စံးထီၣ်ပတြၢၤ 88:1 - Sgaw Karen Common Bible

¹ ကစၢ်ယွၤ, တၢ်အုၣ်က့ၤခီၣ်က့ၤယၤကစၢ်ယွၤဧၢ, လၢမုၢ်ဆါယကိးထီၣ်နၤလၢတၢ်မၤစၢၤအဂီၢ်, ဒီးလၢမုၢ်နၤယကိးထီၣ်လၢနမဲာ်ညါလီၤ.

စံးထီၣ်ပတြၢၤ 88:1 Iomraidhean Croise

လံာ်တၢ်ကဲထီၣ်အခီၣ်ထံး 49:18

ယွၤဧၢ, ယအိၣ်ခိးကွၢ်လၢ်နတၢ်မၤပူၤမၤဖျဲးယၤလီၤ.

လံာ်စီၤပၤအခီၣ်ထံးတဘ့ၣ် 4:31

အဝဲမ့ၢ်ပှၤကူၣ်ဘၣ်ကူၣ်သ့အဒိၣ်ကတၢၢ်လၢပှၤခဲလၢာ်အကျါ, ကူၣ်သ့ဒိၣ်န့ၢ်ဒံးပှၤအ့စရၤဃးဖိစီၤအ့သၣ်, ဒီးစီၤမၤဃိလးအဖိခွါတဖၣ်လၢအမ့ၢ်ဝဲစီၤဟ့မၣ်, စီၤကးလကိးလး, စီၤဒၢ်ဒၤန့ၣ်လီၤ. ဒီးအဝဲအတၢ်မံၤဟူသၣ်ဖျါရၤလီၤအသး သကုၤကယဲၢ်ထံကီၢ်အိၣ်ဘူးအိၣ်တံၢ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 5:11

ဒီးစီၤၡလိၤမိၤဟ့ၣ်လီၤစီၤဃူရၣ်လၢဘုကၠူၣ်အကိၢ်ခံကလး, ဒီးသ့ၣ်စၤယံးအသိဆှံဆှံအကိၢ်ခံဆံကိးနံၣ်ဒဲးလၢကဒုး အီၣ်အပှၤတဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 2:6

အဒီပုၢ်ဝဲၢ်ခွါစီၤစ့ရၤအိၣ်ဒီးအဖိခွါယဲၢ်ဂၤလၢအမ့ၢ်ဝဲ, စီၤစံၣ်ရံၤ, စီၤအ့ၤသၣ်, စီၤဟ့မၣ်, စီၤကးလကိးလးဒီးစီၤဒါရၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:18

စီၤကဃးမ့ၢ်စီၤဧၤမရၣ်, စီၤယံးစဟၢ်, စီၤဃ့ဘြိၣ်ဒီးစီၤ ဧူးစံၤအ့လးတဖၣ်အပၢ်,

လံာ်စီၤနဃ့မယၤ 1:6

ယွၤဧၢ, ကွၢ်ယၤ, ဒ်ယဃ့တၢ်လၢနခ့နပှၤပှၤအံၣ်စရ့လးဖိ တဖၣ်အဂီၢ်လၢနံၤဒီးနၤန့ၣ်ဒိကနၣ်လၢ်ဘၣ်ယတၢ်ထုကဖၣ် န့ၣ်တက့ၢ်. ယအၢၣ်လီၤလၢပဝဲ, ပှၤအံၣ်စရ့လးဖိတဖၣ်ပအိၣ်ဒီးတၢ်ကမၣ်လီၤ. ယၤဒီးယမိၢ်ယပၢ်ယဖံယဖုတဖၣ်ပမၤတ့ၢ်တၢ်ဒဲးတူၢ်ဒဲးဘးလီၤ.

စံးထီၣ်ပတြၢၤ 140:7

ယယွၤ, ပၢဘၣ်တၢ်ခဲလၢာ်, ယတၢ်အုၣ်က့ၤခီၣ်က့ၤကစၢ်ဧၢ, နကဟုကယာ်တ့ၢ်လံယၤလၢ တၢ်ဒုးသုးအပူၤန့ၣ်လီၤ.

