စံးထီၣ်ပတြၢၤ 89:2 - Sgaw Karen Common Bible

² အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤအိၣ်ဝဲ အစိၤစိၤအဃၣ်ဃၣ်ဒီး နတၢ်သူၣ်တီသးလိၤအိၣ်ဂၢၢ်ဆိးကျၢၤဝဲဒ် မူခိၣ်အသိးလီၤ.

စံးထီၣ်ပတြၢၤ 89:2 Iomraidhean Croise

လံာ်စီၤနဃ့မယၤ 1:5

ဒီးယစံး, ယွၤ, မူခိၣ်အကစၢ်ယွၤဧၢ, နဒိၣ်ဝဲနီၢ်မးလီၤ. ဒီးပဆၢထၢၣ်လၢတၢ်ပျံၤတၢ်ဖုးအပူၤလၢနခီၣ်ထံးမဲာ်ညါလီၤ. နဟံးဃာ်ဂၢၢ်ကျၢၤနတၢ်အၢၣ်ဒီးလၢပှၤလၢအအဲၣ်နၤဒီးပှၤလၢအလူၤ ထွဲနတၢ်မၤလိာ်န့ၣ်လီၤ.

လံာ်စီၤနဃ့မယၤ 9:17

အဝဲသ့ၣ်ဂ့ၢ်လိာ်ဝဲလၢကစူၢ်တၢ်, အဝဲသ့ၣ်သးပ့ၤနီၣ်ကွံာ်တၢ်လၢနမၤတ့ၢ်ခဲလၢာ်လီၤ. အဝဲသ့ၣ်သးပ့ၤနီၣ်ကွံာ်လံတၢ်လီၤလးတဖၣ်လၢနမၤတ့ၢ်ဝဲ န့ၣ်လီၤ. လၢအတၢ်ပာ်ထီၣ်ထီသးအပူၤန့ၣ်အဝဲသ့ၣ်ဃုထၢအခိၣ်အနၢ်တဂၤလၢ ကဆှၢကဒါက့ၤအဝဲသ့ၣ်ဆူတၢ်မၢကဲကုၢ်အလီၢ်လၢကီၢ်အဲၤကူပတူး အပူၤန့ၣ်လီၤ. ဘၣ်ဆၣ်နမ့ၢ်နဲကစၢ်ယွၤတဂၤလၢအပျၢ်တၢ်ကမၣ်, နပှဲၤဒီးတၢ်ဘျုးတၢ်ဖှိၣ်ဒီးတၢ်အဲၣ်, ဒီးနတသးထီၣ်ညီကဒၣ်ဘၣ်. နတၢ်သူၣ်ကညီၤသးကညီၤန့ၣ်ဒိၣ်ဝဲဒီးနတလဲၤသဒၣ်အဝဲသ့ၣ်ဘၣ်.

လံာ်စီၤနဃ့မယၤ 9:31

ဘၣ်ဆၣ်ဒီးလၢနတၢ်သးကညီၤဒိၣ်ဝဲအဃိ, နတလဲၤသဒၣ်အဝဲသ့ၣ်မ့ၢ်ဂ့ၤ, မၤဟးဂီၤကွံာ်အဝဲသ့ၣ်မ့ၢ်ဂ့ၤဘၣ်. နမ့ၢ်ကစၢ်ယွၤတဂၤလၢအသးအိၣ်တၢ်ဒီး အသးကညီၤတၢ်န့ၣ်လီၤ.

စံးထီၣ်ပတြၢၤ 103:17

မ့မ့ၢ်ယွၤအတၢ်အဲၣ်ဂၢၢ်ကျၢၤအိၣ်ဝဲလၢ ပှၤလၢအပျံၤအီၤတဖၣ်အလိၤလီၤစိၤလီၤထီ ဒီးအတၢ်ဂ့ၤတၢ်ဝါန့ၣ်အိၣ်ဂၢၢ်ဆိးကျၢၤကိးစိၤဒဲး,

စံးထီၣ်ပတြၢၤ 119:89

ယွၤဧၢ, နကလုၢ်ကထါအိၣ်ဂၢၢ်ဆိးကျၢၤလၢ မူခိၣ်အပူၤလီၤစိၤလီၤထီလီၤ.

