စံးထီၣ်ပတြၢၤ 90:14 - Sgaw Karen Common Bible

¹⁴ မၤပှဲၤပှၤလၢနတၢ်အဲၣ်ဂၢၢ်ကျၢၤကိးမုၢ်ဂီၤဒဲး, ဒ်သိးပကသးဝံၣ်ထီၣ်တၢ်ဒီးသးခုလၢ ပတၢ်အိၣ်မူတစိၤဒၣ်ပှၤန့ၣ်တက့ၢ်.

စံးထီၣ်ပတြၢၤ 90:14 Iomraidhean Croise

စံးထီၣ်ပတြၢၤ 143:8

ဒုးသ့ၣ်နီၣ်ယၤလၢနတၢ်အဲၣ်ဂၢၢ်ကျၢၤကိးဂီၤဒဲးတက့ၢ်. အဂ့ၢ်ဒ်အံၤ, ယသန့ၤယသးလၢနၤလီၤ. သိၣ်လိယၤလၢကျဲလၢယဂ့ၤပိာ်တဘိန့ၣ်တက့ၢ်. အဂ့ၢ်ဒ်အံၤ, ယစိာ်ထီၣ်ယသးဆူနအိၣ်လီၤ.

စံးထီၣ်ပတြၢၤ 149:2

မ်အံၣ်စရ့လးသးခုလၢကစၢ်လၢအတ့လီၤအီၤ အပူၤန့ၣ်တက့ၢ်. မ်ပှၤစံယိၣ်ဖိအသူၣ်ဖှံသးညီလၢ အစီၤပၤအပူၤတက့ၢ်.

စံးထီၣ်ပတြၢၤ 23:6

ထဲတၢ်ဂ့ၤ, ဒီးတၢ်ဘျုးတၢ်ဖှိၣ်န့ၣ် ကလူၤပိာ်ယခံတစိၤဒၣ်ယၤ, ဒီးယကအိၣ်ကဆိးလၢ ယွၤအဟံၣ်လီၤစိၤလီၤထီလီၤ. စ့လၤ

စံးထီၣ်ပတြၢၤ 31:7

ယကသူၣ်ခုသးခုဒီးသူၣ်ဖှံသးညီ လၢနတၢ်အဲၣ်ဂၢၢ်ကျၢၤအဃိန့ၣ်လီၤ. နထံၣ်လံယတၢ်နးတၢ်ဖှီၣ်, ဒီးသ့ၣ်ညါယတၢ်ကိၢ်တၢ်ဂီၤလံ.

စံးထီၣ်ပတြၢၤ 65:4

ပှၤလၢနဃုထၢအီၤ, ပှၤလၢနဟဲစိာ်အီၤဆူနလီၢ်စီဆှံအပူၤ ဒ်သိးကအိၣ်ကဆိးဘၣ်ဝဲအဂီၢ်တဖၣ်န့ၣ် ဘၣ်ဆိၣ်ဂ့ၤဝဲလီၤ. ပကသူၣ်မံသးမံလၢတၢ်ဂ့ၤတဖၣ်လၢနဟံၣ်ပူၤ, နတၢ်လုၢ်ဟံၣ်စီဆှံအတၢ်ဆိၣ်ဂ့ၤဆိၣ်ဝါတဖၣ်န့ၣ်လီၤ.

စံးထီၣ်ပတြၢၤ 85:6

မၤဆူၣ်ထီၣ်က့ၤကဒီးပှၤ ဒီးပဝဲဒၣ်နပှၤဂီၢ်မုၢ်ကစံးထီၣ်ပတြၢၤနၤလီၤ.

စံးထီၣ်ပတြၢၤ 86:4

ယွၤဧၢ, မၤသးခုနခ့နပှၤတက့ၢ်. အဂ့ၢ်ဒ်အံၤ, ယတၢ်ထုကဖၣ်တဖၣ်လဲၤထီၣ်ဆူနအိၣ်လီၤ.

လံာ်ယံးရမံယၤ 31:15

ယွၤစံးဝဲဒၣ်, “တၢ်ကလုၢ်သီၣ်ထီၣ်ဝဲလၢ ဝ့ၢ်ရၤမါအပူၤ, မ့ၢ်တၢ်ဟီၣ်ပသူဟီၣ်ပသီထီၣ် အတၢ်သီၣ်န့ၣ်လီၤ. နီၢ်ရၤဃ့လး ဟီၣ်ဝဲလၢ အဖိတဖၣ်အဃိန့ၣ်လီၤ. အဖိတဖၣ် လီၤမၢ်ကွံာ်လၢာ်လံ. ဒီးအဝဲတတူၢ်လိာ်ဘၣ်တၢ်ကမၤမုာ်ထီၣ်က့ၤအီၤဘၣ်.

လံာ်စကၤရယၤ 9:17

ထံကီၢ်ကဂ့ၤဝဲဒီးကဃံဝဲလၤဝဲဆံးဒိၣ်လဲၣ်. အဘုဧိၤဟုဧိၤဒီးအစပံးထံကဒုးဒိၣ်ထီၣ် ဒီးဒုးဂံၢ်ဆူၣ်ဘါဆူၣ်ထီၣ်အပှၤသးစၢ်ပိာ်ခွါပိာ်မုၣ်တဖၣ်လီၤ.

ဖံလံးပံၤ 4:4

မ်သုသးခုလၢကစၢ်အပူၤထီဘိတက့ၢ်. ယစံးကဒီးသးခုတက့ၢ်.