စံးထီၣ်ပတြၢၤ 92:13 - Sgaw Karen Common Bible

¹³ အဝဲသ့ၣ်လီၤဂာ်ဒ် သ့ၣ်တဖၣ်လၢအဘၣ်တၢ်သူၣ်လီၤအီၤလၢ ယွၤအဟံၣ်ပူၤအသိး လၢအဂုၤထီၣ်ပသီထီၣ်လၢ ပကစၢ်ယွၤအတၢ်လုၢ်ဟံၣ်အပူၤအသိး,

စံးထီၣ်ပတြၢၤ 92:13 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 4:9

အဝဲသ့ၣ်မၤဂၢၤအိၣ်လၢတၢ်အိပူၤတဖျၢၣ်လၢပှၤလုၢ်တၢ်အခိၣ်တဖၣ် အဂီၢ်, ဒီးမၤစ့ၢ်ကီးဝဲဂၢၤလၢတၢ်ချၢတဖျၢၣ်န့ၣ်လီၤ. တြဲၤတဖၣ်လၢအအိၣ်ဖဲဂၢၤတဖၣ်အဘၢၣ်စၢၤန့ၣ်ဘၣ်တၢ်ကျးဘၢအီၤလၢ တိၢ်ဘီန့ၣ်လီၤ.

လံာ်နီၢ်အ့ၤစတၢ် 9:4

ဒီးစီၤမၢ်ဒကဲၤဘၣ်တၢ်သ့ၣ်ညါအီၤလၢဘီမုၢ်သကုၤဆးဒး အပူၤဂ့ၤဂ့ၤကလဲာ်ဒ်အမ့ၢ်ပှၤဒိၣ်စိဒိၣ်ကမီၤတဂၤလၢနီပူၤဒီး အစိကမီၤဒံးယံာ်ဒံးအါထီၣ်န့ၣ်လီၤ.

စံးထီၣ်ပတြၢၤ 100:4

ဟဲနုာ်လၢအပဲတြီဒီးတၢ်သးဝံၣ်, အဂၢၤတဖၣ်ဒီးတၢ်စံးထီၣ်ပတြၢၤန့ၣ်တက့ၢ်. စံးဘျုးအီၤဒီးစံးထီၣ်ပတြၢၤအီၤတက့ၢ်.

စံးထီၣ်ပတြၢၤ 116:19

လၢယွၤအဟံၣ်အဂၢၤတဖၣ်အပူၤ, လၢနပူၤ, ယရူၤၡလ့ၣ်ဧၢ, စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 135:2

သုဝဲလၢအမၤတၢ်လၢယွၤအဟံၣ်ပူၤ, လၢပကစၢ်အဟံၣ်အဂၢၤပူၤသ့ၣ်ဧၢ, ဟ့ၣ်အီၤလၢတၢ်စံးထီၣ်ပတြၢၤန့ၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 4:11

ယတၢ်အဲၣ်သးဘိဧၢ, နနိးဖံးတဖၣ်ဆၢဒ်ကနဲစီအသိး, တၢ်နုၢ်ထံဒီးကနဲစီအိၣ်ဝဲလၢနပျ့ၤအလိၤလီၤ. နတၢ်ကူတၢ်သိးတဖၣ်အိၣ်ဒီးကီၢ်လဘၤနိၣ်အတၢ်နၢမူ ခဲလၢာ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:15

အကံၣ်ဒုၣ်တဖၣ်မၤအသးဒ်လၢၢ်ဝါအထူၣ်တဖၣ်, လၢတၢ်ပာ်လီၤအီၤလၢထူအပူၤတဖၣ်အသိးန့ၣ်လီၤ. အဝဲလီၤကဟုကညီၢ်, ဒ်လဘၤနိၣ်အကစၢၢ်တဖၣ်, လၢအပှဲၤဒီးသ့ၣ်ဆှိးအ့ရ့းဖးထီတဖၣ်အသိးန့ၣ်လီၤ.

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ဟိၤၡ့ 14:5

ယကမ့ၢ်တၢ်လၢအလီၤဂာ်ဒီးတၢ်စူၤထံလၢဟီၣ်ခိၣ်ဃ့ထီ အလိၤလၢကီၢ်အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ. အဝဲသ့ၣ်ကဘိၣ်ထီၣ်ဖးထီၣ်ဒ်ဖီတဖၣ်အသိးအဝဲသ့ၣ်ကသူၣ်လီၤ အသးကျၢၤကျၢၤဒ်ကီၢ်လဘၤနိၣ်အသ့ၣ်တဖၣ်အသိးန့ၣ်လီၤ.

ရိမ့ၤ 11:17

သ့ၣ်စၤယံးအဒၢအဒ့တနီၤဘၣ်တၢ်မၤကၢ်ကွံာ်အီၤ, ဒီးသ့ၣ်စၤယံးအမံၤတထူၣ်အဒ့ဘၣ်တၢ်ဘိၣ်ဒုးစဲဘူးအီၤ လၢအလီၢ်န့ၣ်လီၤ. သုဝဲပှၤကလုာ်ဂၤတဖၣ် သုလီၤဂာ်ဒီးသ့ၣ် စၤယံးအမံၤအံၤဒီးခဲအံၤသုဒိးန့ၢ်ဃုာ်တၢ်အိၣ်မူအတၢ်ဂံၢ်တၢ် ဘါဒီးအထုးအစီလၢအမ့ၢ်ပှၤယူဒၤဖိတဖၣ်အတၢ်န့ၣ်လီၤ.

ရိမ့ၤ 6:5

အဂ့ၢ်ဒ်လဲၣ်န့ၣ်, ပမ့ၢ်ကဲထီၣ်တၢ်တမံၤဃီဒီးအီၤလၢတၢ်သံဒ် အဝဲသံတ့ၢ်ဝဲအသိးန့ၣ်ဒီး, ပကမ့ၢ်တၢ်တမံၤဃီဒီးအီၤခီဖျိလၢပဘၣ်တၢ်ဒုးဂဲၤဆၢထၢၣ်က့ၤ ပှၤလၢတၢ်သံဆူတၢ်မူဒ်အီၤအသိးန့ၣ်လီၤ.

အ့းဖ့းစူး 3:17

လၢခရံာ်ကအိၣ်ဝဲဆိးဝဲလၢသုသးကံၢ်ပူၤခီဖျိတၢ်စူၢ်တၢ်နာ် အဂီၢ်, ဒီးလၢသုကစဲၤလီၤသုဂံၢ်ဒီးသူၣ်လီၤသုသးလၢ တၢ်အဲၣ်တၢ်ကွံပူၤအဂီၢ်,

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.