စံးထီၣ်ပတြၢၤ 9:6 - Sgaw Karen Common Bible

⁶ ပဒုၣ်ပဒါတဖၣ်ဘၣ်တၢ်မၤဟးဂီၤကွံာ်အီၤ လၢာ်လၢာ်ဆ့ဆ့, ဒီးနမၤဟးဂီၤကွံာ်အဝ့ၢ်တဖၣ် ဒီးအဝဲသ့ၣ်ဘၣ်တၢ်သးပ့ၤနီၣ်ကွံာ်အီၤလံ.

စံးထီၣ်ပတြၢၤ 9:6 Iomraidhean Croise

လံာ်စီၤပၤခံဘ့ၣ်တဘ့ၣ် 19:25

မ့ၢ်နတနၢ်ဟူဘၣ်တ့ၢ်နီတစုလၢ, ယကူၣ်ကျဲၤတ့ၢ်တၢ်အံၤလၢပျၢၤ လံၤလံၤန့ၣ်ဘၣ်ဧါ. ဒီးခဲကနံၣ်အံၤယမၤလၢထီၣ်ပှဲၤထီၣ်အီၤလံ. ယဟ့ၣ်လီၤနၤတၢ်စိတၢ်ကမီၤလၢအကဘိးဃၣ်ကွံာ်ဝ့ၢ်တဖၣ်လၢအဘၣ်တၢ် မၤခၢၣ်သနၢၣ်အီၤဆူတၢ်ဟးဂီၤအပူၣ်တဖၣ်န့ၣ်လီၤ.

လံာ်စီၤယိၤဘး 18:17

တၢ်သ့ၣ်နီၣ်ထီၣ်က့ၤအီၤန့ၣ်ကလီၤမၢ်ကွံာ်လၢဟီၣ်ခိၣ်ချၢ, ဒီးလၢထံကီၢ်ပူၤန့ၣ်အမံၤတအိၣ်နီတတီၤလၢၤဘၣ်.

စံးထီၣ်ပတြၢၤ 34:16

ဘၣ်ဆၣ်, ယွၤထီဒါပှၤလၢအမၤတၢ်အၢ, ဒ်သိးအဝဲသ့ၣ်ကဘၣ်တၢ်သးပ့ၤနီၣ်ကွံာ်အီၤလၢ ဟီၣ်ခိၣ်ချၢအဂီၢ်န့ၣ်လီၤ.

စံးထီၣ်ပတြၢၤ 34:17

ဖဲပှၤတီပှၤလိၤကိးထီၣ်ယွၤလၢတၢ်မၤစၢၤအဂီၢ်န့ၣ် ဒီးယွၤဒိကနၣ်အီၤလီၤ. ယွၤမၤပူၤဖျဲးအီၤလၢ အတၢ်ကိၢ်တၢ်ဂီၤခဲလၢာ်န့ၣ်လီၤ.

စံးထီၣ်ပတြၢၤ 46:9

အဝဲဆိကတီၢ်တၢ်ဒုးတၢ်ယၤသ့ၣ်တဖၣ်လၢ ဟီၣ်ခိၣ်ချၢ, ဘိးကၢ်ကွံာ်ပျၢ်သ့ၣ်တဖၣ်, မၤဟးဂီၤကွံာ်ဘီသ့ၣ်တဖၣ်ဒီးဒွဲၣ်အူထီၣ်ကွံာ် လ့ၣ်ကဟၣ်သ့ၣ်တဖၣ်လၢမ့ၣ်အူန့ၣ်လီၤ.

စံးထီၣ်ပတြၢၤ 7:5

မ်ယဒုၣ်ယဒါတဖၣ်လူၤယၤဒီးချုးန့ၢ်ယၤ, မ်အယီၢ်တံၢ်မၤသံယၤဒီး ပာ်တ့ၢ်ယစိၣ်လၢဟီၣ်ခိၣ်ကမူၣ်အလိၤတက့ၢ်. စ့လၤ

စံးထီၣ်ပတြၢၤ 8:2

ဖိသၣ်တဖၣ်ဒီးဖိသၣ်အီနုၢ်ထံတဖၣ်အထးခိၣ်လီၤ. နပူၤဖျဲးလၢနဒုၣ်နဒါခဲလၢာ် ဒီးတၢ်အၢတဘၣ်ဘၣ်နၤလၢၤဘၣ်. နဆိကတီၢ်ကွံာ်ပှၤတဂၤလၢ်လၢ်လၢ အထီဒါနၤန့ၣ်လီၤ.

