စံးထီၣ်ပတြၢၤ 92:12 - Sgaw Karen Common Bible

¹² ပှၤတီပှၤလိၤကဂုၤထီၣ်ပသီထီၣ်ဒ်သ့ၣ်စူၣ်ပလိၣ်အသိး, ဒီးမဲထီၣ်ဒ်သ့ၣ်ဆှိအ့ရ့းလၢ လဘၤနိၣ်အသိးန့ၣ်လီၤ.

စံးထီၣ်ပတြၢၤ 92:12 Iomraidhean Croise

လံာ်စီၤပၤအခီၣ်ထံးတဘ့ၣ် 4:33

အဝဲကတိၤတၢ်ဘၣ်ထွဲဒီးသ့ၣ်အထူၣ်တဖၣ်ဒီးတၢ်မုၢ်တၢ်ဘိတဖၣ်, စးထီၣ်လၢသ့ၣ်ဆှိအ့ရ့းတဖၣ်လၢကီၢ်လဘၤနိၣ် တုၤလၢကဖျီၣ်အ့စိးလၢအမဲထီၣ်လၢတၢ်ဒူၣ်အလိၤအဂ့ၢ်န့ၣ်လီၤ. အဝဲကတိၤစ့ၢ်ကီးတၢ်ဘၣ်ဃးဒီးဆၣ်ဖိကီၢ်ဖိတဖၣ်, ထိၣ်ဧိၤလံာ်ဧိၤတဖၣ်, တၢ်အစွါအစွဲတဖၣ်ဒီးဒ့ၣ်ဧိၤညၣ်ဧိၤ တဖၣ်အဂ့ၢ်အကျိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 6:29

ဒၢးဖးဒိၣ်ဒီးဒၢးလၢတၢ်သးကံၢ်ပူၤကတၢၢ်အတၢ်ဒူၣ်တဖၣ်ဘၣ်တၢ် ကယၢကယဲအီၤခဲလၢာ်လၢခ့ရူာ်တဖၣ်, သ့ၣ်စူၣ်ပလူၣ်တဖၣ်ဒီးဖီတဖၣ်အဂီၤလၢတၢ်စိးပျၤအီၤန့ၣ်လီၤ.

လံာ်နီၢ်အ့ၤစတၢ် 9:5

လၢတၢ်န့ၣ်အဃိပှၤယူဒၤဖိမၤအဒုၣ်အဒါတဖၣ်ဖဲအသးသ့ဝဲလီၤ. အဝဲသ့ၣ်ထီဒါအဒုၣ်အဒါတဖၣ်လၢနးတဖၣ်ဒီးမၤသံအီၤလီၤ.

စံးထီၣ်ပတြၢၤ 1:3

ဒီးကလီၤဂာ်ဒ်သ့ၣ်သူၣ်လီၤအသးလၢ ထံဖိကျိအနံၤ, လၢအသၣ်ထီၣ်လၢအကတီၢ်ဒၣ်ဝဲ, ဒီးအလၣ်တလီၤညွံးဘၣ်အသိးန့ၣ်လီၤ. တၢ်မၤတမံၤလၢ်လၢ်လၢအမၤဝဲန့ၣ် ကကဲထီၣ်လိၣ်ထီၣ်ဝဲလီၤ.

စံးထီၣ်ပတြၢၤ 104:16

ယွၤအသ့ၣ်လၢအသူၣ်လီၤဝဲလၢအမ့ၢ် လဘၤနိၣ်အသ့ၣ်ဆှိအ့ရ့းန့ၣ်, ဒိးန့ၢ်ဘၣ်တၢ်စူၤထံလၢလၢပှဲၤပှဲၤန့ၣ်လီၤ.

စံးထီၣ်ပတြၢၤ 148:9

စံးထီၣ်ပတြၢၤအီၤ, ကစၢၢ်ကလိဒီးကယဲၢ်တၢ်စိခိၣ်, သ့ၣ်လၢအသၣ်ထီၣ်ဒီးကယဲၢ်သ့ၣ်ဆှိအ့ရ့း,

စံးထီၣ်ပတြၢၤ 37:34

မုၢ်လၢ်တၢ်လၢယွၤအပူၤဒီး ဒိကနၣ်အတၢ်မၤလိာ်တဖၣ်န့ၣ်တက့ၢ်. အဝဲဒၣ်ကမၤလၤကပီၤနၤခီဖျိ တၢ်ဟ့ၣ်လီၤနၤထံဧိၤကီၢ်ဧိၤ, ဒီးနကထံၣ်ပှၤအၢပှၤသီ ဘၣ်တၢ်ဒီၣ်တဲာ်ကွံာ်အီၤန့ၣ်လီၤ.

စံးထီၣ်ပတြၢၤ 52:8

မ့မ့ၢ်ယဲဒၣ်အံၤ, ယမၤသးဒ်သ့ၣ်စၤယံးသံကစဲာ် တထံးလၢကစၢ်ယွၤအဟံၣ်ပူၤအသိးန့ၣ်လီၤ. ယသန့ၤယသးလၢယွၤအဘျုးအဖှိၣ် လီၤထူလီၤယိာ်လီၤ.

စံးထီၣ်ပတြၢၤ 72:7

လၢအမုၢ်နံၤတဖၣ်အပူၤန့ၣ်, ပှၤတီပှၤလိၤကဘီၣ်ထီၣ်ညီထီၣ်, ဒီးတၢ်ဃူတၢ်ဖိးကအိၣ်တုၤ လါတအိၣ်လၢၤဘၣ်န့ၣ်လီၤ.

