စံးထီၣ်ပတြၢၤ 92:2 - Sgaw Karen Common Bible

² တၢ်တဲဖျါထီၣ်နတၢ်အဲၣ်ဂၢၢ်ကျၢၤကိးမုၢ်ဂီၤ, ဒီးနတၢ်သူၣ်တီသးလိၤကိးမုၢ်နၤ,

စံးထီၣ်ပတြၢၤ 92:2 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 25:1

စီၤပၤဒၤဝံးဒီးပှၤလ့ၤဝံဖိအခိၣ်အနၢ်တဖၣ်ဃုထၢထီၣ်ဝဲပှၤ လ့ၤဝံဖိစီၤအၤစာ်, စီၤဟ့မၣ်ဒီးစီၤယဒူသူၣ်အဒူၣ်ထၢတဖၣ် အပှၤခိၣ်ပှၤနၢ်တဖၣ်ဒ်သိးကဆှၢတၢ်ဘူၣ်ထီၣ်ဘါထီၣ်အတၢ်မၤတဖၣ် န့ၣ်လီၤ. အဝဲသ့ၣ်ကဘၣ်ဒုးဟူထီသါလီၤကစၢ်ယွၤအတၢ်ကစီၣ်တဖၣ် အိၣ်ဒီးစှၢၣ်စှံးဒီးသီတူၢ်အတၢ်သူၣ်ဝံၣ်သးဆၢတဖၣ်န့ၣ်လီၤ. အအံၤမ့ၢ်ပှၤဘၣ်တၢ်ဃုထၢဒ်အတၢ်မၤဒၣ်ဝဲအကလုာ်တဖၣ် အတၢ်ကွဲးနီၣ်ကွဲးဃါလၢကဆှၢတၢ်ဘူၣ်ထီၣ်ဘါထီၣ်ယွၤန့ၣ်လီၤ.

လံာ်စီၤယိၤဘး 35:10

ဘၣ်ဆၣ်အဝဲသ့ၣ်တဃၣ်က့ၤအသးဆူကစၢ်ယွၤ, ပှၤလၢအတ့လီၤအီၤ, ပှၤလၢအဟ့ၣ်လီၤအဝဲသ့ၣ်တၢ်မုၢ်လၢ်ဖဲတၢ်ခံးတၢ်နၤအကတီၢ် တဂၤအအိၣ်န့ၣ်ဘၣ်.

စံးထီၣ်ပတြၢၤ 101:1

ယတၢ်သးဝံၣ်မ့ၢ်တၢ်သးတီဒီး တၢ်စံၣ်ညီၣ်တီအဂ့ၢ်, ဒီးယကသးဝံၣ်အီၤဆူနအိၣ်, ယွၤဧၢ

စံးထီၣ်ပတြၢၤ 145:2

ယကစံးထီၣ်ပတြၢၤနၤကိးမုၢ်နံၤ ဒီးစံးထီၣ်ပတြၢၤနမံၤလီၤစိၤလီၤထီန့ၣ်လီၤ.

စံးထီၣ်ပတြၢၤ 147:1

စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, တၢ်သးဝံၣ်စံးထီၣ်ပတြၢၤ ပကစၢ်ယွၤန့ၣ်မ့ၢ်တၢ်ဂ့ၤလီၤ. တၢ်စံးထီၣ်ပတြၢၤအီၤန့ၣ် မ့ၢ်တၢ်မုာ်သူၣ်မုာ်သးဒီး တၢ်ကြၢးဝဲဘၣ်ဝဲလီၤ.

စံးထီၣ်ပတြၢၤ 42:8

ယွၤပာ်ဖျါအတၢ်အဲၣ်ဂၢၢ်ကျၢၤလၢမုၢ်နံၤအကတီၢ် ဒ်သိးတၢ်သးဝံၣ်ကအိၣ်ဒီးယၤလၢမုၢ်နၤ, တၢ်ထုကဖၣ်ဆူယသးသမူ အကစၢ်ယွၤအအိၣ်န့ၣ်လီၤ.

စံးထီၣ်ပတြၢၤ 71:15

ယထးခိၣ်ကတဲဖျါထီၣ်နတၢ်တီတၢ်လိၤ အတၢ်ဖံးတၢ်မၤတဖၣ်, နတၢ်အုၣ်က့ၤခီၣ်က့ၤသ့သ့တနံၤလီၤ. အဂ့ၢ်ဒ်အံၤ, ယတသ့ၣ်ညါဘၣ် အတၢ်ဂံၢ်တဖၣ်ဘၣ်.

စံးထီၣ်ပတြၢၤ 77:2

လၢယတၢ်ကိၢ်တၢ်ဂီၤအမုၢ်နံၤန့ၣ်, ယဃုယွၤ, ယစုယူာ်ထီၣ်အသးလၢမုၢ်နၤ လၢတၢ်တလီၤဘှံးလီၤတီၤဘၣ်အပူၤ, ဘၣ်ဆၣ်တၢ်မၤမုာ်ထီၣ်က့ၤယၤတသ့ဘၣ်.

စံးထီၣ်ပတြၢၤ 9:3

တုၤနလီၣ်ဖျါထီၣ်နသးဒီးယဒုၣ်ယဒါတဖၣ်ဃၣ်ကဒါက့ၤအသးဒီး အဝဲသ့ၣ်လီၤဃံၤဒီးသံဝဲလၢနမဲာ်ညါလီၤ.

လံာ်ယၡါယၤ 63:7

ယကတဲဖျါယွၤအတၢ်အဲၣ်လၢအတလီၤတူၢ်လီၤကာ်အဂ့ၢ်န့ၣ်လီၤ. ယစံးထီၣ်ပတြၢၤအီၤလၢတၢ်လၢအမၤတ့ၢ်ဝဲလၢပဂီၢ် ခဲလၢာ်အဃိန့ၣ်လီၤ. အဝဲဆိၣ်ဂ့ၤတ့ၢ်အံၣ်စရ့လးအပှၤဂီၢ်မုၢ်ထူးထူးတီၤတီၤလၢ အတၢ်သးကညီၤဒီးအတၢ်အဲၣ်တထံၣ်ဃီ အဃိန့ၣ်လီၤ.

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

မၤတၢ် 16:25

ကဘၣ်ဖဲဖးဖီမုၢ်အကတီၢ်န့ၣ်, စီၤပီလူးဒီးစီၤစံလၤဃ့ဘါထုကဖၣ်တၢ်ဒီးသးဝံၣ်ထါစံးထီၣ် ပတြၢၤကစၢ်ယွၤ, ဒီးပှၤဃိာ်ဖိအဂၤတဖၣ်ဒိကနၣ်တၢ်လီၤ.