လံာ်တၢ်ဟးထီၣ်ကွံာ် 14:13

ဒီးစီၤမိၤၡ့စံးဆၢဝဲဒၣ်, “ပျံၤတၢ်တဂ့ၤ, အိၣ်ဂၢၢ်ဆိးကျၢၤတက့ၢ်. ဒီးသုကထံၣ်ဘၣ်ယွၤကမၤတၢ်တနံၤအံၤလၢကအုၣ်က့ၤခီၣ်က့ၤသု အဂီၢ်န့ၣ်လီၤ. သုတထံၣ်ဘၣ်ကဒီးလၢၤပှၤအဲၤကူပတူးဖိနီ တစုလၢၤဘၣ်.

လံာ်တၢ်ဟးထီၣ်ကွံာ် 15:16

တၢ်ပျံၤတၢ်ဖုးနးနးကလဲာ်လီၤဘၣ်လၢအဝဲသ့ၣ် အလိၤလီၤ. အဝဲသ့ၣ်ထံၣ်ဘၣ်နဂံၢ်နဘါ, ယွၤဧၢ. ဒီးဆၢထၢၣ်လၢတၢ်မၤနၢၤတအိၣ်ဘၣ်အပူၤဃုာ်ဒီးတၢ်ပျံၤတၢ်ဖုး တုၤနပှၤဂီၢ်မုၢ်လဲၤထီၣ်ပူၤကွံာ်ဝဲတစု, နပှၤဂီၢ်မုၢ်လၢနမၤထူၣ်ဖျဲးထီၣ်အီၤလၢကုၢ်အလီၢ်န့ၣ်လီၤ.

လံာ်ယၡါယၤ 14:17

အဝဲအံၤမ့ၢ်ပှၤလၢအမၤဟးဂီၤတ့ၢ်ဝ့ၢ်တဖၣ်ဒီးဒုး ကဲထီၣ်ဟီၣ်ခိၣ်ဆူမဲးမုၢ်ခိၣ်န့ၣ်ဧါ. အဝဲအံၤမ့ၢ်ပှၤလၢ အတပျၢ်ဖျဲးအပှၤဃိာ်ဖိတဖၣ်ဒီးတပျဲဘၣ်အဝဲသ့ၣ်လၢ ကက့ၤဆူဟံၣ်ဘၣ်တဂၤန့ၣ်ဧါ.’

လံာ်ယၡါယၤ 26:14

ခဲအံၤအဝဲသ့ၣ်သံလံဒီးတမူကဒီးလၢၤဘၣ်. အတဃၣ်တဖၣ်တဂဲၤဆၢထၢၣ်လၢၤဘၣ်. မ့ၢ်လၢနစံၣ်ညီၣ်ဒီးမၤဟးဂီၤအဝဲသ့ၣ်အဃိလီၤ. ပှၤတသ့ၣ်နီၣ်လၢၤအဝဲသ့ၣ်နီတဂၤနီတစုဘၣ်.

လံာ်ယၡါယၤ 37:26

မ့ၢ်နတနၢ်ဟူတ့ၢ်နဲနီတစုလၢယကူၣ်ကျဲၤတၢ်အံၤယံာ်တ့ၢ်လံ န့ၣ်ဘၣ်ဧါ. ဒီးခဲအံၤ, ယမၤထွဲတ့ၢ်အီၤလံ. ယဟ့ၣ်တ့ၢ်နၤတၢ်စိကမီၤလၢနကဒုးကဲထီၣ်ဝ့ၢ်တဖၣ်လၢအအိၣ်ဒီး တိာ်ဧိၤတာ်ဧိၤဆူတၢ်လီၤပှီၢ်ဟးဂီၤအတၢ်ပာ်ဖှိၣ်တဖၣ်န့ၣ်လီၤ.

လံာ်ယံးရမံယၤ 51:25

ကီၢ်ဘၤဘူၤလိၣ်ဧၢ, နမၤနသးဒ်ကစၢၢ်တဖျၢၣ်လၢ အမၤဟးဂီၤဟီၣ်ခိၣ်ဒီဘ့ၣ်, ဘၣ်ဆၣ်ယၤ, ယွၤအံၤ, မ့ၢ်နဒုၣ်နဒါန့ၣ်လီၤ. ယကဟံးဃာ်နၤ, တလ့ၣ်လီၤနၤလၢ တၢ်လီၢ်ထီၣ်ထီဆူဟီၣ်ခိၣ်အလိၤ, ဒီးဒုးကဲထီၣ်နၤလၢဖၣ် ဆါန့ၣ်လီၤ.

