စံးထီၣ်ပတြၢၤ 9:5 - Sgaw Karen Common Bible

⁵ နသိၣ်ဃီၣ်ပှၤလၢတဘူၣ်ထီၣ်ဘါထီၣ်နၤတဖၣ်, နမၤဟးဂီၤပှၤတတီတလိၤလံ. နတြူာ်ကွံာ်အမံၤလီၤစိၤလီၤထီလံ.

စံးထီၣ်ပတြၢၤ 9:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:23

ဖဲစီၤအဃံသဖ့ၤလးထံၣ်သ့ၣ်ညါဝဲလၢအတၢ်ဟ့ၣ်ကူၣ်တဘၣ်တၢ်မၤ ထွဲအီၤန့ၣ်, အဝဲဂီၤကၢ်ထီၣ်အကသ့ၣ်ယီၤဒီးက့ၤကဒါက့ၤဆူအဝ့ၢ်ဒၣ်ဝဲန့ၣ်လီၤ. တုၤအဝဲကျဲၤလီၤအဟံၣ်အဃီ အဂ့ၢ်အကျိၤဘၣ်ဘၣ်ဝံၤအလီၢ်ခံန့ၣ်, အဝဲစၢသံလီၤက့ၤအသးန့ၣ် လီၤ. အဝဲဘၣ်တၢ်ခူၣ်လီၤကွံာ်အီၤဖဲအဒူၣ်ဖိထၢဖိအသွၣ်ခိၣ်အပူၤန့ၣ်လီၤ.

စံးထီၣ်ပတြၢၤ 149:7

ဒ်သိးကမၤနၢၤကွံာ်ပှၤကလုာ်တဖၣ် ဒီးကစံၣ်ညီၣ်ပှၤဂီၢ်မုၢ်တဖၣ်,

စံးထီၣ်ပတြၢၤ 2:1

ဘၣ်မနုၤလၢပှၤကလုာ်တဖၣ် ကူၣ်ထီၣ်ဖးလီၤတၢ်ပူထီၣ်လီထီၣ်. ဒီးပှၤဂီၢ်မုၢ်တဖၣ်ကူၣ်ထီၣ်ဖးလီၤ တၢ်ကလီကလီဘၣ်မနုၤန့ၣ်လဲၣ်.

စံးထီၣ်ပတြၢၤ 5:6

နမၤဟးဂီၤပှၤလၢအကတိၤကဘျံးကဘျၣ်တၢ်လီၤ. ပှၤလၢအအဲၣ်ဒိးတၢ်ဂၢ်သွံၣ်ဂၢ်စီၤ, ဒီးပှၤလီတၢ်သ့ၣ်တဖၣ်န့ၣ် နသးဘၣ်အၢအီၤလီၤ.

စံးထီၣ်ပတြၢၤ 7:12

ပှၤမ့ၢ်တပီၢ်ယၢ်လီၤက့ၤအသးဘၣ်ဒီး ကစၢ်ယွၤကကျ့ထီၣ်အနးလီၤ. ဖ့ၣ်ထီၣ်လံအချံၣ်ဒီးကတဲာ်ကတီၤလံအီၤလံ.

စံးထီၣ်ပတြၢၤ 78:55

အဝဲဟီထီၣ်ကွံာ်ပှၤကလုာ်တဖၣ်လၢအပှၤဂီၢ်မုၢ် အမဲာ်ညါ ဒီးနီၤလီၤအထံအကီၢ်ဆူ အပှၤဂီၢ်မုၢ်ဒ် တၢ်န့ၢ်သါအသိးလၢအဝဲသ့ၣ်အဂီၢ်, ဒီးဒုးအိၣ်ဒုးဆိးအံၣ်စရ့လးအဒူၣ်တဖၣ် လၢအဝဲသ့ၣ်အဟံၣ်ပူၤန့ၣ်လီၤ.

စံးထီၣ်ပတြၢၤ 79:10

ဘၣ်မနုၤလၢပှၤကလုာ်တဖၣ်ကစံးဝဲ, “အကစၢ်ယွၤအိၣ်ဖဲလဲၣ်” န့ၣ်လဲၣ်. တၢ်မၤကၣ်နခ့နပှၤအသွံၣ်လၢအလူလီၤအသးန့ၣ်, မ်အအိၣ်ဖျါလၢပှၤကလုာ်တဖၣ်အကျါလၢပမဲာ်ညါန့ၣ်တက့ၢ်.

တၢ်ကတိၤဒိ. 10:7

ပှၤအဂ့ၤတဖၣ်န့ၣ်ကဘၣ်တၢ်သ့ၣ်နီၣ်ထီၣ်က့ၤအီၤဒ်တၢ်ဆိၣ်ဂ့ၤတမံၤ အသိးလီၤ. မ့မ့ၢ်ပှၤအၢပှၤသီတဂၤန့ၣ်တယံာ်ဘၣ်ဒီးကဘၣ် တၢ်သးပ့ၤနီၣ်ကွံာ်အီၤလီၤ.

