စံးထီၣ်ပတြၢၤ 90:16 - Sgaw Karen Common Bible

¹⁶ မ်နခ့နပှၤတဖၣ်ထံၣ်ဘၣ်နတၢ်ဖံးတၢ်မၤအဒိၣ်အမုၢ်တဖၣ်, မ်ပစၢၤပသွဲၣ်တဖၣ် ထံၣ်ဘၣ် နတၢ်လၤကပီၤဖးဒိၣ်တက့ၢ်.

စံးထီၣ်ပတြၢၤ 90:16 Iomraidhean Croise

စံးထီၣ်ပတြၢၤ 44:1

ကစၢ်ယွၤဧၢ, ပနၢ်ဟူတ့ၢ်လၢပနၢ်, ပပၢ်သ့ၣ်တဖၣ်တဲတ့ၢ်ပှၤ တၢ်ဖံးတၢ်မၤလၢနမၤတ့ၢ်လၢအမုၢ်နံၤတဖၣ်, မုၢ်နံၤလၢပျၢၤန့ၣ်လီၤ.

စံးထီၣ်ပတြၢၤ 77:12

ယကဆိကမိၣ်ထီၣ်က့ၤကယဲၢ်တၢ်လၢနမၤတ့ၢ်ခဲလၢာ် ဒီးနစိနကမီၤအတၢ်ဖံးတၢ်မၤတဖၣ်န့ၣ်လီၤ.

စံးထီၣ်ပတြၢၤ 92:4

ယွၤဧၢ, အဂ့ၢ်ဒ်အံၤ နဒုးသးခုတ့ၢ်လံယၤလၢနတၢ်မၤဖးဒိၣ်တဖၣ်အဃိ, ဒီးနစုအတၢ်ဖံးတၢ်မၤတဖၣ်န့ၣ် ယကသးဝံၣ်ထီၣ်အီၤလၢတၢ်သူၣ်ဖှံသးညီလီၤ.

လံာ်ဃဘးကူာ် 3:2

ယွၤဧၢ, ယနၢ်ဟူတ့ၢ်လံတၢ်လၢနမၤတ့ၢ်ဝဲ, ဒီးယသးပှဲၤဒီးတၢ်ကမၢကမၣ်ဖးဒိၣ်လၢတၢ်ယူးယီၣ်ပာ်ကဲ အပူၤန့ၣ်လီၤ. ခဲကနံၣ်အံၤ, တၢ်မၤဖးဒိၣ်တဖၣ်လၢနညီနုၢ်မၤအီၤန့ၣ်, မၤကဒီးလၢပစိၤပကတီၢ်တဖၣ်အပူၤတက့ၢ်. ဖဲနသးဒိၣ်အခါဒၣ်လဲာ်, သူၣ်ကညီၤသးကညီၤဒံးတၢ်တက့ၢ်.

လံာ်သိၣ်လီၤသီလီၤတၢ် 1:39

အန့ၣ်ဝံၤဒီးယွၤစံးဘၣ်ပဝဲကိးဂၤဒဲး, သုဖိတဖၣ်လၢ, အသးစၢ်ကဲာ်ဆိးဒံးလၢကနီၤဖးတၢ်အဘၣ်ဒီးတၢ်တဘၣ်အဆၢ, သုဖိတဖၣ်လၢသုစံးလၢကဘၣ်တၢ်ဖီၣ်န့ၢ်အီၤလၢသုဒုၣ်သုဒါ တဖၣ်ဧိၤန့ၣ်ကလဲၤနုာ်လီၤဘၣ်ဆူကီၢ်န့ၣ်အပူၤလီၤ. ယကဟ့ၣ်လီၤကီၢ်န့ၣ်ဆူအဝဲသ့ၣ်အအိၣ်ဒီးအဝဲသ့ၣ်ကမၤန့ၢ်အီၤ န့ၣ်လီၤ.

လံာ်သိၣ်လီၤသီလီၤတၢ် 32:4

ယွၤမ့ၢ်သုပှၤကဟုကယာ်သုလၢအဂံၢ်ဆူၣ်ဘါဆူၣ်, လၢဝဲပှဲၤဝဲဒီးတီဝဲလိၤဝဲလၢကယဲၢ်အကျဲခဲလၢာ်အပူၤန့ၣ်လီၤ. သုကစၢ်ယွၤမ့ၢ်ပှၤလၢအသူၣ်တီသးရၤဒီးမ့ၢ်ဝဲတီဝဲ, အဝဲမၤတၢ်လၢအဘၣ်ဒီးအတီန့ၣ်လီၤ.

လံာ်စီၤယိၤၡူ 23:14

တၢ်ဆၢကတီၢ်တုၤဃီၤဝဲလၢယကသံအဂီၢ်လီၤ. ဒီးသုဝဲခဲလၢာ်သုသ့ၣ်ညါလၢသုသးကံၢ်ပူၤလၢယွၤသုကစၢ် ယွၤဟ့ၣ်လီၤသုတၢ်အဂ့ၤခဲလၢာ်လၢအအၢၣ်လီၤတ့ၢ်ဝဲန့ၣ်လီၤ. အတၢ်အၢၣ်လီၤကိးထံၣ်ဒဲးန့ၣ်မၤလၢပှဲၤဝဲလီၤ. တမၤလၢပှဲၤဝဲတအိၣ်နီတထံၣ်ဘၣ်.