စံးထီၣ်ပတြၢၤ 9:13 - Sgaw Karen Common Bible

¹³ သူၣ်ကညီၤသးကညီၤယၤယွၤဧၢ, ကွၢ်ယတၢ်နးတၢ်ဖှီၣ်လၢ ယဒုၣ်ယဒါမၤဘၣ်ယၤန့ၣ်တက့ၢ်. ယွၤဧၢ, ဒုးပူၤဖျဲးယၤလၢတၢ်သံ,

စံးထီၣ်ပတြၢၤ 9:13 Iomraidhean Croise

လံာ်တၢ်ကဲထီၣ်အခီၣ်ထံး 4:10

ဒီးယွၤစံးဘၣ်အီၤ, “ဘၣ်မနုၤလၢနမၤတၢ်လီၤပျံၤတမံၤအံၤ လဲၣ်. နပုၢ်အသွံၣ်ကိးထီၣ်ယၤလၢဟီၣ်ခိၣ်လာ်, လီၤဂာ်ဒ်တၢ်အကလုၢ်ကိးထီၣ်လၢတၢ်ဟ့ၣ်ကၣ်တၢ်အဂီၢ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 4:9

ဒီးယွၤသံကွၢ်စီၤကၤယံၣ်, “နပုၢ်စီၤဟ့းဘ့းလးန့ၣ်အိၣ်ဖဲလဲၣ်.” ဒီးအဝဲဒၣ်စံးဆၢဝဲ, “ယတသ့ၣ်ညါဘၣ်. နဆိကမိၣ်ယမ့ၢ်ပှၤဘၣ်ကွၢ် ထွဲယပုၢ်ဧါ.”

လံာ်စီၤပၤအခီၣ်ထံးတဘ့ၣ် 21:19

တဲဘၣ်အီၤလၢယၤ, ယွၤစံးဘၣ်အီၤ, ဖဲနမၤသံကွံာ်ပှၤတဂၤဝံၤ အလီၢ်ခံန့ၣ်, မ့ၢ်နကဟံးန့ၢ်ကွံာ်အတၢ်စုလီၢ်ခီၣ်ခိၣ်စ့ၢ်ကီးဧါ. တဲဘၣ်အီၤလၢအအံၤမ့ၢ်တၢ်လၢယစံးန့ၣ်တက့ၢ်. ဖဲတၢ်လီၢ်တတီၤဃီလၢထွံၣ်တဖၣ်လ့ၣ်ကွံာ်စီၤနၤဘိးအသွံၣ်န့ၣ် အဝဲသ့ၣ်ကလ့ၣ်ထီၣ်ကွံာ်နသွံၣ်စ့ၢ်ကီးန့ၣ်လီၤ.”

လံာ်စီၤပၤခံဘ့ၣ်တဘ့ၣ် 9:26

“ယထံၣ်တ့ၢ်တၢ်မၤသံစီၤနၤဘိးဒီးအဖိခွါတဖၣ်မဟါတနံၤန့ၣ် လီၤ. ဒီးယအၢၣ်လီၤယသးလၢယကစံၣ်ညီၣ်နၤဖဲအံၤ, လၢပျီတဘ့ၣ်ဃီအံၤအပူၤန့ၣ်လီၤ.” စီၤယ့ၤဟူမၤလိာ်အပှၤကွၢ်ထွဲမၤစၢၤအီၤ, “လၢတၢ်န့ၣ်အဃိ, ဟံးထီၣ်စီၤယဟိရၣ်အစိၣ်ဒီးတ့ၢ်လီၤကွံာ်အီၤဆူစီၤနၤဘိး အပျီပူၤလၢတၢ်မၤလၢထီၣ်ပှဲၤထီၣ်ယွၤအတၢ်အၢၣ်လီၤအဂီၢ်န့ၣ် တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 24:22

စီၤပၤသးပ့ၤနီၣ်ကွံာ်စီၤစကၤရယၤအပၢ်စီၤယဟိယဒါအတၢ်သးတီ အတၢ်မၤလၢအဟ့ၣ်တ့ၢ်အီၤ, ဒီးမၢပှၤမၤသံကွံာ်စီၤစကၤရယၤန့ၣ်လီၤ. ဖဲစီၤစကၤရယၤကသံအဆၢန့ၣ်, အဝဲကိးထီၣ်ဝဲ, “မ်ယွၤထံၣ်တၢ်လၢနမၤအီၤဒီးစံၣ်ညီၣ်နၤတ က့ၢ်.”

