စံးထီၣ်ပတြၢၤ 89:10 - Sgaw Karen Common Bible

¹⁰ နမၤလီၤသဘှံးတၢ်မုၢ်ဃၢ်ရၤဃး ဒီးမၤသံကွံာ်အီၤဒီး လၢနဂံၢ်ဆူၣ်ဘါဆူၣ်န့ၣ်, နမၤဃၣ်ကွံာ်နဒုၣ်နဒါတဖၣ်လီၤ.

စံးထီၣ်ပတြၢၤ 89:10 Iomraidhean Croise

စံးထီၣ်ပတြၢၤ 144:6

မၢလီၤလီဝၢ်အဒံး, ဒီးမၤလီၤပြံလီၤပြါနဒုၣ် နဒါတဖၣ်တက့ၢ်. ခးထီၣ်နပျၢ်တဖၣ်ဒီးဒုးဃ့ၢ်ကွံာ်အဝဲသ့ၣ်န့ၣ်တက့ၢ်.

စံးထီၣ်ပတြၢၤ 59:11

မၤသံအဝဲသ့ၣ်တဂ့ၤ, ကစၢ်ယွၤဧၢ, မ့တမ့ၢ်ဘၣ်န့ၣ် ယပှၤဂီၢ်မုၢ်ကသးပ့ၤနီၣ်ဘၣ်ဖုးတၢ်လီၤ. ယွၤလၢအမ့ၢ်ပကတီၤတဘ့ၣ်ဧၢ, လၢနဂံၢ်နဘါန့ၣ် မၤလီၤပြံလီၤပြါအီၤဒီး မၤနၢၤကွံာ်အဝဲသ့ၣ်တက့ၢ်.

စံးထီၣ်ပတြၢၤ 65:8

ဟီၣ်ခိၣ်ဒီဘ့ၣ်ညါကမၢကမၣ်ဝဲလၢတၢ်မၤဖးဒိၣ်တဖၣ် လၢနမၤတ့ၢ်အဃိန့ၣ်လီၤ. နတၢ်မၤတဖၣ်ဒုးအိၣ်ထီၣ်တၢ်ကိးပသူ လၢမုၢ်ထီၣ်တုၤလီၤလၢမုၢ်နုာ်န့ၣ်လီၤ.

စံးထီၣ်ပတြၢၤ 68:1

မ်ကစၢ်ယွၤဂဲၤဆၢထၢၣ်တက့ၢ်. မ်အဒုၣ်အဒါတဖၣ်လီၤပြံလီၤပြါတက့ၢ်. မ်ပှၤလၢအသးဟ့အီၤတဖၣ် ဃ့ၢ်ကွံာ်လၢအမဲာ်ညါန့ၣ်တက့ၢ်.

စံးထီၣ်ပတြၢၤ 68:30

သိၣ်ဃီၣ်အဲၤကူပတူး, ဆၣ်ဖိကီၢ်ဖိအဒူတဒုန့ၣ် လၢအအိၣ်လၢတပိၢ်အကျါ, သိၣ်ဃီၣ်ထံကီၢ်တဖၣ်, လၢအလီၢ်ဂာ်ဒီး ဂီၤဖံးဖါတဖုအိၣ်ဒီး ဂီၤဖံးဖါဖိတဖၣ်, တုၤလၢအဝဲသ့ၣ်ခဲလၢာ်တီၤလီၤ ကဒွံကျိာ်ဒီး လုၢ်ထီၣ်နၤလၢ အစ့တဖၣ်တက့ၢ်. မၤလီၤပြံလီၤပြါပှၤဂီၢ်မုၢ်လၢ အအဲၣ်တၢ်ဒုးတၢ်ယၤတက့ၢ်.

စံးထီၣ်ပတြၢၤ 87:4

ဖဲယကွဲးလီၤ ပှၤကလုာ်တဖၣ်လၢ အစူၢ်ယၤအတၢ်ကွဲးနီၣ်န့ၣ် ယကဒၢနုာ်ကီၢ်အဲၤကူပတူးဒီး ကီၢ်ဘၤဘူၤလိၣ်န့ၣ်လီၤ. ယကဂံၢ်ဃုာ်ပှၤဖလ့ၡသးဖိ, ပှၤထါယၢၣ်ဖိဒီး ပှၤကူၤၡးဖိလၢ ပှၤဝ့ၢ်ယရူၤၡလ့ၣ်အကျါန့ၣ်လီၤ.

လံာ်ယၡါယၤ 24:1

ယွၤကမၤဟးဂူာ်ဟးဂီၤဟီၣ်ခိၣ်ဒီးပာ်လီၤတဲာ်သယုၢ်သညိအီၤလီၤ. အဝဲကဝံာ်ပကံဟီၣ်ခိၣ်အမဲာ်ဖံးခိၣ်ဒီးမၤပြံပြါအပှၤဂီၢ်မုၢ်လီၤ.

လံာ်သိၣ်လီၤသီလီၤတၢ် 4:34

ဒ်ယွၤ, သုကစၢ်ယွၤမၤတ့ၢ်တၢ်လၢသုဂီၢ်လၢကီၢ်အဲၤကူပတူး အပူၤအသိးန့ၣ်, မ့ၢ်ကစၢ်လၢအလဲၤဒီးထုးထီၣ်ကွံာ်ပှၤဂီၢ်မုၢ်တဖုလၢပှၤအဂၤ တကလုာ်အကျါဒီးဒုးကဲထီၣ်အီၤလၢအတၢ်ဒၣ်ဝဲဘူၣ်န့ၣ်ကအိၣ်တဂၤ ဂၤဧါ. သုထံၣ်ဘၣ်အဝဲသူတ့ၢ်အတၢ်စိတၢ်ကမီၤဒီးတၢ်ဂံၢ်တၢ်ဘါဖးဒိၣ် လၢသုမဲာ်ချံဒၣ်သုဝဲလီၤ. အဝဲဒုးလီၤဘၣ်တၢ်ဆါသံသတြိာ်ဒီးတၢ်ဒုးတၢ်ယၤ, မၤတ့ၢ်တၢ်လီၤလးတဖၣ်ဒီးတၢ်လီၤကမၢကမၣ်တဖၣ်ဒီးဒုးအိၣ်ထီၣ် တၢ်လီၤပျံၤလီၤဖုးတဖၣ်လၢကမၤအသးန့ၣ်လီၤ.