စံးထီၣ်ပတြၢၤ 91:13 - Sgaw Karen Common Bible

¹³ နကယီၢ်တံၢ်ခ့ယုၢ်တဖၣ်ဒီးဂုၢ်သီတဖၣ်, ခ့ယုၢ်ဖိဒီးဂုၢ်လၢအစုၣ်အၢန့ၣ်နကယီၢ်တံၢ်အီၤလၢ နခီၣ်အဖီလာ်လီၤ.

စံးထီၣ်ပတြၢၤ 91:13 Iomraidhean Croise

လံာ်စီၤယိၤဘး 5:23

ပျီလၢနထူစံၣ်ထူပှဲၤကပူၤဖျဲးဒီးလၢၢ်ဧိၤလ့ဧိၤဒီးဆၣ်ဖိ ကီၢ်ဖိအအၢတဖၣ်တထီဒါနၤနီတစုဘၣ်.

စံးထီၣ်ပတြၢၤ 58:4

အဝဲသ့ၣ်အစုၣ်လီၤဂာ်ဒ် ဂုၢ်သ့ၣ်တဖၣ်လၢအအိၣ်ဒီးအစုၣ် မၤအသးလီၤဂာ်ဒီးဂုၢ်သီ လၢအနၢ်တအၢ, ဆွံတံာ်အနၢ်ပူၤ,

လံာ်ယၡါယၤ 27:1

တၢ်လၢမုၢ်တနံၤန့ၣ်, ယွၤကသူအနးလၢအတဟီၣ်ဆူၣ်ဒီးမၤ သံတၢ်သ့တဘ့ၣ်လၢကစံၣ်ညီၣ်သမၣ်ဂုၢ်, လၢအစွါဒ်ထိးကလဲာ် ဒီးဝံာ်ပကံးအသးဒ်ပယိၤအသိးန့ၣ်, ဒီးကမၤသံတၢ်မုၢ်ဃၢ်ဖး ဒိၣ်လၢအအိၣ်လၢပီၣ်လဲၣ်ပူၤန့ၣ်လီၤ.

လံာ်ဒၤနံးယ့လး 6:22

ကစၢ်ယွၤလၢယဘါအီၤန့ၣ်ဆှၢလီၤတ့ၢ်ဝဲအကလူးလၢအက ကးတံၢ်ခ့ယုၢ်တဖၣ်အထးခိၣ်ဒ်သိးအသုတမၤဆါယၤတဂ့ၤ အဂီၢ်လီၤ. အဂ့ၢ်ဒ်အံၤ, သ့ၣ်ညါဝဲလၢယမ့ၢ်ပှၤသူၣ်တီသးလိၤဒီး ယတမၤကမၣ်တ့ၢ်နၤ, နဲဒၣ်စီၤပၤအဃိန့ၣ်လီၤ.”

လံာ်မၢ်ကူး 16:18

အဝဲသ့ၣ်မ့ၢ်ဖီၣ်ထီၣ်ဂုၢ်, ဒီးမ့ၢ်အီဘၣ်တၢ်စုၣ်တၢ်ပျၢ်အထံနာ် သက့, တဘၣ်တၢ်နီတမံၤဘၣ်. အဝဲသ့ၣ်ကပာ်အစုလၢပှၤဆူးပှၤဆါတဖၣ်အလိၤ, ဒီးပှၤဆူးပှၤဆါတဖၣ်ကဘျါက့ၤဝဲလီၤ.

လံာ်လူၤကၣ် 10:19

ကနၣ်တက့ၢ်. ယဟ့ၣ်စိဟ့ၣ်ကမီၤလံသုဒ်သိးသုယီၢ်သုခါဂုၢ်ဧိၤဒးဧိၤတဖၣ်, ပတ့ၤချဲးတဖၣ်ဒီးဒုၣ်ဒါအစိကမီၤခဲလၢာ်ကသ့ဝဲအဂီၢ် ဒီးတၢ်တမၤဆူးမၤဆါသုနီတမံၤဘၣ်လီၤ.

ရိမ့ၤ 16:20

ဒီးကစၢ်ယွၤလၢအမ့ၢ်ပတၢ်ဃူတၢ်ဖိးအဂံၢ်ထံးတဂၤအံၤ, တယံာ်ဘၣ်ဒီးကမၤသဘှံးကွံာ်မုၣ်ကီၤလံၢ်လၢသုခီၣ်အဖီလာ်န့ၣ် လီၤ. မ်ပကစၢ်ယ့ၣ်ၡူးခရံာ်အဘျုးအဖှိၣ်အိၣ်ဒီးသုတက့ၢ်.

ရိမ့ၤ 3:13

အဝဲသ့ၣ်အကိာ်ပူၤတဖၣ်လီၤဂာ်ဒ် တၢ်သွၣ်ခိၣ်အပူၤအိၣ်အိးထီၣ်အသးအသိး, တၢ်လီတၢ်ဝ့ၤအအၢအသီတဖၣ် ဟဲထီၣ်လၢအပျ့ၤအလိၤ, ဒီးတၢ်ကတိၤအအၢအသီဒ် ဂုၢ်အၢအစုၣ်အပျၢ်အသိးတဖၣ်န့ၣ် ဟးထီၣ်လၢအထးခိၣ်,

၂ တံၤမသ့း 4:17

ဘၣ်ဆၣ်ဒီးကစၢ်အိၣ်ဒီးယၤဒီးဟ့ၣ်ယၤတၢ်ဂံၢ်တၢ်ဘါဒီးယတဲဖျါ ထီၣ်ဘၣ်တၢ်သးခုကစီၣ်အလၢအပှဲၤလၢပှၤကလုာ်ဂၤတဖၣ်ကနၢ်ဟူဘၣ် ဝဲအဂီၢ်န့ၣ်လီၤ. ဒီးယထူၣ်ဖျဲးထီၣ်ကွံာ်လၢတၢ်သံအကိာ်ပူၤန့ၣ်လီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:37

ယွၤအုၣ်က့ၤခီၣ်က့ၤတ့ၢ်ယၤလၢခ့ယုၢ်တဖၣ်ဒီးတၤသူတဖၣ်သတးဒီး အဝဲကအုၣ်က့ၤခီၣ်က့ၤယၤလၢပှၤဖလ့ၡသးဖိတဂၤအံၤအစုပူၤ န့ၣ်လီၤ. စီၤစီလူးစံးဝဲဒၣ်, “ဂ့ၤလံ, လဲၤဒီးမ်ယွၤအိၣ်ဒီးနၤတက့ၢ်.”