စံးထီၣ်ပတြၢၤ 89:36 - Sgaw Karen Common Bible

³⁶ ထီဘိအဝဲကအိၣ်ဒီးအစၢၤအသွဲတဖၣ် ဒီးယကအံးလီၤကွၢ်လီၤအဘီအမုၢ် ယံာ်ဝဲထဲသိးမုၢ်အတၢ်ကပီၤအိၣ်ဝဲန့ၣ်လီၤ.

စံးထီၣ်ပတြၢၤ 89:36 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:9

ယွၤအၢၣ်လီၤတ့ၢ်စီၤဒၤဝံးလၢအဝဲကဟံးထီၣ်ကွံာ်ဘီမုၢ်လၢ စီၤစီလူးဒီးအစၢၤအသွဲၣ်တဖၣ်အစုပူၤဒီးကဒုးကဲထီၣ်စီၤဒၤ ဝံးလၢစီၤပၤလၢကီၢ်အံၣ်စရ့လးဒီးကီၢ်ယူဒၤခံဘ့ၣ်လိာ်အဖီ ခိၣ်စးထီၣ်လၢကီၢ်ဆၢအကတၢၢ်တခီတုၤဆူကီၢ်ဆၢအဂၤတခီ အကတၢၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:16

နကအိၣ်ဒီးနစၢၤနသွဲၣ်တဖၣ်ထီဘိ, ဒီးယကဒုးအိၣ်ဂၢၢ်ဆိးကျၢၤ နဘီနမုၢ်လီၤထူလီၤယိာ်လီၤ. နစၢၤနသွဲၣ်အတၢ်ပၢတၢ်ပြးန့ၣ်အကတၢၢ်တအိၣ်ဘၣ်နီတစု ဘၣ်.”

စံးထီၣ်ပတြၢၤ 72:17

မ်စီၤပၤအမံၤကအိၣ်လီၤထူလီၤယိာ်, အတၢ်မံၤဟူသၣ်ဖျါကအိၣ်ဝဲတထံၣ်ဃီ ဒ်မုၢ်အိၣ်ဝဲအသိး, မ်ပှၤကိးကလုာ်ဒဲးဘၣ်ဆိၣ်ဂ့ၤခီဖျိအီၤဒီးအဝဲသ့ၣ် ကကိးအီၤလၢ ပှၤဘၣ်ဆိၣ်ဂ့ၤန့ၣ်လီၤ.

စံးထီၣ်ပတြၢၤ 72:5

မ်ပှၤကပျံၤနၤဖဲမုၢ်ဒီးလါအိၣ်ဝဲအဖၢမုၢ် အစိၤစိၤအဃၣ်ဃၣ်န့ၣ်တက့ၢ်.

စံးထီၣ်ပတြၢၤ 89:29

အဝဲအစီၤပၤအစၢၤအသွဲၣ်အတၢ်ပၢဘၣ်န့ၣ် ကအိၣ်ဂၢၢ်ကျၢၤဝဲဒ်မူခိၣ်အသိး, ထီဘိအဝဲအစၢၤအသွဲၣ်တဂၤ ကကဲဘၣ်စီၤပၤန့ၣ်လီၤ.

စံးထီၣ်ပတြၢၤ 89:4

အစၢၤအသွဲၣ်တဂၤကမ့ၢ်စီၤပၤ ထီဘိတထံၣ်ဃီဒီး ယကဒုးအိၣ်ဂၢၢ်ကျၢၤအဘီအမုၢ် အစိၤစိၤအဃၣ်ဃၣ်န့ၣ်လီၤ. ” စ့လၤ

လံာ်ယၡါယၤ 53:10

ယွၤစံးဝဲဒၣ်, “မ့ၢ်တၢ်ဘၣ်ယသးလၢအဝဲကဘၣ်တူၢ်တၢ်လီၤ. အတၢ်သံ န့ၣ်မ့ၢ်တၢ်လုၢ်တၢ်ပာ်တမံၤလၢကဟဲစိာ်တၢ်ပျၢ်တၢ်ကမၣ်အဂီၢ်လီၤ. မၤသးဒ်န့ၣ်ဒီး, အဝဲကထံၣ်ဘၣ်အစၢၤအသွဲၣ်တဖၣ်လီၤ. အဝဲကအိၣ်မူတၢ်အိၣ်မူအိၣ်ကၢအိၣ်ခိး ဒီးခီဖျိအီၤန့ၣ်, ယတၢ်တိာ်ကလၢထီၣ်ပှဲၤထီၣ်ဝဲလီၤ.