တၢ်ကတိၤဒိ. 13:9

ပှၤတီပှၤလိၤတဖၣ်လီၤဂာ်ဒ်တၢ်ကပီၤလၢအကပီၤဝဲဆှံဆှံအသိး န့ၣ်လီၤ. မ့မ့ၢ်ပှၤတတီတလိၤတဖၣ်လီၤဂာ်ဒ်မ့ၣ်အူဒၢလၢ အလီၤပံာ်ကွံာ်ဝဲအသိးန့ၣ်လီၤ.

လံာ်ယံးရမံယၤ 49:38

ယကမၤဟးဂီၤအဝဲသ့ၣ်အစီၤပၤတဖၣ်ဒီး အခိၣ်အနၢ် တဖၣ်ဒီး ယကပာ်လီၤယလီၢ်ပစိာ်ဖဲန့ၣ်လီၤ.

လံာ်သးသယုၢ်တၢ် 3:58

နတုၤအိၣ်ယၤလၢတၢ်အုၣ်က့ၤခီၣ်က့ၤအဂီၢ်ဒီးယွၤဧၢ, နမၤပူၤဖျဲးယသးသမူလီၤ.

လံာ်မၤလကံ 4:3

မုၢ်တနံၤလၢယမၤတၢ်န့ၣ်, သုကမၤနၢၤကွံာ်ပှၤတတီတလိၤ, ဒီးအဝဲသ့ၣ်ကလီၤဂာ်ဒ်ဖၣ်ဆါလၢသုခီၣ်အဖီလာ်အသိးန့ၣ်လီၤ.

လံာ်သိၣ်လီၤသီလီၤတၢ် 9:14

ကျဲးစၢးတြီယၤတဂ့ၤ, ယပာ်လီၤယသးလၢယကမၤဟးဂီၤကွံာ်အဝဲ သ့ၣ်ဒ်သိးပှၤသုတသ့ၣ်နီၣ်ထီၣ်အဝဲသ့ၣ်နီတဂၤနီတစု လၢၤတဂ့ၤအဂီၢ်န့ၣ်လီၤ. ဒီးယကဒုးကဲထီၣ်နၤလၢပှၤတကလုာ်အပၢ်, ပှၤတကလုာ်လၢအဒိၣ်န့ၢ်, ဒီးအစိကမီၤဆူၣ်န့ၢ်ဒံးအဝဲသ့ၣ်တက့ၢ်န့ၣ်လီၤ.

လံာ်လီၣ်ဖျါ 19:15

လၢအဝဲဒၣ်အကိာ်ပူၤန့ၣ် နးလၢအကနၣ်အ့ၣ်တဘ့ၣ် ဟဲဖျိးထီၣ်, ဒီးလၢနးအဝဲအံၤန့ၣ်အဝဲကမၤနၢၤထံဧိၤကီၢ် ဧိၤတဖၣ်လီၤ. အဝဲဒၣ်ကပၢအဝဲသ့ၣ်လၢနီၣ်တီၢ်ထး, ဒီးအဝဲကယီၢ်ထီၣ်စပံးထံလၢနီၣ်စံၢ်စပံးသၣ်အကျိးဘၣ် ဃးဒီးသ့တၢ်လၢာ်ကစၢ်ယွၤအတၢ်သးထီၣ်, အပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:32

စီၤဒၤဝံးစံးဘၣ်အီၤ, “မ်ယွၤ, ကီၢ်အံၣ်စရ့လးအကစၢ်ယွၤလၢ အဆှၢလီၤနၤဒ်သိးနကထံၣ်လိာ်ဒီးယၤန့ၣ် ဘၣ်တၢ်စံးထီၣ်ပတြၢၤအီၤတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 25:39

တုၤစီၤဒၤဝံးနၢ်ဟူဘၣ်ဝဲလၢစီၤနၤဘလးသံန့ၣ်, အဝဲစံးဝဲ, “စံးထီၣ်ပတြၢၤယွၤတက့ၢ်. အဝဲဟ့ၣ်ကၣ်က့ၤလံ စီၤနၤဘလးလၢအမၤမဲာ်ဆှးယၤအဃိ, ဒီးပၢၤဃာ်ယၤလၢအမ့ၢ်အခ့ အပှၤ, လၢတၢ်မၤကမၣ်န့ၣ်လီၤ. ယွၤစံၣ်ညီၣ်လံစီၤနၤဘလးလၢအတၢ် အၢတၢ်သီအဃိလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 31:4

အဝဲစံးဘၣ်ပှၤသးစၢ်တဂၤလၢအစိာ်အစုကဝဲၤတဖၣ်န့ၣ်, “ထုးထီၣ်နနးဒီးမၤသံယၤဒ်သိးပှၤတစူၢ်တနာ်ယွၤ, ပှၤဖလ့ၡသးဖိတဖၣ်အံၤအသုတကတိၤဒိၣ်လီၤအကိာ်လၢယဖီခိၣ်ဒီး မၤသံယၤတဂ့ၤန့ၣ်တက့ၢ်.” ဘၣ်ဆၣ်ဒီးပှၤသးစၢ်တဂၤန့ၣ်ပျံၤတၢ်နးနးကလဲာ်လၢကမၤတၢ်အံၤ န့ၣ်လီၤ. မၤသးဒ်န့ၣ်ဒီး, စီၤစီလူးထုးထီၣ်အနးဒၣ်ဝဲဒီးဆဲးလီၤက့ၤ အသးလီၤ.