လံာ်မံကၤ 7:10

တုၤနုၤတစုပဒုၣ်ပဒါတဖၣ်, ပှၤတဖုဃီလၢအဒုၣ်ဒွဲၣ် တ့ၢ်ပှၤဒီးစံး, “သုယွၤ, သုကစၢ်ယွၤအိၣ်ဖဲလဲၣ်” န့ၣ်, ကသ့ၣ်ညါနၢ်ပၢၢ်တၢ်အံၤဒီးကဘၣ်တၢ်မၤမဲာ်ဆှးအီၤလီၤ. ပကထံၣ်ဘၣ်အဝဲသ့ၣ်ဃၣ်ကွံာ်ဒီးဘၣ်တၢ်ယီၢ်တံၢ်လီၤအီၤဒ်ကပံာ်လၢ ကျဲမုၢ်တဖၣ်အပူၤအန့ၣ်သိးလီၤ.

လံာ်မံကၤ 7:8

တၢ်ဂ့ၢ်တအိၣ်ဘၣ်နီတမံၤလၢပဒုၣ်ပဒါတဖၣ်ကသးခုခူသူၣ်လၢ ပဖီခိၣ်ဘၣ်. ပလီၤဃံၤတ့ၢ်လံ. ဘၣ်ဆၣ်ဒီးပကဂဲၤထၢၣ်က့ၤကဒီးလီၤ. ခဲအံၤပအိၣ်လၢတၢ်ခံးကျါဘၣ်ဆၣ်ဒီးယွၤကဟ့ၣ်ပှၤတၢ်ကပီၤလီၤ.

1 ကရံၣ်သူး 15:26

ဒုၣ်ဒါလၢခံကတၢၢ်တဂၤလၢအကဘၣ်တၢ်မၤနၢၤကွံာ်အီၤန့ၣ် မ့ၢ်ဝဲဒၣ်တၢ်သံလီၤ.

လံာ်လီၣ်ဖျါ 20:2

အဝဲဒၣ်ဖီၣ်ဃာ်ပယိၤ, ဂုၢ်သ့ၣ်လၢထံးလၢသီတဘိလၢ အမ့ၢ်မုၣ်ကီၤလံၢ်မ့တမ့ၢ်စၤတၣ်, ဒီးစၢဃာ်အီၤလၢအနံၣ် တကထိအတီၢ်ပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:1

ခံသီပူၤကွံာ်အလီၢ်ခံစီၤဒၤဝံးဒီးအပှၤတဖၣ် က့ၤတုၤကဒါက့ၤဆူဝ့ၢ်စံကလးလီၤ. ပှၤဧမၤလ့းဖိတဖၣ်ဟဲဂုာ်ဆူၣ်ပျိဆူၣ်ကီၢ်ယူဒၤ ကလံၤထံးဒီးဒုးဝ့ၢ်စံကလးလီၤ. အဝဲသ့ၣ်ဆူးကဲၤထီၣ်ကွံာ်ဝ့ၢ်န့ၣ်လၢမ့ၣ်အူ,

လံာ်စီၤၡမူၤအ့လးအခီၣ်ထံးတဘ့ၣ် 31:7

ဖဲပှၤအံၣ်စရ့ဖးဖိတဖၣ်လၢတၢ်တြီၤယံးစရ့လးအဘးခီဒီးထံကျိယၢ်ဒ့ၣ်အမုၢ်ထီၣ်တခီ နၢ်ဟူလၢပှၤအံၣ်စရ့လးဖိအသုးမုၢ်ထွးထီၣ်ဃ့ၢ်ကွံာ်ဒီး စီၤစီလူးဒီးအဖိခွါတဖၣ်ဘၣ်တၢ်မၤသံကွံာ် အီၤန့ၣ်, အဝဲသ့ၣ်ပာ်တ့ၢ်ကွံာ်အခူအဝ့ၢ်ဒီးထွးထီၣ်ဃ့ၢ်ကွံာ်ဝဲဒၣ်လီၤ. တုၤနုၤတစုပှၤဖလ့ၡသးဖိတဖၣ်ဟဲဒီးဟံးန့ၢ်ကွံာ်ဝ့ၢ်တဖၣ် န့ၣ်လီၤ.