စံးထီၣ်ပတြၢၤ 22:2

ယကစၢ်ယွၤဧၢ, ယကိးထီၣ်နၤလၢမုၢ်ဆါ, ဘၣ်ဆၣ်နတစံးဆၢယၤဘၣ်. ဒီးယကိးထီၣ်လၢမုၢ်နၤ, ဘၣ်ဆၣ်ယတဒိးန့ၢ်ဘၣ်တၢ်မၤမုာ်ယၤဘၣ်.

စံးထီၣ်ပတြၢၤ 24:5

ယွၤကဆိၣ်ဂ့ၤအီၤဒီးကမၤပူၤဖျဲးအီၤ, ဒီးကစၢ်ယွၤကစံးလၢအတၢ်ဒဲးဘး တအိၣ်ဘၣ်န့ၣ်လီၤ.

စံးထီၣ်ပတြၢၤ 27:1

ယွၤမ့ၢ်ယတၢ်ကပီၤဒီးယတၢ်အုၣ်က့ၤခီၣ်က့ၤလီၤ. ယကပျံၤမတၤတဂၤလဲၣ်. ယွၤမ့ၢ်ယသးသမူအဂံၢ်အဘါလီၤ. ယကပျံၤမတၤတဂၤလဲၣ်.

စံးထီၣ်ပတြၢၤ 27:9

ပာ်တဒၢနမဲာ်လၢယၤတဂ့ၤ. ဟီထီၣ်ကွံာ်နခ့နပှၤလၢ တၢ်သးထီၣ်အပူၤတဂ့ၤ. နမ့ၢ်တ့ၢ်ယတၢ်မၤစၢၤ, လဲၤသဒၣ်ယၤတဂ့ၤ. ညိကွံာ်ယၤတဂ့ၤ, ပှၤအုၣ်က့ၤခီၣ်က့ၤယၤ, ကစၢ်ယွၤဧၢ.

စံးထီၣ်ပတြၢၤ 42:1

ကစၢ်ယွၤဧၢ, ဒ်တၤဟိဆၢန့ၢ်ထံကျိဖိလၢ အယွၤလီၤအသိး, ယသးဆၢန့ၢ်ဘၣ်နၤလီၤ.

စံးထီၣ်ပတြၢၤ 51:14

ကစၢ်ယွၤဧၢ, မၤပူၤမၤဖျဲးယၤလၢတၢ်သံန့ၣ်တက့ၢ်. နမ့ၢ်ယတၢ်အုၣ်က့ၤခီၣ်က့ၤအကစၢ်, ဒီးယပျ့ၤကသးဝံၣ်ထီၣ်နၤဒိၣ်ဒိၣ် လၢနတၢ်မၤပူၤဖျဲးအဃိလီၤ.

စံးထီၣ်ပတြၢၤ 53:1

ပှၤဟးဂီၤဖိစံးလၢအသးကံၢ်ပူၤ “ကစၢ်ယွၤတအိၣ်ဘၣ်န့ၣ်လီၤ.” အဝဲသ့ၣ်ခဲလၢာ်ဟးဂီၤဝဲ ဒီးမၤတ့ၢ်တၢ်လီၤပျံၤတဖၣ်ဒီး ပှၤလၢအမၤတၢ်လၢအဘၣ်န့ၣ်တအိၣ်နီတဂၤဘၣ်.

စံးထီၣ်ပတြၢၤ 62:7

တၢ်အုၣ်က့ၤခီၣ်က့ၤယၤ, ဒီးယလၤကပီၤန့ၣ် အိၣ်ဝဲဒီးကစၢ်ယွၤန့ၣ်လီၤ. ယဂံၢ်ယဘါအလၢၢ်, ယတၢ်ပူၤဖျဲးအလီၢ်န့ၣ်မ့ၢ်ကစၢ်ယွၤလီၤ.