စံးထီၣ်ပတြၢၤ 92:7

ပှၤတတီတလိၤမဲထီၣ်ဒ်နီၣ်ဧိၤမံၤဧိၤအသိး, ပှၤမၤတၢ်အၢဖိတဖၣ်ဘီၣ်ထီၣ်ညီထီၣ်, ဘၣ်ဆၣ်အဝဲသ့ၣ်ကတုၤလၢတၢ်ဟးဂီၤ လီၤစိၤလီၤထီလီၤ.

လံာ်ယၡါယၤ 55:13

ဖဲတၤဆှုၣ်တၤမဲအိၣ်ဝဲအလီၢ်ခဲအံၤ, သ့ၣ်ဆှိတဖၣ်ကမဲထီၣ်ဝဲ, ဒီးလၢတၤဆှုၣ်အလီၢ်န့ၣ်သမ့ၤဟဒးကဟဲမဲထီၣ်ဝဲလီၤ. အဝဲအံၤကမ့ၢ်တၢ်ပနီၣ်တမံၤလၢကအိၣ်လီၤထူလီၤယိာ် ဒီးတၢ်ဒုးသ့ၣ်နီၣ်ထီၣ်တမံၤလၢယၤ, ယွၤ, မၤတ့ၢ်ဝဲန့ၣ်လီၤ.”

လံာ်ယၡါယၤ 65:22

ယပှၤဂီၢ်မုၢ်ကအိၣ်မူတၢ်အိၣ်မူအိၣ်ကၢအိၣ်ခိးဒ်သ့ၣ်ထူၣ်တဖၣ် အသိးန့ၣ်လီၤ. အဝဲသ့ၣ်ကမုာ်လၤသးခုဘၣ်လၢလၢပှဲၤပှဲၤ လၢတၢ်လၢအဝဲသ့ၣ်မၤတ့ၢ်ဝဲတဖၣ်အဃိလီၤ.

လံာ်ယံးရမံယၤ 17:8

အဝဲဒၣ်လီၤဂာ်ဒ်သ့ၣ်တထူၣ်လၢအမဲထီၣ်လၢထံကျိဖိအကပၤအသိး လၢအစဲၤလီၤအဂံၢ်တဖၣ်ဆူထံကျါန့ၣ်လီၤ. ဖဲတၢ်ကိၢ်အကတီၢ်ဟဲဝဲန့ၣ်အဝဲတပျံၤတၢ်ဘၣ်. အဂ့ၢ်ဒ်အံၤ, အလၣ်တဖၣ်အိၣ်လါဟ့ဝဲထီဘိန့ၣ်လီၤ. တၢ်မ့ၢ်တဟဲစူၤဘၣ်ဆၣ်ဒီးအတၢ်ကိၢ်တၢ်ဂီၤတအိၣ်ဘၣ်, ဒီးသၣ်ထီၣ်ဒၣ်ဆူညါကွ့ၢ်ကွ့ၢ်န့ၣ်လီၤ.

လံာ်ဧၤမိၣ် 2:9

ဘၣ်ဆၣ်ဒီးယပှၤဂီၢ်မုၢ်ဧၢ, လၢသုဂီၢ်န့ၣ်ယမၤဟးဂီၤကွံာ်ကယဲၢ်ပှၤအမိၢ်ဖိလၢအဒိၣ် အထီဒ်သ့ၣ်ဆှိးအ့ရ့းတဖၣ်ဒီးဂံၢ်ဆူၣ်ဘါဆူၣ်ဝဲဒ်သ့ထိးဖၣ် တဖၣ်အသိးန့ၣ်လီၤ.

လံာ်မံကၤ 7:10

တုၤနုၤတစုပဒုၣ်ပဒါတဖၣ်, ပှၤတဖုဃီလၢအဒုၣ်ဒွဲၣ် တ့ၢ်ပှၤဒီးစံး, “သုယွၤ, သုကစၢ်ယွၤအိၣ်ဖဲလဲၣ်” န့ၣ်, ကသ့ၣ်ညါနၢ်ပၢၢ်တၢ်အံၤဒီးကဘၣ်တၢ်မၤမဲာ်ဆှးအီၤလီၤ. ပကထံၣ်ဘၣ်အဝဲသ့ၣ်ဃၣ်ကွံာ်ဒီးဘၣ်တၢ်ယီၢ်တံၢ်လီၤအီၤဒ်ကပံာ်လၢ ကျဲမုၢ်တဖၣ်အပူၤအန့ၣ်သိးလီၤ.

လံာ်တၢ်ဂံၢ် 24:6

လီၤဂာ်မးဒ်သ့ၣ်စူၣ်ပလိၣ်အကျိၤဖးထီတဖၣ်မ့ၢ်ဂ့ၤ, တၤသၣ်လီၢ်တဖၣ်လၢထံကျိတဘိအဃၢၤမ့ၢ်ဂ့ၤ, လီၤဂာ်မးဒ်သ့ၣ်အကၠီၣ်လၢယွၤသူၣ်လီၤတ့ၢ်ဝဲအသိးမ့ၢ်ဂ့ၤ, ဒ်သ့ၣ်ဆှိးအ့ရ့းတဖၣ်လၢထံနံၤအသိးမ့ၢ်ဂ့ၤန့ၣ်လီၤ.