စံးထီၣ်ပတြၢၤ 9:17 - Sgaw Karen Common Bible

¹⁷ ကယဲၢ်ပှၤကလုာ်တဖၣ်လၢအသးပ့ၤနီၣ်ကစၢ်ယွၤခဲလၢာ်, ပှၤတတီတလိၤန့ၣ်ကဘၣ်က့ၤဆူပျုၤပူၤလီၤ.

စံးထီၣ်ပတြၢၤ 9:17 Iomraidhean Croise

လံာ်စီၤယိၤဘး 5:13

ကစၢ်ယွၤဖီၣ်န့ၢ်ပှၤလီတၢ်ဖိလၢအဝဲသ့ၣ်အတၢ်ကူၣ်လီတၢ်အကျဲ ဒၣ်ဝဲဒီးပှၤလီတၢ်အတၢ်ကူၣ်တၢ်ကျဲၤတဖၣ်န့ၣ်မၤကတၢၢ်ကွံာ် ဝဲချ့သဒံးန့ၣ်လီၤ.

လံာ်စီၤယိၤဘး 8:13

ပှၤလၢအတပျံၤကစၢ်ယွၤတဖၣ်န့ၣ်လီၤဂာ်ဒ်တပိၢ်တဖၣ်န့ၣ် အသိးလီၤ. တုၤအသးပ့ၤနီၣ်ကစၢ်ယွၤတဘျီဃီန့ၣ်အတၢ်မုၢ် လၢ်လၢာ်ကွံာ်ဝဲလီၤ.

စံးထီၣ်ပတြၢၤ 106:13

ဘၣ်ဆၣ်အဝဲသ့ၣ်သးပ့ၤနီၣ်အဝဲ အတၢ်မၤတဖၣ်ချ့သဒံး ဒီးမၤတၢ်တအိၣ်ဒီးတၢ်ခိး အဝဲတၢ်ဟ့ၣ်ကူၣ်ဟ့ၣ်ဖးဘၣ်န့ၣ်လီၤ.

စံးထီၣ်ပတြၢၤ 44:17

ကယဲၢ်တၢ်ခဲလၢာ်ဟဲဘၣ်ပှၤ ဖဲပတသးပ့ၤနီၣ်နၤအခါဒၣ်လဲာ်, မ့တမ့ၢ်ဖဲပတမၤဟးဂီၤဘၣ် တၢ်အၢၣ်လီၤအီလီၤလၢ နမၤတ့ၢ်ဒီးပှၤဒၣ်လဲာ်န့ၣ်လီၤ.

စံးထီၣ်ပတြၢၤ 44:20

ပမ့ၢ်ဆိကတီၢ်တ့ၢ်ပတၢ်ဘူၣ်ထီၣ်ဘါထီၣ်ကစၢ်ယွၤ ဒီးထုကဖၣ်ထီၣ်တၢ်ဆူပှၤတခီဘီမုၢ်အယွၤန့ၣ်ဒီး,

စံးထီၣ်ပတြၢၤ 49:14

အဝဲသ့ၣ် ကဘၣ်တၢ်စံၣ်ညီၣ်သံအီၤ ဃါမနၤဒ်သိအသိး, ဒီးတၢ်သံကမ့ၢ်အပှၤကွၢ်သိန့ၣ်လီၤ. ပှၤတီပှၤလိၤကမၤကွံာ်အီၤ, ဖဲအစိၣ်တဖၣ်ကအုၣ်ကွံာ်ချ့သဒံး လၢတၢ်သံအကီၢ်ပူၤယံၤဒီးအဟံၣ်န့ၣ်လီၤ. ပျုၤပူၤကမ့ၢ်အဟံၣ်အဃီန့ၣ်လီၤ.

စံးထီၣ်ပတြၢၤ 50:22

“ကွၢ်ဆိကမိၣ်တၢ်အံၤ, ပှၤလၢအသးပ့ၤနီၣ်ကစၢ်ယွၤသ့ၣ်ဧၢ, ယကအ့ၣ်ဖှီဘၣ်ဖုးသု ဒီးပှၤမၤပူၤဖျဲးတၢ်တအိၣ်ဘၣ်နီတဂၤဘၣ်.

တၢ်ကတိၤဒိ. 14:32

ပှၤအၢပှၤသီဟဲစိာ်အတၢ်လီၤပှီၢ်ဒၣ်ဝဲခီဖျိအတၢ်မၤအအၢအသီ တဖၣ်လီၤ. မ့မ့ၢ်ပှၤအဂ့ၤအဝါတဖၣ်န့ၣ်ဘၣ်တၢ်ဒီဒၣ်အီၤလၢအတၢ်လၢတၢ်ပှဲၤ အဃိလီၤ.

တၢ်ကတိၤဒိ. 5:22

ပှၤတတီတလိၤတဂၤအတၢ်ဒဲးဘးတဖၣ်မ့ၢ်ထုတခါဒီးအဝဲဘၣ်တၢ်ဖီၣ် န့ၢ်အီၤလၢအတၢ်ဒဲးဘးဒၣ်ဝဲအပျံၤသကွီၤန့ၣ်လီၤ.

လံာ်ယၡါယၤ 3:11

ဘၣ်ဆၣ်, ပှၤအၢပှၤသီတဖၣ်ဘၣ်တၢ်စံၣ်ညီၣ်ဃါမနၤလီၤ. တၢ်လၢအဝဲသ့ၣ်မၤဘၣ်တ့ၢ်ပှၤတဖၣ်န့ၣ်ခဲအံၤတၢ်ကမၤဘၣ်က့ၤ အဝဲသ့ၣ်လီၤ.