စံးထီၣ်ပတြၢၤ 65:5

နစံးဆၢပှၤခီဖျိနဟ့ၣ်ပှၤတၢ်မၤနၢၤ ဒီးနမၤတၢ်လီၤလးတဖၣ်လၢပတၢ်ပူၤဖျဲးအဂီၢ်လီၤ. ပှၤကလုာ်လၢဟီၣ်ခိၣ်ချၢခဲလၢာ် ဒီးလၢပီၣ်လဲၣ်ပီၣ်တြီၤသ့ၣ်တဖၣ် သန့ၤအသးလၢနၤလီၤ.

စံးထီၣ်ပတြၢၤ 68:19

မ်ကစၢ်ယွၤလၢအဝံပတၢ်ဝံတၢ်ယိးတနံၤဘၣ်တနံၤန့ၣ် ဘၣ်တၢ်စံးထီၣ်ပတြၢၤအီၤတက့ၢ်. တၢ်အုၣ်က့ၤခီၣ်က့ၤပှၤန့ၣ်မ့ၢ်ကစၢ်ယွၤလီၤ. စ့လၤ

စံးထီၣ်ပတြၢၤ 79:9

တၢ်အုၣ်က့ၤခီၣ်က့ၤပှၤကစၢ်ယွၤဧၢ, မၤစၢၤပှၤ, လၢနမံၤအလၤကပီၤအဃိန့ၣ်တက့ၢ်. မၤပူၤမၤဖျဲးပှၤဒီးပျၢ်လၢ်ကွံာ်ပတၢ်ဒဲးဘး တဖၣ်န့ၣ်တက့ၢ်.

စံးထီၣ်ပတြၢၤ 86:3

နမ့ၢ်ဒၣ်ယကစၢ်ယွၤလီၤ. အဃိသူၣ်ကညီၤသးကညီၤလၢ်ယၤတက့ၢ်. အဂ့ၢ်ဒ်အံၤ, ယကိးထီၣ်နၤကိးမုၢ်နံၤမုၢ်နၤဒဲးလီၤ.

လံာ်ယၡါယၤ 12:2

ကစၢ်ယွၤမ့ၢ်ပှၤအုၣ်က့ၤခီၣ်က့ၤယၤလီၤ. ယကနာ်အီၤဒီးတပျံၤဘၣ်တၢ်ဘၣ်. ယွၤဟ့ၣ်ယၤတၢ်စိတၢ်ကမီၤဒီးတၢ်ဂံၢ်တၢ်ဘါ ဒီးအဝဲမ့ၢ်ပှၤအုၣ်က့ၤခီၣ်က့ၤယၤလီၤ.

လံာ်ယၡါယၤ 62:6

ဝ့ၢ်ယရူၤၡလ့ၣ်ဧၢ, လၢနဝ့ၢ်ခိၣ်ဒူတဖၣ်အလိၤန့ၣ်, ယပာ်လီၤတ့ၢ်လံပှၤခိးတၢ်ဖိတဖၣ်လီၤ. လၢမုၢ်ဆါမ့ၢ်ဂ့ၤ, မုၢ်နၤမ့ၢ်ဂ့ၤ, အဝဲသ့ၣ်တဘၣ်အိၣ်ဘှ့ၣ် အိၣ်ဘှီၣ်နီတစုဘၣ်. အဝဲသ့ၣ်ကဘၣ်ဒုးသ့ၣ်နီၣ်ယွၤလၢအတၢ်အၢၣ်လီၤအီလီၤတဖၣ်, ဒီးတဘၣ်ပျဲအဝဲသးပ့ၤနီၣ်ကွံာ်တၢ်တဖၣ်န့ၣ်နီတစုဘၣ်.

လံာ်လူၤကၣ် 1:47

ယသူၣ်ခုသးခုယဲလၢကစၢ်ယွၤ, ယတၢ်အုၣ်က့ၤခီၣ်က့ၤကစၢ်တဂၤအဃိလီၤ.