စံးထီၣ်ပတြၢၤ 146:6

ယွၤမ့ၢ်ပှၤလၢအတ့လီၤမူခိၣ်, ဟီၣ်ခိၣ်, ဒီးပီၣ်လဲၣ်, ဒီးကယဲၢ်တၢ်အိၣ်လၢအပူၤ, လၢအတီဒီး အတၢ်အၢၣ်လီၤအီလီၤ လီၤထူလီၤယိာ်,

စံးထီၣ်ပတြၢၤ 36:5

ယွၤဧၢ, နတၢ်အဲၣ်ဂၢၢ်ကျၢၤ, ထီၣ်ဘးဆူမူခိၣ်, နတၢ်သးတီန့ၣ်တုၤလၢမူကပိာ်လိၤန့ၣ်လီၤ.

စံးထီၣ်ပတြၢၤ 40:11

ယွၤဧၢ, မ်နသုတထုးကွံာ်နတၢ်သးကညီၤလၢယၤတဂ့ၤ. မ်နတၢ်အဲၣ်ဂၢၢ်ကျၢၤဒီးနတၢ်သူၣ်တီသးတီ ပၢၤယၤတထံၣ်ဃီတက့ၢ်.

စံးထီၣ်ပတြၢၤ 42:1

ကစၢ်ယွၤဧၢ, ဒ်တၤဟိဆၢန့ၢ်ထံကျိဖိလၢ အယွၤလီၤအသိး, ယသးဆၢန့ၢ်ဘၣ်နၤလီၤ.

စံးထီၣ်ပတြၢၤ 89:37

ဒ်လါအသိးန့ၣ်ကအိၣ်ဂၢၢ်ဆိးကျၢၤလီၤထူလီၤယိာ် ဒ်တၢ်အုၣ်အသးအတီလၢမူခိၣ်အသိးန့ၣ်လီၤ.” စ့လၤ

စံးထီၣ်ပတြၢၤ 89:5

ယွၤဧၢ, မ်မူခိၣ်စံးထီၣ်ပတြၢၤနတၢ်မၤလီၤလးဒီး နတၢ်သူၣ်တီသးလိၤလၢ ပှၤစီဆှံအတၢ်အိၣ်ဖှိၣ်ရိဖှိၣ်အပူၤတက့ၢ်.

လံာ်တၢ်ဂံၢ် 23:19

ကစၢ်ယွၤန့ၣ်တလီၤဂာ်ဒီးပှၤကညီတဖၣ်လၢအလီတၢ်ဘၣ်. အဝဲတမ့ၢ်ပှၤကညီတဂၤလၢအလဲလိာ်ကွံာ်အတၢ်ပာ်သးန့ၣ်ဘၣ်. ကယဲၢ်တၢ်လၢအအၢၣ်လီၤအီလီၤတ့ၢ်ဝဲန့ၣ်အဝဲမၤဝဲလီၤ. အဝဲကတိၤတၢ်ဒီးတၢ်မၤအသးန့ၣ်လီၤ.

လံာ်မးသဲ 24:35

မူခိၣ်ဒီးဟီၣ်ခိၣ်ကလဲၤပူၤကွံာ်ဝဲ, မ့မ့ၢ်ယကလုၢ်ယကထါတဖၣ်တလဲၤပူၤကွံာ်နီတဘျီဘၣ်.

လံာ်လူၤကၣ် 1:50

အဝဲဒၣ်ဒုးနဲၣ်တၢ်သးကညီၤလၢ ပှၤမၤလၤကပီၤအီၤသ့ၣ်တဖၣ်အဖီခိၣ် လၢပှၤတစိၤဘၣ်တစိၤန့ၣ်လီၤ.

ဧ့ၤဘြံၤ 6:18

လၢတၢ်လၢအလဲလိာ်အသးတသ့ဘၣ်, လၢယွၤကတိၤကဘျံးကဘျၣ်လၢအဂ့ၢ်တသ့ဘၣ်, ခံမံၤအံၤအဃိပှၤလၢအဒိးန့ၢ်လံတၢ်ပူၤဖျဲးလၢ အပူၤ, ပဝဲဒၣ်အံၤပသးဆူၣ်ထီၣ်ဒိၣ်ဒိၣ်အါအါလၢ ပကဟံးဃာ်တၢ်မုၢ်လၢ်လၢအအိၣ်ပာ်လီၤအသးလၢ ပမဲာ်ညါန့ၣ်လီၤ.