စံးထီၣ်ပတြၢၤ 90:4 - Sgaw Karen Common Bible

⁴ လၢနဂီၢ်အံၤအနံၣ်တကထိလီၤဂာ်ဒ်မုၢ်တနံၤအသိး, ဒ်မဟါတနံၤလၢအလဲၤပူၤကွံာ်တ့ၢ်လံဝဲ, ဒီးဒ်တၢ်ခိးအကတီၢ်တကတီၢ်လၢ မုၢ်နၤအသိးန့ၣ်လီၤ.

စံးထီၣ်ပတြၢၤ 90:4 Iomraidhean Croise

စံးထီၣ်ပတြၢၤ 39:5

ကွၢ်ကွၢ်, နဟ့ၣ်တ့ၢ်ယၤတၢ်အိၣ်မူဖုၣ်ကိာ် ဒီးလၢနမဲာ်ညါန့ၣ်, ယတၢ်အိၣ်မူအကတီၢ်တမ့ၢ်တၢ်နီတမံၤဘၣ်. ပှၤကိးဂၤဒဲးအတၢ်အိၣ်မူန့ၣ် မ့ၢ်ဒၣ်တၢ်သါတဘီဧိၤန့ၣ်လီၤ. စ့လၤ

လံာ်တၢ်ဟးထီၣ်ကွံာ် 14:24

ဘူးလၢမုၢ်ကဆ့ၣ်ထီၣ်ဂီၤထၢၣ်သၢန့ၣ်ယွၤကွၢ်လီၤတၢ်ဆူ ပှၤအဲၤကူပတူးဖိတဖၣ်အအိၣ်လၢမ့ၣ်အူဒီးတၢ်အၢၣ်အထူၣ်အလိၤ ဒီးမၤပျံၤမၤဖုးအဝဲသ့ၣ်နးနးကလဲာ်လီၤ.

လံာ်မးသဲ 14:25

ဖဲဂီၤသၢနၣ်ရံၣ်ဒီးဃုနၣ်ရံၣ်အဘၢၣ်စၢၤန့ၣ်, ယ့ၣ်ၡူးလဲၤဆူအပျဲၢ်အဘီၣ်တဖၣ်အအိၣ်, ဟးဝဲလၢထံဖံးခိၣ်လီၤ.

လံာ်မးသဲ 24:43

ဟံၣ်ကစၢ်မ့ၢ်သ့ၣ်ညါဆိတၢ်ဘျၣ်ကဟဲအဆၢကတီၢ်ဒီး, သပှၢ်ကတၢၢ်အဝဲဒၣ်ကပာ်သူၣ်ပာ်သး, ဒီးကအိၣ်ခိးဝဲ, ဒီးတမ့ၢ်လၢအကပျဲတၢ်ဘျၣ်ဘၢၣ်ဖျိနုာ်ဆူ အဟံၣ်ပူၤန့ၣ်ဘၣ်လီၤ.

လံာ်လူၤကၣ် 12:38

အဝဲမ့ၢ်ဟဲက့ၤလၢဖးဖီမုၢ်, မ့တမ့ၢ်စဲၤခံန့ၢ်အဝဲန့ၣ်ဒၣ်လဲာ်, ဒီးထံၣ်အဝဲသ့ၣ်အိၣ်ကတဲာ်ကတီၤအသးန့ၣ်, အဝဲသ့ၣ်ကဘၣ်ဆိၣ်ဂ့ၤဝဲဆံးဒိၣ်လဲၣ်.

၂ ပ့းတရူး 3:8

ယတံၤသကိးသးဘိသ့ၣ်ဧၢ, တဘၣ်သးပ့ၤနီၣ်တၢ်တမံၤ အံၤတဂ့ၤ. လၢကစၢ်အမဲာ်ညါန့ၣ်, မုၢ်တနံၤဒီးအနံၣ် တကထိအဘၢၣ်စၢၤတၢ်လီၤဆီတအိၣ်ဘၣ်. လၢအဝဲအဂီၢ်တၢ်ခံမံၤအံၤမ့ၢ်ဒၣ်တၢ်ဒ်သိးသိးလီၤ.

လံာ်ပှၤစံၣ်ညီၣ်ကွီၢ် 7:19

စီၤကံးဒဧိၣ်ဒီးအပှၤတကယၤဟဲတုၤဆူတၢ်သူၣ်ထီၣ်အဒဲအလီၢ်အသရ့ၤ, တချုးဖးဖီမုၢ်အကတီၢ်ဖဲပှၤခိးတၢ်ဖိတဖၣ်လဲလိာ်အမူဒါဝံၤသီသီန့ၣ်လီၤ. တုၤနုၤတစုအဝဲသ့ၣ်အူထီၣ်ကွဲၤဒီးဒိသ့ၣ်ဖးသပၢၤလၢအဖီၣ်ဃာ်ဝဲန့ၣ်လီၤ.