လံာ်ယၡါယၤ 59:21

ဒီးယမၤတၢ်အၢၣ်လီၤအီလီၤတမံၤဒီးသု, ယဟ့ၣ်လီၤတ့ၢ်သုယတၢ်စိတၢ်ကမီၤဒီးယတၢ်သိၣ်လိသီလိ တဖၣ်လၢကမ့ၢ်သုတၢ်လီၤစိၤလီၤဃၣ်, ဒီးစးထီၣ်ခဲအံၤဒီးဆူညါန့ၣ်, သုကဘၣ်စူၢ်ယၤဒီးသိၣ်လိသီလိ သုဖိတဖၣ်ဒီးသုစၢၤသုသွဲၣ်တဖၣ်လၢကစူၢ်ယွၤ လၢဆၢကတီၢ်ကဟဲ, ကိးဆၢကိးကတီၢ်ဒဲးန့ၣ်လီၤ.”

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ယံးရမံယၤ 33:21

ဒ်န့ၣ်အသိး, ယမၤတ့ၢ်စ့ၢ်ကီး တၢ်အၢၣ်လီၤအီလီၤတမံၤဒီး ယခ့ယပှၤစီၤဒၤဝံး, လၢထီဘိအဝဲကအိၣ်ဒီး အစၢၤအသွဲၣ် တဂၤ လၢကကဲစီၤပၤအဂီၢ်, ဒီးယမၤတၢ်အၢၣ်လီၤအီလီၤတမံၤဒီး ပှၤလုၢ်တၢ်အခိၣ်တဖၣ်လၢ လ့ၤဝံအဒူၣ်တခီလၢ ထီဘိအဝဲ သ့ၣ်ကမၤယတၢ်မၤန့ၣ်လီၤ. ဒီးတၢ်အၢၣ်လီၤအီလီၤတဖၣ်အံၤ တၢ်မၤဟးဂီၢ်အီၤတန့ၢ်ဘၣ်နီတစုဘၣ်.

လံာ်ဧၤမိၣ် 4:2

ဒ်တၢ်စိတၢ်ကမီၤခဲလၢာ်အယွၤမ့ၢ်တၢ်စီတၢ်ဆှံအသိးန့ၣ်, အဝဲအၢၣ်လီၤတ့ၢ်ဝဲလၢ, မုၢ်နံၤတဖၣ်ကဟဲဝဲလၢသုကဘၣ်တၢ်ထုးသု လၢထးကွးတဖၣ်, ဒီးသုဝဲကိးဂၤဒဲးသုကလီၤဂာ်ဒီးညၣ်အိၣ် လၢတခွဲကနၣ်အလိၤန့ၣ်လီၤ.

လံာ်လူၤကၣ် 1:33

ဒီးအဝဲဒၣ်ကကဲထီၣ်စီၤယၤကိာ်အစၢၤအသွဲၣ်တဖၣ်အစီၤပၤလီၤ ထူလီၤယိာ်ဒီးအဘီအမုၢ်တကတၢၢ်ဝဲနီတစုဘၣ်လီၤ.”

လံာ်ယိၤဟၣ် 12:34

ပှၤဂီၢ်မုၢ်စံးဆၢတၢ်ဒီးစံးဝဲ, “ပတၢ်သိၣ်တၢ်သီစံးဘၣ်ပှၤလၢ ခရံာ်ကမူဝဲလီၤစိၤလီၤထီလီၤ. မ့မ့ၢ်ဒ်န့ၣ်ဒီး, နစံးလၢပှၤကညီဖိခွါကဘၣ်တၢ်ယူာ်ထီၣ်အီၤန့ၣ်ကသ့ဒ်လဲၣ်. ပှၤကညီဖိခွါအံၤမ့ၢ်မတၤတဂၤလဲၣ်.”