စံးထီၣ်ပတြၢၤ 90:5 - Sgaw Karen Common Bible

⁵ နစိာ်ကွံာ်ပှၤဒ်ထံလုၣ်ဘၢတၢ်အသိး, ဒီးပတၢ်အိၣ်မူမၤအသးဒ်တၢ်မံမီၢ်အသိး, ဒီးဒ်တပံၢ်လၢအမဲထီၣ်လၢမုၢ်ဂီၤအသိး,

စံးထီၣ်ပတြၢၤ 90:5 Iomraidhean Croise

လံာ်စီၤယိၤဘး 20:8

အဝဲကဟါမၢ်ကွံာ်ဒ်တၢ်မံမီၢ်အသိးဒီးတၢ်တထံၣ်န့ၢ်ဘၣ်အီၤလၢၤ ဘၣ်ဒ်တၢ်ထံၣ်လၢညါခီလၢမုၢ်နၤအသိးန့ၣ်လီၤ.

လံာ်စီၤယိၤဘး 22:16

အဝဲသ့ၣ်ဘၣ်တၢ်ထုးကွံာ်စိာ်ကွံာ်အီၤသတူၢ်ကလာ်တချူးလၢ အဆၢကတီၢ်ဘၣ်ဒံးဒီးထံအီၣ်ကွံာ်အတၢ်ခီၣ်ထံးတဖၣ်န့ၣ်လီၤ.

လံာ်စီၤယိၤဘး 4:20

ပှၤကညီတဂၤကမူဝဲလၢမုၢ်ဂီၤဘၣ်ဆၣ်သံဝဲလၢတၢ်တပာ်သူၣ် ပာ်သးဘၣ်အပူၤတချုးမုၢ်ဟါလီၤဒံးဘၣ်န့ၣ်လီၤ.

လံာ်စီၤယိၤဘး 9:26

ယတၢ်အိၣ်မူလဲၤပူၤကွံာ်ဝဲ ဒ်ကဘီတဘ့ၣ်လၢ အလဲၤတၢ်ချ့သဒံး, ချ့ဝဲထဲသိးလံာ်ကြီကြာ်တဘ့ၣ် စှီၤန့ၢ်ပဒဲ တဒုအသိးန့ၣ်လီၤ.

စံးထီၣ်ပတြၢၤ 73:20

အဝဲသ့ၣ်လီၤဂာ်ဒ်တၢ်မံမီၢ်လၢအလဲၤပူၤကွံာ် လၢမုၢ်ဂီၤအသိးန့ၣ်လီၤ. ကစၢ်ယွၤဧၢ, တုၤနထိၣ်ဂဲၤထီၣ်နသးန့ၣ်ဒီး အဝဲသ့ၣ်ဟါမၢ်ကွံာ်ဝဲဒၣ်န့ၣ်လီၤ.

လံာ်ယၡါယၤ 38:12

ယတၢ်အိၣ်မူဘၣ်တၢ်မၤထီၣ်တဲာ်ကွံာ်အီၤဒီးကတၢၢ်ဝဲ, လီၤဂာ်ဒ်ဒဲတဖျၢၣ်လၢဘၣ်တၢ်ဃိလီၤပှီၢ်ကွံာ်အီၤ ဒီးတၢ်ကံးယာ်လၢဘၣ်တၢ်ကူးတဲာ်ကွံာ်အီၤလၢ ထၣ်အလိၤအသိးန့ၣ်လီၤ. ယဆိကမိၣ်တ့ၢ်လၢကစၢ်ယွၤမၤကတၢၢ်ယတၢ်အိၣ်မူလံန့ၣ်လီၤ.

လံာ်ယၡါယၤ 38:13

ဒီနၤညါန့ၣ်, ယကိးထီၣ်လၢတၢ်ဆူးတၢ်ဆါအပူၤ, မၤသးဒ်သိးခ့ယုၢ်တဒုမၤကၢ်ယဃံယကွဲတဖၣ်န့ၣ်လီၤ. ယဆိကမိၣ်တ့ၢ်လၢကစၢ်ယွၤမၤကတၢၢ်ယတၢ်အိၣ်မူလံန့ၣ်လီၤ.

လံာ်ယၡါယၤ 40:6

တၢ်အကလုၢ်ကိးထီၣ်ဝဲ, “တဲဖျါတၢ်ကစီၣ်တမံၤတက့ၢ်.” ယသံကွၢ်, “ယကဘၣ်တဲဖျါတၢ်ကစီၣ်မနုၤလဲၣ်.” “တဲဖျါလၢပှၤဟီၣ်ခိၣ်ဖိခဲလၢာ်လီၤဂာ်ဒီးနီၣ်ဧိၤမံၤဧိၤလီၤ. တခီၣ်ယံာ်ထဲသိးဒီးဖီအမံၤတဖၣ်ဒၣ်လဲာ်ဘၣ်လီၤ.

လံာ်ယၡါယၤ 40:7

နီၣ်ဧိၤမံၤဧိၤဃ့ထီကွံာ်ဝဲဒီးဖီတဖၣ်လီၤညွံးလီၤဘီဝဲ ဖဲယွၤဆှၢလီၤကလံၤအူတၢ်လၢအဝဲသ့ၣ်အဖီခိၣ်န့ၣ်လီၤ. ပှၤဂီၢ်မုၢ်တအိၣ်ကၢအိၣ်ခိးအါန့ၢ်နီၣ်ဧိၤမံၤဧိၤဘၣ်.

၁ ပ့းတရူး 1:24

ဒ်တၢ်ကွဲးအသးစံးဝဲအသိး, “ပှၤဟီၣ်ခိၣ်ဖိခဲလၢာ်မၤအသးဒ် နီၣ်ဧိၤမံၤဧိၤအသိး, ဒီးအလၤကပီၤခဲလၢာ်လီၤဂာ်ဒီး နီၣ်ဧိၤမံၤဧိၤအဖီတဖၣ်လီၤ. နီၣ်ဧိၤမံၤဧိၤဃ့ထီကွံာ်ဝဲ, ဒီးအဖီတဖၣ်လီၤဆှုကွံာ်ဝဲလီၤ.