စံးထီၣ်ပတြၢၤ 90:12 - Sgaw Karen Common Bible

¹² အဃိဒီး, သိၣ်လိပှၤဒ်သိးပကဂံၢ်ပမုၢ်နံၤတဖၣ်, ဒီးပကန့ၢ်ဘၣ် သးအတၢ်ကူၣ်ဘၣ်ကူၣ်သ့န့ၣ်တက့ၢ်.

စံးထီၣ်ပတြၢၤ 90:12 Iomraidhean Croise

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

စံးထီၣ်ပတြၢၤ 39:4

“ယွၤဧၢ, ဒုးသ့ၣ်ညါယၤ, ယကအိၣ်မူဆံးယံာ်လဲၣ်. ယကသံအခါဖဲလဲၣ်. ဒီးယတၢ်အိၣ်မူကကတၢၢ်အခါဖဲလဲၣ်.”

စံးထီၣ်ပတြၢၤ 39:5

ကွၢ်ကွၢ်, နဟ့ၣ်တ့ၢ်ယၤတၢ်အိၣ်မူဖုၣ်ကိာ် ဒီးလၢနမဲာ်ညါန့ၣ်, ယတၢ်အိၣ်မူအကတီၢ်တမ့ၢ်တၢ်နီတမံၤဘၣ်. ပှၤကိးဂၤဒဲးအတၢ်အိၣ်မူန့ၣ် မ့ၢ်ဒၣ်တၢ်သါတဘီဧိၤန့ၣ်လီၤ. စ့လၤ

တၢ်ကတိၤဒိ. 16:16

တၢ်န့ၢ်ဘၣ်တၢ်ကူၣ်သ့န့ၣ်ဂ့ၤန့ၢ်ထူတက့ၢ်လီၤ. ဒီးတၢ်န့ၢ်ဘၣ်တၢ်ကူၣ်တၢ်ဆးန့ၣ်ဂ့ၤလၢပှၤဃုထၢအီၤအါန့ၢ်စ့ တက့ၢ်လီၤ.

တၢ်ကတိၤဒိ. 22:17

ဒိးနနၢ်, ဒီးယကသိၣ်လိနၤတၢ်လၢပှၤကူၣ်သ့တဖၣ်ကတိၤတ့ၢ်ဝဲလီၤ. မၤလိအဝဲသ့ၣ်အတၢ်သိၣ်လိတဖၣ်,

တၢ်ကတိၤဒိ. 23:12

ပာ်သူၣ်ပာ်သးသပှၢ်ပှၢ်ဆူနသရၣ်လၢအသိၣ်လိနၤဒီးမၤလိ တၢ်ခဲလၢာ်လၢနမၤလိသ့န့ၣ်တက့ၢ်.

တၢ်ကတိၤဒိ. 23:23

တၢ်မ့ၢ်တၢ်တီ, တၢ်ကူၣ်သ့, တၢ်မၤလိမၤဒိး, တၢ်သ့ၣ်ညါတၢ်ဂ့ၤ, တၢ်သ့ၣ်တဖၣ်အံၤကၢကီၣ်ဝဲလၢတၢ်ကဟ့ၣ် အပှ့ၤလၢတၢ်မၤန့ၢ်အီၤအဂီၢ်လီၤ. ဘၣ်ဆၣ်လုၢ်ဒိၣ်ပှ့ၤဒိၣ်ကဲၣ်ဆိးလၢနကဆါကွံာ်အီၤန့ၣ်လီၤ.

တၢ်ကတိၤဒိ. 4:5

မၤန့ၢ်တၢ်ကူၣ်သ့ဒီးတၢ်ထံၣ်တၢ်လၢသးအမဲာ်တက့ၢ်. သးပ့ၤနီၣ်ဒီးလဲၤသဒၣ်တၢ်လၢယစံးဘၣ်နၤန့ၣ်တဂ့ၤ.

တၢ်ကတိၤဒိ. 4:7

တၢ်မၤန့ၢ်တၢ်ကူၣ်သ့, မ့ၢ်တၢ်အကါဒိၣ်ကတၢၢ်လၢနမၤအီၤသ့လီၤ. မၤန့ၢ်တၢ်ထံၣ်တၢ်လၢသးအမဲာ်လၢတၢ်တမံၤလၢ်လၢ်လၢနမၤန့ၢ်အီၤ အပူၤန့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 7:2

တၢ်လဲၤဆူဟံၣ်တဖျၢၣ်ဖဲတၢ်သူၣ်အုးသးအုးအိၣ်ဝဲန့ၣ်, ဂ့ၤဒိၣ်န့ၢ်ဒံးတၢ်လဲၤဆူတၢ်အီၣ်သကိးအီသကိးတၢ်အဟံၣ်တက့ၢ် န့ၣ်လီၤ. အဂ့ၢ်ဒ်အံၤ, ပှၤအမူတဖၣ်ကြၢးမၤသ့ၣ်နီၣ်အသးထီဘိလၢတၢ်သံ အိၣ်ခိးပာ်ပဝဲခဲလၢာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်ယိၤဟၣ် 9:4

ဖဲမုၢ်ဆါခီအကတီၢ်အံၤ, ပကဘၣ်မၤပှၤလၢအမၢလီၤယၤ တဂၤအတၢ်မၤလီၤ. မုၢ်နၤကဟဲဝဲဖဲပှၤမၤတၢ်တသ့လၢၤနီ တဂၤဘၣ်.

လံာ်သိၣ်လီၤသီလီၤတၢ် 32:29

ဘၣ်မနုၤအဃိအဝဲသ့ၣ်ဘၣ်တၢ်မၤနၢၤအီၤလဲၣ်န့ၣ်, အဝဲသ့ၣ်ထံၣ်ဝဲတသ့ဘၣ်, တၢ်လၢအမၤတ့ၢ်အသးန့ၣ်အဝဲသ့ၣ်နၢ်ပၢၢ်ဝဲ တသ့ဘၣ်.