စံးထီၣ်ပတြၢၤ 86:7 - Sgaw Karen Common Bible

⁷ လၢယဘၣ်တၢ်ကိၢ်တၢ်ဂီၤအမုၢ်တနံၤန့ၣ် ယကိးထီၣ်နၤလီၤ. အဂ့ၢ်ဒ်အံၤ, နစံးဆၢယၤလီၤ.

စံးထီၣ်ပတြၢၤ 86:7 Iomraidhean Croise

စံးထီၣ်ပတြၢၤ 142:1

ယကိးထီၣ်ယွၤလၢတၢ်မၤစၢၤအဂီၢ်, ယဃ့ကညးတၢ်ဒီးအီၤန့ၣ်လီၤ.

စံးထီၣ်ပတြၢၤ 142:3

တုၤယသးလီၤဘှံးလီၤဘျါဒီးသးဟးဂီၤန့ၣ်, အဝဲသ့ၣ်ညါယကဘၣ်မၤတၢ်မနုၤလဲၣ်န့ၣ်လီၤ. လၢကျဲလၢယပိာ်အီၤအပူၤန့ၣ်, ယဒုၣ်ယဒါတဖၣ် ပာ်လီၤခူသူၣ်ထုလၢယဂီၢ်လီၤ.

စံးထီၣ်ပတြၢၤ 17:6

ယကိးထီၣ်နၤ, ကစၢ်ယွၤဧၢ, အဂ့ၢ်မ့ၢ်လၢနစံးဆၢယၤအဃိလီၤ. ဒိးနနၢ်လၢယၤဒီးဒိကနၣ် ယတၢ်ကတိၤတဖၣ်တက့ၢ်.

စံးထီၣ်ပတြၢၤ 18:6

လၢယဘၣ်တၢ်ကိၢ်တၢ်ဂီၤအပူၤန့ၣ်ယကိးထီၣ်ယွၤ, ယကိးထီၣ်ယကစၢ်ယွၤလၢတၢ်မၤစၢၤအဂီၢ်လီၤ. လၢအတၢ်လုၢ်ဟံၣ်အပူၤအဝဲနၢ်ဟူယကလုၢ်, အဝဲဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 91:15

တုၤအကိးထီၣ်ယၤန့ၣ်ယကစံးဆၢအီၤ, ယကအိၣ်ဒီးအီၤလၢတၢ်ကိၢ်တၢ်ဂီၤအပူၤ, ယကမၤပူၤမၤဖျဲးအီၤဒီးမၤလၤကပီၤအီၤလီၤ.

လံာ်ယၡါယၤ 26:16

နစံၣ်ညီၣ်နပှၤဂီၢ်မုၢ်, ယွၤဧၢ, ဒီးလၢတၢ်သးကိၢ်သးဂီၤအပူၤ အဝဲသ့ၣ်ဘါထုကဖၣ်တၢ်ဆူနအိၣ်လီၤ.

လံာ်ယိၤနါ 2:2

စံးဝဲဒၣ်, “လၢယဘၣ်တၢ်နးတၢ်ဖှီၣ်န့ၣ်ယကိးထီၣ်နၤ, ဒီးနစံးဆၢယၤလီၤ. ယကိးထီၣ်လၢတၢ်သံအတၢ်ယိာ်ပူၤဒီးနနၢ်ဟူ ယကလုၢ်လီၤ.

လံာ်လူၤကၣ် 22:44

လၢတၢ်သူၣ်ကိၢ်သးဂီၤဖးဒိၣ်အပူၤ, အဝဲဃ့ဘါထုကဖၣ်တၢ်လၢတၢ်ပာ်အသးသပှၢ်ပှၢ်အပူၤ, ဒိၣ်န့ၢ်အလီၢ်လီၤ. အဝဲဒၣ်အကပၢၤယွၤလီၤဒ်တၢ်သွံၣ်အလီၤစီၤ တဖၣ်အသိး, လၢဟီၣ်ခိၣ်လိၤလီၤ.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.