စံးထီၣ်ပတြၢၤ 90:10 - Sgaw Karen Common Bible

¹⁰ ပနံၣ်တဖၣ်အမုၢ်နံၤန့ၣ်မ့ၢ်အနံၣ်နွံဆံလီၤ. ဒီးလၢတၢ်ဂံၢ်တၢ်ဘါအဃိန့ၣ် မ့ၢ်အိၣ်ဝဲဃိးဆံဘၣ်ဆၣ်ဒီး, ဟဲစိာ်န့ၢ်ဒၣ်ပှၤတၢ်ကိၢ်တၢ်ဂီၤ ဒီးတၢ်သူၣ်အုးသးအုးန့ၣ်လီၤ. တၢ်အိၣ်မူအံၤတစိၢ်ဖိဒီးလဲၤပူၤကွံာ်ဝဲ, ဒီးပယူၤထီၣ်ကွံာ်လီၤ.

စံးထီၣ်ပတြၢၤ 90:10 Iomraidhean Croise

လံာ်တၢ်ကဲထီၣ်အခီၣ်ထံး 47:9

စီၤယၤကိာ်စံးဆၢဝဲ, “ယတၢ်ဟးဝ့ၤဝီၤအတၢ်အိၣ်မူယံာ်ဝဲ အနံၣ်တကယၤသၢဆံလီၤ. ဒီးနံၣ်ဧိၤလါဧိၤတဖၣ်အံၤတဒ်သိးဘၣ် ယမိၢ်ပၢ်ဖံဖုလၢပျၢၤအတၢ်ဟးဝ့ၤဝီၤလၢအါနံၣ်အါလါအပူၤ ဘၣ်. စှၤဝဲဒီးကီခဲဒိၣ်မးလီၤ.”

လံာ်တၢ်ကဲထီၣ်အခီၣ်ထံး 6:3

တုၤနုၤတစုယွၤစံးဝဲဒၣ်, “ယတပျဲပှၤကညီတဖၣ်ကအိၣ်မူဝဲ လီၤစိၤလီၤထီန့ၣ်ဘၣ်. အဝဲသ့ၣ်မ့ၢ်ပှၤသံသ့တဖၣ်လီၤ. စးထီၣ်ခဲကနံၣ်အံၤဒီးဆူညါအဝဲသ့ၣ်ကအိၣ်မူတအါန့ၢ်ဘၣ် အနံၣ်တကယၤခံဆံဘၣ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 19:35

ယသးအိၣ်လံအနံၣ်ဃိးဆံလံ, ဒီးတၢ်လၢကဟ့ၣ်ယၤတၢ်မုာ်တၢ်လၤ တအိၣ်လၢၤဘၣ်နီတမံၤဘၣ်. တၢ်လၢယအီၣ်ယအီအီၤန့ၣ်ယတသ့ၣ်ညါအတၢ်ဝံၣ်တၢ်ဘဲလၢၤဘၣ်. ဒီးပှၤသးဝံၣ်တၢ်ဖိတဖၣ်အကလုၢ်န့ၣ်ယနၢ်ဟူတသ့လၢၤဘၣ်. ယကကဲထီၣ်ဒၣ်ထဲတၢ်ဝံဃၢယိးဃၢလၢနဲဒၣ်တၢ်ဒိၣ်ကစၢ်စီၤပၤ အဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:36

တကြၢးလၢယဒိးန့ၢ်ဘၣ်တၢ်ဟ့ၣ်ဘျုးဒိၣ်ဒ်န့ၣ်အသိးတမံၤဘၣ်. လၢတၢ်န့ၣ်အဃိယကလဲၤဃုာ်တၢ်ဒီးနၤထဲ တစဲးဖိဧိၤပျံကွံာ်ထံကျိယၢ်ဒ့ၣ်အဘးခီန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:1

ခဲအံၤစီၤပၤစီၤဒၤဝံးမ့ၢ်ပှၤတဂၤလၢအသးပှၢ်ဒိၣ်မး, ဒီးအခ့အပှၤတဖၣ်လုးဘၢအီၤလၢယၣ်လုးတဖၣ်ဒၣ်လဲာ်တလၢၤဘၣ်အီၤ လၢၤဘၣ်.

လံာ်စီၤယိၤဘး 14:10

ဘၣ်ဆၣ်ပှၤကညီသံဝဲဒီးမ့ၢ်တၢ်အကတၢၢ်လၢအဂီၢ်န့ၣ်လီၤ. သံဝဲ, ဒီးအန့ၣ်တစုမ့ၢ်အအိၣ်ဝဲဖဲလဲၣ်.

လံာ်စီၤယိၤဘး 20:8

အဝဲကဟါမၢ်ကွံာ်ဒ်တၢ်မံမီၢ်အသိးဒီးတၢ်တထံၣ်န့ၢ်ဘၣ်အီၤလၢၤ ဘၣ်ဒ်တၢ်ထံၣ်လၢညါခီလၢမုၢ်နၤအသိးန့ၣ်လီၤ.

