလၢ နခီၣ်ထံးမဲာ်ညါလီၤ.

လံာ်ပှၤစံၣ်တဲၤတဲလီၤတၢ် 7:24

တၢ်အိၣ်မူအခီပညီမ့ၢ်တၢ်မနုၤလဲၣ်န့ၣ်, မတၤဃုထံၣ်န့ၢ်သ့ တဂၤလဲၣ်. ယိာ်ကဲၣ်ဆိးလၢပဂီၢ်, ကီကဲၣ်ဆိးလၢပကနၢ်ပၢၢ်အီၤ အဂီၢ်လီၤ.

လံာ်ယၡါယၤ 28:29

တၢ်ကူၣ်သ့ခဲလၢာ်အံၤဟဲလၢယွၤသ့တၢ်လၢာ်အအိၣ်လီၤ. ကစၢ်ယွၤအတၢ်တိာ်ကျဲၤတဖၣ်ပှဲၤဒီးတၢ်ကူၣ်သ့, ဒီးကဲထီၣ်လိၣ်ထီၣ်ဝဲဒၣ်ထီဘိလီၤ.

လံာ်ယံးရမံယၤ 23:20

ဒီးတဆိကတီၢ်ဘၣ်အသးတုၤလီၤလၢတၢ်လၢအဝဲတိာ်လၢကမၤဝဲ တဖၣ်မၤဝံၤဘၣ်က့ၤဝဲခဲလၢာ်တစုန့ၣ်ဘၣ်. လၢမုၢ်နံၤလၢအကဟဲ တဖၣ်အပူၤန့ၣ်, အပှၤဂီၢ်မုၢ်ကနၢ်ပၢၢ်တၢ်အံၤဆှံဆှံန့ၣ်လီၤ.”

1 ကရံၣ်သူး 2:10

ဘၣ်ဆၣ်ဒီး, ကစၢ်ယွၤဒုးသ့ၣ်ညါပဝဲသ့ၣ်တဖၣ်လၢအဝဲ အတၢ်ခူသူၣ်ခီဖျိအဝဲအသးစီဆှံန့ၣ်လီၤ. သးစီဆှံဃုထံၣ်န့ၢ်တၢ်ခဲ လၢာ်, တၢ်ခူသူၣ်အဒိၣ်အယိာ်ဘၣ်ဃးဒီးကစၢ်ယွၤအတၢ်တိာ်ပာ် တဖၣ်ဒၣ်လဲာ်န့ၣ်လီၤ.

လံာ်လီၣ်ဖျါ 15:3

ဒီးသးဝံၣ်ယွၤအခ့အပှၤ, စီၤမိၤၡ့အတၢ်သးဝံၣ်, ဒီးသိဖိ အတၢ်သးဝံၣ်ဒီးစံးဝဲ, “သ့တၢ်လၢာ်ကစၢ်ယွၤဧၢ, နတၢ်ဖံးတၢ်မၤတဖၣ်ဒိၣ်ဝဲသွါဝဲ, ဒီးလီၤလိၢ်လီၤလးမးလဲၣ်. ထံဧိၤကီၢ်ဧိၤတဖၣ်အစီၤပၤဧၢ, နကျဲဧိၤကပူၤဧိၤတဖၣ်လိၤဝဲဘၣ်ဝဲ, ဒီးမ့ၢ်ဝဲတီဝဲဆံးဒိၣ်လဲၣ်.