စံးထီၣ်ပတြၢၤ 9:12 - Sgaw Karen Common Bible

¹² ကစၢ်ယွၤသ့ၣ်နီၣ်ပှၤလၢအဘၣ်တၢ်နးတၢ်ဖှီၣ်, တသးပ့ၤနီၣ်အဝဲသ့ၣ်အတၢ်ကိးထီၣ်အီၤဘၣ်, ဒီးစံၣ်ညီၣ်ပှၤလၢအမၤကမၣ်အဝဲသ့ၣ်လီၤ.

စံးထီၣ်ပတြၢၤ 9:12 Iomraidhean Croise

လံာ်တၢ်ကဲထီၣ်အခီၣ်ထံး 9:5

ဒီးကယဲၢ်ပှၤတဂၤလၢ်လၢ်လၢအဟံးန့ၢ်ပှၤအသးသမူန့ၣ်ကဘၣ်တၢ်စံၣ် ညီၣ်အီၤလီၤ. ကယဲၢ်ဆၣ်ဖိကီၢ်ဖိတဒုဒုလၢအဟံးန့ၢ်ပှၤကညီအသးသမူန့ၣ် ယကစံၣ်ညီၣ်အီၤလၢတၢ်သံန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:4

ဒီးလီၤဆီဒၣ်တၢ်မ့ၢ်လၢအဝဲမၤသံကွံာ်ပှၤတဖၣ်လၢအတၢ်ကမၣ် တအိၣ်ဘၣ်အဃိန့ၣ်လီၤ. ယွၤပျၢ်ကွံာ်စီၤမနၤၡ့ၤအတၢ်ကမၣ်တကဲဘၣ်, လၢတၢ်ဂ့ၢ်န့ၣ်အဃိလီၤ.

စံးထီၣ်ပတြၢၤ 10:14

ဘၣ်ဆၣ်နထံၣ်နဲလီၤ. နပာ်သူၣ်ပာ်သးလၢ တၢ်ကီတၢ်ခဲဒီးတၢ်မၤကိၢ်မၤဂီၤ ဒ်သိးနကဟ့ၣ်ကၣ်တၢ်လၢနစုအဂီၢ်န့ၣ်လီၤ. ပှၤလၢပှၤမၤစၢၤအီၤတအိၣ်ဘၣ်န့ၣ် ဟ့ၣ်လီၤအသးလၢနစုပူၤ, နမ့ၢ်နဲပှၤမၤစၢၤပှၤလၢ အလိၣ်ဘၣ်တၢ်မၤစၢၤထီဘိန့ၣ်လီၤ.

စံးထီၣ်ပတြၢၤ 10:17

ယွၤဧၢ, နကဒိကနၣ်ပှၤလၢ အဆီၣ်လီၤအသးအတၢ်ထုကဖၣ်န့ၣ်လီၤ. နကမၤဆူၣ်ထီၣ်အသးအဂံၢ်အဘါလီၤ.

စံးထီၣ်ပတြၢၤ 102:17

အဝဲကဒိကနၣ်ပှၤဖှီၣ်ဖိယာ်ဖိအတၢ်ထုကဖၣ် ဒီးတမၤတရီတပါဘၣ်အတၢ်ဃ့သကွံၢ်ကညးန့ၣ်ဘၣ်.

စံးထီၣ်ပတြၢၤ 132:13

ယွၤဃုထၢတ့ၢ်လံစံယိၣ်, ဒီးအဝဲ အဲၣ်ဒိးဒုးကဲထီၣ်အီၤလၢ အဟံၣ်န့ၣ်လီၤ.

စံးထီၣ်ပတြၢၤ 22:24

အဝဲတမ့ၢ်ပှၤလၢအကွၢ်ယပာ်ကွံာ်ပှၤဖှီၣ်ဖိယာ်ဖိ မ့တမ့ၢ်တပာ်သ့ၣ်ညါအသးလၢအဝဲသ့ၣ် အတၢ်နးတၢ်ဖှီၣ်န့ၣ်ဘၣ်. အဝဲတဃၣ်ဒူချၢအသးလၢအဝဲသ့ၣ်ဘၣ်, ဘၣ်ဆၣ်ဖဲအဝဲသ့ၣ်ကိးထီၣ်လၢ တၢ်မၤစၢၤအဂီၢ်န့ၣ်, အဝဲစံးဆၢဝဲဒၣ်လီၤ.”

စံးထီၣ်ပတြၢၤ 34:6

ပှၤဖှီၣ်ယာ်တဂၤအံၤကိးထီၣ်ဝဲ, ဒီးယွၤနၢ်ဟူအီၤ, ဒီးမၤပူၤဖျဲးအီၤလၢ အတၢ်ကိၢ်တၢ်ဂီၤခဲလၢာ်န့ၣ်လီၤ.

စံးထီၣ်ပတြၢၤ 68:17

ယွၤဟဲလၢစံၤနါဆူတၢ်လီၢ်စီဆှံ ဃုာ်ဒီးအလ့ၣ်ကဟၣ်လၢအအိၣ်ဒီး အစိကမီၤ အကထိတဖၣ်အကထိန့ၣ်လီၤ.

စံးထီၣ်ပတြၢၤ 74:2

သ့ၣ်နီၣ်ထီၣ်က့ၤနပှၤဂီၢ်မုၢ်, ပှၤလၢနဃုထၢတ့ၢ်လံလၢနဂီၢ်လၢပျၢၤ, လၢနထုးထီၣ်ကွံာ်အီၤလၢကုၢ်အလီၢ် လၢကကဲထီၣ်နဒူၣ်ဖိထၢဖိဒၣ်နဲန့ၣ်တက့ၢ်. သ့ၣ်နီၣ်ထီၣ်က့ၤကစၢၢ်စံယိၣ်, လၢတဘျီနအိၣ်နဆိးတ့ၢ်နဲန့ၣ်တက့ၢ်.