လံာ်စီၤနဃ့မယၤ 9:32

အိယွၤ, ပကစၢ်ယွၤဧၢ, နဒိၣ်ဝဲထီဝဲဆံးဒိၣ်လဲၣ်. နလီၤပျံၤဒီးနစိကမီၤဒိၣ်ဝဲဆံးဒိၣ်လဲၣ်. နဟံးဃာ်ဂၢၢ်ကျၢၤနတၢ်အၢၣ်လီၤလၢတၢ်သးတီ အပူၤလီၤ. စးထီၣ်လၢကီၢ်အၤၡူၢ်အစီၤပၤတဖၣ် မၤနးမၤဖှီၣ်ပှၤဒီး တုၤခဲကနံၣ်အံၤဒၣ်လဲာ်ပတူၢ်ဘၣ်ခီၣ်ဘၣ်တၢ်ထဲလဲၣ်. ပစီၤပၤတဖၣ်, ပခိၣ်ပနၢ်တဖၣ်, ပပှၤလုၢ်တၢ်အခိၣ်တဖၣ်, ပဝံတဖၣ်, ပမိၢ်ပၢ်ဖံဖုလၢပျၢၤတဖၣ်ဒီးပပှၤဂီၢ်မုၢ်တဖၣ်တူၢ်ဘၣ်တ့ၢ်လံ တၢ်န့ၣ်လီၤ. သ့ၣ်နီၣ်ထီၣ်ပတူၢ်ဘၣ်တ့ၢ်တၢ်ထဲလဲၣ်န့ၣ်တက့ၢ်.

စံးထီၣ်ပတြၢၤ 10:12

ယွၤဧၢ, ဂဲၤဆၢထၢၣ်တက့ၢ်. ကစၢ်ယွၤဧၢ, ယူာ်ထီၣ်နစုတက့ၢ်. သးပ့ၤနီၣ်ပှၤလၢအဘၣ်တၢ်မၤနးမၤဖှီၣ်အီၤ န့ၣ်တဂ့ၤ.

စံးထီၣ်ပတြၢၤ 107:18

အဝဲသ့ၣ်သးဘၣ်အၢတၢ်အီၣ်ခဲလၢာ် ဒီးအဝဲသ့ၣ်သုးဘူးအသးဆူ တၢ်သံအတြဲၤတဖၣ်န့ၣ်လီၤ.

စံးထီၣ်ပတြၢၤ 119:132

ဃၣ်နသးဆူယအိၣ်, ဒီးသူၣ်ကညီၤသးကညီၤယၤ ဒ်နညီနုၢ်မၤပှၤလၢ အအဲၣ်နမံၤအသိးန့ၣ်တက့ၢ်.

စံးထီၣ်ပတြၢၤ 119:153

ကွၢ်ယတၢ်နးတၢ်ဖှီၣ်, ဒီးမၤပူၤဖျဲးလၢ်ယၤတက့ၢ်. အဂ့ၢ်ဒ်အံၤ, နတၢ်သိၣ်တၢ်သီန့ၣ် ယတသးပ့ၤနီၣ်ဘၣ်.

စံးထီၣ်ပတြၢၤ 12:6

ယွၤအတၢ်အၢၣ်လီၤတဖၣ်တၢ်နာ်န့ၢ်အီၤသ့, ကဆှီဝဲဒ်စ့လၢအဘၣ်တၢ်ပှံၢ်ကဆှီထီၣ်အီၤ နွံဘျီလၢမ့ၣ်အူပူၤအသိးန့ၣ်လီၤ.

စံးထီၣ်ပတြၢၤ 13:3

ယွၤ, ယကစၢ်ယွၤဧၢ, ကွၢ်လီၤယၤ, ဒီးစံးဆၢယၤတက့ၢ်. ဒုးအိၣ်ထီၣ်က့ၤယဂံၢ်ယဘါ, ဒီးတဘၣ်ပျဲယသံတဂ့ၤ.

စံးထီၣ်ပတြၢၤ 142:6

ကနၣ်ယတၢ်ကိးထီၣ်လၢတၢ်မၤစၢၤအဂီၢ်တက့ၢ်. အဂ့ၢ်ဒ်အံၤ, ယလီၤဒးကွံာ်လၢ တၢ်သူၣ်ဟးဂီၤသးဟးဂီၤအပူၤလီၤ. မၤပူၤဖျဲးယၤလၢယဒုၣ်ယဒါသ့ၣ်တဖၣ်တက့ၢ်. အဝဲသ့ၣ်ဆူၣ်ကဲာ်ဆိးလၢယဂီၢ်န့ၣ်လီၤ.

စံးထီၣ်ပတြၢၤ 25:19

ကွၢ်တက့ၢ်. ယဒုၣ်ယဒါသ့ၣ်တဖၣ်အိၣ်ပှံၤဂၤလဲၣ်, ဒီးကွၢ်အဝဲသ့ၣ်သးဟ့ယၤထဲလဲၣ်န့ၣ်တက့ၢ်.

စံးထီၣ်ပတြၢၤ 30:3

ယွၤဧၢ, နထုးထီၣ်လံယသးသမူလၢတၢ်သံအကီၢ်, နဒုးမူဒံးယၤလၢ ယသုတလဲၤလီၤဘၣ်ဆူ တၢ်သံအကီၢ်ပူၤတဂ့ၤန့ၣ်လံ.

