စံးထီၣ်ပတြၢၤ 89:45 - Sgaw Karen Common Bible

⁴⁵ နဒုးဖျါပှၢ်အီၤန့ၢ်ဒံးအနံၣ်အလါ အမ့ၢ်အတီ ဒီးလုၣ်ဘၢအီၤဒီး တၢ်လီၤမဲာ်ဆှးန့ၣ်လီၤ. စ့လၤ

စံးထီၣ်ပတြၢၤ 89:45 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 10:19

စးထီၣ်လၢန့ၣ်လံၤလံၤအံၣ်စရ့လးအကလံၤစိးအပှၤဂီၢ်မုၢ်တဖၣ် အိၣ်ဝဲလၢတၢ်ပူထီၣ်ထီဒါစီၤဒၤဝံးအစၢၤအသွဲၣ်အတၢ်ပၢတၢ် ပြးအပူၤန့ၣ်လီၤ.

စံးထီၣ်ပတြၢၤ 102:23

ယွၤမၤစၢ်လီၤဝဲယဂံၢ်ယဘါဖဲယသးစၢ်ဒံးအခါ ဒီးမၤဖုၣ်လီၤယသးသမူန့ၣ်လီၤ.

စံးထီၣ်ပတြၢၤ 109:29

မ်ယဒုၣ်ယဒါတဖၣ်ဘၣ်တၢ်ကျၢၢ်ဘၢအီၤလၢ တၢ်မၤမဲာ်ဆှးန့ၣ်တက့ၢ်. မ်အဝဲသ့ၣ်ကသိးထီၣ်အတၢ်မဲာ်ဆှး လီၤဂာ်ဒ်ဆ့ကၤတဘ့ၣ်အသိးန့ၣ်တက့ၢ်.

စံးထီၣ်ပတြၢၤ 44:15

ထီဘိယအိၣ်ယဲလၢတၢ်မဲာ်ဆှးအပူၤ, ယဘၣ်တၢ်လုၣ်ဘၢယၤလၢတၢ်မဲာ်ဆှး,

စံးထီၣ်ပတြၢၤ 71:13

ပှၤလၢအဃုယသး ဒ်သိးကမၤဟးဂီၤယၤန့ၣ် မ်အဘၣ်တၢ်မဲာ်ဆှးဒီးဟးဂီၤကွံာ်န့ၣ်တက့ၢ်. ပှၤလၢအဃုယတၢ်ဟးဂီၤတဖၣ်န့ၣ် မ်အဘၣ်တၢ်လုၣ်ဘၢကွံာ်အီၤလၢတၢ်ဒုၣ်ဒွဲၣ်, ဒီးတၢ်မၤမဲာ်ဆှးန့ၣ်တက့ၢ်.

လံာ်ယၡါယၤ 63:18

ပဝဲနပှၤဂီၢ်မုၢ်, ဘၣ်တၢ်နီၣ်ဟးထီၣ်ကွံာ်အီၤလၢပဒုၣ်ပဒါတဖၣ် တစိၢ်တလီၢ်, အဝဲသ့ၣ်ယီၢ်တံၢ်လီၤနတၢ်လီၢ်စီဆှံလီၤ.

လံာ်သးသယုၢ်တၢ် 2:1

ယွၤ, လၢအတၢ်သးဒိၣ်အပူၤကးဘၢတ့ၢ်ကစၢၢ်စံယိၣ်လၢတၢ်ခံးတၢ် နၤလီၤ. အတၢ်ကဟုကညီၢ်ဒ်လၢမူခိၣ်အသိးန့ၣ်, ယွၤဘိးဃၣ်ကွံာ်ဝဲဆူတၢ် ဟးဂူာ်ဟးဂီၤတဖၣ်အပူၤလီၤ. လၢအတၢ်သးဒိၣ်အမုၢ်တနံၤန့ၣ်ညိကွံာ်အတၢ်လုၢ်ဟံၣ်ဒၣ်လဲာ်လီၤ.

လံာ်မံကၤ 7:10

တုၤနုၤတစုပဒုၣ်ပဒါတဖၣ်, ပှၤတဖုဃီလၢအဒုၣ်ဒွဲၣ် တ့ၢ်ပှၤဒီးစံး, “သုယွၤ, သုကစၢ်ယွၤအိၣ်ဖဲလဲၣ်” န့ၣ်, ကသ့ၣ်ညါနၢ်ပၢၢ်တၢ်အံၤဒီးကဘၣ်တၢ်မၤမဲာ်ဆှးအီၤလီၤ. ပကထံၣ်ဘၣ်အဝဲသ့ၣ်ဃၣ်ကွံာ်ဒီးဘၣ်တၢ်ယီၢ်တံၢ်လီၤအီၤဒ်ကပံာ်လၢ ကျဲမုၢ်တဖၣ်အပူၤအန့ၣ်သိးလီၤ.