လံာ်လူၤကၣ် 18:7

ခဲကနံၣ်အံၤမ့ၢ်ယွၤတစံၣ်ညီၣ်တီန့ၢ်တၢ်လၢအပှၤဂီၢ်မုၢ်ဒၣ်ဝဲလၢ အကိးဃ့တၢ်မၤစၢၤလၢအအိၣ်မုၢ်ဆါဒီးမုၢ်နၤန့ၣ်, အဂီၢ်ဘၣ်ဧါ. မ့ၢ်အဝဲဒၣ်ကဝံခိၣ်ဒိၣ်ခံဃၢလၢအကမၤစၢၤအဝဲသ့ၣ်အဂီၢ်န့ၣ်ဧါ.

လံာ်လူၤကၣ် 2:30

လၢယမဲာ်ချံဒၣ်ယဲန့ၣ်, ယထံၣ်ဘၣ်လံနတၢ်အုၣ်က့ၤခီၣ်က့ၤ,

လံာ်လူၤကၣ် 2:37

ဒီးခဲကနံၣ်အံၤအဝဲဒၣ်အသးအိၣ်ဝဲဃိးဆံလွံၢ်နံၣ်လီၤ. အဝဲတဟးဖးဒီးတၢ်လုၢ်ဟံၣ်နီတစုဘၣ်. အဝဲဘူၣ်ယွၤဘါယွၤ, အိၣ်ဒီးတၢ်ဒုၣ်တၢ်အီၣ်တၢ်အီဒီးတၢ်ဃ့ဘါထုကဖၣ်တၢ်လၢ မုၢ်ဆါဆဲးလၢမုၢ်နၤလီၤ.

၁ သ့းစၤလနံ 3:10

မုၢ်ဆါဒီးမုၢ်နၤန့ၣ်ပဃ့အီၤလၢပသးဒီဖျၢၣ်ညါ, ဒ်သိးအကပျဲပထံၣ်လိာ်ဘၣ်ပသးမဲာ်သကိးမဲာ်, ဒီးဟ့ၣ်သုတၢ်လၢသုလိၣ်ဘၣ်ဒံးလၢသုတၢ်စူၢ်တၢ်နာ်အပူၤ န့ၣ်လီၤ.

၂ တံၤမသ့း 1:3

ယစံးဘျုးကစၢ်ယွၤလၢယမၤအတၢ်လၢသးလၢအသ့ၣ်ညါ ဒၣ်တၢ်အဂ့ၤတီတီအပူၤ, ဒ်ယမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲ အသိးန့ၣ်လီၤ. ယစံးဘျုးအီၤဖဲယသ့ၣ်နီၣ်ထီၣ်နၤထီဘိလၢ ယတၢ်ထုကဖၣ်အပူၤ, လၢမုၢ်ဆါဆဲးလၢမုၢ်နၤန့ၣ်လီၤ.

တံတူး 2:10

ဒီးတဘၣ်ဟုၣ်အတၢ်ဘၣ်. မ့မ့ၢ်တခီ, အဝဲသ့ၣ်ကဘၣ်ဒုးနဲၣ်ဝဲလၢမ့ၢ်ပှၤအဂ့ၤအဝါဒီး အကလုၢ်တီဒီးအကစၢ်ထီဘိဒ်သိးလၢအတၢ်မၤခဲလၢာ် အပူၤန့ၣ်, ပှၤကစံးထီၣ်ပတြၢၤတၢ်သိၣ်လိသီလိဘၣ်ထွဲဒီး ကစၢ်ယွၤ, ပတၢ်အုၣ်က့ၤခီၣ်က့ၤကစၢ်အဂီၢ်န့ၣ်လီၤ.

တံတူး 2:13

ဖဲပအိၣ်ခိးမုၢ်နံၤဘၣ်ဆိၣ်ဂ့ၤလၢပမုၢ်လၢ်တ့ၢ်, ဖဲပကစၢ်ယွၤလၢအဒိၣ်ဝဲ ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အလၤကပီၤ ကအိၣ်ဖျါထီၣ်ဝဲန့ၣ်လီၤ.