စံးထီၣ်ပတြၢၤ 38:19

ယဒုၣ်ယဒါသ့ၣ်တဖၣ်အိၣ်ဆူၣ်အိၣ်ချ့ ဒီးအဂံၢ်ဆူၣ်ဘါဆူၣ်ဝဲ ဒီးလၢတၢ်ဂ့ၢ်တအိၣ်နီတမံၤဘၣ်အပူၤန့ၣ်, ပှၤလၢအသးဟ့ယၤအိၣ်အါဂၤလီၤ.

စံးထီၣ်ပတြၢၤ 51:1

ကစၢ်ယွၤဧၢ, သူၣ်ကညီၤသးကညီၤလၢ်ယၤ, ဒ်နတၢ်အဲၣ်ဂၢၢ်ကျၢၤအိၣ်ဝဲအသိး, ဒီးဒ်နတၢ်သးကညီၤအိၣ်အါအါကလဲာ်အသိးန့ၣ် တြူာ်ကွံာ်ယတၢ်မၤကမၣ်တၢ်တဖၣ်န့ၣ်တက့ၢ်.

စံးထီၣ်ပတြၢၤ 56:13

အဂ့ၢ်ဒ်အံၤ, နမၤပူၤဖျဲးယသးလၢတၢ်သံ, ဒ်သိးယခီၣ်သုတလီၤတလံာ်တဂ့ၤ, ဒ်သိးယကလဲၤတၢ်လၢကစၢ်ယွၤအမဲာ်ညါလၢ ပှၤမူတဖၣ်အတၢ်ကပီၤအပူၤန့ၣ်လီၤ.

စံးထီၣ်ပတြၢၤ 86:13

နတၢ်အဲၣ်ဂၢၢ်ကျၢၤလၢယဂီၢ်အံၤဒိၣ်ဝဲဆံးဒိၣ်လဲၣ်. နအုၣ်က့ၤခီၣ်က့ၤတ့ၢ်လံယၤလၢ ပျုၤယိာ်အပူၤန့ၣ်လံ.

လံာ်ယၡါယၤ 38:10

ယဆိကမိၣ်တ့ၢ်လၢ, လၢတၢ်အိၣ်မူမုၢ်ထူၣ်အကတီၢ်န့ၣ်, ယလဲၤလီၤတ့ၢ်ဆူပှၤသံတဖၣ်အကီၢ်ပူၤဒီးတအိၣ်မူဘၣ်လၢၤ ယတၢ်အိၣ်မူနီတစုဘၣ်န့ၣ်လီၤ.

လံာ်သးသယုၢ်တၢ် 1:11

အပှၤဂီၢ်မုၢ်ကအုကစွါဖဲအဟးဃုန့ၢ်တၢ်တမံၤမံၤလၢကအီၣ်ဝဲ အဂီၢ် ဒီးဟ့ၣ်လဲလိာ်အတၢ်ထူးတၢ်တီၤတဖၣ်လၢတၢ်အီၣ် အဂီၢ်ဒ်သိးကအိၣ်မူဘၣ်ဒံးဝဲအဂီၢ်လီၤ. ဝ့ၢ်ယရူၤၡလ့ၣ်ကိးထီၣ် ဝဲ, “ကွၢ်ဃီၤယၤ, ယွၤဧၢ, ထံၣ်ယၤလၢယတၢ်ကိၢ်တၢ်ဂီၤအပူၤတက့ၢ်.”

လံာ်သးသယုၢ်တၢ် 1:9

အတၢ်တကဆှီဘၣ်န့ၣ်ဘၣ်တၢ်ထံၣ်အီၤညီကဒၣ်, ဘၣ်ဆၣ်ဒီးတပာ်သူၣ်ပာ်သးလၢတၢ်ကစံၣ်ညီၣ်အီၤဃါမနၤအဂ့ၢ်ဘၣ်. အတၢ်လီၤပှီၢ်မ့ၢ်တၢ်လီၤပျံၤလီၤဖုးလီၤ. ပှၤမၤမုာ်ထီၣ်အီၤတသ့နီတဂၤဘၣ်. အဒုၣ်အဒါတဖၣ်မၤနၢၤတၢ်လံ. ဒီးကိးပသူထီၣ်ဝဲဆူယွၤအအိၣ်လၢတၢ်သးကညီၤအဂီၢ်လီၤ.

လံာ်ယိၤဟၣ် 2:6

ပှၤယူဒၤဖိတဖၣ်အိၣ်ဒီးအလုၢ်အလၢ်လၢတၢ်မၤ ကဆှီသးအဂီၢ်ဒီးလၢတၢ်အံၤအဂီၢ်ထံကတံၤလၢၢ်လၢအတြီၢ်ဝဲ အပီၢ် ၃၀-၄၀ အိၣ်ဝဲဖဲန့ၣ်ဃုဖျၢၣ်လီၤ.