စံးထီၣ်ပတြၢၤ 76:3

အဝဲမၤကၢ်ကွံာ်အဒုၣ်အဒါတဖၣ်အပျၢ်, အကတီၤဒီးအနးတဖၣ်ဒီးကယဲၢ်အဝဲသ့ၣ် အစုကဝဲၤခဲလၢာ်ဖဲန့ၣ်လီၤ. စ့လၤ

လံာ်တၢ်ဟးထီၣ်ကွံာ် 3:7

တုၤနုၤတစုယွၤစံးဝဲဒၣ်, “ယထံၣ်တ့ၢ်လံယပှၤဂီၢ်မုၢ်တဖၣ်ဘၣ် တၢ်မၤအၢမၤနးအီၤလၢကီၢ်အဲၤကူပတူးအပူၤန့ၣ်လီၤ. ယနၢ်ဟူတ့ၢ်အဝဲသ့ၣ်ကိးထီၣ်တၢ်မၤပူၤဖျဲးအီၤလၢကုၢ်ကစၢ်တဖၣ် အစုပူၤန့ၣ်လီၤ. ယသ့ၣ်ညါအဝဲသ့ၣ်အတၢ်တူၢ်ဘၣ်ခီၣ်ဘၣ်ခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 3:9

ဒီးခဲကနံၣ်အံၤယနၢ်ဟူတ့ၢ်ယပှၤဂီၢ်မုၢ်အတၢ်ကိးထီၣ်ဒီးယထံၣ် ပှၤအဲၤကူပတူးဖိတဖၣ်အတၢ်မၤနးမၤဖှီၣ်အဝဲသ့ၣ်န့ၣ်လီၤ.

လံာ်ယၡါယၤ 26:21

ယွၤကဟဲဝဲလၢအလီၢ်ပစိာ်လၢမူခိၣ်ဒ်သိးကစံၣ်ညီၣ်ပှၤဂီၢ်မုၢ်လၢ ဟီၣ်ခိၣ်အံၤလၢအဝဲသ့ၣ်အတၢ်ဒဲးဘးဒၣ်ဝဲအဃိလီၤ. တၢ်မၤသံမၤဝီတဖၣ်လၢတၢ်မၤတ့ၢ်အီၤလၢတၢ်ခူသူၣ်အပူၤလၢ ဟီၣ်ခိၣ်အံၤ, ကဘၣ်တၢ်မၤဖျါထီၣ်အီၤလီၤ. ဒီးဟီၣ်ခိၣ်တပာ်ခူသူၣ်လၢၤပှၤလၢအဘၣ်တၢ်မၤသံတ့ၢ်အီၤ တဖၣ်လၢၤဘၣ်.

လံာ်ယၡါယၤ 8:18

ကွၢ်ကွၢ်, ယအိၣ်ဒီးဖိတဖၣ်လၢယွၤဟ့ၣ်လီၤတ့ၢ်ယၤလီၤ. ယွၤ, သ့တၢ်လၢာ်ကစၢ်, လၢအလီၢ်ပစိာ်အိၣ်လၢကစၢၢ်စံ ယိၣ်အလိၤ, ဆှၢလီၤတ့ၢ်န့ၢ်ပှၤတၢ်ကစီၣ်အမူတဖၣ်ဆူအံၣ်စရ့လး အပှၤဂီၢ်မုၢ်အအိၣ်လီၤ.

လံာ်မးသဲ 23:35

လၢတၢ်န့ၣ်အဃိ, တၢ်စံၣ်ညီၣ်ဃၣ်ဘၣ်ဃးဒီးတၢ်မၤသံပှၤလၢအတၢ်ကမၣ်တအိၣ်ဘၣ်, စးထီၣ်လၢတၢ်မၤသံကွံာ်စီၤဟ့းဘ့းလးလၢအတၢ်ကမၣ်တအိၣ်ဘၣ်, တုၤလီၤလၢတၢ်မၤသံကွံာ်စီၤဘရ့ကယၤအဖိခွါစီၤစကၤရယၤလၢ သုမၤသံကွံာ်အီၤလၢတၢ်လီၢ်စီဆှံဒီးတၢ်လုၢ်လီၢ်အဘၢၣ်စၢၤန့ၣ်, ကလီၤတီလၢသုလိၤလီၤ.

လံာ်လီၣ်ဖျါ 16:6

အဝဲသ့ၣ်လူလီၤဂၢ်လီၤကစၢ်ယွၤအပှၤစီဆှံဒီးအဝံတဖၣ် အသွံၣ်, ဒီးလၢတၢ်န့ၣ်အဃိနဟ့ၣ်တ့ၢ်အဝဲသ့ၣ်တၢ်သွံၣ်လၢ အကအီဝဲအဂီၢ်လီၤ. အဝဲသ့ၣ်ဒိးန့ၢ်ဘၣ်တၢ်လၢအကြၢးဝဲဒီး အီၤလီၤ.”

လံာ်ပှၤစံၣ်ညီၣ်ကွီၢ် 10:16

မၤသးဒ်န့ၣ်ဒီး, အဝဲသ့ၣ်စူးကွံာ်ပှၤတခီဘီမုၢ်ဖိအကစၢ်တဖၣ်, ဒီးဘူၣ်ထီၣ်ဘါထီၣ်ယွၤဒီးယွၤအသးဘၣ်ကိၢ်ဘၣ်ဂီၤလၢ အံၣ်စရ့လးအတၢ်နးတၢ်ဖှီၣ်အဃိလီၤ.