လံာ်စီၤယိၤဘး 24:24

ပှၤတတီတလိၤဘီၣ်ထီၣ်ညီထီၣ်တစိၢ်တလီၢ်, ဘၣ်ဆၣ်ဃ့ထီ ကွံာ်ဝဲဒ်နီၣ်ဧိၤမံၤဧိၤအသိးဒီးဒ်ဘုအစဲၤဘၣ်တၢ်ကူးတဲာ် အီၤအသိးန့ၣ်လီၤ.

လံာ်စီၤယိၤဘး 5:7

မ့မ့ၢ်ပှၤကညီဒုးအိၣ်ထီၣ်တၢ်ကိၢ်တၢ်ဂီၤလၢအဂီၢ်ဒၣ်ဝဲ, မၤသးသပှၢ်တၢၢ်ဒ်မ့ၣ်အူဖီလၢအဒံကွံာ်ဆူထးဟဲလၢ မ့ၣ်အူအသိးန့ၣ်လီၤ.

စံးထီၣ်ပတြၢၤ 78:39

အဝဲသ့ၣ်နီၣ်ထီၣ်က့ၤဝဲလၢ အဝဲသ့ၣ်တဖၣ်န့ၣ်မ့ၢ်တၢ်ဖံးတၢ်ညၣ်, လီၤဂာ်ဒီးကလံၤလၢအလဲၤပူၤကွံာ်ဒီး တဟဲကဒါက့ၤလၢၤဘၣ်န့ၣ်လီၤ.

လံာ်ယၡါယၤ 38:12

ယတၢ်အိၣ်မူဘၣ်တၢ်မၤထီၣ်တဲာ်ကွံာ်အီၤဒီးကတၢၢ်ဝဲ, လီၤဂာ်ဒ်ဒဲတဖျၢၣ်လၢဘၣ်တၢ်ဃိလီၤပှီၢ်ကွံာ်အီၤ ဒီးတၢ်ကံးယာ်လၢဘၣ်တၢ်ကူးတဲာ်ကွံာ်အီၤလၢ ထၣ်အလိၤအသိးန့ၣ်လီၤ. ယဆိကမိၣ်တ့ၢ်လၢကစၢ်ယွၤမၤကတၢၢ်ယတၢ်အိၣ်မူလံန့ၣ်လီၤ.

လံာ်လူၤကၣ် 12:20

ဘၣ်ဆၣ်ဒီး, ကစၢ်ယွၤစံးဘၣ်အီၤ, ‘ပှၤအသးတဆးနၤဧၢ, မုၢ်တနၤဃီအံၤန့ၣ်, နကဘၣ်ဟ့ၣ်လီၤကွံာ်နသးသမူလီၤ. တုၤနုၤတစု, တၢ်လၢနပာ်ဃာ်အီၤလၢနနီၢ်ကစၢ်ဒၣ်နဲအဂီၢ်ခဲလၢာ်န့ၣ်, မတၤကဒိးန့ၢ်ဘၣ်လဲၣ်.’ ”

လံာ်သိၣ်လီၤသီလီၤတၢ် 34:7

ဖဲစီၤမိၤၡ့သံန့ၣ်အသးအိၣ်ဝဲတကယၤခံဆံနံၣ်, ဒီးအဝဲအဂံၢ်ဆူၣ်ဘါဆူၣ်ဒံးဒၣ်ဒ်အညီနုၢ်အသိး, ဒီးအမဲာ်ချံအတၢ်ထံၣ်ဂ့ၤဒံးဝဲလီၤ.

ယၤကိာ် 4:14

သုတၢ်အိၣ်မူခဲမုၢ်ဆ့ၣ်ကမ့ၢ်တၢ်ဒ်လဲၣ်န့ၣ်, သုတသ့ၣ်ညါ ဒၣ်လဲာ်ဘၣ်. သုလီၤဂာ်ဒီးဘှ့ၣ်လၢအအိၣ်ဖျါတစိၢ်ဖိဝံၤ, လၢခံက့ၤလီၤမၢ်ကွံာ်ဝဲဒၣ်န့ၣ်လီၤ.

လံာ်စီၤယိၤၡူ 14:11

ဒီးတနံၤအံၤယဂံၢ်ယဘါဆူၣ်ဒံးဒၣ်ဒ်ယမ့ၢ်တ့ၢ်ဝဲဖဲစီၤမိၤၡ့မၢလီၤယၤအကတီၢ်န့ၣ်လီၤ. ယဂံၢ်ယဘါဆူၣ်ဒံးလၢတၢ်ဒုးတၢ်ယၤအဂီၢ်မ့ၢ်ဂ့ၤ, တၢ်ဂ့ၢ်အဂၤတမံၤမံၤအဂီၢ်မ့ၢ်ဂ့ၤန့ၣ်လီၤ.