စံးထီၣ်ပတြၢၤ 86:3 - Sgaw Karen Common Bible

³ နမ့ၢ်ဒၣ်ယကစၢ်ယွၤလီၤ. အဃိသူၣ်ကညီၤသးကညီၤလၢ်ယၤတက့ၢ်. အဂ့ၢ်ဒ်အံၤ, ယကိးထီၣ်နၤကိးမုၢ်နံၤမုၢ်နၤဒဲးလီၤ.

စံးထီၣ်ပတြၢၤ 86:3 Iomraidhean Croise

စံးထီၣ်ပတြၢၤ 25:5

သိၣ်လိယၤလၢယကအိၣ်မူဒ်နတၢ်မ့ၢ်တၢ်တီအသိး, အဂ့ၢ်ဒ်အံၤ, နမ့ၢ်ယကစၢ်ယွၤလၢအမၤပူၤဖျဲးယၤလီၤ. ထီဘိယနာ်နၤန့ၣ်လီၤ.

စံးထီၣ်ပတြၢၤ 4:1

ယတၢ်တီတၢ်လိၤကစၢ်ယွၤဧၢ, တုၤယကိးထီၣ်နၤဒီးစံးဆၢလၢ်ဘၣ်ယၤတက့ၢ်. ဖဲယအိၣ်လၢတၢ်ကိၢ်တၢ်ဂီၤအပူၤန့ၣ်နမၤစၢၤယၤလီၤ. သူၣ်ကညီၤသးကညီၤယၤဒီး ဒိကနၣ်ယတၢ်ထုကဖၣ်တက့ၢ်.

စံးထီၣ်ပတြၢၤ 41:5

ယဒုၣ်ယဒါသ့ၣ်တဖၣ်ကတိၤဆၢအၢဆၢသီယၤ ဒီးစံးဝဲ, “အဝဲကသံဒီးအမံၤကဘၣ်တၢ် သးပ့ၤနီၣ်အီၤအခါဖဲလဲၣ်.”

စံးထီၣ်ပတြၢၤ 55:17

မုၢ်ဟါ, ဒီးမုၢ်ဂီၤ, ဒီးလၢမုၢ်ထူၣ်န့ၣ် ယကအုကစွါဒီးယဟီၣ်ယယၢၤ, ဒီးအဝဲကနၢ်ဟူယကလုၢ်လီၤ.

စံးထီၣ်ပတြၢၤ 56:1

ကစၢ်ယွၤဧၢ, သူၣ်ကညီၤသးကညီၤယၤတက့ၢ်. အဂ့ၢ်ဒ်အံၤ ယဘၣ်တၢ်ဒုးထီဒါယၤ ဒီးယဒုၣ်ယဒါတဖၣ် မၤနးမၤဖှီၣ်ယၤတထံၣ်ဃီလီၤ.

စံးထီၣ်ပတြၢၤ 57:1

သူၣ်ကညီၤသးကညီၤယၤ, ကစၢ်ယွၤဧၢ, သူၣ်ကညီၤသးကညီၤယၤတ က့ၢ်. အဂ့ၢ်ဒ်အံၤ, ယသးသန့ၤအသးလၢနၤလီၤ. ယကဟံးန့ၢ်တၢ်အိၣ်ဘံၣ်အိၣ်ဘၢလၢနဒံးဆ့အဖီလာ် တုၤတၢ်ကိၢ်တၢ်ဂီၤအကလံၤမုၢ် လဲၤပူၤကွံာ်ယၤန့ၣ်လီၤ.

စံးထီၣ်ပတြၢၤ 88:10

မ့ၢ်နမၤတၢ်လီၤလးတဖၣ်လၢပှၤသံအဂီၢ်ဧါ. မ့ၢ်အဝဲသ့ၣ်ဂဲၤဆၢထၢၣ်ဒီးစံးထီၣ်ပတြၢၤနၤဧါ. စ့လၤ

စံးထီၣ်ပတြၢၤ 88:2

မ်ယတၢ်ထုကဖၣ်ဟဲထီၣ်ဆူနမဲာ်ညါတက့ၢ်. ဒိးနနၢ်လၢယတၢ်ကိးထီၣ်န့ၣ်တက့ၢ်.

စံးထီၣ်ပတြၢၤ 88:9

ယမဲာ်ချံတဖၣ်အဂံၢ်စၢ်ဘါစၢ်လၢတၢ်နးတၢ်ဖှီၣ်အဃိလီၤ. ယွၤဧၢ, ယကိးထီၣ်နၤကိးမုၢ်နံၤမုၢ်နၤဒဲး, ယယူာ်ထီၣ်ယစုဆူနအိၣ်လၢ တၢ်ထုကဖၣ်အပူၤလီၤ.

လံာ်လူၤကၣ် 18:7

ခဲကနံၣ်အံၤမ့ၢ်ယွၤတစံၣ်ညီၣ်တီန့ၢ်တၢ်လၢအပှၤဂီၢ်မုၢ်ဒၣ်ဝဲလၢ အကိးဃ့တၢ်မၤစၢၤလၢအအိၣ်မုၢ်ဆါဒီးမုၢ်နၤန့ၣ်, အဂီၢ်ဘၣ်ဧါ. မ့ၢ်အဝဲဒၣ်ကဝံခိၣ်ဒိၣ်ခံဃၢလၢအကမၤစၢၤအဝဲသ့ၣ်အဂီၢ်န့ၣ်ဧါ.

လံာ်လူၤကၣ် 2:37

ဒီးခဲကနံၣ်အံၤအဝဲဒၣ်အသးအိၣ်ဝဲဃိးဆံလွံၢ်နံၣ်လီၤ. အဝဲတဟးဖးဒီးတၢ်လုၢ်ဟံၣ်နီတစုဘၣ်. အဝဲဘူၣ်ယွၤဘါယွၤ, အိၣ်ဒီးတၢ်ဒုၣ်တၢ်အီၣ်တၢ်အီဒီးတၢ်ဃ့ဘါထုကဖၣ်တၢ်လၢ မုၢ်ဆါဆဲးလၢမုၢ်နၤလီၤ.

အ့းဖ့းစူး 6:18

မၤတၢ်ခဲလၢာ်လၢတၢ်ထုကဖၣ်အပူၤဒီးဃ့ကစၢ်ယွၤအတၢ်မၤ စၢၤတက့ၢ်. ထုကဖၣ်ကိးဆၢကိးကတီၢ်ဒဲးဒ်ကစၢ်ယွၤ အသးဆှၢသုအသိးတက့ၢ်. လၢတၢ်အံၤအဂ့ၢ်န့ၣ်, ဆိးသီသုဝဲဒီးတ့ၢ်စၢ်လီၤသုဂံၢ်သုဘါတဂ့ၤ. ထုကဖၣ်ထီဘိလၢယွၤအပှၤစီဆှံခဲလၢာ်အဂီၢ်တက့ၢ်.