လံာ်ယၡါယၤ 5:14

ပှၤသံတဖၣ်အကီၢ်န့ၣ်သၣ်ဝံၤလီၤဒိလၢအဝဲသ့ၣ်ဒီးအိးထီၣ်အကိာ် ပူၤဖးလဲာ်န့ၣ်လီၤ. ယူၢ်လီၤကွံာ်ဝ့ၢ်ယရူၤၡလ့ၣ်အပှၤတူၢ်ဒိၣ်ကီၤဒိၣ် တဖၣ်ဃုာ်ဒီးပှၤမုၢ်ဆ့ၣ်မုၢ်ဂီၤလၢ အသီၣ်သဲပိၢ်ကလာ်တဖၣ်န့ၣ်လီၤ.

လံာ်ယံးရမံယၤ 13:25

အဝဲဒၣ်စံးတ့ၢ်ဝဲလၢတၢ်အံၤကမ့ၢ်နတၢ်ဘူၣ်တၢ်တီၢ်လီၤ. အအံၤမ့ၢ်တၢ်လၢအဝဲစံၣ်ညီၣ်တဲာ်တ့ၢ်လံဝဲလၢကမၤနၤဒ်လဲၣ် အဂ့ၢ်န့ၣ်လီၤ. အဂ့ၢ်ဒ်အံၤ, နသးပ့ၤနီၣ်ကွံာ် အီၤနသန့ၤတ့ၢ်နသးလၢကစၢ်တတီတလိၤတဖၣ်အဃိလီၤ.

လံာ်ယံးရမံယၤ 18:15

အန့ၣ်ဒၣ်လဲာ်ယပှၤဂီၢ်မုၢ်သးပ့ၤနီၣ်တ့ၢ်ယၤဒီးဆိၣ်ကဲၤထီၣ်တၢ်နၢမူ ဆူတၢ်ဂီၤတၢ်ဖီၣ်တဖၣ်အအိၣ်လီၤ. အဝဲသ့ၣ်အခီၣ်ဘၣ်တိၢ်လၢကျဲလၢအဝဲသ့ၣ်ကြၢးလဲၤဝဲအပူၤန့ၣ်လီၤ. အဝဲသ့ၣ်တပိာ်ထွဲလၢၤကျဲလီၢ်လံၤတဖၣ်လၢၤဘၣ်. အဝဲသ့ၣ်လဲၤတၢ်လၢကျဲဖိတဖၣ်လၢတၢ်တမၤနီၣ်ဘၣ်အီၤအပူၤန့ၣ်လီၤ.

လံာ်ယံးရမံယၤ 2:32

ပိာ်မုၣ်သးစၢ်တဂၤသးပ့ၤနီၣ်အတၢ်မျၢ်ပလဲမ့ၢ်ဂ့ၤ, တလးမူးပိာ်မုၣ် တဂၤသးပ့ၤနီၣ်အတၢ်တ့တၢ်ဖျီအတၢ်ကူတၢ်ကၤမ့ၢ်ဂ့ၤကသ့ဧါ. ဘၣ်ဆၣ်ဒီး, ယပှၤဂီၢ်မုၢ်သးပ့ၤနီၣ်တ့ၢ်ယၤလၢမုၢ်နံၤတဖၣ်လၢ တၢ်ဂံၢ်အီၤတသ့ဘၣ်ဒၣ်လဲာ်အပူၤန့ၣ်လီၤ.

လံာ်ယံးရမံယၤ 3:21

တၢ်ကလုၢ်တမံၤဘၣ်တၢ်နၢ်ဟူတ့ၢ်အီၤ လၢတၢ်လူၢ်တဖၣ်အဒီခိၣ်လီၤ. မ့ၢ်ကီၢ်အံၣ်စရ့လးအပှၤဂီၢ်မုၢ်အတၢ်ဟီၣ်တၢ်ယၢၤဒီးအတၢ်ဃ့သ ကွံၢ်ကညးတၢ်, မ့ၢ်လၢအဝဲသ့ၣ်အိၣ်မူတ့ၢ်လၢတၢ်ဒဲးဘးအပူၤ, ဒီးသးပ့ၤနီၣ်တ့ၢ်ယွၤ, အဝဲသ့ၣ်အကစၢ်ယွၤ အဃိန့ၣ်လီၤ.

လံာ်ယဃ့းစက့လး 22:16

ဒီးလၢတၢ်န့ၣ်အဃိ, ပှၤကလုာ်တဖၣ်ကဒုၣ်ဒွဲၣ်စံးအၢနၤ, ဘၣ်ဆၣ်နကသ့ၣ်ညါနဲလၢယမ့ၢ်ယွၤန့ၣ်လီၤ.”

လံာ်ဟိၤၡ့ 2:13

လၢတၢ်ဆၢကတီၢ်တဖၣ်လၢအဝဲသးပ့ၤနီၣ်ကွံာ်ယၤဖဲအဆိၣ်ကဲၤထီၣ် တၢ်နၢမူဆူဘဧၤလးဒီးကယၢကယဲထီၣ်အသးလၢအတၢ်မျၢ် ပလဲတဖၣ်ဒ်သိးကလူၤပိာ်ပှၤလၢအအဲၣ်ဝဲတဖၣ်အခံအဃိန့ၣ်, ယကစံၣ်ညီၣ်အီၤလီၤ. ယွၤကတိၤတ့ၢ်တၢ်လံ.

လံာ်လီၣ်ဖျါ 20:15

ပှၤတဂၤလၢ်လၢ်လၢအမံၤတအိၣ်ကွဲးအသးလၢလံာ်မူ အပူၤန့ၣ်, ဘၣ်တၢ်တ့ၢ်လီၤကွံာ်အီၤဆူနိၣ်မ့ၣ်အူအပူၤလီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”